الفصل الثامن والعشرون 28
بقلم احمد حسن
نروح بقا عند جلال اللي فضل قاعد في وسط الحشائش والأشجار مترقب اللحظة اللي هيبادر فيها بالدخول للبيت
وهنا بقا خد باله جلال من شباك البيت شاف سلمى وهي شايلة إبنها رايحة جاية بيه في اللحظة دي حدد جلال مكان سلمى وابنها وبدأ يقرب واحدة واحدة للشجرة اللي تحت الشباك وبالفعل وصلها وطلع الشجرة وبعد معاناة خدت بالها سلمى من الطوب اللي بيتحدف على الشباك فتحته وأتفاجئت بجلال اللي بسرعة دخل من الشباك وربط سلمى ونزلها من الشباك بعد ما سلمى خدت كل إحتياطتها وضمنت لجلال أن أبنها ميطلعش صوت عشان ميتفضحوش
وهنا بقى جلال أستخدم القوة الذكية فإنه يتخلص من الحراسة اللي على البوابة من غير صوت
وأخيرا جلال قدر يهرب من المزرعة ومعاه سلمى وإبنهم
جلال كان طاير من الفرحة وكلم نادر في التليفون
جلال .. ايوة يانادر نجحنا يانادر سلمى والواد معايا😅😅
نادر .. فينك ياجلال انا برن عليك من بدري وفونك مقفول
جلال .. ليه يانادر !!
نادر .. الڤيديو مش في الشنطة
جلال .. ايه!! 😳
نادر .. زي مابقولك كده ياجلال الڤيديو مش في الشنطة
جلال .. أنت خدت الڤيديو ونويت تبيعني يانادر 😡
نادر .. لا ياجلال أقسملك ما خدته والشنطة فاضية !
جلال ..الڤيديو أنا حاطه بأيدي وسكينة أختي عمرها ما هتمد إيدها على حاجة تخصني يانادر😡
نادر .. مش أنا ياجلال اللي أخونك أنت خرجتني من السجن ونجيت أختى من الموت إيه السبب اللي هيخليني أعمل حاجة زي دي 😡
جلال .. أنا عارف إنك بتربط موت أبوك بيا ويمكن بتحاول تنتقم بس صدقني يانادر أنا مش هسيبك لو أخويا جراله حاجة
نادر .. أنا ابويا مات بأزمة قلبية وأنت ملكش علاقة بموته وأكيد لو عندي شك فيك إنك سبب في موته مكنتش حطيت إيدي في أيدك !😡
جلال .. بكرة الجلسة يانادر ألفيديو ياأما مش هيحصلك طيب😡
نادر .. الو ! الو ! ( قفل السكة)
____
جلال .. لييييييه 😡😥
سلمى .. هدي نفسك ياجلال أكيد هيتلاقى
جلال .. كل ما أقول خلاص الحكاية هتخلص برجع تاني من جديد ليه 😡
سلمى ..اهدى متعملش في نفسك كده كل مشكلة وليها حل وفايز ربنا عالم إنه مظلوم وربنا مبيرضاش بالظلم
جلال .. انتوا السبب من ساعة ما ظهرتوا في حياتنا انتوا السبب في كل البلاوي اللي بتحصل يلعن ابو اليوم اللي عرفتكم فيه 😡
سلمى .. ايه ! بقى كده ياجلال 😥 وعلى فكرة بقا أنت مخسرتش قد انا ما خسرت أنت يادوب أخوك هتلاقي الڤيديو ويرجعلك تاني أما أنا خسرت أبويا اللي مات وامي اللي هاجرت واملاكنا اللي كانت معيشانا ملوك وبقيت عايشة بالمرتب من محل لكشك ورد واللقمة بالعافية وقبل ده كله خسرت نفسي مرتين مرة معاك ومرة مع الوزير اللي كان كل يوم ينهش في لحمي وانا زي الدبيحة متكتفة ومش قادرة أصرخ عشان ألسكينة اللي محطوطة رقبت أبني 😥 قولي مين اللي خسر ياجلال قولي 😥
جلال .. معلش سامحيني بس دا أخويا ياسلمي أخويا 😥
سلمى .. دلوقتي هتروح على البيت وأسأل سكينة أنا متأكدة إن نادر ميعملهاش
جلال .. وانا متأكد انه هو ، نادر باع أخته ياسلمى هيقف عليا انا 😡
سلمى .. طب انت واخدني على فين !
جلال .. انتي لازم تروحي عالبيت الكبير عشان تبقي تحت الحراسة لحد القضية ما تخلص اكيد الوزير مش هيسكت على اللي حصل خصوصا إنك حاليا مراته
______________
في بيت الحاج كامل
شهاب .. إيه رأيك ياسكينة انا غسلت كل الأطباق ☺️
سكينة .. يلا رصهم بقا واوعى توقع حاجة منهم
صفاء .. والله عال ياسكينة عرفتي تشغلى شهاب في المصالح 😅
سكينة .. هعمله إيه اديكي شفتي قعدت أخرجه من المطبخ عيط وعمل زي العيال والمشكلة انه بيصعب عليا
صفاء .. المشكلة إنه شاب زي الورد بس صحيح الكمال لله وحده
شهاب .. انا رصيت كل الأطباق في مكانها ياسكينة هعمل إيه تاني 😊
صفاء .. اقعد نقي معايا الرز
سكينة .. لا هيقطف معايا الملوخية
شهاب .. انا اسف ياصفاء انا هشتغل مع سكينة
صفاء .. بقا كده ياسي شهاب طووويب 😅
سكينة .. تسلملي يارب يانصفني 😅
صفاء .. الا قولى ياشهاب عندك كام سنة ؟
شهاب .. دول🤚✋ودول🤚✋ودول✋✌️
صفاء .. 27 سنة يعني ؟
شهاب .. ايوة
سكينة .. قدي 😅
شهاب .. بس انا أطول منك
سكينة .. انتا هتعايرني بطولك ولا إيه 🙄
صفاء .. تنمر 😅
شهاب .. انتي زعلتي 😥
سكينة .. لا ياشهاب بهزر معاك
-----
صفاء .. صوت عربية جلال برة 😍
سكينة .. جلال جه 😍
جلال .. أدخلي ياسلمى
صفاء .. سلمى !! ودي جاية عايزة ايه تاني ياجلال !
