رواية اخوات جوزي العقارب الفصل الثاني2بقلم هويدا زغلول
وجه يوم الفرح و الفقرة بتاعت التورتة فجأه لقيت بوستر ل ثريا
عيد ميلاد سعيد واصاحبها دخلوا عند الديجي و قالو
ـ كل سنه و انتي طيبة يا ثريا اطلعي يلا عشان نقطع التورتة بمناسبة عيد ميلادك
بصيت لاحمد جوزي بعدم استيعاب و هو كمان بصيلي و هو مصدوم
ليلي بهمس: هو ايه اللي بيحصل يا احمد. هي هتطلع علي المسرح تحتفل بعيد ميلادة بالتورتة بتاعت الفرح اللي هنبدل بعديها الدبل!!!
احمد: معلش يا حبيبتي بس انا مش هقدر
اتكلم دلوقتي قدام الناس و ابوظ الفرح
ليلي: طب ما بوظتلي الفرح اهو
احمد: يا حبيبتي مفيش حاجة باظت و الله و خلي الفرح بس يعدي علي خير و انا هعملك كل اللي عايزه
ليلي _ لا مش هعدي الدنيا واقوم اقولها اللي هي بتعمله ده غلط
احمد _ ماشي حاضر يا ليلى وراح لاحمد جنب ثريا وقالها ينفع ان انتس بتعمليه ده ،وبعدين نزل من عينيها دموع التماسيح وقالت
ثريا _ انت عارف يا حبيبي من يوم ما بابا وماما راحوا وانا عمري ما فرحت ما صدقت النهارده ان يكون عيد ميلادي مع فرحك عشان تبقى الفرحه فرحتين ارجوك اوعي تنكد عليا
باس احمد رأسها وقالها
احمد _ كل سنه وانتي طيبه يا حبيبتي افرحي
وفضلت ليلي متنكده
بصيلت ثريا ليها بخبث و انتصار بعد ما قطعت التورته و بعدين قرارات اني هعدي يومي علي خير عشان الفرح يعدي و ابقا مع الشخص اللي بحبه
عدا الفرح و بعدين روحنا البيت و دخلنا شقتنا
احمد: نورتي بيتك يا اجمل عروسة
ليلي: و انا مش قادرة اصدق نفسي بجد انا واخيرا اتجوزنا
احمد: طب ايه بقا يا عروسه
ليلي: ايه
احمد و هو بيغمز: مش يلا!!
ليلي برتباك: لا.. انا.. انا جعانةو عايزه اخلع التاج...
احمد: و الله انا متجوز و انا مرعوب من لحظة التاج و الطرحة دي!!
ليلي: لو مش عايز تضيع وقت كتير ابتدي في فك الدبابيس من دلوقتي
احمد: امري لله يارب
ـــــــــــــــــــــــــــــــــ
وفي شقه ثريا
ثريا بشر: شوفتي منظرها كان عامل ازاي و انا بقطع االتورتة شوفتي مقدرتش تتكلم ازاي!!!
اسماء: طب و الله صعبت عليا
ثريا: ميصعبش عليكي غالي يا ختي
اسماء: طب انتي ناوية علي ايه دلوقتي
ثريا: مش دلوقتي.. انا هسيبا تفرح اليومين اللي جاي و بعدين هتشوفي هعمل فيها ايه!
اسماء: ربنا يستر منك يا ثريا
ـــــــــــــــــــــــــــــــــــــــ
احمد: اشهد ان لا اله الا الله خلصت و اخيرا
ليلي: خلصت التاج بس.. لسه فاضل الطرحه
احمد: يا صبر ايوب
عدا اليوم علي خير و بعد مرور اسبوعين صحيت مفزوعه علي صوت الباب و هو بيخبط بطريقة قويه
بصيت في الساعة لقيتها 7 الصبح!!!
ليلي بقلق: احمد.. احمد الباب بيخبط
احمد برهاق: ممم
ليلي: قوم بسرعة يا احمد شوف مين بيخبط الصبح كدا
قام احمد و هو نعسان اتجه للباب بيفتحه لاقي ثريا
احمد: خير يا ثريا.. في حاجة!!!
ثريا: الحق بسرعة يا احمد اسماء اغمي عليها و مش عارفه افوقها
احمد بخوف: ايه.. ازاي دا حصل
نزل جري عشان يشوف اخته دخل في نص الصالة لاقها واقعه علي الارض
احمد بخوف: اسماااء
قرب عليها شالها و بعدين حطها علي السرير و اخد شويه مايه و رشهم علي وشها
احمد: اسماء.. اسماء فوقي انتي كويسه!!!
