الفصل الخامس والعشرون 25
بقلم احمد حسن
في مكتب الوزير
السكرتير .. في حد عايزك بره يامعالى الوزير أدخله ؟
الوزير .. لا مش عايز أقابل حد
السكرتير .. دي مصممة يافندم
وفجأة الباب أتفتح والضيف دخل قعد على الكرسي بكل ثقة وحط رجل على رجل
الوزير ثبت في مكانه وشاور للسكرتيرة بالخروج وهو في حالة من الصدمة
ياتري مين الضيف ده اللي الوزير اتهز من دخوله ؟!!
جومانة .. اسفة إن كنت جيت من غير ميعاد يامعالي الوزير
الوزير .. لا ولا يهمك ياجومانة انتي بنت الغالي الله يرحمه
جومانة .. هو فعلا كان غالي عليك ياسيادة الوزير ؟؟ 😏
الوزير .. اه طبعا ! وهي دي محتاجة سؤال 😕
جومانة .. طب هو اللي غالي عليه حد بيقتله يامعالي الوزير ؟!
الوزير .. انا مسمحلكيش تكلميني كده ! ايه الكلام الفارغ ده 😡
جومانة .. ههههه أهدى بس ومتاخدش الكلام على صدرك كده ههههه
الوزير .. ممكن أعرف انتي جاية ليه ؟!
جومانة .. مفيش كان في فيلم حلو نزل محدش شافه غيري قلت أخليه حصري لمعالي الوزير
الوزير .. فيلم !!
جومانة .. اتفضل كده شوفه انا متاكدة إنه هيعجبك 😏
الوزير .. ايه ده 😳 لا دا تهريج 😡
جومانة .. متخافش ياسيادة الوزير الڤيديو ده محدش شافه غيري وممكن محدش يشوفه خالص
الوزير .. مش فاهم !
جومانة .. 10 مليون جنيه
الوزير .. ايه 😳😡
جومانة .. اظن حياتك ومركزك يستاهله أكتر من كده بس انا مش طماعة 😏
الوزير .. وانا ايه يضمنلي إنك مش هتغدري
جومانة .. لو في دماغي غدر وإني أخلص منك مكنتش بقيت قاعدة معاك هنا دلوقتي😏
الوزير .. خلاص ماشي بكرة الليلة الفلوس هتكون عندك
جومانة .. خلي النسخة دي معاك انا معايا الڤيديو الأصلي أستلم ال10 مليون أسلمك الڤيديو
__________
طارق أتصل بالوزير
طارق .. صباح الخير يافندم
الوزير .. عايز ايه
طارق .. الوفد الفرنسي بعد نص ساعة هيوصل المطار يافندم
حضرتك هتيجي تستقبلهم ؟
الوزير .. لا استقبلهم وخدهم على الفندق وبالليل هاتهم على البيت عشان الحفلة
طارق .. حاضر معاليك
__________________
في الجبل
فايز .. وبعدين معاك ياشملول أفندي صدعتنا بتلفونك كل شوية رن رن
نادر .. جلال جاي أيمتا ؟
فايز .. هه جلال ملوش مواعيد ممكن يجي كمان اسبوع او أكتر وممكن أقل بس ليه يعني ؟!
نادر .. انا محتاجه ضروري دلوقتي
فايز .. حاضر هرنلك عليه بس عارف لو طلعت حاجة هايفة هعمل فيك ايه ؟😡
بالفعل فايز كلم جلال وقاله ييجي ضروري
_______
جلال .. في أيه جبتوني على ملا وشي ؟!!
