رواية حب علي ضفاف النيل الفصل الواحد والعشرون21بقلم نورهان محمد

ليمر الوقت 

حياه جالسه بين أحضان احلام وكل منهما يبكي بصمت 

واميره جالسه بجوارهم وبجانبها حمزه محاولا أن يهدأهم

ليقطع ذلك الصمت خروج الدكتور 

ليقترب الجميع منه بلهفه 

حمزه يتسائل آدم عامل ايه دلوقتي 

الدكتور بهدوء احنا عملنا اللي علينا والباقي علي ربنا 

حياه بدموع يعني ايه

الدكتور بهدوء للأسف حالته صعبه 

حياه وهي تنظر إليهم بتعب وعدم وعي هاتفه بدموع وهي تسقط ارضا ايه 

احلام واميره بصدمه حياه حياه فوقي بالله عليك حيــــــــــاه 

حمزه بخوف مدام حياه 

ليكمل حمزه بقلق وهو يوجه كلامه للدكتور هاتفا بخوف هي حامل يادكتور وعايزين نطمن عليها ممكن دكتوره

الدكتور بعمليه هناء تعالي ساعديهم وانا هبعتلكم دكتوره مختصه تتطمنكم

حمزه بقلق تمام يادكتور

الدكتور بهدوء وهو يترجل ربنا يطمنكم عليهم

ليتم نقلها الي احدي الغرف 

بعد دقائق من الكشف 

الدكتوره بعمليه هي الصدمه كانت صعبه عليها علشان كده فقدت وعيها انا اديتها حقنه مهدأه شويه وهتفوق

احلام بدموع يعني مفيش قلق

الدكتوره بهدوء لا الجنين كويس وهي بردو حالتها كويسه بس عندها شويه مضاعفات من الحمل بس مش خطر عليها هي بس محتاجه راحه ومتتعرضش لاي زعل ضروري جدا علشان حالتها متتأثرش

احلام بدموع حاضر 

الدكتوره وهي تغادر الف سلامه

اميره بدموع الله يسلمك

في الخارج 

حمزه بقلق ايه الاخبار يادكتوره

الدكتوره بعمليه هي بس الصدمه كانت شديده عليها ومقدرتش تتحمل هي حاليا محتاجه راحه كامله ومتتعرضش  لاي ضغط او زعل

حمزه بحزن حاضر يادكتوره هنحاول معاها

الدكتوره بهدوء الف سلامه عليها

حمزه الله يسلمك

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

بعد دقائق 

حياه بتعب آد..م آدم

احلام بحزن اهدي ياحبيبتي ان شاء الله آدم هيقوملنا بالسلامه بس انتي شدي حيلك كده علشان اللي في بطنك

حياه بدموع مش قادره ياماما 

احلام بدموع ربنا يشفيه انا عندي ثقه في ربنا انو هيقومولنا بالسلامه

حياه بدموع وهي تحاول ان تعدل في جلستها ياارب

احلام وهي تستندها عايزه تعملي ايه ياحبيبتي 

حياه وهي تمسح دموعها عايزه اروح لادم

احلام بحزن هو في العنايه ياحياه

حياه بدموع هشوفوا بس من بره

لتكمل بهستيريه اشوفوا بس ياماما انا مش قادره استحمل بعدوا اكتر من كده

احلام بدموع هي الاخري تعالي ياحبيبتي 

لتكمل بحزن وهي تستندها خلي بالك من نفسك علشان لما يفوق يلاقيك جنبوا بكل قوتك لانو لو فاق ولقيك تعبانه هيتعب اكتر

حياه وهي تمسح دموعها حاضر ياماما 

ليترجلوا الي غرفه العنايه الخاص بادم

اميره بقلق وهي تتجه نحوهم ليه ياماما خليتي حياه تيجي وهي تعبانه كده هتتعب اكتر

حياه بدموع انا احسن يااميره انا بس عايزه اشوفوا

اميره وهي تمسك بيديها تعالي ياحياه انا هوديك ليه

حياه هو انا ينفع ادخلوا 

اميره بحزن ايوه بس خمس دقايق بس هما سمحوا من شويه

وانا دخلتلوا

حياه وهي تمسح دموعها تمام يااميره

اميره بدموع تمام ياحياه

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

ترجلت حياه الي الداخل ونظرت اليه مطولا وهي تري جسده موضوع عليه عدة اجهزها وهو لا حول له ولا قوه يسارع الموت  تحت هذه الاجهزه لتجلس بجواره علي احدي الكراسي  وتمسك بيده ودموعها تبكي بصمت ولكن كلها ثقه في الله ان يرده اليها والي كل احبابه بخير وسلام 

           ♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

حياه بدموع آدم حبيبي فوق علشان خاطري انا مش هقدر اعيش من غيرك انت كل دنيتي الحياه معاك بقا ليها طعم مختلف انت اللي مليت عليا حياتي وخليتني احبها 

لتكمل وهي تمسح دموعها المغرقه وجهها بغزاره فهي لم تكف عن النزول عارف ياادم انا بستمد منك القوه وانا حاليا ضعيفه قوي ومحتاجه حضنك اللي بيحسسني بالامان والدفء

لتكمل ودموعها تهتطل بشده انت بقيت ابويا واخويا وابني وحبيبي انت كل حاجه في حياتي ومن غيرك الدنيا ملهاش لازمه 

فوق علشان خاطري  لتكمل وهي تضع يدها الاخري علي بطنها طيب لو مش علشان خاطري علشان خاطر نور بنتك وحبيبه ابوها زي ماقولت لما تيجي علي الدنيا تلاقينا جنبها ومتتحرمش من حنان حد مننا زي مااحنا اتحرمنا وعانينا

لتكمل بابتسامه نعوضها عن اي حاجه شفناها ونكون احنا السند ليها والداعم عارف انا عامله حسابي اخليها تحفظ القرآن وهي صغيره ونربيها تكون باره بينا وباهلها ونفتخر بيها وتكون نعم الذريه لينا وتاخد بايدنا للجنه 

لتكمل وهي تمسح دموعها كل الحاجات دي هتكون محتاجه لوجودك معايا علشان تكون سند لينا احنا الاتنين و في نفس الوقت تساعدني اني اوصل لكل الحاجات دي معاها 

لتكمل وهي تقبل يده انا عارفه انك استحملت كتير وعانيت اكتر بس علشان خاطري حاول تقاوم انا ثقتي في ربنا كبيره انك هتقوملنا بالسلامه ياسندي في الحياه 

لتنظر اليه نظره اخيره بعدما اتت اليها احدي الممرضات تخبرها بالخروج 

حياه وهي تتفقده وتهاتف الممرضه هاتفه بدموع مفيش اي تحسن

الممرضه بعمليه مش هنقدر نحكم غير بعد مرور اربعه وعشرين ساعه

حياه بدموع للدرجه دي الحاله خطر

الممرضه بهدوء يامدام دا مضروب عليه نار مش حاجه سهله

حياه وهي تمسح دموعها عندك حق 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

لتخرج من الغرفه 

لتري اميره في وجهها لتتجه اليها وترتمي بين احضانها وتبكي بكل مااوتيت من قوه 

هاتفه بكسره مش قادره اشوفوا كده مش قادره يااميره آدم اللي كان دايما اماني وسندي راقد لا حول له ولا قوه

لتكمل بضعف لو حصلوا حاجه انا لا يمكن اقدر اعيش من غيروا

اميره بدموع هي الاخري متقوليش كده ان شاء الله هيقوملنا بالسلامه وهنفرح بولادتك وبعديها نتيجتك وهيكون هو معانا في كل دا وهيكون سندنا زي العاده 

لتكمل وهي ترفع وجهه حياه نحوها هاتفه بدموع بس انتي اتمالكي نفسك علشان لما يقوملنا بالسلامه يلاقيك انتي واللي في بطنك بخير 

حياه وهي تمسح دموعها هحاول 

اميره وهي تمسح دموعها هي الاخري انا واثقه انك هتقدري

لتكمل وهي تمسك بيدها يلا نروح لماما هي تعبانه ومش هتقدر تتحمل اكتر من كده كفايه عليها آدم لازم نتمالك نفسننا قدامها لانها مش هتقدر تشوفنا احنا كمان تعبانين

حياه بحزن عندك حق 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في مكان غريب

