رواية شيطان امراة الفصل السابع عشر17بقلم مريم اسماعيل

في منزل مجدى استمعوا لصوت طرقات علي الباب ليفزع سامح .

" واه مين جاى لينا دلوج ." 

هالة برعب تملك منها بدون سبب 

* مخبراش ، بجولك متفتحش الباب ، مين هيجي لينا دلوج .* 

مجدى 

* ليكون عمتك ماتت ، ورايدينى ولا حاجة ، افتح يا ولدى ." 

ليتوجه سامح ويفتح الباب ليرتعد من شكل الرجال .

" ايوة في ايه ." 

الرجل بأمر 

" المعلم رايدك انت ومرتك في الدوار دلوج ." 

ليقطب جبينه 

" دلوج ليه في حاجة ." 

الرجل بفظاظه 

" مخبرش يلا هم جدامى امال ." 

ليقرر مجدى الذهاب معهم ويذهبوا جميعا .

بعد مده يصلوا إلي منزل مرسي 

دخلوا جميعا برعب ظاهر علي محياهم لتتذكر مها ، دخولها اول مره هنا ورد فعل حميده وعائلتها ، لتنظر لهم نظرات غامضه 

مرسي بامر 

" المأذون جاى دلوج ، واعمل حسابك هطلج من غير حديت كتير ." 

لينظروا جميعا لبعضهم البعض يعدم فهم 

" اطلج مين يا معلم ، لامؤاخذه ." 

ياسين 

" اسمع الحديت هتطلج هاله دلوج ، واللى رايده اطلبه ." 

مجدى 

" يا سيد الناس ، بتى مريداش تطلج ، مين جال أنها رايده تهمل جوزها ." 

مرسي بملل 

" محدش جال ، أنى اللي جولت ، ارمي اليمين بدل ما اخليك ترميه بالغصب ." 

هالة بغضب 

" هو ايه عافيه ، يلا يا ابوي دا دماغهم وجعاهم ." 

لتهجم عليها نرجس وتنقض علي شعرها 

" اجعدى إكده ،وقامت برميها ارضا لتكون تحت اقدام مها ." 

لتنحني لها مها بخبث 

" مبروك يا بت خالى هتيجي مرت الكبير ، شفتى كيف هتجبي علي وش الدنيا .* 

لتصدم هالة من حديثها ولم تتفوه من الصدمه ،اما سامح 

* مرت مين ، دي مرتي أنى ." 

ياسين بامر لرجاله 

" خدو المخزن رحبوا بيه زين ., وانت يا اما دخلي هاله جوا .* 

لتبعد مها يدها عنها وتجذبها نرجس الي الغرفه الملعونه ، والرجال قاموا بجذب مجدى وسامح ." وتنظر لهم وتتذكر يوم اعتداء ياسين عليها كان مكان خالها وسامح زياد وزين ، وهالة مكانها ، لتستمع لصراخات هالة لتننفس بعمق .

ياسين لمها

" تفتكرى هيوافج ." 

" هيوافج خلى الرجالة تكرمه زين بس ." 

لتصعد لغرفتها بدون اى اضافه .

في اليوم التالي تنزل لها مها ، قالت لهم أنها سوف تقنعها 

دلفت عليها تراها جالسه وتبكى 

" عرفتى طريج البكى ، مخبراش منشفه راسك ليه ، وافجى خلى زوجك يطلج ، بدل ما يجتلوه ." 

هالة بترجى

" ساعدينى يا مها ، أنى معملتش فيك حاجة شينه جبل إكده ." 

مها بفحيح قاسي 

" أنت عملتى اكتر حاجة شينه ليا ، بس أنى هطلع احسن منيكى ، وهجولك نصيحه ، مرسي مهيسكتش غير لم تبجي مرت يحيي ، اصل يحيي سكان الارض غضبانين عليه وشرطهم انك تكونى مرته ، كيف ياسين زمان فاكرة ." 

هالة بصدمه 

" معجول انت اللي عملتى إكده ، ليه ." 

