رواية ساعرفهم من انا
الفصل السادس6
بقلم ايه الموافي
كانوا كلهم موجودين و قاعدين قدام بعض علشان يتفقوا على كل حاجة
ملك لسوزى : اخبار الزفت اللى معاكى ايه
سوزى بضحك : بلع الطعم و صدق انى بنت اكابر
ملك بمكر : دا كدا كويس اوى، خلينا بقى فى الخطوة اللى بعدها على طول
سوزى بمكر : متقلقيش انا عاملة حساب لكل حاجة
ملك بصت لهشام ببرود و قالت بتكبر : و انت
هشام برفع حاجب و غيظ : ايه وانت دى انا ليا اسم على فكرة
بصت الناحية التانية بتجاهل و قالت لأدهم : قربنا نوصل لهدفنا
هشام بغضب و غيرة : على فكرة انا مبعملش كدا علشانه و لا علشان انا بعمل كدا علشان بيرى
بيرى بصتله بحيره و أدهم كمل بنفس الغيرة : والله اذا كان على بيرى فهى مش ضعيفة يعنى تقدر تاخد حقها سواء بينا او من غيرنا
ملك و بيرى بصوا لبعض بتسلية و هما شايفين حرب النظرات الباردة اللى بينهم
ملك لهشام ببرود : متنساش انها بتروح الفندق اليوم دا من كل اسبوع
هشام بسماجة : عارف
ملك بزهق : طالما اتفقنا على كل حاجة فاستأذن انا بقى
اول ما خرجت هشام خرج وراها على طول و مفضلش غير بيرى و أدهم
أدهم برفع حاجب : صوت القطر كان حلو مش كدا
بيرى ببرود و إستفزاز : انت شايف ايه
قرب منها جامد و هى بعدت لورا بفزع و قالت بتوتر : انت بتعمل ايه ابعد
قرب منها اكتر بس هى من كتر توتره اتدله بالبوكس فى عينه
رجع لورا بصدمة و هو حاطط ايده على عينه و بيقول بذهول و ألم : انتى ادتينى بالبونية فى عينى
بيرى بتوتر و ارتباك : تستاهل و على فكره بقى انا مش أسفة و انت اللى جبته لنفسك
بص عليها بذهول و هى خرجت برا بسرعة و هى بتتجنب تبصله
..........................٭٭٭٭٭٭٭٭٭٭٭٭٭٭:.........................
وقفت مكانها بضجر و قالت بغيظ و هى بتلفله : انت ماشى ورايا ليه
هشام ببرود : مين اللى قالك انى ماشى وراكى، ليه يعنى مفكره نفسك محور الكون
ملك برفع حاجب : والله
كان لسه هيتكلم بس سمعوا صوت طفلة بتعيط، بصوا لبعض بإستغراب و راحوا ناحية الصوت
اول ما ملك شافت الطفلة جريت عليها على طول و فضلت تهديها، نزلت لمستواها و قالت بحنية : انتى بتعيطى ليه
الطفلة ببكاء و برائة : مطلعش بيحبنى
ملك بإستغراب : مين دا اللى مطلعش بيحبك، انتى اسمك ايه الاول
انا اسمى ملك
ملك بتفاجأ : زى اسمى
ملك الصغيرة مسحت دموعها و هى بتبصلها ببرائه
ملك : مين دا بقى اللى مطلعش بيحبك
رجعت تانى للبكاء و قالت بشهقات طفلة : بودى
هشام بضحك : مين بودك دا
ملك الصغيرة بحزن : دا كان صاحبى بس انا قولتله انى بحبه و هو قالى انى مجرد صديقة و حب صاحبتى و قالى ان احنا من انهاردة معدناش هنبقى اصحاب
هشام وشه بهت و ملك بصت ناحيتة بجمود، ملك لملك الصغيرة : معلش يا حببتى فى صنف كدا من الرجالة مبيعرفوش قيمتك الا لما تروحى من ايديهم
هشام نزل لمستوى الطفلة و قال بحنية و هو بيطبطب على راسها : طب و لو رجع معتذراً هتعملى ايه ساعتها
ملك بصت عليه بسخرية و ملك الصغيرة ابتسمت و قالت : هقوله حمدلله على السلامه ليك واحشة و اوطى اجيب اللى فى رجلى و انزل بيه على نفوخه
هشام فتح بوقه و بصالها بصدمة و ملك الكبيرة بصتلها بفخر و قالت بتأييد لرأيها : وربنا تبقى جدعة لو عملتيها، ايوا خلينا نتعلم منك شوية علشان الناس اللى حوالينا دى نعرف نربيها
