الفصل العشرون20
بقلم نورهان محمد
قبل عدة ايام
اميره انا داخله انام
احلام وانا كمان
لتكمل اليوم كان طويل تصبحي علي خير ياحبيبتي
اميره وهي تقبل رأسها وانتي من اهلو ياست الكل كل سنه وانتي منوره دنيتنا
احلام بحب كل سنه وانتو اللي منورين عليا حياتي
اميره بحب ياارب ياحبيبتي
لتتوجه الي غرفتها
وكادت احلام ان تتوجه الي غرفتها هي الاخري ولكن قطعها رنات هاتفها
احلام باستغراب السلام عليكم
الطرف الاخر وعليكم السلام ورحمة الله وبركاته
احلام بهدوء مين
الطرف الاخر ازيك يااحلام
احلام بصدمه محمـــــــــــود
لتصمت في هذه اللحظه غير قادره علي اكمال جملتها
محمود بابتسامه انتي لسه فاكره صوتي ياام آدم
احلام بحزن بعد اذنك انا مضطره اقفل احنا مفيش بينا كلام
محمود لا فيه وخصوصا اني في بينا اولاد
احلام بغضب انت بتضحك علي نفسك ولا عليا اولاد مين انت فاكرهم لسه صغيرين
لتكمل بضيق حاليا اللي بتقول عليهم دول كبروا آدم ابنك الكبير دا لو فاكروا اصلا بقا متجوز وعند بيت ومسؤليه وكام شهر هيكون اب
وطبعا بنتك اميره اللي اترملت في سن اللي زيها اصلا لسه متجوزوش ودا كلو وحضرتك فين تقدر تقولي تعرف حفيدك لا بلاش دي طيب حتي تعرف شكل اولادك اللي كبروا
محمود حتي انتي يااحلام
احلام حتي انا يامحمود انا ربيت اولادي والحمد لله في نظري احسن ناس في الدنيا كلها لكن تاجي بعد العمر دا كلو وتحاول تكلمني لا انسي ولو سمحت متكررهاش تاني واولادك عندك عايز تكلمهم مش همنعك لكن انا انسي اني حتي اكلمك سامع
محمود بغضب طيب.......
لتغلق الهاتف في هذه الاثناء قبل ان يجيبها
لتبدأ في نوبه بكاء مدويه من كثرة حزنها علي مامرت به برغم محاولات اولادها الكثيره في محو تلك الذكري السيئه
لتاخذ قرارها بان تحاول بكل ما اوتيت من قوه ان تتناسي وجوده من الاساس
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
بعد مرور عدة ايام علي ابطالنا
عند حاتم البطل
حاتم بضيق يعني ايه هسيب آدم يتمكن من كل حاجه وانا اتدمر لا ولو فيها موتي
الطرف الاخر ياحاتم باشا اللي تؤمر بيه اعتبروا حصل
حاتم بتفكير متأكد انك هتقدر تنفذ ومش هتخذلني زي الغبي التاني
الطرف الآخر متقلقش ياباشا وكمان جرب بنفسك
حاتم تمام انا هجربك ولو نجحت يبقا تستاهل ثقتي دي وهكافاك
الطرف الآخر بحماس تمام ياباشا ايه المطلوب
حاتم بغل حياه آدم
الطرف الآخر بس كده سهله ياباشا
حاتم تمام هبلغك بميعاد التنفيذ وانت خليك جاهز
الطرف الاخر اعتبروا حصل سلام ياباشا
حاتم بضحك سلام
ليغلق معه ويدخل في نوبه ضحك هستيريه ليهتف لنفسه هانت ياادم وهقضي عليك وهخلص حقي منك
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في شقه آدم
آدم وهو يتناول النسكافيه الخاص به هاتفا بابتسامه هايل ياحبيبتي