" ليه دى لم تبجي مرت يحيي ، هتعرفي ، خلى جوزك يطلجك بدل ما يتبهدل علي الفاضي ، وبرضيك هيطلج ، هروح اودى ولدك ، لعمتى هيفضل إهناك ، هو برضيك عيل ملوش ذنب في حاجة ." 

لتخرج مها وتترك هالة في حالة من الصدمه ، لكن ها هي تحصد نتيجته فعلتها .

بالفعل ذهبت مها لمنزل خالها ، واصطحبت عز وذهبت به لمنزل عمتها .

" يعنى ايه ملكيش صالح ." 

هتفت بها حميده وهى تحتضن عز 

" يعنى مخبراش يا عمتى ، مشيت من إهنا ، لجيتهم بيجولوا دا حديت حسيبه ، حاولت وياهم مسمعوش الحديت ، اللي جدرت عليه الواد الغلبان دا ، ملوش ذنب ." 

حميدة بعدم تصديق 

" ممصدجاش حديتك ، بس هسكت علشان خابرة أن راسك بجى انشف من الحجر ذات نفسيه ، تعالى يا ولدى ، معايا كلك لجمه مع مراد جوا ." .

لتنظر لها تهانى بغضب 

" دا مش اتفجنا ." 

مها بقهرة 

" ولا اتفجنا انهم يكسرونى ، هما اللي زرعوا ودلوج وجت الحصاد ، جومى ادينى الحجنه ، عشان اعاود طوالى ، مينفعش اغيب واصل عن الدوار اليومين دول ، ومش محتاجه وصايا ، عز ملوش صالح بامه ، دا عيل ." 

" طبعا هيكون في عينى كيف مراد ." 

لتذهب لمنزلها بعد فتره ، لتدخل علي صريخ يحيي .

مها بحقد 

" واه مالك بتصرخ ليه ، هتخوف البنيه منيك ." 

يحيي برجاء 

" أنى خابر انك ورا اللي بيحوصل ، جريها في عينك ، سكتى الحديت اللي في راسي ." 

مها وهي تضرب علي صدرها بنفي 

" واه وانى هعمل إكده كيف يعنى ، حسيبه جالت انك مغضوب عليك ، أنى مليش صالح واللى جوا راسك ، ياسين بيحاول يعمل اللي عليه عشان يريحك ، يا اخو جوزى ." 

يحيي بجنون وعدم اتزان 

" يبجي هجتلك ، سامعه هجتلك ." 

مها بمراره 

" تجدر ، ورينى كيف  " 

وتركته مكانه وصعدت السلم ، لكن قبل وصولها لاول درجات السلم ، كان اخرج سلاحه النارى ، ووصوبه تجاها ، ليطلق منه رصاصته ، لتصيب الهدف ، تتجمد مها مكانها من صوت الرصاص ، لكن لم تشعر بشئ ، لتستمع لصوت ارتطام علي الارض ، لتلتفت بريبه وتنظر لتصعق .

" مـــــــــها .* 

لترى مها تنزف دماء بغزارة ، وتلتقط انفاسها بصعوبة ." 

مها بجنون 

" أنت عملت ايه ، عملت ايه ." 

" مها ، ردى عليا مها جومى ، إيه طلعك من جاعتك ." 

مها بشعور أن النهاية اقتربت 

" النصيب ، مها بلاش امى تعرف هى زمان  اتوجعت عليا ، بلاش تزودى وجعها ." 

مها بإنهيار 

" وجفتى ورايا ليه ، ليه ." 

" كان هيجتلك ، بكفايا جتل مها زمان ، لكن انت لسه طريجك طويل ." 

مها بدموع " اتحرك اعمل ايتها حاجة ، هتموت منينا ./" 

ليقف يحيي مكانه متيبسا ، كأنه يصارع ومضات من العالم الاخر .

لتدخل نرجس في هذا التوقيت ، وهى ترى الكبرى وهى تلتقط أنفاسها ، والصغرى تبكى وتنوح ، ام يحيي كان كانه ليس له وجود .

نرجس بأمر 

" همليها واطلعى جاعتك ، واكتمى خالص ." 

مها وهي. تتمسك بها 

" لاه مههملهاش ، شوفي حكيم ليها هتروح منينا ." 

