رواية جبروت انثي وسطوة رجل الفصل السادس والثلاثون36بقلم الاء الرحمن
هنا دخل ادهم :حمدلله على السلامة يا نمس كده تخضنا عليك
ادم :جدي طول عمره اسد ودي حاجة تافهه جدا بالنسبالة
سامي ابتسملهم بتعب
سامي بتعب بص لادهم :مراتك ترجع البيت ازاي ما اعرفش فاهم انت غلطت في حقها صلح غلطك
وقبل ما يتكلم ادهم دخلت نور ومعاه داني ونبيل ومنال وندى
والكل سلم عليه واطمن عليه
نور بابتسامة :ما كنتش اعرف انك غالي عليا اوي كده يا جدي حمدلله على سلامتك
سامي بابتسامة :الله يسلمك يا حبيبتي الله يسلمك ويفرحني بعيالك انتي وادهم
داني بسخرية :مبقاش فيها ادهم يا جدي بقى فيها داني وبس
نبيل بغضب مكتوم :تقصد ايه
ادهم وقف قدامهم وبص لنور :ما تحاوليش تتنططي من الاول كده انا رديتك قبل حتى ما تخرجي من باب اوضتنا
نور بصت في عينيه ببرود خالي من اي عواطف او مشاعر :وانا متأكدة من الي انت عملته يا ادهم وما كانش في داعي تقولي اصلا
الكل اتصدم من رد فعلها
داني بصله بسخرية : انت متجوز واحدة اقدر اقولك عنها انها فاهمة اي حد حواليها صح قوي نور الصبح رفعت عليك قضية خلع يا عم الحلو فيا ريت انت الي ما تتنططش من اولها كده لان الحكاية بينكم هتطول شوية
ادهم مع كل كلمة كان بيشد على ايده بغضب لحد ما ابيضت من الغضب
نور فضلت بتبصلهم ببرود وعرفت انه داني عرف بذكاء يخرج ادهم عن شعوره
ادهم مسك دراعها بغضب :الي بيقوله ده صحيح
نبيل بغضب :شيل ايدك عنها يله ايه هتضربها قدامنا كمان
ادم قرب منه :اهدى يا ادهم اهدى مش وقته ده
سامي تعب جامد
مروى بغضب :بس اخرسوا مش شايفين جدكم عامل ازاي هاه
نور خرجت وادهم وراها
داني كان هيخرج
ادم مسك دراعه بغضب :سيبهم لوحدهم
داني بسخرية :ايه اخاف انا كده المفروض
كامل :ما قلنا اخرسوا ايه ما بتفهموش
......................................................................
عند ادهم جري ورى نور ومسك ايدها
نور لفتله ببرود :عايز ايه يا ادهم
ادهم بغضب :انتي ليا ومش لغيري افهمي الكلمتين دول احسن ليا وليكي
نور ببرود : وانا كنت ليك وانت الي ما عرفتش تحافظ عليا يا ادهم وطلقتني برضاك انت ومحدش غصبك على حاجة
ادهم بدفاع :انا اسف يا نور لكن جرحتيني جدا لما شككتي بثقتي بنفسي ورجولتي الا الكرامة يا نور وقولتهالك قبل كده انا لحد كرامتي وما بشوفش قدامي
نور بسخرية :وكرامتي انا ايه عادي تدوس عليها انا استحملت كتير منك يا ادهم من اول يوم جواز لينا لحد النهاردة بستحمل منك وساكتة انت وهمتني بحاجات كنت مغرورة فيها من البداية لكن طلعت ملهاش اساس من الصحة
ادهم افهمني كويس قوي احنا بالاول وبالاخر قرايب نسيب بعض بالحب كده احسن ما ندخل محاكم وقضايا وقرف طلقني لاني خلاص انا وانت خلاص مستحيل يجمعنا سقف واحد بعد الي عملته
كنت فاكرة في البداية انه الحب كفاية على شان يمشي المركب بتاعنا لكن لا الغيرة مستحيل تركب مع الحب غيرتك عمياء مش غيرة انسان طبيعي
ادهم بغضب :الغيرة يعني الحب واوعي تفتكري اني في يوم هبطل غيرة عليكي فاهمة والعبط الي قولتيه من شوية مستحيل يحصل انتي ليا ليا انا وبس انت ملكي حبيبتي انا وبس
ومسك دراعها بغضب هسيبك يومين ترتاحي عند طنط منال لكن يومين وهاجي ارجعلك لبيتك يا نور وموضوع الطلاق ده تنسيه خالص لانه مستحيل يحصل فاهمة وبص في عينيها انتي ليا انا يا نور ليا انا ومستحيل اسيبك لغيري فاهمة حتى لو وصلت فيا اقتلك واقتل نفسي
وزقها ومشي
نور مسحت دمعه نزلت منها
جت مروى من وراها :هتعملي ايه
نور بدموع :مش عارفة مش عارفة انا حاسة اني دخلت لدوامة مش هعرف اخلص منها يا خالتوا قوليلي اعمل ايه اخلص منه ازاي انتي كان معاكي حق انا ازاي عملت في روحي كده
