الفصل السابع والعشرون 27
بقلم احمد حسن
نادر .. خد بالك ياجلال احسن نلبس زي موضوع فايز
جلال .. معادتش تفرق خليك هنا ولو في حاجة رن عليا
نادر .. انا جاي معاك
فعلا جلال ونادر دخلوا الڤيلا لقي أثار دم من الصالون لحد الباب جلال أستخلص إن كان في حد سامع وعارف إنه جاي ينقذها وتقريبا كان لوحده عشان كده جرجرها لحد الباب
جلال .. جومانة بقت من ضحايا الوزير 😔
نادر .. اوففففففف كل طرف خيط نجمعه بيكون هو سابقنا بخطوة
جلال .. أسمعني كويس يانادر انا مفيش غيرك قدامي ومضطر أثق فيك
نادر .. قول ياجلال في ايه
جلال .. هتروح على البيت عندي تقول لسكينة أختى هاتي الشنطة اللي جلال سابها معاكي امانة هتلاقي فيها ڤيديو
لو انا مظهرتش في خلال يومين تقدم الڤيديو للمحكمة فاهمني يانادر ؟
نادر .. الفيديو ده فيه إيه ؟؟
جلال .. الڤيديو ده هو دليل برائة فايز ،فيه بيظهر الوزير إن هو اللي ق..تل سعد
نادر .. وأنت هتروح فين !
جلال .. أنا هحاول أنقذ سلمى وأبني
نادر .. طب أجي معاك وبعد كده نشوف موضوع الڤيديو ده !
جلال .. سكينة أختي مش هتفتح الڤيديو ومش عارفة حاجة عن اللي بيجرا ولو حصل حاجة أو اتعطلنا إحنا الأتنين فايز هيروح مننا
نادر .. حاضر ياجلال حاضر
_____________
فعلا جلال سلح نفسه كويس وراح على ڤيلت الوزير وهناك جلال قعد يفكر ويعمل محاولات كتير عشان يخترق الڤيلا بس الموضوع كان صعب جدا ووقت ماجلال قرر يجازف شاف سلمى خارجة من الڤيلا في وسط رجالة الوزير وبتعيط
____________
في بيت الحاج كامل
سكينة .. يلا بقا ياشهاب روح نام
شهاب .. لا لسه شوية 😔
صفاء .. لا ياشهاب أسمع الكلام إحنا هنا بننام بدري وبنصحى بدري غير عندكم
شهاب .. بس هتنامي معايا عشان بخاف انام لوحدى 😥
سكينة .. نعم ياخويا 😲 أنت عبيط ياد ولا إيه 😡
صفاء .. ههههه مالك ياسكينة اهدى ياحبيبتي وبعدين يعني مش شهاب اللي يتخاف منه 😅
سكينة .. بص ياد شايف الأوضة اللي هناك دي تروح تنام فيها لوحدك ومتطلعش منها غير الصبح يلا 😡
فعلا شهاب خاف من سكينة وراح على الأوضة بتاعته وكلهم دخلوا غرفهم وبعد شوية سكينة حست بحركة برة ، خرجت من أوضتها لقيت شهاب قاعد قدام اوضتها وبيعيط خايف ينام لوحده
سكينة وبعدين معاك بقاااا يابني هو انا ناقصة تقطيع قلب انا اللي فيا مكفيني 😔
شهاب .. أنتي وحشة وقاسية 😭
سكينة .. والله ياشهاب ما ضيعتني غير طيبة قلبي تعالى أدخل وامري لله
فعلا سكينة دخلت شهاب نيمته على الكنبة ونامت على سريرها وبعد شوية سكينة مش عارفة تنام وفي حد معاها نفس في الأوضة قامت راحت عند صفاء
صفاء .. في ايه ياسكينة 🥱
سكينة .. ايوة انتي تنامي وتروقي دماغك وتسيبيلي المصيبة اللي بره دي على دماغي
صفاء .. مالك بس باسكينة
سكينة .. خرجت لقيته بيعيط قدام الاوضة دخلته عندي ومعرفتش أنام وهو معايا في الاوضة
صفاء .. طب كويس خليكي تنوريني النهاردة تعالي جمبي يلا
سكينة .. جلال كلمك ؟!