فتحت اسماء عنيها بخبث و بعدين اتنهد اخوها
احمد: انتي كويسة.. ايه اللي حصل
اسماء: مش عارفه انا كنت دخله المطبخ دوخت
ثريا: متكذبيش يا اسماء قولي الحقيقه قولي اللي سمعتيه امبارح في المطبخ
بصتلها اسماء بعدم فهم و بعدين اتكلم ثريا بلؤم
ثريا: خلاص انا هقول يا اسماء... اسماء كانت واقف امبارح في المطبخ و سمعت ليلي مراتك بتتكلم مع امها
احمد: بتتكلم معاها بتقول ايه و ازاي تتصنطي عليه و هي بتتكلم
ثريا: طبعا هتحط الحق علينا من قبل ما اكمل حتي.. و طلما احنا الغلطانين يبقا ملوش لازم اكمل
احمد: اتكلمي يا اسماء سمعتي ايه
بصت اسماء لثريا و هي مش عارفة تقول ايه
احمد: ما تردي يا اسماء قالت ايه
اسماء: انا مش عايزه النفوس تشيل من بعض خليني ساكته احسن
ثريا: لازم يبقا عارف حقيقة اللي متجوزها يا
اسماء... اسماء سمعت مراتك و هي بتقول لامها انها ناويه تطلعك من البيت و تاخدو شقة برا و تاخدك منينا و احنا ملناش غيرك
يعني لا هيبقا عندنا اب و لا ام و لا حتي اخ نتسند عليه
احمد: حتي لو ليلي قالت كدا فعلا انتو بجد شافين ان ليلي ممكن تتخدني من ايدي كدا زي العيل الصغير و تبعدني عنكم... انتو لو كنتو واثقين فيا و في حبي عليكم مكنتوش عملتو التمثلية دي... انا هطلع اكمل نوم
اسماء: انتي ايه اللي قولته دااا
ثريا: لازم يعرف حقيقه مراته
اسماء: بس هي مقلتش كدا
ثريا: مش لازم تقول.. هي هتعمل كدا من غير ما تقول
اسماء: احنا كان اتفقنا علي اننا هنتسلي شويه لكن منقولش كلام زي دا و لما يطلع يسألها تطلعنا كدابين و اننا عايزين نوقع ما بنهم
ثريا: طب ما دي الحقيقة
اسماء: هو ايه دا اللي الحقيقه... ثريا هو انتي بتكرهي ليلي كدا ليه.. عشان بتغيري منها صح!
ثريا: مش ثريا اللي تغير من من بنت مفعوصه زي دي
اسماء: عليا انا بردو الكلام دا!!
ثريا: مستغربة ازاي ابقا اشيك منها و اجمل منها و هي تتجوز و تتحب و انا لأ... لو كنت اتجوزت ف سنها كدا كان زمان ولادي في الاعدادي
دلوقتي.. و انتي كمان اكبر منها ب 7 و محدش بردو معبرنا... و تسألني بكرها ليه
اسماء: بس هي ملهاش زنب
ثريا: لا ليها... حب احمد ليها عميه عننا و لو مشي سبنا في يوم من الايام مش هنلاقي كدا راجل نسند عليه انا و انتي و هنفضل طول العمر لوحدنا
اسماء: كفايا بقا يا ثريا.. كفايا تقطيم فينا.. احمد اخوكي عندو حق هو مستحيل يمشي في يوم و يسيبنا عشان احنا ملناش غيره
ثريا: هو انتي هتفضلي هبلة و عبيطة كدا لحد. امتي.. بكرا تشوفي اخوكي و هو بيتخطف من وسطنا و احنا مش قدرين نعمل حاجة
اسماء: بقولك ايه.. احمد مش هيفكر حتي انه يجي في يوم ة يسيبنا هسيبك بقا انتي و دماغك و هدخل انام كفايا انك صحتني من بدري
ثريا: ماشي يا اسماء.. بس انا بردو لسه هويكي انا هعمل فيها ايه
ــــــــــــــــــــــــــــــــــــــــ
ليلي: خير يا احمد اسماء ملها و مخلتنيش انزل ليه اطمن عليها
احمد: مش وقته يا ليلي.. انا عايز انام
ليلي: طيب فهمني طيب ايه اللي حصل.. و هي كويسة دلوقتي و لا ايه
قاعد احمد علي الكنبة في الصالون و هو بيفكر يسأل ليلي ولا لأ بس كان من جوه متأكد ان ليلي مستحيل تقول كدا بس كان في نفس الوقت محتاج يتكلم
و بردو خاف يقول حاجة لـ ليلي.. ليلي تعرف ان اخوته بيكرها و بيتبلو عليها فقرار يسكت و ميتكلمش لان لو كانت ليلي بتفكر في حاجة زي دي كانت فتحته في الموضوع
ليلي: مال يا حبيبي بتفكر في ايه
احمد: و لا حاجة يا حبيبتي هدخل انام شويه و لما اصحي ان شاء الله نبقا نتكلم
ليلي: ماشي يا حبيبي
في نفس اليوم دخل احمد علي اخته ثريا و هو فرحان جدا
احمد: ثريا عندي ليكي خبر بمليون جنيه
ثريا: في ايه و مالك فرحان كدا ليه!!!
