رواية ساعرفهم من انا الفصل السابع7 بقلم ايه الموافي

رواية ساعرفهم من انا 

الفصل السابع7 

بقلم ايه الموافي 

استنى متمشيش

وقف مكانه و ابتسم بخبث قبل ما يلفلها، لف و تصنع الاستغراب و هو بيقول : 

- انتى بتنهجى ليه انتى كنتى بتجرى

رغد بتصنع الزعل :

- اصل انا ميرضنيش انك تمشى علشان انا موجودة، لو وجودى مضيقك اوى كدا خلاص همشى انا

اتنهد و بصلها كتير تحت استغرابها و بعدين كمل بهدوء :

- انا ممشيتش علشان وجودك مضايقنى، انا مشيت علشان انا واخد اجازة و عايز استجم فيها شوية و انا و انتى كل اما بنتقابل بنتخانق

رغد مدت ايدها بإبتسامة و خبث و قالت بلطف :

- تعالى ننسى اللى فات صافى يا لبن

هشام بإبتسامة و هو بيسلم : 

- حليب يا قشطة

مسابتش ايده و جرته وراها لحد الريسيبشن، بصت للعامل و قالت :

- احجزلى اوضة و شوف هو هيحجز ايه

هشام بإبتسامة و هو بيقلع النضارة :

- احجزلنا جناحين كاملين

بصت عليه بصدمة و هو كمل بغمزة : 

- طالما صافى يا لبن اعتبرى الحجز دا كادو منى

رغد و هى بتتصنع الاحراج :

- لا دا كتير اوى كجادو انا مقدرش اقبل حاجة زى دى

هشام بحده : 

- مش انتى مش عايزانا نتخانق يبقى اسمعى الكلام

تصنعت التوتر و قالت و هى بتبص فى الارض :

- اللى تشوفه بس ليك عندى كادو

هشام بإبتسامة جانبية : 

- ابقى اعزمينى على عشا احسن

رغد بضحك :

- بيس

   .★..★..★.★ ..★..★..★..★..★..★..★..★..★.

بيرى بتوتر :

- انت ليه طلبتنى 

أدهم بغيظ : 

- مالك متوترة كدا ليه اشحال ماكنتيش انتى اللى فقعالى البونية دى فى عينى

بيرى بضحك : 

- تستاهل على فكرة علشان تلم نفسك

أدهم بضحك :

- هعدهالك المرة دى بس انا عايز اسألك على حاجة

بيرى بإبتسامة :

- ايه

أدهم بترقب : 

- عايز اعرف قصتك

ابتسامتها اختفت و كشرت و قالت بحده :

- و انت مالك انت

أدهم بجدية :

- لازم اعرف يا بيرى

بيرى بسخرية :

- لازم ليه بقى ان شاء الله

أدهم بنبره هادية و هو بيبص فى عيونها :

- انا معجب بيكى يا بيرى

وشها احمر و اتوترت و قالت بحده :

- انت خطيب ملك

أدهم بغيظ : ما انتى عارفة اننا مخطوبين علشان الخطة و بس، و كمان هى اصلا بتحب هشام

قامت بتوتر و هى بتقول بإرتباك :

- انا لازم امشى عن اذنك

قام وراها على طول و قال بغضب :

- انتى هتفضلى تهربى كدا كتير

بيرى بحده :

- انت عايز ايه

أدهم بعصبية :

- عايز اعرف ايه اللى جرالك

زقته بغضب و قالت بصوت عالى :

- عايز تعرف ايه ها عايز تعرف ان انا و ابراهيم كنا متجوزين

حس انه اتشل فى مكانه و قال بصدمة :

- م متجوزين

دموعها نزلت و هى بتقول :

- اوهمنى انه بيحبنى و خلانى اتعلقت بيه لحد ما اتجوزنا، كان بيعاملنى احسن معاملة لدرجة انى كنت بحسد بنفسى

اعدت على الكرسى اللى كان جايبهولها على الشاطئ قدام البحر و قالت بإنهيار :

- بس فى مرة قومت لقيت نفسى لوحدى، سمعت جرس الباب و روحت بسرعة علشان كنت مفكرة ان هو بس الصدمة شلتنى لما لقيت الشرطة و هى بتقولى انى لازم اخلى المكان علشان مبقاش بيتى

أدهم بحزن و عدم فهم :