ملك الصغيرة بغرور : انا مترفضتش اصلا بس هو علشان غبى مقدرش الجوهرة اللى هو انا يعنى
هشام بصدمة : لا لا انتى لايمكن تكونى طفلة
ملك بتشجيع : و علشان هو غبى منستحقش نعيط و ننزل دموعنا الغالية دى عليه مش كدا
ملك الصغيرة ابتسمت بحماس و قالت : عندك حق يا طنط
ملك الكبيرة : يبقى متعيطيش تانى بقى عليه، باستها من خدها و مشت تحت نظرات هشام المتغاظة منهم هما الاتنين
هشام بغيظ للطفلة : عاجبك كدا اديكى بوظتى الدنيا اكتر ما هى بايظة
ملك الصغيرة بلماضة : و انا جيت جنبك يا جدع انت
هشام بغيظ : بقى هى طنط و انا جدع
ملك ببرود : باى باى بقى علشان انت اخدت من وقتى كتير
مشت من قدامه بغرور و هشام قال بذهول : دا ايه كمية التناحة اللى هى فيها دى
• تانى يوم
سوزى برقة لابراهيم : و بس هى دى كل الحكاية
ابراهيم : اللى انا فهمته انك عايزة تفتحى شركة ازياء هنا بس السيولة مش هتكفى فمحتاجة شريك معاكى
سوزى : بالظبط كدا
ابراهيم بإستغراب : مش باباكى غنى و يقدر يديكى
سوزى برفض : لا طبعا انت بتقول ايه انا عايزة اعتمد على نفسى من غير ما الجأ لبابى
ابراهيم بمكر و خبث : و انا لقتلك الشريك المناسب
سوزى بأمل : دا بجد
هز راسه بأه و هى كملت بتساؤل : مين هو
شاور على نفسه و قال بخبث : انا
سوزى بتصنع التفاجأ : بجد ولا بتهزر
ابراهيم بجدية : و هى الحاجات دى فيها هزار
هزت راسها ب لأ و هو كمل بمكر : ايه رأيك، انا معايا السيولة اللى انتى هتحتاجيها
سوزى بخبث مخفى : موافقة طبعا من غير كلام
ابراهيم شرب العصير اللى قدامه و قال فى سره : هطلع منك بفلوس كتير اوى و بأقل مجهود
.........................٭٭٭٭٭٭٭٭٭٭٭٭٭............................
انا عايز احجز الفندق كله علشان اخد راحتى فيه
رغد بصدمة من وراه : الفندق كله
لف بإستغراب و قال بملل بعد ما شافها : انتى تانى
رغد بذهول : استنى بس هو ايه اللى تحجز الفندق كله علشان تاخد راحتك فيه
هشام ببرود : و انتى مالك
رغد بضجر : تصدق عندك حق، و انا مالى فعلا
هشام بضحك : خلاص خدى متتقمصيش زى العيال الصغيرة
رغد بغيظ : دا انت كائن مستفز
هشام بضحك : كائن
ضم حواجبه و قال : انتى ايه اللى جابك هنا
رغد بإستفزاز : ملكش دعوة
هشام بسخرية : قلودة اوى
بس بجد ايه اللى جابك هنا فى المكان النضيف دا
رغد بشرشحة : هو حد قالك قبل كدا انى معفنة ولا ايه
هشام ببرود : مش قصدى بس المكان دا يعنى مبيدخلهوش الا البشوات
رغد بغرور : و حد قالك غير كدا، انت مش شايف لبسى ولا ايه كله براند من ماركات مشهورة
هشام بإبتسامة جانبية : خلاص ياستى ولا تزعلى اتفضلى احجزى اللى انتى عايزاه
رغد بإستغراب : مش انت هتحجز الفندق كله احجز ازاى انا دلوقتى
هشام بضجر : لا خلاص نفسى اتسدت
مشى من قدامها و هى بصتله بذهول، راحت على طول على العامل اللى واقف فى الريسيبشن و قالت بفضول : هو مين كان واقف معايا دا
العامل بحيرة : مش انتى اتكلمتى معاه متعرفهوش ازاى بقى
رغد بغيظ : متجاوب على اد السؤال
العامل : دا واحد غنى جدا بييجى هنا كل شهر يحجز سويت كامل بس انهاردة كان عايز يحجز الفندق كامل
رغد بذهول : للدرجة دى هو غنى