رواية شيطان امراة الفصل الثامن عشر18 بقلم مريم اسماعيل

اقتربت هدى من مها ونظراتها تفيض بالكره والبغض ، وتحدثت بنبرة عدائية صريحة .

" يعنى أنت حامل وأنا لا ، انا واحده بعشق جوزى ، يبقي من حقي اخلف ، انت إيه دايما هتفضلى تنتصرى ." 

حميدة بصدمه 

" بتجولى إيه يا هدى يا بتى ، استهدى بالله ، دا نصيب ، وفي الأول والآخر رزج ، ومحدش خابر الخير فين ." 

مها بصدق 

" أنا زعلانه فعلا إنك مش حبله  ، بس دا مش بيدى ، ولا بيد حد واصل  ، وانى مخبراش 

ليه ربنا عمل إكده ." 

هدى  هى تحاول أن تهجم علي مها 

" زى ما فرحتى انتهت ، فرحتك أنت كمان هتنتهي ." 

واقتربت منها لتصفعها ، لكن تدخل زين ، وتحكم بها ، بعد أن ضمتها حميدة داخل أحضانه .

حميدة 

" انت اتجنيتى ، رايده تموتى حفيدى ." 

ليلتفت لها زين بعدم فهم 

" حفيدك !!!!  حفيدك إزاى ." 

حميدة بإرتباك بعد ما جالت انظارها بين تهانى ومها ،لتهتف بحده غريبه .

" ايوة حفيدى ، مش مها بت اخوى ، يعنى لحمى ودمى ، خد مرتك يلا وامشي ، شكلها تعبانه ." 

لينصرف زين بعدما هدأت هدى قليلا ، هو لايعلم سبب حزنه ، لكن الاكيد انه بسبب حمل مها من رجل آخر غيره ، ليعلم أن أحلامهم انتهت .

بعد إنصراف زين وهدى 

" احنا اسفين علي اللي حوصل ، وشكرا علي تعبك معانا ." 

هتفت بها مها بفرحه ، اؤمت لها الطبيبه واسترسلت معها الحديث ، عن كيفيه الحفاظ علي نفسها وعلي جنينها .

..... ..... ...؟

في الصعيد 

كانت هالة تمشي علي خطى مها حرفيا ، وهى ترى زجاجه الدواء وتنظر لها بغل وحقد ، ونسيت أن القتل كبيره من كبائر ، لكن سيطر عليها شيطانها ، لتفعل ما طلبته مها لتتذكر حديثها .

" هتحطى منيها علي ايتها حاجة بياكلها ، ويبجى زين لو الكل بياكل منيها ." 

هالة برعب 

" أنت رايده تموتى الكل ." 

مها وهى تضربها علي رأسها 

" لاه يا ام مخ تخين ، بس لم الكل يشرب شاى ، وبعديها يحيي يجابل ربه ، يبجى عمره ميفكروش واصل انه جتل فهمتى ." 

هالة اؤمت لها 

" فهمت ، فهمت ." 

لتنظر إلي الطعام ، وتضع من الزجاجه بداخل الطبق ، وخرجت به من المطبخ ، ووضعته امام يحيي ، الذي كان مستغربا طريقه هالة .

نرجس 

" كل يا ولدى من يد مرتك ، كل الوكل ريحته زينه ." 

هالة بحب مصطنع 

" طبعا عاملة الوكل بيدى ، لبيدء الجميع بالطعام ، وهى تتابعهم ، وتزفر انه سيلاقي حتفه اخيرا ." 

بعد ساعات تعود مها  إلى الصعيد  وتأكد حميدة عليها أن تأتى من الليلة ، لتخبرها أنها ستجهز حالها ، وتعود بعدما تطلعهم علي خبر حملها ، وبالفعل توجهت الي المنزل ، لتدخل أولا لقبر مها ، وبعد الدعاء لها بالرحمه ، تقص عليها انها اخيرا ستنجب من حب عمرها وزوجها طفلا ، لتهمس لطفلها وتحكى له عن مدى سعادتها به ، لأنه فقط منه هو .

لتنتبه لها واقفه وراءها 

" واجفه إكده ليه ." 

هالة برعب 

" عملت اللى جولتى عليه ، علي الغدا ونام من وجتها ، وخايفه اطلع فوج ." 