نرجس بعدم إهتمام 

" هى راحت وخلصنا محساش بيها ولا إيه ." 

لتنظر لها بصدمه ودموع وتراها فارقت الحياة ، ووجها مبتسمه ،لم لا فهى القت عبء السنين ، وذهبت لرب الكون فهو الطف وارحم بها منهم .

لتأمر نرجس الرجال بحفر قبر في الحديقه الخلفيه والقائها كما هى ، لتثور مها وبتصميم .

هتتغسل وتتكفن ونصلوا عليه ، سمعتى الحديت ." 

ليدخل ياسين ويعلم ما حدث ليوافق علي حديث مها ، وبالفعل قامت بإخراج هاله من حبستها وقاموا بتكريمها علي قدر معرفتهم ، ثم دفنت ، لتنهار مها وشعور الذنب يتملك منها ، لكن كما دفنت اليوم الدعم الوحيد لها ، سوف يأتي يوم وتدفن كل العائلة تحت التراب ، هذا ما اقسمت عليه أمام قبرها .

بعد ثلاث ايام ، كان سامح أُهلك من كثره الضرب ، فوافق علي الطلاق ، وبالفعل طلق هالة بالاجبار .

كانت تتابع المأذون من اعلى لترسل لزوجها ، ليصعد لها 

" بجولك أنى خايفه من اخوك ، خلص الحكاية دى خلى المأذون يكتب عليها دلوج ، خليه ينفذ حديت حسيبه ونرتاحوا .

ياسين بقلق 

" بس دى ليها عده ." 

مها 

" واه من ميتا بتخاف ، ولا يفرج معاك حلال وحرام ، الله في سماه ، هالة لو مبتتش في جاعته ، لاروح لعمتى ، ايوة استنى لم يجتلنى المرة دى بجد ." 

لينزل ياسين مسرعا وبأمر المأذون يكتب كتاب هالة علي يحيي ، وبعد خروج المأذون ، تنزل لهم بقوة .

" مبروك عليكى يا سلفتى ." 

واقتربت من مجدى وهمست له 

" كت خابر أنى مرت زين ، ووافجت اعيش في الحرام ، ودلوج بتك هتعيشي كيف ما عشت ، اصل الطلاج بالاجبار ، ميجعش ، واجلت صوتها واطلقت الزغاريط ." 

ليصدم مجدى من حديثها ، لقد ابتلعتهم في جوفها مثل الافعى ، عندما تترصد بالفريسه وتهجم عليها .

فينصرف سامح ويقرر الذهاب من البلدة بأكملها كيف له يواجه الناس ، ام مجدى وصل إلي منزله بصعوبة ليدخل يرى المنزل وحيد ليس به روح ، ليعلن نفسه وجشعه آلاف المرات ، من فعل بسببهم كل هذا انتهوا ، اخته الوحيدة قعيدة عند اغراب ، ابنته انتهت ، حفيده لم يستطع مواجهته ، ليتكلم مع حوائط المنزل .

" كل حاجة راحت ، كل حاجة راحت ." 

ظل يكررها ويبكى تاره ، ويضحك تاره .

ليتزوج يحيي هالة ، بالاجبار والاكراه وكان صراخها يشفي عليل مها ، لينتهى صراخها لتعلم أن يحيي انتهى من مهمته ، لتنام بعمق شديد ، ولا تبالى بما حدث ، المهم الآن فقط مها ، مها ليس إلا .

.......    .......... .................

لتتوالى الايام والشهور 

بعد ما حدث يحيي كان بدأ في التحسن الملحوظ ، بسبب ايقاف مها الحبوب المهلوسه ، ام هالة كانت منتهيه سواء معاملة يحيي ، أو نرجس ، فنرجس اخيرا استطاعت التنفس وشفاء غليلها من مها ، مها مواظبة علي الادوية والعلاج ، في نفس توقيت هدى ، وباتوا مستعدون للعمليه ، زين بيحاول ان ويهدء من روع هدى ، لكن بقراره نفسه لا يعلم هل سيحب أطفاله من هدى أم لا ، زياد تعرف علي ظابط شرطه مهم بسبب عمله وقرر الاستعانه به للبلدة ، لكى ينقذ مها من براثن الشيطان .