نادر .. في حاجة عرفتها على ما أعتقد إنها ممكن تفيدك
جلال .. خير ؟
نادر .. الوفد الفرنسي اللي مستنيه الوزير من سنة وصل القاهرة النهاردة
جلال .. وضح اكتر
نادر .. الوفد ده الوزير متفق معاهم يسلمهم كل الأثار اللي جمعها في الفترة دي والنهاردة عاملهم حفلة في البيت عنده
فايز .. هو ده الوضوع اللي انت عايز فيه جلال ! يااخي دا انت بني ادم تافه صحيح ، هيعمل إيه هو بالوفد الفرنسي ده !!؟
جلال .. أسكت أنت يافايز ممكن 😡؟
فايز .. سكت 😳
جلال .. قولي يانادر الوفد ده فين دلوقتي ؟!
نادر ..الرجالة بتوعي أكدولي إن الوفد حاليا موجود بفندق على الكورنيش ومعاهم طارق الدراع اليمين للوزير اكيد مستني لما يتحرك بيهم على الحفلة بالليل
جلال .. تسلم يانادر
نادر .. طب قولي ناوي على إيه ؟!
جلال .. محتاج رجالة معايا جوة الڤيلا تحسبا لأي حاجة ممكن تحصل بس الأكيد رجالتي مش هيعرفوا يدخلوا أعرف ليا كام راجل موجود مع الوفد ده وانا هخفي منهم الناس اللي مش مهمة وأستبدلهم برجالتنا
نادر عمل تليفونه وعرف إن الوفد بيتكون من 21 فرد كله ستات ماعدا اتنين رجالة فقط واحد منهم حارس ملازم دايما لقائدة الوفد الفرنسي والتاني معاه زوجته حامل وبيسندها دايما وهما ماشيين
جلال .. اوفففف اتعقدت كده
نادر .. كده اظن مفيش مكان في وسط الوفد
جلال .. لا في ، أنت هتلبس واحدة ست وتلبس نضارة وكمامة
نادر .. وأنت !
جلال .. أنا هبقا الراجل الفرنسي اللي بيسند مراته
نادر .. طب والزوجة هتبقى مين ؟
جلال .. مفيش غير جومانة هي اللي هتنفع في الدور ده
نادر .. صحيح نسيت أقولك ، جومانة النهاردة كانت في مكتب الوزير
جلال .. ايه 😳😡
نادر .. بس معرفتش ليه
جلال .. كده جومانة برة لعبتنا
نادر .. طب هتبقا الست الحامل
جلال بص على فايز بجنب عنيه 😉
فايز .. ههههه ورحمة الحاج كامل في تربته ما هيحصل 😏
جلال .. أحلق دقنك ونعمها كويس واظن بكرشك ده مش هتحتاج نحط ليك مخدة 😌
فايز .. انت اتجنيت ولا إيه يافايز عايز تلبس اخوك الكبير طرحة وتخليه كيف الحريم وكمان حبلة 😳😡
جلال .. أفتكر يافايز إني معنديش حد أثق فيه غيرك وكمان اللي إحنا فيه ده كله عشان نجيب برائتك وننجي إبن أخوك
فايز .. يابااااااي عليك ياجلال 😡
جلال .. معلش يافايز عشان خاطري يااخوي
فايز .. بس بشرط ✋
جلال .. شرط ! شرط إيه ؟!!
فايز .. ملبسش هدوم النسوان دي قدام بنت المركوب اللي جوة دي 🙄
جلال .. ههههههه ماشي يافايز وبعدين متقلقش أنت هتلبس نفس هدومهم في الفندق مش هنا
نادر .. دلوقتي إحنا لازم ندخل الفندق ونتخلص من التلاتة اللي هنحل محلهم
فايز .. طب وهندخل الفندق كييييف ؟!!!
نادر .. متقلقوش أنا أعرف كذا جرسون هناك هراضيهم واخليهم يشوفه لينا طريقة ندخل بيها الفندق يلا بينا
جلال .. هعمل مشوار الأول وهبقا اتصل عليكم أقابلكم عند الفندق
________________
جلال خلص مع نادر وفايز في الجبل وعلطول طلع على بيت سعد عشان يقابل جومانة
جومانة .. أهلا ياجلال
جلال .. أنتي كنتي عند الوزير بتعملي إيه 😡
جومانة .. اه انت عرفت !