مها وهى تهمس لطفلها 

" واضح اكده ان وشك حلو علي امك جوى ، جوى ، ووجهت حديثها لهالة ، تعالى ورايا ، الاول كلهم جوا ." 

" أيوة وياسين جرب يوصل للسما من الجلج عليكى ." 

تحركت مها إلى الداخل بدون اى حديث .

ياسين عندما لمحها يهرول تجاها .

" إيه الاخبار طمنينى ." 

مها بفرحه حقيقة 

" الاخبار زين الزين كمان ، عملت التحليل والدكتوارة جالت انى حبله ." 

ياسين بسعادة 

" احلفى ، يعنى خلاص هتجيبي لي ولد زى أكده ." 

مها بتاكيد 

" طبعا راجل كيف ابوه بالتمام " 

لتصدم نرجس من حديثها 

" انت حبله صوح ." 

وقبل أن تجيبها مها ، كان ياسين حماها خلف ظهره .

" أيوة يا اما ، والله في سماه لو جرى ليها ايتها حاجة ، لا هتشوفي وش لياسين عفش جوى ." 

مها بإستغلال للفرصه 

" عمتى رايده افضل جارها لحد ما اجوم بالسلامه ، أنت خابر انى حبلى جه بعد شوجه ، بتجولى هتريحنى علي الاخر ، وانى بعد اذنك هرتاح انا ولدى هناك ." 

ياسين بفرحه 

" وماله ، روحى المهم راحتك وراحه ولدنا ." 

ليخرج مرسى ويستمع له .

" انت حبله يا مها ." 

هتف بها بذهول مفرح 

لتؤما لها براسها 

" ليقول بامر 

ريح مرتك يا ياسين ، اللي تجوله نافذ فاهم ." 

ياسين بإيماء 

" امرك يا ابوى ." 

" طيب استنى إهنا ، هجهز حالى وتوصلنى ، تعالى معايا يا هالة سعدينى ." 

مرسي لهالة 

" اطلعى ساعدى سلفتك جوام ." 

ليصعدوا بجانب بعضهم البعض ، ليدخلوا غرفه يحيي ، لترى مها أن السم اخذ مجراه وبدأ يلتهمه ، لتنظر له وهو يحاول الحركة أو الحديث ، لتدنو منه وتهمس بفحيح 

" يا حرام بجالك ساعات إكده بس خلاص ، أنى هريحك ، ايوة متبحلجش إكده ، أنى اللي خليت مرتك تسمك ، بس كت فاكرة نارى هتبرد ،لكن لاه مبردتش ، لتقف بشموخ وتضع رجلها علي معدته ، كما فعل معها سابقا ، لتنظر له بشموخ من اعلى ، وهو يتلوى أرضا .

" النهاردة يوم رد حجى منك ، يا اخو جوزى ." 

لتضحك بشر ، ثم تذهب الي الوساده وتأتى بها ، وتكتم بها انفاسه ، وهو يحاول ويحاول ، حتى نهايته ، كانت تتابعها هالة برعب من هيئتها كأنها تحولت ، عندما تتأكد مها من موته ، تنظر لها بحده .

" هتفضلى تبحلجى إكده يلا همى ، نحطه علي السرير ، وبعد ما امشي جولى هتطلعى تريحى وبعدها تصوتى ، فهمتى حديتى ." 

لتؤما هالة برعب 

" فهمت ." 

لتنزل عليهم كأنها لم تفعل شئ ، وتتحرك بطريقها إلى منزل حميده .

مرسي لهالة 

" عجبالك يا بتى ، انت كمان ونفرح بخلفكم ." 

نرجس بإستعجال 

" بكرة من النجمه هشيع للداية تطمنا عليكى. " 

هالة وهى في وادى اخر ،وادى من الرعب والقلق 

" ومالة شيعي ليها ، هطلع اريح جسمي مكسر ." 

لتصعد لكن تقف أمام الباب ، والخوف يتملك منها أن تدخل, تتيبس مكانها برعب .

.......      ....... 

وصلت مها إلي منزل حميده ، وبعد ذهاب ياسين ، زفرت براحه .

حميده 

" يلا جومي ريحي جوا ، واللي نفسك فيه جولى يكون عندك ." 