صفاء .. لا ياسكينة وقلبي واكلني عليه قوي
سكينة .. جلال شايل كتير ياصفاء ومعيشنا إحنا في مية البطيخ
صفاء .. بس موضوع الواد شهاب ده هو اللي هيطير برج من نفوخي
سكينة .. جلال بحره غويط ومحدش يعرف يجيب له قرار ، فاكرة الدكتورة البيطرية اللي طلعت في الأخر سلمى بنت حافظ 😅
صفاء ..لا وكمان أتجوزها وخلف منها 😅 أسكتي متفكرنيش بالبت دي 🙄
سكينة ..بس جلال أخويا يستاهل منك الحب دا كله ،عارفة أحيانا بحس إن ربنا عوضه بحبك ليه عشان هو اتظلم كتير
صفاء .. قوليلي ياسكينة مش عارفة ليه كنت شايفاكي طايرة بإبنك وقت ما رجع ليكي ووقت ما أبوه هرب بيه مشفتش فيكي انك هتموتي عليه ولا نفس الشوق ليه بتاع الاول ؟؟
سكينة .. انا أتصدمت فيه ياصفاء ! مش هو ده أبني اللي كنت بتمناه ! مش هي دي أخلاقه ولا دي تربيته اللي كنت بتمناه تكون في إبني ! وبصراحة كنت راضية بيه وكنت بقول الضنا غالي بس لحظة ما شفت إن ابوه رباه على عداوة مع امه وخواله وخصوصا لما لقيتهم بيزرعوا فيه إنه لازم يقتل خاله جلال عشان ياخد بتار عمه ، وقتها حسيت قلبي تقل عليه وبصراحة انا عندي ضفر جلال أخويا بميت عيل
صفاء .. كل ده حب لجلال ياصفاء !
سكينة .. انتي مهما حبيتي جلال وعشقتيه مش هيكون نقطة في بحر حبي ليه دا أخويا سندي اللي بجد واللي وقف معايا في عز محنتي وخاطر بحياته عشان يبسطني بشوفت أبني ، مش كتير عليه قلبي وروحي ياصفاء
صفاء .. ربنا يخليهولنا ويخليكي لينا ياقمر انتي ياسكرة
سكينة .. يلا نامي يلا عشان لو فتحنا في الكلام مش هنخلص🥱
___________________
نرجع عند جلال اللي أتحرك بسرعة ورا العربية اللي خدت سلمى وابنها وبعد تقريبا 3 ساعات العربية كانت على مشارف دخول أسكندرية وبالتحديد قبل دخول إسكندرية ب5 كيلو وهنا بتتجه العربية لناحية مزرعة من مزارع الوزير وتقريبا كده كان عايز يخفيهم في المكان ده ، طبعا جلال في الوقت ده كان لوحده ومفيش قدامه أي حل غير إنه يقوم بمهمة تحريرهم لوحده, وصولهم كان أخر النهار وهنا أنتظر جلال لحد ما الليل ييجي عشان الضلمة هتساعده كتير في يتخلص من العدد الكبير من الحرس اللي في المزرعة
الليل جه وجلال محاولاته بدأت ولاكن للأسف أيضا كلها فشلت نظر لعدد الحراس الهائل المنتشر في كل شبر يكاد يكون مفيش خرم أبرة يعدى منه واكيد كلنا فاهمين إن فكرة دخوله في صراع وجها لوجه مش في مصلحته وهيبقا في خطر كبير على سلمى وإبنهم ، أنتظر جلال للصبح وهنا خد باله إن في عمال زراعة كتير بيدخلوا المزرعة يعملوا شغل فيها ، وهنا بقاجلال أستغل الفرصة راح بسرعة خلع هدومه بسرعة ولبس جلبية مقطعة كانت معمولة خيال مقاتة في وسط أرض جنب المزرعة لبسها ودخل وسط العمال وبدأ يشتغل معاهم وعينه على البيت اللي في وسط المزرعة على أمل إنه يشوف سلمى بس ماشافهاش فبدأ يدرس أزاي يدخل
