الفصل السادس والعشرون 26
بقلم احمد حسن
طارق .. انا باعتني الوزير عشان الڤيديو
جومانة .. الفلوس فين ؟!
طارق .. هتاخدي اللي انتي عايزاه ياحلوة بس لما نشوف اللي احنا عاوزينه
جومانة .. الفيديو اهو الفلوس فين بقا؟
طارق طلع مسدسه وإداها تلات طلقات وقالها .. الفلوس هناك وسط قبور الشهداء ياحلوة ههههههههههههه
__________
في الڤيلا 🔥
جلال وفايز ونادر ماشيين جنب بعضهم وطبعا الوزير استقبل الوفد كله وجنبه سلمى جه الوزير عند جلال وهو بيسلم عليه ووقف شوية وبص في وشه وقاله أهلا بحضرتك اتفضلى ( متهيألي شفتك قبل كده !)
جلال من إشاراته اوهم الوزير إنه مش بيفهم عربي ودخل الحفل
نادر .. للأسف سلمى مخدتش بالها مننا!
جلال .. المشكلة دلوقتي عايزين حد مننا يروح عندها يكلمها
فايز .. بردو بتبصلي ياجلال ! انا مش عارف لما انا هقوم بكل حاجة امال أنتم جايين معايا ليه ! ما كنت جيت لوحدي😡
نادر .. البركة في البيبي بتاعك والباروكة بتاعتي يامدام هما الحاجة الوحيدة اللي هيدخلوكي حمام الڤيلا
فايز .. ولااااا انت ماصدقت اني بقيت ست وهتستعبط ولا ايه !😡 عظيم بيمين أخلع كل حاجة هنا وأفضحكم دلوقتي 😡
جلال .. في إيه يافايز ! انادر عنده حق ! مش هينفع أي حد مننا دلوقتي يقرب من سلمى لازم واحدة ست زيها والوحيد في وسطينا اللي ينفع هو أنت
فايز .. طب وليه الأمور ده ميروحش ما هو كمان عامل واحدة ست 😏
جلال .. ياسيدي أنت هتكسب تعاطفها عشان حامل اما نادر ممكن يبعته معاه حد من الخدم
فايز .. طب ولو حصل وبعته معايا خدامة يبقا إيه الحل وقتها ؟!
جلال .. ياسيدي انا هبقا أتصرف وأبعتها وراك بس أهم حاجة تخلص من الخدامة أذا طلعت معاك
فعلا فايز راح عند سلمى ونادر كان محفظه كلمة عايزة ادخل الحمام باللغة الفرنسية المهم فايز وصل لسلمى وقالها كده وهي جنب الوزير
سلمى .. أنا مش فاهمة انتي عايزة أيه ؟!!
الوزير .. متشغليش بالك دي عايزة تدخل الحمام ( ونده على واحدة من الخادمات وبعت معاها فايز ) فايز بص وراه على جلال ونادر وعوج بقه سخرية من أفكارهم 😅
نادر .. حصل اللي كنا خايفين منه ! سلمى مراحتش مع فايز!
جلال .. سهلة متقلقش هبعتها وراه 😉
جلال مسك كوباية عصير ومشي ناحية سلمى وعمل مش واخد باله ودلقها على ملابس سلمى
سلمى .. إيه دا 😳
جلال .. سوري مدام 🙏
الوزير .. خلاص ولا يهمك مسيو روحي أنتي ياسلمى غيري هدومك
بكده قدر جلال يبعت سلمى لداخل الڤيلا المهمة التانية كانت على فايز في إنه يخلص من الخادمة اللي معاه وينتظر سلمى
فايز .. في نفسه (طب هقولها تمشي إزاي دي وانا المفروض اني مش بتكلم عربي ؟!! فجأة سمعها بتقول هتخلصي إيمتا يازفتة عايزة اطلع أتفرج على الحفلة هتضييعها عليا ياولية يابنت الفقرية 😡
فايز .. 😳 يعني أطلع اطبقلها اسنانها دي ولا أعمل فيها إيه 😡 فجأة سمع سلمى جت بتقول للخدامة هي لسه الست دي في الحمام ؟!!
الخدامة .. ايوة يامدام وموقفة حالي وحال اللي خلفوني 😔
سلمى .. طب روحي أنتي وانا هجيبها معايا
الخدامة .. ربنا يسترك يارب ياأميرة يابنت الأمرة
فايز .. ايوة كده 😍
سلمى .. انتي لسه قدامك كتير يامدام !!
خرج فايز وقالها انا فايز ، ولسه سلمى هتصرخ راح كتم بوقها وقالها متخافيش احنا جايين نساعدك
سلمى .. انتم اللي هما مين !!!
فايز .. جلال ونادر معايا بره
سلمى .. جلال ونادر !!! إزاي ؟!!
فايز .. دي حكاية طويلة المهم دلوقتي عايزك تعرفي إن نادر بريئ وانا بريئ من دم سعد واللي قتله الوزير
سلمي .. الوزير ؟!! انا مش فاهمة حاجة ؟!!
فايز .. دلوقتي نادر وجلال حطوا إيدهم في إيدين بعض وعايزين يخلصوا من الوزير وأنتي نقطة ضعفهم انتي وإبنك
سلمى .. ها !! طب اعمل إيه ؟!!