احمد: في واحد زميلي في الشغل ليه واحد صحابه بيدور علي عروسه و بعدين زميلي قاله عليا و قال انك اختي و قرار انه يجي يتقدم انهارده
ثريا: بجد!!!!
اسماء:.. بس هو عارف يعني!!
احمد: ايوه عارف سنها و موافق لانه اصللا مطلق
ثريا: مطلق!!!
اسماء: و ماله يا اسماء مش مشكلة ايه يعني مطلق
ثريا: ما الله اعلم طلق ليه
اسماء: يمكن المشكله كانت من عند مراته المهم عشان خاطري يا ثريا وافقي
احمد: انا هطلع افرح ليلي
ثريا: هو انت مالك فرحان كدا ليه يا احمد.. اكيد طبعا مبسوط عشان مراتك هتخلص مني اخيرا
احمد: ليه بس بتقولي كدا.. انا فرحان لاختي الكبيرة يا ثريا و لا حرام
اسماء: معلش يا احمد اكيد ثريا متقصدش يلا اطلع قول ليلي خلينا نجهز عشان بليل
احمد: حاضر هسيبكم دلوقتي
اسماء: مالك يا ثريا انتي مش فرحانه و لا ايه
ثريا: فرحانه و بس.. دا انا هطير من الفؤحة
اسماء: ايوه كدا افرحي و ان شاء الله دا يطلع ابن حلال و يبقا من بختك و نصيبك
ثريا: لا دا مهما يحصل انا هوافق بيه.. و عقبالك يا رب يا اسماء انتي كمان و نبقا نسيب الحريبة دي قاعده بدماغها.. زمان الفرحة مش سيعها عشان هتخلص مني
اسماء: المهم قومي يلا خلينا نجهز عشان بليل
ثريا: عندك حق يلا بينا
ــــــــــــــــــــــــــــــــــــ
ليلي: لولولوي
احمد: يا بنتي اهدي هي لسه شافت العريس و لا شافها
ليلي: سيبني يا احمد افرح انت مش متخيل انا فرحنلها قد ايه.. كأنها اختي والله ربنا يهنيها يارب
احمد: انتي حنينه اوي يا ليلي.. ربنا يخليكي ليا يارب
ليلي: و يخليك ليا يا حبيبي يارب
و بليل جه العريس و امه و اخته و ثريا طلعت سلمت عليهم و هي مطصنعه الاحراج و الرقه
الام: تعالي اقعد جنبي يا عروسة
ثريا: حاضر يا طنط
الام: طنط دا ايه دا احنا فرق السن بينا كام سنه يعني
ضغط ثريا علي سننها من الغضب و بعدين نزلت ليلي سلمت عليهم
الام: امال مين القمر اللي قاعده هناك دي
احمد: دي مراتي حضرتك
الام: ممم اهي دي البنات ولا بلاش
ليلي: تشربي ايه
العريس: اللي ماما تقول عليه
الام: هتيله شاي
ثريا في سرها: مش كفايا اقرع لأ و كمان طلع ابن امه و امه لسانها مترين
الام: و انتي عندك كام سنه يا ليلي
ليلي: 24 سنه يا طنط
الام: ما شاء الله زي العسل
احمد: طب ايه يا جماعه مش هنقعد العريس و العروسة مع بعض عشان يتعرفو علي بعد ولا ايه.. قومي يا ثريا اقعدو في االانترية
ثريا: حاضر
قامت هي و العريس وقاعد قدامه و هو بيبص حوليه بقرف وساكت
ثريا: انا اسمي ليلي
العريس: عارف.. و انا اسمي صلاح
فضلت ليلي ترغي معاه و هو بيرد علي قد السؤال و بس
صلاح: ممكن كباية ماية لو سمحتي
ثريا: اكيد طبعا حاضر
قامت تجيب مايه و لما رجعت من المطبخ شافته مميل تحت كرسي الانترية
ثريا: بدور علي حاجة؟
اول ما سمعني اتعدل و هو بيبصلي برتباك
صلاح: دي دي الولعه بتاعتي وقعت بس لقتها اهو
عديت الموضوع و بعدين وافقت عشان اهو اي عريس و خلاص
كل يوم كنت بكره ليلي اكتر بسبب حب كل اللي حوليها ليها و انا اللي كنت علي علي الهامش دايما
و بعد الخطوبة بيوم اتفجأت بصلاح و هو مميل تحت الكرسي تاني
ثريا: انت بتعمل اي يا صلاح!!!
