الفصل الثالث العشرون23
بقلم هدير سعيد
صفاء : جواز ايه اللي فالسر منصور بيه حضرتك عندنا تاخد ضيافتك وتبقي نورتنا معندناش بنات للجواز
ايمن : بابا ليه كده انا عاوز الدنيا كلها تعرف ان ليل مراتي
منصور : ليه ايه دي طردتنا ناس قلالات ذوق يلا قدامي
بنان : بابي اهدي ده سوء تفاهم بابي مش قصدة فالسر محدش يعرف خالص لا هيبقي جواز رسمي وبفرح وزي اي عروسه لكن بدون صحافه واعلام مقتصر الي الأقارب حضرتكم عرفيين انه محدش بيسيب حد في حاله ولا هيسلم من القيل والقال والتضرر الوحيد هيرجع علي ليل لانه للاسف في ناس كتير بتحب تسخف وتضايق الناس وهيفضلو يعملوها بدونيه حتي لو كانت احسن منهم كلهم بس هما بيقيسوها بالماديات
محمد : امي انا عارف انه مفيش كلام بعد كلامك بس حقيقي هما عندهم حق خلي ليل تبقي في وسطهم هانم زيهم محدش عارف هي مين ولا حاجه الناس دي مش شبهنا
صفاء : وعشان هما مش شبهنا فعلا انا مش شايفه انه الجوازة دي صح
منصور : والله انا ده رأيي انا كمان بس متعودتش ارفض لولادي طلب وواضح ان حضرتك ست متفهمه واكيد عارفه الوسط بتاعنا كله حورات ازاي انا معجب بليل ورزانتها وحضرتك واضح قد ايه مربيه اولادك علي الادب والاحترام
صفاء : ده من ذوقك يافندم
ايمن : ممكن لو سوء التفاهم ده اتحل نحدد كتب الكتاب والفرح وكل طلبات العروسه مجابه وفستانها هيصممه افضل مصممي الازياء العالميين كمان
صفاء بتردد : طب نصيب فرصه لمنصور بيه يفكر واحنا كمان نفكر
منصور وهو يحدث نفسه واضح انهم كويسين مش طماعين ولا باصين لفلوس فسطرد قائلا : طب نخليها الخميس الجاي عندنا في الفيلا
صفاء : لاء طبعا ده بعد ٤ ايام والكلام ده ماينفعناش لازم عمامها وخيلانها يجو من البلد تتفقو معاهم بنتنا ليها رجاله مش مقطوعه من شجرة الاصول اصول
بنان : ما كل حاجه جاهزة ليه التأجيل
صفاء : هي دي عاداتنا ياحبيبتي صعايده بقي هنعمل ايه
ايمن : طب هنقابل اعمامها امتي
صفاء : هتفق معاهم و ابلغكم في التليفون
منصور : تمام احنا مضطرين نستأذن
صفاء : نورتونا
********
عاد منصور من شروده واتجه إلي الجناح الخاص بزوجته وهو يفكر بمحمد وسبب وجوده بمشفي كتلك فهمس لاحد الحرس الخاص به شيئا وذهب الحارس بعدها وصل منصور إلي غرفة زوجته
منصور : عامله ايه انهاردة
بكينام : جاي ليه مش كفايه انك سبب تعبي
منصور : احنا كبرنا علي خناقات العيال دي بقي
بكينام : كويس انك عارف انك كبرت
منصور بابتسامه باهته : ربنا يشفيكي يا حبيبتي
بكينام : بنتك فين
منصور : جوزها بيقول سافرت
بكينام : انت بتقول ايه تبقي هربت وحطتني في وش المدفع انا
منصور : مدفع ايه
بكينام : ليل ظهرت تاني بعد كل الغياب ده وبيقولو ليها بنت
منصور وهو يتذكر رؤيته لمحمد : ظهرت فين ومين قال
بكينام : بنتك قبل ما تهرب
منصور : وتهرب ليه وهي مالها ولا انتو كان ليكو اصلا يد في اختفائها
بكينام : ياعني كنت عاوز البنت دي كانت تظهر للناس علي انها مرات ابن منصور الوزير خصوصا بعد ما حملت
منصور : اديكي قولتي حملت ياعني كان في بطنها جزء من عيلتنا وانتي رمتيه فالشارع
بكينام: كانت خطه بنتك
منصور : انتي وبنتي عينه واحده اصلا سبحان الله رغم انك مش امها بس طلعت بنفس غباوتك