- هى مش المفروض شقته هو

ضحكت بسخرية و قالت بمرارة :

- لا دا كان عايش معانا و بيشتغل مع بابا فى شركة لان مستواه كان ضعيف عننا بكتير

بصلها بتأثر و هى كملت بوجع :

- ساعتها مصدقتش نفسى و فضلت واقفة من الصدمة لما لقيت بابا جاى و على وشه علامة الصدمة و التوهان

سألته بخوف ماله، بصلى بصه عُمرى ما هنساها من وجعها و قال و صوته كان بيطلع بالعافية ان ابراهيم تصب عليه فى شركته

ماكنتش مصدقة ابدا ان أدهم ممكن يعمل كد ولما الظابط كرر علينا بإخلاء المنزل ساعتها، سكتت بألم و كملت بشهقة :

- ساعتها وقع على الارض و مقامش تانى

بص عليها بتأثر و قلبه بيوجعه على حالتها، مستحملش اكتر و حضنها و هو بيحاول يهديها :

- اهدى صدقينى هعوضك عن اللى شوفتيه و هجبلك حقك من الكلب دا

خرجت من حضنه و بصتله بدموع، مد ايده تحت عيونها و فضل يمسح دموعها بحنان

بصتله بمشاعر جديدة و هو كمل بحب :

- تتجوزينى يا بيرى

بصتله بصدمه و قلبها عمال يدق بسرعة، كانت لسه هتتكلم بس هو حط ايده على بقها و قال بإبتسامة :

- انا مش عايز اجابة دلوقتى خدى كل وقتك فى التفكير و رودى عليا براحتك

ابتسمت براحة و تجاهلت النظر ليه و هو قال :

- قومى يالا علشان اروحك

هزت راسها و قامت و مشت وراه

 .★..★..★..★..★..★..★..★..★..★..★..★..★.★.

كانت راحة جاية فى الصالة بعصبية و هى بتقول بغضب : 

- ياترى بيعمل ايه هناك، اكيد مقضيها دا هشام و انا عارفاه

طلعت تليفونها و اترددت ترن بس فى الاخر حسمت قراها و رنت عليه

بعد ثوانى كان هو رد بإستغراب و هو بيقول بقلق :

- فى حاجة يا ملك بترنى ليه

ملك بعصبية :

- برن ليه انت مش عايزنى ارن ولا ايه

هشام و هو بيحاول يهديها :

- فى ايه يا ملك اهدى انا بسألك بس علشان انا قلقت ليكون فى حاجة

كانت لسه هترد بس سكتت بصدمة و هى سامعة صوت ضحكة مايعة جنبه، اتنرفزت و قالت بغيرة :

- صوت مين اللى جنبك دى

ضحك بإستمتاع لما فهم انها غيرانه عليه و قال بخبث : 

- دى واحدة حاطة عينها عليا و عايزة تشقطنى

ملك بعصبية و غيرة :

- و انت طبعا عجبك كدا صح 

هشام بإستفزاز :

- فى ايه ملوكة بس مالك متعصبة كدا ليه

ملك بحده :

- انا مش متعصبة

هشام بضحك :

- واضح

كانت لسه هتتكلم بغصب بس هو اتكلم بمكر و قال بكيد : 

- اقفلى انتى بقى علشان رغودة جاية عليا

دمها اتحرق و كانت لسه هتشتم بس لقت انه قفل السكة فى وشها

بصت للتليفون بصدمة و قالت بغيظ :

- دا قفل فى وشى

رمت التليفون بعنف على السرير و قال بغضب :

- ماشى يا هشام

 .★..★..★..★..★..★..★..★..★..★..★..★..★..★.

سوزى بإستغراب و هى بترد على الموبايل :

- فى حاجة يا ابراهيم

ابراهيم بإحراج :

- شكلى قطعتك عن حاجة مهمة

سوزى بضحك :

- لا انا مكنتش بعمل حاجة بس استغربت انك كلمتنى علشان احنا كنا مع بعض امبارح

ابراهيم بخبث :

- ما انتى وحشتينى اعملك ايه يعنى

سوزى بخجل مصطنع :

- و انت كمان

ابراهيم ضحك و فضلوا يتكلموا فى الشغل اللى هيتم بينهم

           الفصل الثامن من هنا

لقراءة باقي الفصول اصغط هنا