في القاهرة 

كانت انهت هدى عمليتها ، واخذت تعليماتها ، وخرجت وكانت مها وتهانى موجودان في العيادة لكن في مكان بعيد ، بعدها استعدت مها للعملية ، وبالفعل تم الحقن لها هى الاخرى .

" اتفضلى دا الحساب اللي اتفجنا عليه ." 

الدكتورة بغضب من نفسها

" شكرا ، وإن شاء الله هتيجى ونشوف النتيجه ، احقن لم بنحقن ، بنحقن اكتر من بويضه بحيث أن لو بويضه رفضت التخصيب ، غيرها يستقبل ، وطبعاً كله في ايد ربنا ." 

تهانى 

" ونعمه بالله ، متخافيش يا دكتوره ، حتى لو محصلش حمل ، اللي حوصل إهنا سر بنيتنا ، مهيطلعش ." 

الدكتورة بإمتنان 

" شكرا جدا ، وحمد الله على السلامه ." 

مها وهى تضع يدها علي بطنها 

" الله يسلمك ." 

وسافرت مها بجانب تهانى ، لتبدء رحلة الانتظار ، هل سيحدث حمل ام لا .

امام قبر مها في منزل مرسي 

كانت تقف امام القبر وتدعوا لها ، لترى هالة تأتى عليها .

" لو جاية تتحددتى في طلاجك من يحيي ، وفرى الحديت ، أنى دماغى بطج لحالها ." 

هالة بدموع 

" لاه خلاص خابرة إنك مش هتهملينى غير لم اموت ، عشان تشفى غليلك ، أنى رايده اشوف ولدى ، عز اتوحشته جوى ." 

" يحيي مرضيش إنك تخرجى ، ولا ولدك يجي وانى بطمنك عليه ، وتهانى بتعامله زين متخافيش عليه ، واكملت بغموض بس اصطبري اما نشوف نهاية يحيي ، هتكون إيه ." 

هالة ضيقت عينها بتركيز 

" جصدك إيه ، مفهماش ." 

مها اقتربت منها بهمس 

" يحيي مش هترتاحى منيه غير لم يروح لربه ، ونجف علي جبره ، كيف ما واجفين علي جبر الغلبانه دى ." 

هالة بصدمة

" يا مرى ، أنت رايده نجتل يحيي ." 

مها بنفي 

" أنى فتحت خشمى ، وجولت ايتها حاجة ، أنت هتلبسينى بلوه." 

وجاءت تتحرك ، لتتمسك بها هالة برجاء وأمل 

" لاه استنى ، أنت مجولتيش حاجة ، لكن أنى رايده ارتاح منيه ، ساعدينى ." 

مها بخبث 

" طيب طرطجى ودانك ، انا هساعدك عشان صعبتى عليا ، بكفايه بعدك عن ولدك ، وصريخك كل ليله لم جلج نومتى ." 

هالة بدموع 

" جولى اعمل ايه ." 

" هجيب ليك دوا حلو جوى ، بس بعد كام يوم وياخد منيه ، هيروح للخلجه ." 

هالة بخوف 

" وهيبان انه انجتل ." 

" هيبان لمين ، شايفه الدكاترة عندينا ، ولا ايه ، هما هيلاجوه جطع النفس هيجولوا الله يرحمه ، وأنت بعدها نرجس هترميكى ." .

هالة بوعيد قوى 

" موافجه ، هاتى العلاج ." 

مها وهى تدور حولها 

" لاه براحه واهدى علي نفسك ." 

" اهدى ليه ." 

" عشان يا ذكيه لو مات دلوج هيشكوا فيكي ، جولى إنك خلاص سلمتى ، ورايده تعيشي وياه ، ولو وصلت جولى نفسك تجيبي ليه حتته عيل ، وبعدها نضربوا ضربتنا ." 

هالة وهى تزن حديث مها 

" عنديكي حج ، هعمل اللي هتجولى عليه ." 

" ربنا يعينك ، هطلع اريح وانت بجي زى الشاطرة اعمل اللي جولت عليه ." 