مروى :روحي شغلك دلوقت وانا هتكلم معاه
نور مسحت دموعها :قولي لداني اني مستنياه تحت
مروى دخلت
منال :حصل ايه يا مروى نور قالت ايه
مروى :سيبوها تاخد وقتها وبصت لداني
هي مستنياك تحت
سامي بتعب :ابعد عن ادهم يا داني لانه مش هيجيلك من وراه غير وجع دماغ
داني رفع حاجبه بعدم رضا وسابهم ونزل
منال عيطت في حضن نبيل
منال :اتصرف يا نبيل بنتي هتروح مني لو فضل ادهم محاصرها كده انا خايفة عليها قوي
نبيل :متخافيش متخافيش يا حبيبتي كل حاجة هتبقى كويسة ان شاء الله
ندى كانت بتبصلهم بصمت رهيب يخوف
ادم قرب منها :ندى
ندى اتخضت اول ما قرب منها
ادم بصلها بخوف عليها :انتي كويسة
ندى بصتله بعتب ولوم وألم ومسحت دمعة نزلت منها :مفيش انا كويسة
ادم بقلق :لو في حاجة وجعاكي تعالي نروح للدكتورة احنا اهو بالمشفى
ندى طنشته وقربت من والدتها :عايزة اروح ارجوكي يا ماما
منال :يالله خلاص يا حبيبتي هنمشي
منال بصت لسامي :حمدلله على سلامتك يا عمي
سامي اومألها بدماغه
ومشيوا وفضلت مروى مع سامي
..................................................
عند سيرين
فاقت بخوف من خبط نادر على باب الاوضة
سيرين بدموع من ورى الباب :عايز ايه يا حبيبي
نادر :خرجبني يا سيرين ارجوكي هموت خرجيني
سيرين بدموع :ما اقدرش ما اقدرش المفتاح مع مازن وقافل علينا لاتنين سامحني يا نادر
فلاش باك
الدكتور لمازن :لازم يفضل في اوضة مفيهاش اي شيء مؤذي خالص فاضية تماما
وانت الي تدخله الاكل وتديه الدوا واهم شيء الفيتامينات
ونصيحة بما انك بتقول انك متجوز اخته انت تاخد معاك مفتاح الاوضة لانه هيحاول يستعطف اخته بأي طريقة على شان تخرجة
التعاطي في اول فترات العلاج بيكون زي المجنون ما بيعرفش هو بيعمل ايه يعني مستعد يقتل انسان على شان شمه وحده بس
مازن اومأله بدماغه بتفهم :تمام ما تقلقش اكتبلي الادوية والابر المهدئة وانا هعمل اللازم
الدكتور كتبله الفيتامينات والادوية وخرج
بااااااااااااك
دخل مازن كان نادر بيخبط على الباب جامد
سيرين جريت عليه وهي بتعيط :افتحله يا مازن ارجوك هيعمل بروحه حاجة وحياتي عندك افتحله
مازن مسك وشها بحنية :لو عايزاه يخف ويبطل السم الي بياخده ومش عايزه اخوكي يموت من المخدرات لازم تدوسي على قلبك يا سيري
دي مرحلة وهتعدي وانا همسك ايدك ونخطيها مع بعض
سيرين بدموع :لكن اخويا يا مازن ارجووك
مازن :انا هدخله دلوقت واديه ابرة مهدئة وهخليه ياكل غصب عنه ما تقلقيش لكن انتي اوعي تدخلي علينا فاهمة اوعي يا سيري
سيرين :حاضر حاضر لكن ادخله ابوس ايدك
مازن خد الادوية وفتحله واول ما فتح كان هيخرج نادر
مازن زقه لجوى بكل قوته
نادر بغضب وصراخ :ابعد عني مش عايز اتعالج انا مرتاح كده ابعد عني بقلك
مازن مسكه جامد :هتتعالج غصب عنك يله فاهم ده لسه وانت لسه في اول عمرك هتعمل ايه لو كبرت وواجهتك صعوبات
نادر بصراخ :سييييييرين سبني سييييرين خليه سيبني
سيرين كانت بتخبط على الباب بدموع :مازن سيبه ارجوك
مازن بغضب :روحي من هنا بسرعة
مازن حقنه بالابرة وفضل ماسكه لحد ما هدي
وقعد بزاوية الغرفة
مازن :تعال كل
نادر بتعب :عايز اخرج يا مازن مش هفضل هنا
مازن قرب منه :نادر انت اخويا الصغير وغالي عليا قوي المخدرات اخرتها موت مفيش مهرب منها غير الدمار انت شب في اول عمرك ومتاحلك حاجات كتير يتمناها اي شب ليه تعمل بنفسك كده انت لازم تخف وتتعالج
وما تقوليش محدش بيهتم فيا تقدر تقولي الناس اليتامى الي بيتربوا في دور ايتام يعملوا ايه هاه اتولدوا ومفيش لا ام ولا اب ولا قرايب واكيد عارف ازاي بيتعاملوا في دور رعاية الايتام دول يعملوا ايه هاه