جلال .. ردي عليا
جومانة .. بصراحة كنت عايزة أطلع من وراه بأي مصلحة قبل ما نخلص منه
جلال .. وهو بقا هيوافقك على عقلك
جومانة .. ماهو خلاص شربها والنهاردة هييجي ومعاه 10 مليون وهديله نسخة من الڤيديو وابقا استفدت بحاجة منه قبل ما يقابل وجه كريم😅
جلال .. أنتي غبية يابت 😡؟!
جومانة .. إيه ياكش تكون طمعان وعايز حاجة انت كمان 😏
جلال .. لا ياختي الوزير مش جاي الوزير هيبعتلك رجالته تخلص عليكي وياخد الڤيديو ببلاش😡
جومانة .. مش فاهمة وليه هيعمل كده ماهو بالنسباله هياخد اللي هو عايزه
جلال .. خدي شهاب وأهربي حالا
جومانة .. لا طبعا انا هقوله إني محتفظة بنسخة ولو فكر يعمل حاجة معايا النسخة هتطلع وهيتفضح
جلال .. الكلام ده لو هو اللي هييجي بس هو مش جاي ، هو زمانه إدى الاوامر لرجالته إنهم يخلصوا عليكي ويجيبه الفيديو ورجالته مش هيستنوا يسمعوكي
جومانة .. انا مش همشي ياجلال غير لما أخد ال10مليون وانا عارفة هتصرف معاهم إزاي😡
جلال .. خلاص مادمتي مصممة خدي ده ( جلال خلع واقي الرصاص اللي كان لابسه وإدهولها )
جومانة .. ايه ده ؟!!
جلال .. ده واقي من الرصاص البسيه وأنتي وحظك لو ضربوكي بالرصاص يبقا هتعيشي اما لو إختارولك موتة تانية يبقا الله يرحمك
جومانة .. هه ماشي 😏
جلال .. شهاب ياشهاب
جومانة .. عايز منه إيه ؟!
جلال .. هبعته مع حد من رجالتي على البيت عندي وانتي لو ربنا نجاكي إبقي تعالي خديه 😡
جومانة .. هه ماشي أهو يغير جو 😅
__________________
في بيت الوزير كان بيكلم طارق وقاله
الوزير .. أسمعني ياطارق أول ما الوفد يتحرك من عندك هتروح للبت اللي أسمها جومانة عايزك تتخلص منها وتفرغلي كل الكاميرات وتحذف السجلات كلها وبعد كده تفتش الڤيلا شبر شبر تجيبلي كل النسخ بتاعت الڤيديو وبالمرة خلصولي على أخوها هو اهبل أه بس الإحتياط واجب وأوعى تسيب وراك أي دليل فاهم ياطارق ؟!!
طارق .. فاهم يافندم 👌
__________________
في الفندق
نادر .. أمسك ياجلال امسك يانادر ألبس لبس الجرسونات ده وحط الكمامة والباروكة دي تلبسها يافايز بعد ما تلبس وانت كمان ياجلال الراجل شعره أبيض ألبس دي قريبة منه
جلال .. ماشي
فايز .. ماشي كيف اللبس ده مش هيفوت في جسمي واصلا البنطلون مقطوع !