حياه بحب بجد ياادم مستوايا كويس
آدم بحنان بجد والله وافضل كمان من ماتتخيلي ماشاء الله عليك
حياه بتفائل علي فكره انت حمستني
آدم بحب دي حقيقي وانا واثق فيك جدا
ليكمل بهدوء وكمان استجابتك كويسه وقربنا نخلص كميه كويسه بالنسبه لاننا لسه في البدايه
حياه بحماس انا بحاول علي قد مااقدر اركز علشان اخلص واراجع
لتكمل وهي تضع يدها اسفل بطنها التي بدأت في الانتفاخ وكمان علشان ولدتي هتكون قبل الامتحانات بفتره بسيطه فاكون اتعودت عليه او عليها ومقصرش
آدم بابتسامه عندك حق ياحبيبتي
ليكمل متقلقيش ان شاء الله هتخلصي وتراجعي وتممي المنهج كمان قبل الولاده بفتره بس انتي شدي حيلك
حياه بابتسامه حاضر
آدم بابتسامه وهو يجلس بجوارها واضعا يده علي بطنها انتي حاسه انو ولد ولا بنت
اميره بحب وهي تضع يدها فوق بطنها مش عارفه احدد احساسي
لتكمل بابتسامه طيب وانت حاسس بايه
آدم بابتسامه حاسس انها بنوته حلوه زي مامتها
حياه بابتسامه الله ياادم مجرد التفكير بس ان هيكون عندنا طفل بعد شهور بحس ان قلبي هيوقف من الفرحه
آدم بحب وهو يحتضنها بعد الشر علي قلبك ياقلبي
ليكمل بحب انا بقيت بعد الايام علي ماتوصل اميرتنا الصغيره
حياه بابتسامة انت خلاص اقلمت نفسك انها بنت
آدم بابتسامه كل اللي يجيبوا ربنا حلو
ليكمل انا بس نفسي في بنت علشان بيقولوا البنت الكبيره بتكون حبيبة ابوها ليكمل بابتسامه ونفسي اجرب شعور اني اب اي ان كان ولد او بنت
حياه بتفكير لو ولد نفسك تسميه ايه
آدم بابتسامه عمر
ليكمل ادم بحب وانتي نفسك لو ولد يكون اسمو ايه
حياه بابتسامه وانا كمان بحب اسم عمر اوي ونفسي اسميه
آدم بحب الحمد لله اننا فينا من بعض
ليكمل بتفكير طيب ولو بنت
حياه بفرحه مش عارفه كان في اسما كتير في بالي بس مش مكرره اسم معين وانت
آدم بحب نفسي اسم نور
حياه بابتسامه نور
لتكمل بتفكير اسم حلو بس اشمعنا نور
آدم بسرحان جاي علي بالي من لما عرفت بحملك
ليكمل بحب وبردو لو ربنا رزقنا ببنوته هتكون نور نور دنيتا كلها وغيرت حياتنا زي ماامها غيرت حياتي
حياه بابتسامه خلاص بعد الكلام الحلو دا نسمي نور
آدم بحب وهو يشدد من احتضانها تصدقي بقا انا تحمست نعرف نوع الجنين
حياه بحب وانا كمان
لتكمل بحب انا كده كده قربت ابدأ في الرابع
آدم بحب خلاص نروح للدكتوره ونطمن وفي نفس الوقت نعرف نوع البيبي
حياه بحب خلاص اتفقنا
لتكمل وهي تخرج من بين احضانه ياخبر انت اتاخرت اوي علي الشركه
آدم وهو يقف امامها فداك اي تاخير ياحبيبتي
حياه بابتسامه ربنا يديمك ليا
آدم بحب ويديمك ياقلبي
ليكمل انا نازل هتنزلي معايا
حياه وهي تحمل كتبها ايوه يلا بينا
آدم بابتسامه هاتي الكتب متتعبيش نفسك
ليتوجهوا سويا الي الاسفل بحب متبادل