جلال .. خدي سلمي على جوة مش ناقصك دلوقتي , وانتي ياسكينة تعالي عايزك
سكينة .. اسمعي الكلام ياصفاء جلال شكله متضايق ومش شايف قدامه ! حاضر جايالك ياأخوي
جلال .. انتي فتحتي الشنطة اللي إديتهالك قبل ما ياخدها نادر 😡؟
سكينة .. تتقطع أيدي قبل ما أعملها ياأخوي!! هي كان فيها ايه مهم إكده ؟!!
جلال .. كان فيها ڤيديو فيه دليل برائة أخوكي فايز
سكينة .. وبعدين ؟!
جلال .. نادر بعد ما خد الشنطة قاللي إنه ملقاش فيها الڤيديو
سكينة .. يانهار اسود 😳 انا والله ما فتحتها ياجلال انت عارفني كويس انا عمري ما أعمل حاجة زي دي !
جلال .. اوففففف دبرني ياربي
_______ روايات أحمد حسن
في مكتب الوزير
الوزير .. ازاي دا حصل يابهايم 😡 وأنتم كنتم فين وهي بتهرب 😡😡
طارق .. متقلقش معاليك احنا ..
الوزير .. مقلقش ايه وزفت ايه هو انت فاكر إنك ممكن تجيبها تاني ماخلاص 😡
طارق .. يامعالي الوزير انا عارف انه غلط كبير بس سوري يعني احنا مش محتاجين سلمى في حاجة الڤيديو ومعانا وجومانة وخلصنا منها وفايز في ايد الحكومة وبكرة هيتعدم يبقا هنحتاجها في ايه !!
الوزير .. متنساش انها مراتي وانا من حقي اعمل فيها اللي انا عايزه 😡
طارق .. اللي تشوفه معاليك
الوزير.. تقب وتغطس وتطلعلي بالبت دي ياطارق فاهم 😡
طارق .. فاهم معاليك فاهم
____________
في بيت الحاج كامل
صفاء .. دلوقتي بقينا لوحدنا قوليلي بصراحة بقا وعلى بلاطة كده ممكن اعرف عايزة مننا إيه تاني 😡
سلمي .. ملوش لازمة الكلام ده كله ياصفاء احنا في دوامة كبيرة وانا وأبني جزء منها ياصفاء
صفاء .. انا مش فاهمة حاجة!
سلمى .. انا هحكيلك على كل حاجة عشان يرتاح قلبك
( وحكت معاناتها ومأساتها وكل حاجة لصفاء )
صفاء .. بقيت مش عارفة اشفق عليكي ولا أغير منك
سلمى .. ولا عايزة منك دي ولا دي انا كل اللي بطلبه تسيبيني في حالي كفاية اللي انا فيه ياصفاء
صفاء .. حقك عليا بس انتي أكيد مقدرة اللي انا فيه
سلمى .. مقدرة ياصفاء
______
شهاب .. ممكن أدخل ياجلال
جلال .. ادخل ياشهاب
شهاب .. انت مش بتيجي بيتك كل يوم ليه !؟
جلال .. لا باجي كل يوم ياشهاب بس كنت مشغول اليومين دول
شهاب .. انا كنت عايز اطلب منك طلب
جلال .. اطلب ياشهاب
شهاب .. انا عايز امشي
جلال .. ليه ياشهاب ! حد زعلك !!؟
شهاب .. لا خالص ، بس بصراحة اختى جومانة وحشتني 😔
جلال ..( ادي اللي انا كنت خايف منه ) بص ياشهاب جومانة مسافرة شوية كتير وانت هتقعد معايا هنا
شهاب .. برضو😥
جلال .. برضو ايه !!
شهاب .. بابا سابني وسافر ودلوقتي جومانة سافرت هما مش بيحبوني ياجلال مش كده؟ 😥
جلال .. لا ياحبيبي بيحبوك اوي كمان بس هما دلوقتي في مسافرين في مكان احسن من هنا
شهاب .. طب ومش يخدوني معاهم ليه 😥
جلال .. كلنا هنروح ياشهاب بس بالدور ولسه دورنا مجاش
_________
في فجر يوم المحاكمة
نادر .. انت فين ياجلال
جلال .. ها راجعت نفسك وجبت الڤيديو ؟!
نادر .. قولتلك مخدتش الزفت 😡 المهم انا عايزك دلوقتي حالا انا في إيدي دليل أفضل من الڤيديو
جلال .. انت فين بسرعة وانا جاييلك ؟
نادر .. في الجبل
جلال .. الجبل عندنا !! وانت ايه اللي وداك هناك !!؟
نادر .. الحاجة اللي معايا مينفعش أخبيها غير في المكان ده المهم تعالى بسرعة
فعلا جلال نزل جري طار على الجبل بعربيته وهناك اول ما نزل دخل المغارة وفي أخرها لقي نادر ورجالة بالسلاح وشخص قاعد على الكرسي متكتف
جلال .. يااااااه اهلا اهلا 🤨