حسناء بقلق في ايه يابابا قلقان كده ليه

حاتم بقلق ما انا كويس اهو هيكون مالي يعني

حسناء بخوف لا مش كويس باين عليك التوتر

حاتم بخوف آدم اتضرب عليه نار

حسناء بصدمه ايه

حاتم بقلق هو دا اللي حصل 

حسناء بصدمه ممزوجه باستغراب طيب وانت قلقان ليه 

لتكمل ببعض التريقه يعني انت كنت بتحبوا اوي

حاتم بغضب قصدك ايه يابت 

ليكمل بتوتر انا بس هكون من المشكوك فيهم لو حصلوا حاجه

حسناء باستغراب ودا بقا ليه هو انت مالك بكل دا احنا العلاقه منتهيه بينا من فتره

حاتم بغضب هو كده وخلاص معرفش

حسناء بشك اوعي تكون انت اللي عملتها 

حاتم بتوتر لا لا طبعا اعمل ايه وانا مالي بيه اصلا

حسناء بخوف وهي تقف وتوليه ظهرها ياخوفي تكون انت اللي عملتها 

لتكمل بغضب وهي تستدير له مره اخري المره دي بقا لو طلعت وراها انا مش هسكت لان انت كده هتكون زودتها اوي وبتاذي ناس بريئه وملهاش ذنب

حاتم بشر وهو لما هيتسبب في افلاسي كده مش بيبدأ

حسناء بضيق كفايه بقا تكدب الكدبه وتصدقها هو عملك ايه دا شغل والاقوي هو اللي بيكسب وهو كان بينجح بمجهوده وتعبوا

مطلبش من حد مساعده واعتمد علي نفسه مش زيك دايما بتعتمد علي غيرك وبترمي غلطك علي الاخرين 

حاتم بغضب اسكتي بقا انت زودتيها اوي وبعدين دلوقتي بقا حلو وبتدافعي عنو

حسناء بغضب قصدك ايه وبعدين ايوه بقا حلو وشايفه فيه حاجات كتير اوي منها انو قوي وشجاع وقد يجازف ويقف علي رجلو وبدأ من الصفر 

ودلوقتي بيكبر بمجهوده ومن غير اي مساعده من حد ومع الوقت هيكون حاجه اكبر من دلوقتي  بكتير 

وهيوصل لمراتب اعلي والكل هيعملوا حساب مش بس في مصر زي دلوقتي لا دا هيكون في العالم كلو

حاتم بضحك يسلام وايه الثقه دي كلها وبعدين منا قولتلك اتجوزيه وكان زمانوا دلوقتي هو واملكوا ودماغوا اللي زي الدهب دي ملكنا

ليكمل بسخريه مش زي الغبي اللي كنتي ماسكه فيه وفرطتي في دا علشانوا اهو سابك وخلع زي مابيقولوا

حسناء بدموع تحاول كتمانها لتظهر امامه بقوتها المعتاده هاتفه بكسره بتعايرني يابابا كتر خيرك والله 

لتكمل بحزن هقولك حاجه بس انا مش ندمانه عليه انا بتمنالوا كل خير لانو كان يستاهل حد نقي وبرئ وطيب زيو 

وربنا عوضوا بيها 

لكن انا مكنتش استحقوا لاني قبلت بلعبتك فكان لازم دي تكون جزاء الخيانه والغش وانا عارفه ربنا عمل فيا كده ليه علشان افوق علي الرغم اني كنت صغيره وكل دا من تخطيطك 

لتكمل بابتسامه كسره وبردوا من مساومتك ليا لاعمل كده لا مش هتجوزني اللي بحبوا وكانت النتيجه اني اتحرمت من كلو 

حاتم بضيق يسلام ودلوقتي بقيت انا السبب صح كل حاجه انا سببها مش غبائك

حسناء بكسره لا مش غباء هو خيرني وانت فاكر كويس واترجاني كتير اننا نتجوز ونسافر لان دا كان مستقبلوا بس انا مردتش اسيبك وسبتوا هو 

حاتم بغضب لو عايزك كان قعد وضحي بكل حاجه

حسناء بدفاع لا دا كان حلموا انو يسافر ويبني نفسوا وانا اللي سيبتوا وضحيت بحبي علشانك 