" يخليكي ليا يا عمتى ، حاضر بس الجو حر جوى ، هفتح الشباك ." 

لتجلس بجوار الشباك ،في انتظار خبر موت يحيي ،ليدخل عليها عز .

" أنا اتوحشت امى جوى ، هي مجتش معاكي ليه ." 

مها وهى تحتضن عز 

" جريب ، جريب هتيجي وتاخدك كمان ." 

لتفهم تهانى 

"روح العب مع مراد جوا. " 

لتقترب منها بلهفه 

" حوصل ." 

مها بفرحه 

" حوصل ، متخافيش وبيدى ،السم مطفاش نارى ، والدور بجي علي نرجس ومرسي ." 

تهانى بعدم فهم 

" ليه مش ياسين. " 

مها بخبث 

* لاه ياسين دا علي زياد ، وانى جاية جبت كل الورج اللى بيجول علي تجارة السلاح والمخدرات والاعضاء كمان ،هياخد الورج ويبدا ." 

تهانى بإرتياح 

" يا ابوى معجول خلاص هنرتاح من مرسي و سلساله. " 

مها وهي تمسك يدها بقوة 

" صوح تعبنا جوى ،لكن تستاهل ، وكيف ما وعدتك زمان بجيب حجك ،وحج امك الله يرحمها ." 

لتدمع عيون تهانى وتبكي بحرقه 

" مجدراش اصدج أن هجيب تارى ، وارتاح ." 

مها بإصرار 

" ومهتجوليش برضك لزياد ." 

تهانى برعب 

" رايده اجول ايه ،انى بت مرسي ، وابوى شاف امى بتدبح جدامه ، لاه دا سر هيدفن ويايا ،كيف سر وولد زين اللي في بطنك ،لولا إنك استغربتى ليه واجفت جارك ،مكتش حكيت ليك واصل ." 

مها بتفهم 

" خلاص اللي يريحك ، واوعدك مهنطجش بالسر دا واصل ." 

ليستمعوا إلي صراخ النساء في البلدة ، لينظروا لبعضهم البعض بسعادة .

" وخلصنا من اول راجل من سلسال مرسي ." 

لتدلف عليهم حميدة وهى تحمل كوب اللبن ، 

" اشربي اللبن دا ، تهانى أنى عملت للعيال لبن ، بس عز  كان عنديكم ليه ." 

مها 

" كان بيسال علي امه ." 

حميدة بخوف 

" ايه الصويت دا ، مسمعنهوش من يوم ما ياسين بطل يتجوز ، والبنات تموت ." 

ليروا من الشباك طفل يجرى لتنادى عليه حميدة .

" محمود أنت يا ولاه ." 

" أيوة يا خاله ." 

حميدة بتساؤل 

" ايه الصويت دا مين مات ." 

لينظر الطفل بريبه لمها خوفا من أن يتحدث .

" ما ترد يا واد الجطه كلت لسانك اياك ." 

هتفت بها مها بلهجه صارمه 

ليتحدث الطفل برعب 

" اصل بيجولوا ، المعلم يحيي مات ." 

مها بصدمة مصطنعه 

" بتجول ايه يا واد ، مات كيف ." 

" مخبرش ، دا اللي سمعته ونسوان البلد راحوا يعملوا الواجب ." 

ليهرول الطفل مسرعا ، لتلتفت لها حميدة .

" كيف دا يا بتى ." 

مها وهى تتمطى 

" مخبراش ، اصلا عمره  وخلص ، سكان الارض مش راضين عنه ." 

لتتوالى الايام دفن يحيي ، ولم يعلم احد انه قتل ، امتنعت مها عن العزاء لانها حامل ، ولا تقوى علي الحركة ، ام تهانى كانت فرحه بشده اخيرا بدأت النهاية ، زياد سلم جميع الاوراق للمكان المختص ، وقرروا ارسال قوة ، للقبض علي ياسين ، نرجس موت يحيي اثر عليها كليا ، فكانت ترمى بالذنب كله علي مرسي ، لانها تعلم انه لا يحبه مثل ياسين  ، ام هالة حدث ما غير متوقع اتضح أنها حامل ، وهذا الخبر كان لها صدمة كبيره ، لأن نرجس ومرسي قرورا ابقائها داخل المنزل ، لوقت الوضع .