اتعدل و هو في ايديه قشرة مزه متعفنه
صلاح: كنت بجيب دي... اللي حطتها من اسبوع لسه زي ما هي في مكانها
ثريا بعدم فهم: و انت حطتها من اسبوع ليه اصلا!!!
صلاح: عشان اشوفكم بتنضفو علي طول و لا لأ عشان اشوف اشوفك بتحركي الكرسي و بتكنسي الارض و نضيفة في بيتك و لا لأ.. بس لاسف طلعتي بسيبي البيت مزبله
ثريا: ايه اللي انت بقوله دا!!
صلاح: اسمعي يا ثريا انا راجل بعشق النضفة و بتجنن لما بلاقي السجاد مش نضيف و لا في عنكبوت في السقف فا ياريت تتعودي علي تنضيف البيت من دلوقتي... مفهوم
ثريا: مفهوم
ـــــــــــــــــــــــــــــــــ
ليلي: انا حاسه ان ثريا مش كويسة و ان
اللي اسمه صلاح دا مش سهل ابدا
احمد: ليه بس بتقولي كدا يا ليلي!!
ليلي: لما بيبقا عندنا بيبقا بيبص حوليه بإشمئزاز كدا و مشج طايق حد فينا و لما يتحط الاكل بيقعد يبصله بقرف و مش برضا ياكل منه
احمد: عادي ما يمكن هو موسوس و دي طبعته
ليلي: بس دا بخنقها بعد الجواز طب تخيل من من ساعة ما خطبها مدخل البيت دا بعلبه شكولاته حتي
احمد: بصي طلما هي قابلة مش هقدر اتكلم لاني لو اتكلمت هتقول عليا عايز اخليها تفضل عانس و لما سمعت و معملتش حاجة هتقول اني عايز اطفشها من البيت و خلاص فهسبها لحد ما هي تتكلم
ليلي مكنتش مرتاحة و قرارت تتكلم مع ثريا بنفسها
ــــــــــــــــــــــــــــــــــــــ
اسماء: خير يا ليلي مش من عدتك يعني تنزلي تقعدي معانا
ليلي: انا كنت قاعده فوق ملانه قولت لما نقعد مع بعض شويه ندرتش شوية
اسماء: طيب ادخلي
دخلت ليلي لقت ثريا قاعده قدام التلفزيون
ليلي: اذيك يا ثريا عامله ايه
بصتلي من غير ما ترد
ليلي: خير يا ثريا انتي زعلانه مني في حاجة
ثريا: انتي عايزه مني ايه مش كفايا خدي اخونا ممنا و قلبته علينا عايزه تاني
ليلي: في ايه يا ثريا انتي بتكلمني كدا ليه
ثريا: ما كفايا تمثيل بقا حقيقتك بانت لما جم يتقدمو و شكلك و انتي عايزه تخطفي الاضواء عليكي عشان يعجبو فيكي انتي و يقرفو مني انا
ليلي: انتي لدرجادي شافيني وحشه
ثريا: لأ انا شايفه حقيقتك بس
ليلي: انتي فاهمة غلط يا ثريا..
ثريا: قصدك ان انا هبله يعني!!!
ليلي: لا انا اقصد..
ثريا مقطعه: بقولك ايه انا فيا اللي مكفني
اطلعي شقتك و روحي لجوزك اشكيله بقا و قوليله قد ايه اخواتك وحشين
بصتلها ليلي بحزن و بصت لاسماء اللي مكنتش عارفة تقول ايه و اول ما طلعت اتفأجات باللي كان واقف علي السلم!!!