رواية ساعرفهم من انا
الفصل الثاني2
بقلم ايه الموافي
ابراهيم بصدمة لرغد : انتى تعرفى مين اللى خطب ملك
رغد بتركيز : مين
ابراهيم بذهول و هو على نفس صدمته : أدهم
رغد بعدم تصديق : أدهم مين .. اوعى تقولى ان هو اللى فى بالى
ابراهيم بتوتر : هو
رغد بتفاجأ و صدمة : و بيعملوا ايه مع بعض
ابراهيم بإرتباك : مستحيل يكون صدفة صح
رغد بحقد : لأ طبعا مش صدفة .. دول اكيد بيخططوا لحاجة
ابراهيم : طب هنعمل ايه
رغد بغضب و عصبية : مش عارفة .. سيبنى دلوقتى يا مصطفى لما افكر
...................¥¥¥¥¥¥¥¥¥¥¥¥¥¥.....................
أدهم بزهق : انتى مش ناوية تتكلمى بقى و تقوليلى عرفتينى ازاى
ملك ببرود : يعنى انت سألت و انا قولتلك مش قايلة
أدهم بغيظ : يعنى هو لازم اقولك يعنى علشان تقوليلى
ملك بتجاهل و هى بتحكى بشرود : طول عُمرى و انا مبقبلش رغد ولا بطيقها .. بالرغم من انها معملتليش اى حاجة يخلينى مطيقهاش بس كل مرة كنت بشوفها فيها ماكنتش بعبرها ولا بحتك بيها ابداً و لا هى بتحتك بيا
بس من يوم ما بابا الله يرحمه مات و انا لاحظت انها بتتقرب منى حبة بحبة بحجة انها بنت عم ابويا ولازم تقف جنبى فى حزنى .. بتعد تسأل عليا كل شوية و تزورنى و انا علشان بطبيعتى شكاكة فشكيت فيها
كلمت واحد شاطر جدا علشان يراقبها و يعرف عنها كل حاجة و يجبهالى و الصدمة لما اكتشفت انها نصبت على ناس كتير و معاها واحد كمان بيساعدها على كدا
فى الفترة اللى كانت هى بتتقرب منى فيها كان فى واحد بيحاول يتقرب منى هو كمان و يمثل عليا الحب بس انا عرفت انه بيخدعنى لما قريت لغة جسده
أدهم بإستغراب : لغة جسده
ملك بتوضيح : دى حاجات بندرسها فى المجال بتاعنا علشان نقدر نقرأ المريض اكتر و ندخله من الطريقة المناسبة ليه علشان نقدر نعالجة بطريقة اسرع
أدهم : كملى
ملك : لما عرفت ان فى حد بيساعدها فى النصب عرفت على طول ان هو من غير ما اسأل و خليته يدور على اخر ضحيتين اتنصب عليهم منهم
أدهم بحيرة : اشمعنا يعنى اخر ضحيتين
ملك : علشان لسه نار الانتقام مبردتش فيكم
أدهم : و الضحية التانية معرفتيش توصليلها ولا ايه
ملك بخبث : لا طبعا وصلتلها و هى مستنية التنفيذ على احر من جمر
أدهم بضجر : و انتى ماقولتليش ليه
ملك بإستفزاز : اديك عرفت اهو
نفخ بضجر و هى كملت بفضول : بس هما نصبوا عليك ازاى
أدهم بكُره : كانت قالتلى انها عايزة تعرفني على مامتها، فروحتلها البيت و قالتلى ان امها بتعمل حاجة و جاية على طول و ادتنى عصير اشربة على ماتيجى
و من بعدها وانا محستش بحاجة خالص و ملقتهاش فى البيت، استغربت جدا و نزلت من البيت و اعدت اسبوع مختفية .. دورت عليها كتير و ملقتهاش و كل دا و انا معرفش بالمصيبة اللى عملتهالى
لحد ما اجى اليوم اللى عرفت فيه انها نصبت عليا فى كل حاجة و ظهرت بعدها على طول
ملك بشرود : احمد ربنا ان محصلش فيك اللى حصل فيها
أدهم بحيرة : حصل ايه
ملك : مقدرش اقولك لانها حاجة ماتخصنيش، دى حاجة تخصها هى وماليش الحق انى اتكلم فيها
........................¥¥¥¥¥¥¥¥¥¥¥¥¥.......................
كانت بتضرب كيس الملاكمة بغل و هى بتقول بحقد و كره :
جيالك تانى و صدقنى مش هرحمك .. الاحوال هتتبدل و بدل ما انت كنت كابوسى لسنين هبقى انا كابوسك للعمر كله
طلعت صورته و بصت عليها بحقد و فضلت تقطع فيه و هى بتقول بإنهيار : عُمرى ما هسمحك ابداً .. انت دمرت حياتى .. انت جيت و بدلت حياتى الوردية اللى كنت بحبها لحياة سودة ماحدش يقدر يعيش فيه