اهوا في ناس كتير منهم خرجوا من الدار بلا اهتمام ولا حاجة ودرسوا واجتهدوا واشتغلوا وبقوا حاجات كبيرة قوي مش كل حد ليه اب وام يبقى بيهتموا فيه لا ربنا خلقلك عقل وميزك عن الحيوانات على شان تفكر فيه
هو كل حد مهمل في حياته ومحدش بيهتم فيه يضيع زيك ويشرب مخدرات حاول انت تهتم بروحك حاول تشتغل وتبني نفسك وتتجوز وعوض ساعتها ولادك الحنية الي انت فقدتها
نادر ودموعه بتنزل اتكلم بسخرية :هه فاقد الشيء لا يعطيه وانا فقدت الاهتمام والحب هديه لعيالي ازاي
مازن :دي اكبر مقوله غلط سمعتها في حياتي بالعكس فاقد الشيء يعطيه
لما تفقد الحنان في طفولتك هتديه لعيالك في طفولتهم وبكثرة لانك حسيت احساسهم وعشت في نفس تجربتهم
لما تفقد الحب هتديه وبكثرة
تفكيرك جدا غلط
انا اقدر دلوقت افتحلك الباب ده واقولك اعمل الي انت عايزة لكن لا انت اخويا يا نادر وعايزك تساعدني على شان تخف
نادر اترمى في حضنه وعيط جاامد
سيرين سمعت كل كلمة قالها مازن لنادر ودموعها كانت بتنزل
نادر بعد عنه :عايز اتعالج انا عايز اتعالج ساعدني ابطل يا مازن ومهما عملت مش عايز اصعب عليكم
مازن بابتسامة :وانا اوعدك انك هتخف وهترجع احسن من الاول
ودلوقت يالله تعال كل ونام ارتاح
مازن فضل معاه لحد ما اكله غصب عنه وخرج من عنده وقفل الباب بالمفتاح وحطه في جيبه
اول ما خرج كانت سيرين بتبصله بدموع وجريت اترمت في حضنه
مازن حضنها جامد
سيرين بدموع :شكرا يا مازن شكرا انا مش عارف اشكرك ازاي
مازن باس دماغها وبص في عينيها :سامحيني على الي عملته وبس
سيرين هربت من عينيه لانها حس لحظة تلنية وهتضعفله
سيرين تهربت من الي قاله : لازم نروح نطمن على جدي ولا ايه
مازن عرف انها بتهرب منه وعايز وقتها سابها على راحتها :نادر محتاجنا اكتر جدي عنده ناس كتير ياخدوا بالهم منه لكن نادر مالهوش غيرنا بعد ربنا اطمني على جدي بالموبايل واعتذري منه وانا هفهم ادهم اني وكلت نادر في سفرية مستعجله تبع الشغل تمام
سيرين :تمام
...............................................................
عند سامي
مروى :ما تقلقش كل حاجة هتبقى كويسة يا سامي صدقني
سامي مسك ايدها :انا متأكد من ده طول ما انتي جنبي
هنا دخل مالك وكان بيبصله ببرود :حمدلله على سلامتك
سامي بتعب :سامحني سامحني يا مالك انا غلطان
مالك :اهم حاجة سلامتك دلوقت
ليا :حمدلله على سلامتك يا عمي
سامي بابتسامة :الله يسلمك يا حبيبتي
مالك :امال ادهم فين
ادهم من وراه :انا اهو
مالك :فيك حاجة انت كويس
ادهم :كويس هبقى كويس
مروى :مالك خليك مع ابوك وانا عايزة ادهم في حاجة
ادهم سبقها وهي حصلته
مروى قربت منه بغضب :لما جيتلي وقولتلي عايزك تساعديني فاكر قولتلك ايه
ادهم فضل ساكت وبيبصلها ببرود
مروى بغضب :قولتلك الا نور نور دي عيني الي بشوف فيها قولتلي هخاف عليها اكتر من روحي وانا الي حببتها فيك وقولتلك نور ليك ومش هتبقى لغيرك
واتفقت معاك وقتها اني اثبتلك انه امك ورى كل المصايب الي حصلت وبتحصل
ادهم برضه فضل ساكت
مروى رفعت صباعها في وشه بتهديد :زي ما قربتها منك اقدر بلحظة ابعدها عنك فاهم فضلت تقول نور ليا ومش هتكون لغيري وزقته وانت بغبائك سلمتها لغيرك
واوعى تفكر انه داني ضعيف لا داني دلوقت هيبقى قووي خاصة بعد الخلافات الاخيرة
داني بيحبها قوي مش من يوم واتنين لا من زمان لكن تعرف الفرق بينكم ايه
انه داني بيحبها وبيحميها وعنده اهم حاجة سعادتها
وانت بتحبها وغيرتك عامياك واهم حاجة عندك تنهي اي حاجة بتسعدها وتحطم طموحاتها
وسابته ودخلت وهو متجنن من نفسه
هنا جاله اتصال
ادهم :الوووو
هي معايا دلوقت
ادهم ببرود :لوحدها