ليلاقي آدم التحيه وبعد عدة دقائق ودعهمها متوجها الي عمله
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الشركه
طرق حمزه علي باب مكتب آدم ومن بعدها توجه الي الداخل
حمزه بابتسامة الاوراق جهزت خد فكره عنها علشان نبدأ تاسيس فيها
آدم بعمليه اهم حاجه كل الاوراق تكون تمام
حمزه بهدوء متقلقش ياادم انا تممت عليها كذا مره
آدم بحب وثقه في صديقه واثق فيك ياحمزه وثقه عمياء كمان
حمزه بحب ربنا يديم صداقتنا ياحبيبي
آدم اللهم آمين
حمزه بتذكر عملت ايه في شادي
آدم بهدوء خليتهم يسيبوه بس كلفت حد بمراقبتوا
حمزه باستغراب ومبلغتش ليه ماانت عارف مين اللي وراها
آدم بهدوء مفيش دليل كافي ثم ان انا عايز افتح المجال لحاتم واعرف عايز ايه وهيعمل ايه لانو كده بدأ يفقد كل قدراتوا انو يرجع الشركه زي ماكانت
حمزه بقلق ماهو دا اللي يقلق هو دلوقتي هيتعامل بتهور وممكن ياذي اللي يقف قداموا
آدم بتفكير طيب اعمل ايه هو مس ناوي يسكت وعايز يدمرني باي شكل ومحملني مسؤلية فشلوا في دمار شركته
حمزه بخوف وبعدين
آدم بهدوء ولا قابلين هو كده كده حاليا عامل زي التايه فكل تصرافاتوا هتكون بغباء ودا هيفيدنا كتير
حمزه باستغراب بالعكس دا كده يقلق مش يفيد
آدم بقلق انا اهم حاجه عندي يبعد عن عيلتي لانو لو قرب منهم هنسفوا المرادي من علي وشه الارض
حمزه بخوف ربنا يستر
آدم بقلق من كلام حمزه ياارب
ليظل جو من الهدوء سائدا لعده دقائق ليقطع ذلك الصمت كلمات من آدم
آدم بابتسامه متقلقش هفاتحها في الموضوع
حمزه بحرج عادي ياادم خد وقتك
آدم بهدوء انا بس مستني تفوق من صدمه ابنها علشان متحكمش بتسرع
حمزه بقلق هي ممكن ترفض
آدم بحيره والله ياحمزه مش عارف
ليكمل بابتسامه بعدما لاحظ قلق صديقه ان شاء الله خير متقلقش
حمزه بقلق ان شاء الله
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
حاتم بهدوء الووو
الطرف الاخر اؤمر ياباشا
حاتم بشر جاهز للتنفيذ
الطرف الاخر ايوه ياباشا
حاتم بهدوء عايزك تراقبوا الكام يوم دول ولما تلاقي الوقت المناسب نفذ
الطرف الاخر بعمليه اعتبروا حصل
حاتم لو تمت وجبتلي خبر موتوا هتكون مكافأتك كبيره اوي
الطرف الاخر بتشجيع وشر بس كده داانا هنشل عليه مش هيقوم منها تاني
حاتم بضحكه غل هو دا المطلوب بالظبط
الطرف الاخر باستفسار هاخد باقي الفلوس امته
حاتم بتفكير خلص والفلوس هتوصلك
الطرف الآخر تمام ياباشا سلام
حاتم بضحك سلام
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
لتمر عدة ايام علي ابطالنا وكل منهم منشغل وبشده
حياه باستغراب اتاخرت ليه ياادم
آدم بابتسامه انا قربت اوصل اهو
حياه بحب علي بالك وانت سايق تمام
لتكمل بحب توصل بالسلامه ياحبيبي
آدم بحب الله يسلمك ياحبيبتي
ليغلق معها وينتبه الي قيادته
بعد دقائق