لترحل ةمها من امامها بعدما ايقنت أن ةنهاية يحيي اقتربت ، لتتنفس بعمق .

" هانت وهمشي من إهنا ." 

...... ........ ......... 

بعد اسبوعين كانت هالة نفذت خطه مها بالحرف الواحد ، وبالفعل استطاعت أن تكذب بقوة ، ام مها سافرت لاجراء التحليل فاليوم هو اليوم المنشود سوف تتأكد من وجود اجنه ،ام لا وكانت حميده وتهانى برفقتها ، لم يعلم ياسين مدى إصرار مها علي السفر لها مره اخرى ، لكن هى اقنعته بطريقتها أنها تستبشر بها خيرا ، في نفس الوقت ذهبت هدى بجانب عز لإجراء التحليل الرقمي .

في العيادة 

دلفوا وكانت الصدمه هدى وزين ، لم يذهبوا ، لتتيبس قدم مها وحميدة ، وتهانى ظلت تدعوا .

زين بقلق هرول تجاهم 

" امى في ايه ، بتعملوا هنا إيه ." 

حميدة بإرنباك 

" اصل ، أيوة اصل مها وأنى ." 

هدى بشك 

" انتم مكسفوين تقولوا انكم جاين ، للدكتورة ولا ايه .* 

تهانى 

" ايوه ، فاكرة لم حددتينى عن الدكتورة دى ، مها جبتها ليها ، يوم ما كتى عندينا في البلد ." 

ليذهبوا سويا لإجراء التحليل بدون ادنى حديث من مها ، لتهمس حميده لتهاني .

" فهمي الدكتواره ، متجعش بلسانها ." 

* متخافيش يا اما ، هى مش غبيه عشان تودر روحها ." 

كان زين ينظر لمها بشر ، هل من الممكن أن تكون حامل في طفل من ياسين. ، كل هذا التوتر من أجل طفل منه ، لينهر نفسه علي حديثه ، ويتجه لهدى التى كانت تتابع نظراتهم ، ليمسك يدها ويلثمها عليها .

" اهدى خير ، عملنا كل اللي علينا ، ارمي حملك علي ربنا." 

بعد دقائق يدخلون سويا للدكتورة ، التى ترتعد ، لتطمئنها مها بأعينها .

الطبيبه 

" تحبوا نبدا بمين الاول.* 

مها بإستفزاز 

* اى واحدة ،احنا التنين واحد ." 

لينهرها زين 

* لاه مش واحد هدى مراتى ، من فضلك يا دكتورة تحليل هدى الاول. " 

لتتفحص الطبيبه وملف هدى لتنظر لها بأسف 

* طبعا العملية تمت بشكل صحيح ، لكن إرادة ربنا هى الاهم أولا وأخيرا ، مع الاسف مفيش حمل .* 

هدى بزهول 

* مش ممكن ، كل التعب .دا راح، ليه أنا عملت ايه ." 

حميده وهى تحتضنها 

" معلش يا بتى ، دى أراده ربنا ، ومحدش عارف الخير فين .* 

هدى بصدمه هى كانت تحلم بهذه اللحظة ، التى سترزق بها بطفل من زين ، هى حاولت بشتى الطرق ، لتفيض دموعها ، بغزاره 

الطبيبه بعمليه 

" مدام مها ، جاهزة ." 

مها أغمضت اعينها بيأس 

" جولى ." 

بعد فحص الطبيه الملف نظرت لها براحه .

" مبروك يا مدام مها ، حصل حمل ." 

مها بزهول 

" احلفي ، والله انى حبله ." 

حميده بفرحه 

" مبروك يا بتى ، مبروك يا ضنايا ." 

وظلت تحضنها ، وتقبلها ، وقامت تهانى بالمباركه لها ، 

تنسوا وجع هدى تماماً ، لكن فرحتهم ، أن زين لديه ذريه تأتي للحياه .

لينظر لهم زين بشك بسبب فرحتهم المبالغ بها ، كيف يفرحون هكذا بذريه ياسين .

لتنظر له مها نظرة لم يفهمها ، ولكن حدث غير المتوقع اقتربت هدى من مها 

و ........... 

      الفصل الثامن والعشرون من هنا