حاتم بلا مبالاه محدش قالك ضحي كنتي سافرتي 

حسناء بحزن انت عندك انا غلطانه فعلا لاني بعمل كل حاجه علشان وفي الاخر بدون تقدير منك بس احنا لسه فيها

حاتم باستغراب يعني ايه

حسناء بحزن هصلح اللي حصل زمان وهقف جنب عيله آدم لحد مايفوق ولما يقوم بالسلامه  ان شاء الله هفهموا كل حاجه

وهو هيصدقني ويسامحني 

و دا اللي نفسي فيه مش اكتر ويمسح بقا فكره اني غداره وخاينه لاني فعلا تعبت من الاحساس بالذنب

لتتركه مغادره الفيلا باكملها

حاتم بغضب استني هنا رايحه فين 

لم ياتيه اي رد منها فهي بالفعل غادرت الفيلا

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

عند حنين

حنين بلهفه الوو ايوه ياحمزه 

حمزه بحزن ايوه ياحنين انتي كويسه

حنين بقلق ايوه كويسه 

لتكمل بخوف آدم عامل ايه دلوقتي

لتكمل بخوف انا لقيت اميره جيبالي ياسين ولما سالتها قالت ان آدم اتضرب عليه نار وحاولت اوصل لاي حد فيكم بس معرفتش هو ايه اللي حصل

حمزه بحزن حد ضرب عليه نار وهو في الشركه واحنا دلوقتي معاه في المستشفي بس حالته خطر ادعيلوا ياحنين

حنين بحزن ربنا يشفيه ويعافيه 

لتكمل بقلق ابقا طمني عليه

حمزه بحزن حاضر

ليكمل بهدوء خلي بالك من ياسين وحاولي متقوليش قداموا حاجه

حنين بحزن هو نام دلوقتي بعد ماعيط كتير علي اميره لما شافها بتعيط هي وماما احلام

حمزه بحزن انا والله ماعارف اعمل ايه هما هنا منهارين وهو تعبان وانا بدأت الدنيا تقفل في وشي

حنين بحكمه خلي ثقتك في ربنا كبيره وان شاء الله هيقوم بالسلامه 

حمزه بكسره والله ثقتي في ربنا كبيره انا اللي مزعلني اني شايف اخويا وصاحبي راقد في عالم تاني لا حول له ولا قوه 

ليكمل بحزن وفي نفس الوقت شايف امه واختو ومراتو مكسورين ومش قادره اخفف عنهم

حنين بحزن علي حالته ان شاء الله هتعدي

حمزه بهدوء ياارب ياحنين

ليغلق معها ويجلس علي احدي المقاعد البعيده عن مكان تواجدهم 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

انتهت اميره وحياه من صلاتهم 

اميره وهي تمسح دموعها انا هطلع اكلم حنين واشوف ياسين 

حياه بحزن تمام يااميره

لتخرج اميره من الغرفه واثناء ترجلها الي احد الاماكن وجدت حمزه يهاتف حنين

لتتقدم منه عدة خطوات عازمه علي ان تاخذ منه الهاتف لتطمأن علي ياسين ولكن قطعه اقترابها منه صوت حمزه الحزين وهو يهتف

حمزه بكسره والله ثقتي في ربنا كبيره انا اللي مزعلني اني شايف اخويا وصاحبي راقد في عالم تاني لا حول له ولا قوه

ليكمل بحزن وفي نفس الوقت شايف امه واختو ومراتو مكسورين ومش قادره اخفف عنهم 

لتقترب منه اميره بدموع وتجلس علي احدي المقاعد المجاوره ليه هاتفه بدموع بجد آدم عمره ما هيلاقي اخ وصديق له

حمزه باستغراب وهو يرفع بنظره نحو مصدر الصوت هاتفا بحزن اميره

اميره بدموع ايوه

حمزه وهو ياخذ نفس عميق آدم دا كل حياتي هو اللي وقف جنبي بعد وفاة ابويا وامي وساعدني كتير اني اقف علي رجليا من جديد وانا من وقتها وانا بعتبر نفسي عندي اخ واخت وعمري ماشفتوا غير كده 

ليكمل بحزن عارفه يااميره انا لو آدم حصلوا حاجه مش هقدر اعيش هو كان مصدر الدعم والامان ليا اللي كنت دايما بلجي اليه لما الدنيا تجيب اخرها معايا