آدم بحب جهزتي
حياه وهي تعدل حجابها ايوه
آدم طيب يلا بينا
ليتوجهوا الي احدي المطاعم وبعد وقت انتهوا من غداهم
آدم بحماس يلا نروح للدكتوره
حياه بابتسامه يلا بينا
واثناء ركوبهم في عربيته قطع حديثهم رنات هاتفه
آدم بهدوء السلام عليكم
السكرتير وعليكم السلام ورحمة الله وبركاته
آدم باستفسار خير في حاجه
السكرتير بهدوء بشمهندس آدم في مشكله حصلت في الشركه ومحتاجه تدخل حضرتك
آدم باستغراب مشكله ايه
السكرتير بقلق اتنين في الشركه حصل مابينهم مشكله ومحتاجه تدخل حضرتك علشان تاخد قرار بخصوصهم
آدم بهدوء انا علي الطريق وفي طريقي ليكم
السكرتير بهدوء تمام في انتظار حضرتك
حياه بقلق خير ياادم في ايه
آدم بحزن في مشكله في الشركه هروح احلها وبعدين نطلع علي الدكتوره
حياه بهدوء تمام
ليصلوا اخيرا الي الشركه
آدم بهدوء تعالي ياحياه اطلعي معايا
حياه بهدوء حاضر
بعد مرور بعد الوقت
آدم بهدوء المشكله دي لو اتكررت تاني اعتبروا نفسك بره الشركه دي نهائيا
ليكمل بغضب انا هكتفي المره دي بالتحذير
احدي طرفين المشكله احنا اسفين يافندم
الطرف الاخر ومش هتتكرر تاني
آدم بهدوء تمام اتفضلوا علي مكاتبكم
ليتوجهوا الي مكاتبهم بصمت
كانت حياه تتابع زوجها بحب علي تعامله وشخصيته ومكانته وسط الآخرين
ليهتف آدم بابتسامه ايه الجميل سرحان في ايه
حياه بانتباه فيك
آدم بضحك فيا وبتقوليها صريحه كده
حياه بابتسامه طبعا ياحبيبي
لتكمل وهي تقف امامه وبعدين انت ماشاء الله عليك كاريزما كده وحاجه تخطف القلب
آدم بحب علشان كده خطفت قلبك
حياه بكسوف آدم
آدم بحب قلب آدم انتي
حياه بكسوف وهي تحاول مغايره الموضوع يلا علشان منتاخرش علي الدكتوره
آدم بابتسامه علي كسوفها يلا يامدام
ليكمل بهزار هعديها بمزاجي
حياه وهي تمسك بشنطتها تمام ياحبيبي
ليترجلوا الي الاسفل سويا
آدم بحب حياه
حياه بانتباه نعم
آدم بحنان تعرفي انا بحبك قد ايه
حياه بكسوف قد ايه
آدم بحب قد الدنيا ومافيها
حياه بحب وانا كمان بحبك حب ملوش وصف لو فضلت اتكلم مش هوفيك حقك ولا هقدر اوصلك مدي حبي ليك انت كل دنيتي يااحبيبي
آدم بحب وهو يقبل يدها وانا كمان من بعد مادخلتي حياتي وهي بقا ليها معني بجد
ليكمل بطيبه بحبك ياحياه
حياه بكسوف وانا كمان بحبك ياادم
ليتوجهوا نحو عربيته في جو رومانسي متبادل فيما بينهم
ولكن تاتي الرياح بما لا تشتهي السفن
ليقطع ذلك الجو الرومانسي صراخ احدي الاشخاص باسمه
آدم بهدوء وهو يلتفت نحو مصدر الصوت ولكن لم يمكث كثيرا لتاتي اليه رصاصه تستقر اعلي صدره
لتنعدم الرؤيه من أمامه ويبدأ أن يري عدة اشياء تمر من أمامه ليسقط آثرها ارضا والدماء تتدفق من جسده بعشوائية هاتفا بتعب حياه
حياه بصدمه وهي تسقط الي مستواه هاتفه بصراخ آاااااادم ولكن بدون جدوي فقد فقد وعيه في هذه الأثناء