في منزل حميدة كانت مها نائمه علي السرير ، وبجانبها هالة وتحتضن ولدها .

هالة بدموع 

" اعمل ايه ،عشان اجيلك ياسين واجف بره احسن اطفش باللي في بطنى ، رايده انزله ." 

مها 

" تبجي حمارة ، ولو نزلتيه هيعرفوا انه انت اللي جتلتى حفيدهم ، لاه خليكى واعيه ، يحيي وغار في داهيه ، يبجى أنت استحملى لغاية ما تولدى ووجتها ترمى ليهم العيل ، وتمشي من إهنا ." 

هالة برعب 

" أنى مبنمش يحيي بيجى ليا في المنام يجبض روحى ، أنى خايفه ." 

" هو دا اللي عندى ، وممكن اجولك كيف ترتاحى من نرجس ." 

هالة بتركيز 

" كيف ." 

" دخلى جوا راسها أن مرسي هو السبب في موت يحيي ، جولى جبل ما يموت طلب منيه حتت ارض ، عشان يعمل عليها سكن لسكان الارض ،ليغضبوا عليه ، مرسي مرضيش ،وطرده وبعدها حوصل اللي حوصل ، وخليكى تحت رجلها  ، وادخلى من ودنها اليمين ومطتلعيش من الشمال غير لم تبجى متوكده أنها صدجت حديتك ، واهو الوجت يعدى ، وتولدى ، ومين خابر جبل ما تولدى تكون نرجس اتصرفت ." 

هالة بعدم فهم 

" تتصرف كيف ، وبعدين ممكن تجول ليه ، وتسأله ليه مداش يحيي ارض ، يجول محصلش ." 

" أنت لم تحكى ليها ، لازمن تكونى عملتى جبليها حاجات كتير تصدجك ، وبعدين نرجس روحها في يحيي ، مش بطيج عليه النسمه ، لم تدرى أن مرسي سبب في موته ، مهتسالش هتنفذ طوالى ." 

" ايوة تنفذ تعمل ايه ." 

" واه وأنت مالك داخلك ايه في الحديت ، نفذي وخلاص. وهمى اخرجى لياسين ، احسن يفتكر أننا بنخططوا عليهم ولا حاجة ." 

لتودع هالة ولدها ، وتخرج وتتحرك بجانب ياسين ، لتدلف عليها تهانى 

" مالك فيكى ايه ." 

" هدى تعبانه جوى ، زين كان بيحددت ويا زياد بيجوله اعصابه تعبانه ، وبيشوف دكتور نفسي ليها ، بس الغريبه انها مصممه تجتل اللي في بطنك ." 

مها وهي تحضن جنينها 

" معجول تعبت لدرجه دى ." 

ليدخل زياد بفرحه 

" مبروك ، القوة كلها ساعه وتكون في البلد ، ويجيضوا علي ياسين ." 

مها يفرحه 

" بجد ،انت متوكد ." 

" إلا متوكد ، دا أنا بذات نفسي هجف وياهم ، واشوفه وهو متكلبش ويترمي في السجن ،وبعدها نطلجك منيه ، وتجولى لزين علي ولده ، أنى اللي سكتنى بس أن امى طلبت منى اسكت ،عشان زين لو خد خبر إنك مرته ، هيجلب الدنيا ، لكن طالما هنخلصوا من ياسين يبجى خلاص صوح  ." 

لتزفر مها بسعادة 

" اخيرا ، مش مصدجه ، خلصنا يا تهانى ،لتطلق تهانى الزغاريط ،لتوقفها مها بحزن مصطنع ." 

" بتزغرطي والراجل اخوه ميت ، وهو هينعدم لها إكده تزعليني منيكى ، لتقف بجوارها ويطلقوا سويا الزغاريط ، لتراقبهم حميده بسعادة ، وتدعو الله أن يديم عليهم الفرحه هذه ، لتنطلق مها بحوارها ويرقصون سويا وزياد يصفق لهم ومراد وعز يغنون ، في نفس توقيت وصول القوات ومحاوطتها لمنزل مرسي   .

ولكن يبقي السؤال هل سينتهي الكابوس بهذه السرعه ، أن أن هناك للقدر رأي وكلام آخر .

           الفصل التاسع عشر من هنا