وقام غاضبا فقد كان يعلم ان لهن يدا في اختفائها وقد غضب عليهن كثيرا في حينها رغم اصررهن علي ان لا يد لاي منهما في غيابها المفاجئ خاصه بعدما وصل الحال بايمن ان يظل فترة بمصح نفسي ولكن ظهورها الان سيدمر سمعته تماما فهو في مأزق فان عادت فلابد ان حفيده معاها
********
محمد : ازيكم يا حلوين
ورد : كويسين جبتلي اللبس اللي طلبته منك
محمد : اه اهو ازيك يا مدام عبير اومال فين شمس
ورد : هتلاقيها خارجه دلوقتي من ساعه ما ابوها بعتلها الفساتين وهي داخله خارجه تقيس تورينا وتحري تلبس واحد تاني
الهام وهي تقترب من السرير الموضوع عليه الملابس : كل اللبس براندات تحفه شوفت اللبس يامحمد شوفت الماتريال والذوق اهو حظوظ
محمد: الهام
الهام : اتكتمت اهو
شمس وهي تخرج من الحمام : ها ايه رأيكم ده احلي ولا اللي فات
عبير وهي تخشي ان تصيب الهام شمس بالعين : كلهم حلويين يا شموسه تعالي اقعدي جنبي هنا عاوزاكي وكملي قياس بعدين
محمد بحرج : طمنوني هي ليل عامله ايه
ورد : فاقت ودخلنلها روح للمرضه خليها تعقمك وتدخلك
محمد : بجد ربنا يعافيها يارب
الجميع : يارب
******
ايمن في غرفة بكينام
بكينام : لما افتكرت ان ليك ام
ايمن : علي الاقل فاكر ان عندي ام ياتري انتي بقي عمرك فكرتي فيا كابن
بكينام بنقباضة قلب : تقصد ايه
ايمن : مقصدش انا جاي اطمن عليكي عامله ايه الدكتور قال ممكن تخرجي
بكينام : ياريت تحجزلي لندن عشان اسافر يقيمو حالتي كويس انا خايفه يكون في حاجه الدكاترة هنا معرفوهاش
ايمن : حاضر برغم اني شايفك اتحسنتي اهو
بكينام : انت عارف انا مابثقش في مستشفيات مصر اوي
ايمن : تمام تمام عاوزة حاجه
بكينام : هتمشي
ايمن : هخلص اجراءات خروجك واتاكد من الدكتور من الحالة
بكينام : و ريناد فين مش تيجي تشوفني
ايمن : كانت موجوده طول الليل تعبت قولتلها تروح تنام انا كمان محتاج انام عشان مطبق من امبارح بعد اذنك
وانصرف متجها إلي المعمل كي يطمئن علي نتيجة تحليل الحمض النوووي
ايمن : اخبار النتيجه ايه يا دكتور
الطبيب : النتيجه متوافقه يافندم بنت حضرتك اكيد
ايمن : تمام ممكن الفايل
الطبيب : اه يافندم اتفضل
اتجه إلي غرفة ابنته دق البا وسُمح له بالدخول
ايمن : ايه ياشمس الحاجه وصلتك
شمس : اها
ايمن : عجبوكي
شمس : تحفه تحفه ولا عمري توقعت البس حاجه بالجمال ده
ايمن بحزن : بكرة اعوضك ايه رأيك نروح نتغدي سوا انا وانتي في اي مكان قبل ما اروح انام بعد اليوم المتعب ده
شمس : بجد بجد هخرج اكل في مطعم زي الناس اللي فبشوفهم فالتلفزيون
ايمن : اه بجد بجد وبكره تزهقي من كتر الاكل فالمطاعم
شمس : طب هروح البس فستان تاني واجي
ايمن : خدي وقتك واجهزي براحتك انا عاوز محمد وورد اصلا
محمد : في حاجه ولا ايه
ايمن : الفايل ده انا عملت منه ٤ نسخ نسخه معاك ونسخه معايا ونسخه مع ورد ونسخه مع حد تاني لو دول ضاعو يظهرهم الفايل ده اللي بيثبت نسب شمس ليا عشان اول ما الموضوع يظهر للنور ناس كتير هتشك في نسبها فحبيت اقطع الشك باليقين قبل ما الموضوع ينتشر وحد يحاول يزور نتايج التحليل دي انا عملتها قبل بس عشان لو حصلي حاجه قبل ما الناس كلها تعرف ان شمس بنتي يبقي معاكم الورق اللي يثبت ده
ورد : تعرف اني كنت ناويه انتقم منك لاختي
ايمن : عارف وعشان كده جتلكم يومها بس النصيب تظهر في نفس اليوم
شمس : بابا انا حلوة كده
ايمن : احلي من القمر نفسه
ليتفاجئ الجميع بالباب ينفتح بلا استئذان
الجميع : منصور بيه