البيت وفي أخر اليوم لحظة خروج العمال من المزرعة قدر جلال يستخبى منهم في وسط الزرع وحاليا أصبح جلال داخل المزرعة ياترى هيعمل إيه في باقي المهمة
______________
في بيت الحاج كامل
سكينة .. قومي ياصفاء خلينا نشوف مصالحنا
صفاء .. صباح الخير ! هي الساعة كام
سكينة .. صباح النور صحي النوم الساعة بقت 8
صفاء .. يااااه احنا سرحنا في النوم قوي اكده
سكينة .. في صوت برة تقريبا شهاب صحي هروح انا أجيب هدومي وادخل الحمام وانتي فوقي متناميش تاني
بالفعل طلعت سلمى على اوضتها وهناك اتصدمت لما لقيت أوضتها متبهدلة وكل حاجة في مكان وشهاب بيتنطط على السرير وهو حاطط سماعات في ودنه وبيسمع موسيقي
سكينة .. دي اوضتي ؟!! معقول 😳
شهاب .. تعالي ارقصي معايا ياسكينة 📢😍
سكينة .. رقص عليك درسك يابعيد وربنا ما هسيبك 😡
سكينة مسكت المقشة وطلعت تجري ورا شهاب اللي بسرعة
دخل على الصالة لقي ألحاجة الكبيرة قاعدة على الكرسي هو يللف ويقولها ألحقيني ياحاجة وسكينة بتلف وراه وتقوله وربنا ما هسيبك والحاجة قاعدة بتضحك على الكرسي
الحاجة .. مالك يابتي عملك إيه حرام عليك يامفترية 😅
سكينة .. الاوضة عندي بقت مقلب زبالة ياأمي هدومي وحاجتي كله متبهدل حتى ملابسي الخاصة 😡😡
الحاجة .. خلاص يابنتي دا غلبان وميعرفش حاجة روحي يلا انتي ظبطي اوضتك وشوفي مصالح البيت وانت اقعد معاي نتكلم سوا
شهاب .. لا أنا زعلان 😥
الحاجة .. ليه بقا
شهاب .. عشان سكينة زعلانة مني 😥
الحاجة .. لا متقلقش هي قلبها أبيض 😅
شهاب .. لا هي زعلانة ، انا هروح اعتذر ليها 😥
الحاجة .. ههههههه ياريت لو كل الخلق زيك ياشهاب
____
سكينة بترتب في أوضتها ولمحت بطرف عنيها شهاب واقف بره الباب وبيعيط
سكينة .. أدخل ياشهاب
شهاب .. أنا أسف مش هعمل كده تاني 😔
سكينة .. خلاص ياشهاب
شهاب .. يعني انتي مسمحاني 😥
سكينة .. مسمحاك ياشهاب 😄
شويه وجه نادر طلب من سكينة الشنطة وسكينة إديتهاله
____________
نرجع عند جلال اللي فضل قاعد في وسط الحشائش والأشجار مترقب اللحظة اللي هيبادر فيها بالدخول للبيت
وهنا بقا خد باله جلال من شباك البيت شاف سلمى وهي شايلة إبنها رايحة جاية بيه في اللحظة دي حدد جلال مكان سلمى وابنها وبدأ يقرب واحدة واحدة للشجرة اللي تحت الشباك وبالفعل وصلها وطلع الشجرة وبعد معاناة خدت بالها سلمى من الطوب اللي بيتحدف على الشباك فتحته وأتفاجئت بجلال اللي بسرعة دخل من الشباك وربط سلمى ونزلها من الشباك بعد ما سلمى خدت كل إحتياطتها وضمنت لجلال أن أبنها ميطلعش صوت عشان ميتفضحوش
وهنا بقى جلال أستخدم القوة الذكية فإنه يتخلص من الحراسة اللي على البوابة من غير صوت
وأخيرا جلال قدر يهرب من المزرعة ومعاه سلمى وإبنهم
جلال كان طاير من الفرحة وكلم نادر في التليفون
جلال .. ايوة يانادر نجحنا يانادر سلمى والواد معايا😅😅
نادر .. فينك ياجلال انا برن عليك من بدري وفونك مقفول
جلال .. ليه يانادر !!
نادر .. الڤيديو مش في الشنطة
جلال .. ايه!! 😳