نادر .. ياعم أحشر نفسك فيه وخلاص انت هتتمنظر 🙄
فايز .. شايف الواد كلامه مستفز كيف ياجلال عشان لو نشيته عيارين متلومنيش😡
جلال .. البس بقا يافايز وخلصنا وبعدين الجرسون قالك هيدخلنا من الباب الخلفي يعني محدش هيشوفك
بالفعل دخلوا التلاتة الفندق وأتجهه ناحية الغرفة المطلوبة
فايز فتح الباب ووراه جلال واقف في الطرقة مأمنه دخل فايز رفع عليهم السلاح وقالهم مسمعش صوت حد فيكم
فين ياد هدومك انت وهي ، طبعا جلال مش فاهم كلامهم فقالهم عالعموم هعرفها لوحدي راح كتفهم ونده جلال وبدأ كل واحد فيهم يدور على هدوم تناسبه
جلال .. في ايه أخلص يافايز 😳
فايز .. الولية كل لبسها عريان يازفت 😡
جلال .. ينهار اسود وبعدين في المشكلة دي !؟
فايز .. متقلقش انا عامل حسابي وعارف إن المخابيل الاجانب دول بيمشوا من غير هدوم جبت في إيدي كام حتة شفتشي لأم العيال الله يحرقها ملبستهومش مكنتش أعرف أني أنا اللي هلبسهم
جلال.. براوة عليك ياد يافايز دماغك شغالة
فايز القمصان دي لحد الركبة ينفع ألبس عليهم بنطلون من بتوع الراجل ؟!
جلال .. عادي يافايز البس وخلصنا الوفد نازل
نادر هو كمان خلص مهمته ولبس هدوم الست وكتفها في اوضتها ونزل في وسط الوفد
جلال .. متمشيش زي الفحل إكده ! حط إيدك في وسطك واتسند عليا
فايز .. اه ياغيظي منك ياما نفسي اقطم رقبتك انت والواد اللي اسمه نادر ده 😡
جلال .. بس قولي ياخوي هو انت معتبر العبايات البيتي ام كمام دي حاجات شفتشي 😅
فايز .. قصدك ايه ياد 🙄
جلال .. أصل بصراحة افتكرت موقفك لما كنت عايز ام العيال تعملك فيفي ودينا وصافيناز
فايز .. وياريتها عرفت تعمل 😅
جلال .. هههههههههه
نادر قرب منهم وفايز سمع صوت ضحكت نادر من تحت الكمامة
فايز .. ايوة اضحك في الخباثة أضحك يارب تفطس بلبس فتاة الليل اللي انت لابسه ده 😏
________________
في بيت الحاج كامل أحد رجال جلال وصل بشهاب للبيت
سكينة .. مين اللي أنت جايبه ده
شهاب .. انا اسمي شهاب وانتيييي
سكينة .. يحميك لامك مين دا ياجدع انت وهو
... ده واحد كده على نياته ياست سكينة جلال بيه أمرنا نجيبه عالبيت
صفاء .. في أيه ياسكينة ؟!!
سكينة .. دا جلال باعت واحد كده مش عارفاه عالعموم ادخل
شهاب .. وانتي اسمك ايه ☺️
صفاء .. انا أسمي صفاء مرات جلال بيه اللي بعتك هنا
شهاب .. جلال حبيب شهاب 😍
سكينة .. واضح انه بيحب جلال قوي 😅
شهاب .. انتي وحشة مقولتيش اسمك 😔
سكينة .. خلاص ياسيدي متزعلش نفسك انا اسمي سكينة اخت جلال حبيبك
___________
في بيت جومانة
طارق .. انا باعتني الوزير عشان الڤيديو
جومانة .. الفلوس فين ؟!
طارق .. هتاخدي اللي انتي عايزاه ياحلوة بس لما نشوف اللي احنا عاوزينه
جومانة .. الفيديو اهو الفلوس فين بقا
طارق طلع مسدسه وإداها تلات طلقات وقالها .. الفلوس هناك وسط قبور الشهداء ياحلوة ههههههههههههه
__________
في الڤيلا 🔥
جلال وفايز ونادر ماشيين جنب بعضهم وطبعا الوزير استقبل الوفد كله وجنبه سلمى جه الوزير عند جلال وهو بيسلم عليه ووقف شوية وبص في وشه وقاله أهلا ....
لو عايز تعرف حصل إيه في الڤيلا متبخلش علينا بدعمك🙏