ليكمل والدموع تلتمع في عيناه عمره ماخذلني ولا زعلني ولا حسسني اني وحيد بالعكس دايما كان واقف جنبي وبيحاول يشغلني علشان منهارش واقع 

آدم كل حاجه حلوه في حياتي آدم اخ وسند انا مش قادر استحمل اشوفوا كده مش قادر يااميره

اميره بدموع ولا انا والله انا مش هقدر استحمل كسرة تانيه انا آدم بالنسبالي كتير اوي

ابويا اللي تحمل مسؤليتي ورباني وكان بدل ابويا اللي سابني في سن صغير وحاول يعوضني 

واخ وكان نعم الاخ فعلا وكان في ظهري دايما 

وكان صاحبي اللي بلجي اليه في اي وقت ويسمعني وعوضني عن اني مليش صحاب 

وكان سند وظهر وحاولي يخرجني من محنه موت جوزي واني اترملت في سن صغير

آدم كان بيعمل كل حاجه حلوه علشاني ولحد دلوقتي بيعمل لدرجه ان ابني بيقولوا يابابا ومش قول بس دا بيعتبروا فعلا ابوه

لتكمل وهي تبكي بهستريه انا مش قادره استحمل اشوفوا في حاله زي دي هو تعب كتير في حياته وضحي باحلي ايام في حياته علشان اللي حواليه يكونوا بخير ولسه بيضحي والنتيجه اهو ممكن يخسر حياته فدي دا 

حمزه وفرت الدموع من عيناه ولم يقدر علي كتمانها اكثر متقوليش كده يااميره ربنا هيقومولنا بالسلامه ان شاء الله احنا بس لازم نكون اقويا ونتحمل الابتلاء دا

اميره وهي تمسح دموعها ولكن بدون فائده فهي لم تكف عن النزول

لتهتف اخيرا من بين شهقاتها ياارب ياحمزه ياارب

حمزه بحزن ان شاء الله لتنظر اليه اميره لاول مره بهذا التدقيق لتجد الدموع تغرق وجهه محدثه نفسها عن ايه صداقه تتحدث هي ف حمزه في نظرها الان الرجل الشهم الذي لم يتركهم وحدهم ووقف بجانبهم

وايضا الصاحب الجدع الذي يبكي علي صديقه بحرقه

والاخ الحنون الذي يحب اخاه ويخشي فقدانه وبشده

لتفوق من شروده علي فر وقر حولها

اميره بخوف في ايه بيجروا ليه عند اوضه آدم ايه اللي حصل

حمزه بخوف هو الآخر مش عارف

ليهرولوا خلف الاطباء والممرضين بزعر خوفا من فقدانه

اميره بخوف في ايه ياحياه

حياه بدموع مش عارفه يااميره انا لقيت مره واحده وانا وماما واقفين جهاز القلب بيقف وبيدي انذار ولقيتهم بيجروا علي الاوضه

لتكمل بشهقات انا مش قادره يااميره انا روحي بتتسحب مني آدم بيروح مني آه 

اميره وبدأت في الانهيار لتمكث علي احدي المقاعد المجاوره للغرفه

وهي تري والدتها تبكي بانهيار ومرات اخيها تبكي هي الاخري وحمزه يستند برأسه علي احدي الحوائط بحزن وكسره 

ولما لا ف هذا اليوم  يذكرها بيوم وفاة زوجها وللمره الثانيه ينعاد عليها وكانه شريط يمر من امامها باحداثه البشعه التي لا تود تذكرها باي حال من الاحوال

لتعنف نفسها في محاوله منها ان تتماسك لتقترب من نافذة الغرفه الموجود بها لتري الاطباء يعرضونه لصدمات القلب في محاوله منهم ان يعيدوا النبض الي القلب من جديد 

ليقطع شرودها وسرحانها فيه خروج احدي الاطباء 

اقترب الجميع منه بلهفه اما هي فكانت تترقب هذه اللحظه بكل خوف حتي انها تلاشت ان تقترب بل كانت تبتعد بظهرها الي الخلف

حمزه بخوف طمني يادكتور

الدكتور .......... 

اميره بصدمه ايه لتتأكد شكوكها في هذه اللحظه لتسقط اثرها ارضا فاقده للوعي