فايز .. الورقة دي فيها ارقامنا انا وجلال ونادر أحفظيهم وقطعي الورقة
طارق .. مش هتلحق يامسيو فايز 😏
فايز لسه هيطلع سلاحه أتفاجئ بكمية سلاح مهولة أتحطت على راسه
__________________
طارق خرج راح للوزير
الوزير .. طمني عملت إيه ؟
طارق .. كله تمام الرجالة خدوه وطلعو بيه على القسم
الوزير .. ههههههه فكرني أصرف ليك وللرجالة مكافئة كويسة
طارق .. طب وهتسيب جلال والواد نادر كده عايشين في الدور ؟
الوزير .. لا أوعى تلفت نظرهم أنا عايزهم يستمتعوا بالحفلة ويخرجو من غير شوشرة اللي انا عايزه خدته وهما بالنسبالي ملهمش لازمة 😏
طارق .. الله عليك وعلى دماغ معاليك هههههه
الوزير .. روح أنت كمان أستمتع بالحفلة وأنسى 😂
____
نادر .. أنا بدأت أقلق فايز أتأخر كده ليه !!
جلال .. الواد اللي أسمه طارق قلقني وجوده جمب الوزير في اللحظة دي !
نادر .. طب إيه العمل بسرعة الحفلة خلاص هتنتهي وفايز مظهرش !!
جلال .. انا لازم أدخل الڤيلا أدور عليه
نادر .. أصحى يافايز متخليش العاطفة تودينا في داهية ممكن يكون فايز خلص مهمته وخرج من مكان تاني
جلال .. قلبي مش مريحني
نادر طب يلا بينا الوفد كله خرج !
فعلا خرج جلال ونادر وبسرعة جلال بيرن على فايز لقي فونه مقفول طلع على الجبل ملقاش فايز هناك وكذلك في البيت الكبير وفي النهاية رن فايز من القسم على جلال وبلغه بكل حاجة
نادر .. في إيه !
جلال .. كارثة 😳 فايز أتسلم للقسم 😔
نادر .. ايه !!
جلال .. المفروض إنه هيتنفذ فيه حكم الإعدام كمان 3 أيام
نادر .. لا ده تأكيد الحكم هو اللي كمان 3 أيام المفروض يبقا في طعن في الحكم
نادر .. مش هتفرق يانادر
نادر .. احنا لازم نتحرك بسرعة كده معناه أن سلمى ممكن تكون في خطر 😳
جلال .. انا لازم أطلع الڤيديو وأنقذ جلال
نادر .. نتاكد الاول إن سلمى وإبنكم مش في قبضة الوزير
( التليفون رن )
نادر .. شوف مين !
جلال .. دي جومانة ! الو ياجومانة !
جومانة .. اااه الحقني ياجلال انا بموت
جلال .. في ايه !!
جومانة .. ال..وزير .. بنزف .. همو..ت ، ااه
جلال .. الو ! جومانة ؟!! ردي ؟!!
نادر .. في إيه ؟!!
جلال .. جومانة بتموت بينا نلحقها ، انا كنت ناقصك انتي كمان 😡
______________
في بيت سعد
نادر .. خد بالك ياجلال احسن نلبس زي موضوع فايز
جلال .. معادتش تفرق خليك هنا ولو في حاجة رن عليا
نادر .. انا جاي معاك
فعلا جلال ونادر دخلوا الڤيلا لقي أثار دم من الصالون لحد الباب جلال أستخلص إن كان في حد سامع وعارف إنه جاي ينقذها وتقريبا كان لوحده عشان كده جرجرها لحد الباب
جلال .. جومانة بقت من ضحايا الوزير 😔
نادر .. اوففففففف كل طرف خيط نجمعه بيكون هو سابقنا بخطوة
جلال .. أسمعني كويس يانادر انا مفيش غيرك قدامي ومضطر أثق فيك
نادر .. قول ياجلال في ايه
جلال .. هتروح على البيت عندي تقول لسكينة أختى هاتي الشنطة اللي جلال سابها معاكي امانة هتلاقي فيها ڤيديو
لو انا مظهرتش في خلال يومين تقدم الڤيديو للمحكمة فاهمني يانادر ؟
نادر .. الفيديو ده فيه إيه ؟؟
جلال .. الڤيديو ده هو دليل برائة فايز فيه بيظهر الوزير إن هو اللي ق..تل سعد
نادر .. وأنت هتروح فين !
جلال .. أنا هحاول أنقذ سلمى وأبني
نادر .. طب أجي معاك وبعد كده نشوف موضوع الڤيديو ده !
جلال .. سكينة أختي مش هتفتح الڤيديو ومش عارفة حاجة عن اللي بيجرا ولو حصلنا حاجة أو اتعطلنا إحنا الأتنين فايز هيروح مننا
نادر .. حاضر ياجلال حاضر
_____________
في الحلقة القادمة 👇👇
محاولات جلال مستمرة للوصول لسلمي وأبنهم
صفاء بتخلط الأمور وتتصرف تصرف مش في وقته بتضيع بيه كل اللي عمله جلال
فايز بيبكي بكاء أخير
القاضي يخرج بكلمة واحدة وهي إعترافات مضحكة
شهاب يقلب الموازين على جلال
وظهور صاعق ومفاجئ لأحدهم
لا مش هكتب اكتر من كده لأن الاحداث هتبقا كتير جداااااا