حياه وهي تبكي بهستريه آدم فوق ياادم لا متعملش كده فيا فوق ياادم انا مش هقدر اعيش من غيرك
لتكمل بصراخ وهي تتفقده ٱااااااادم لا فوق آدم
ليقترب منها الأمن بعد أن حاولوا أن يصلوا الي مكان تدفق الرصاص ولكن فروا هاربين
احدي رجال الأمن بقلق اطلب الإسعاف بسرعه
حياه بدموع لازم نروح المستشفي بسرعه
الأمن بخوف تمام يا مدام انا هسوق ونطلع علي اقرب مستشفي
حياه بانهيار تمام بسرعه
لياتي رجلان ويستنداه واضعين إياه في العربيه وكانت حياه تنتظره في الخلف مستنده إياه بحرص شديد وكانت بين الحين والآخر تنظر إليه بخوف
ل تهتف بضعف آدم علشان خاطري استحمل استحمل احنا قربنا لتكمل بانهيار لو مش علشاني علشان خاطر ابنك او بنتك استحمل
حياه بصراخ مقربناش نوصل
الأمن بقلق قربنا يامدام قربنا
كانت تملس علي وجهه بحنان والدموع تتساقط فوق وجنتيه من كثرتها خائفه وبشده من أن تفقده
لتفوق من شرودها وتاملها علي صوت الأمن وهو يترجل من العربيه متوجها إلي المستشفي وهو يهتف بغضب عايز حد يساعدني ليخرج عدة من الممرضين واضعين إياه علي العربه متجهين به الي الداخل
حياه بحزن انتو واخدينوا علي فين
الدكتور بعمليه لازم يدخل عمليات مش حضرتك المدام
حياه بلهفه ايوه
الدكتور تمام اتفضلي اتوجهى للاستقبال علشان تخلصي الإجراءات
حياه بدموع حاضر
الأمن بهدوء انا بلغت البشمهندس حمزه وهو علي الطريق
حياه بدموع اكتفت باشاره من رأسها فقط
لياتي حمزه قائلا بقلق ايه اللي حصل
حياه بدموع حد ضرب علينا نار
حمزه بغضب مفيش غيروا والله لندموا
حياه بقلق مين يا حمزه
حمزه بغضب شادي ***
حياه بخوف ايه
حمزه بقلق بعدما لاحظ خوفها اهدي ياحياه آدم هيكون بخير ان شاء الله ادعيلوا بس
حياه ياارب يا حمزه ياارب
ليقطع حديثهم دلوف احلام واميره بلهفه
احلام بدموع ابني فين ايه اللي حصلوا
ليقترب حمزه منها ويحتضنها محاولا أن يهدأ من روعها فهو يعتبرها مثل أمه
أما اميره فاحتضنت حياه وبدأوا البكاء بهستيريه
حمزه بحزن وهو يقترب من اميره اهدي ياام ياسين آدم هيكون بخير لترفع نظرها نحوه هاتفه بدموع انا عايزه اشوفوا
حمزه دلوقتي يخرج ونطمن عليه هو حاليا في العمليات
اميره دا كلو في العمليات انا عايزه اطمن عليه
حمزه بمواساه هتطمني اهدي بس
لتكتفي اميره باشاره من رأسه
ليمر الوقت
حياه جالسه بين أحضان احلام وكل منهما يبكي بصمت
واميره جالسه بجوارهم وبجانبها حمزه محاولا أن يهدأ هم
ليقطع ذلك الصمت خروج الدكتور
ليقترب الجميع منه بلهفه
حمزه يتسائل آدم عامل ايه دلوقتي
الدكتور بهدوء احنا عملنا اللي علينا والباقي علي ربنا
حياه بدموع يعني ايه
الدكتور بهدوء للأسف حالته صعبه
حياه وهي تنظر إليهم بتعب وعدم وعي هاتفه بدموع وهي تسقط ارضا ايه