رواية ساعرفهم من انا
الفصل الرابع4
بقلم ايه الموافي
ملك لبيرى : ابراهيم سهل انه يقع انما رغد اللى محتاجة دماغ لوحدها
بيرى بمكر : ما انا مش جيبالها اى حد برضو
أدهم بإستهزاء : هيكون مين يعنى
بيرى ببرود : فاته جاى فى الطريق
ملك بتفاجأ : جاى ليه
بيرى : علشان لازم نتعرف عليه .. مش هو اللى بيساعدنا برضو
ملك بإستغراب : طب التانية ماجتش ليه .. ماهى بتساعدنا برضو
بيرى بتهرب : معرفش بقى يا ملك هو جاى فى السكة خلاص اقوله يعنى يرجع و ميجيش
ملك بصتلها بشك و بيرى فضلت تهرب من نظراتها لحد ما قالت لأدهم :
و انت اتنصب عليك ازاى انت كمان
أدهم بغيظ : ودا يهمك فى ايه
بيرى ببرود : قلود اوى
سكتوا كلهم لما سمعوا صوت خبط على الباب و أدهم راح و فتح الباب
هشام ببرود : مساء الخير
كلهم بصوله ما عدا هى، اول ما سمعت صوته قلبها فضل يدق بسرعة رهيبة
اتمالكت نفسها بالعافية و رفعت راسها ببطئ و هى بتتغط على ايدها
هشام بشوق و حنين : اذيك يا ملك
ملك بتماسك و برود : الحمد لله يا استاذ هشام
ضغطت على حروف كلمة استاذ ببطئ علشان توصله رسالة ان ميشلش الحدود اللى بينهم
أدهم بإستغراب : انتوا تعرفوا بعض
ملك بضيق : عن اذنكم
ملك خرجت و هشام خرج وراها و قال بندم : ملك
وقفت مكانها و ملفتلوش و قالت بتماسك : عايز ايه
هشام بندم : انا اسف يا ملك
ملك بحده و هى بتلفله : اسمى انسة ملك مش ملك
هشام بعتاب : و احنا من امتى و فى بينا الحدود دى
ملك ببرود : من ساعة لما انت حطيتها
هشام بندم : ملك انا مكنتش اقصد
ملك بسخرية و ألم : تقصد ولا متقصدش ماعدتش تفرق خلاص .. عن اذنك
مشت و سابته و هو قال بحزن : بس انا ماكنتش فاهم مشاعرى وقتها
.........................*****************.......................
عند رغد
روحت البيت و هى مش طايقة نفسها و لسه عماله تشتم فى هشام بغيظ
رغد بغيظ و صراخ : رخم و مستفز
ابراهيم من وراها : هو مين دا اللى رخم و مستفز
رغد بخضة : مش تقول انك هنا .. خضتنى
ابراهيم بملل : حاضر المرة الجاية
رغد بضجر و ضيق : بقولك ايه انا مش نقصاك كفاية التانى عليا
ابراهيم بإنتباه : التانى مين
رغد بغيظ : دا واحد مستفز كان هيخبطنى .. يعتذر بقى لا يطول لسانه و يغيظنى .. المهم دلوقتى هنعمل ايه فى موضوع الزفته هى و أدهم
ابراهيم : لا سيبك منهم دلوقتى
رغد بتفاجأ : انت بتقول ايه
ابراهيم بمكر : انا وقعت على واحدة ماقولكيش على غناها و سذاجتها
رغد بإستغراب : مين دى
ابراهيم : واحدة اسمها سوزى و من عيلة غنية جدا و شكلها هبلة .. انا بقول نركن ملك و أدهم على جنب شوية و نحط كل تركيزنا عليها علشان اللعب يبقى على المظبوط
رغد بحزن : انت مش ناوى بقى توافق اننا نخلف طفل، انا نفسى ابقى ام اوى
ابراهيم بضجر : ما انا قولتلك يا رغد مش هينفع نخلف دلوقتى غير لما ننصب على ناس كتير و يبقى معانا فلوس مبتخلصش و ساعتها نمشى من البلد دى و نروح نعيش فى بلد تانية و نخلف هناك
رغد : و متنساش جوازنا يبقى رسمى قبل ما نطلع من البلد دى .. انا لولا ان مينفعش نبان اننا متجوزين فى الفترة الحالية انا مكنتش هقبل بالعرفى ابدا
ابراهيم بتهرب : اه طبعا ان شاء الله
.......................****************.......................
ملك بمرارة و سخرية و هى قاعدة على سريرها : ماكنش يقصد
غمضت عيونها بحزن و افتكرت الماضى
Flash pack
صاحبتى ايه اللى بتحبها يا هشام طب و انا
هشام بإستغراب : انتى ايه مش فاهم
ملك بدموع : انا بحبك
هشام بتفاجأ : ايه بتحبينى
دموعها نزلت و هو كمل بجمود : حب ايه دا يا ملك اللى بتتكلمى عليه احنا طول عمرنا اصدقاء طفولة
ملك بألم : بس انا حبيتك
هشام بسخرية : دى اوهام فى دماغك ولا يمكن تحصل ابدا
ملك بصدمة : اوهام فى دماغى
هشام بقسوة و هو غير مبالى بحالتها : اه اوهام فى دماغك .. علشان كدا احنا لازم نبعد عن بعض شوية
ملك بعدم تصديق : نبعد عن بعض
هشام ببرود : كل دا حصل بسبب اننا ماكنش فى بينا اى حدود
مسحت دموعها بعنف و قالت بجمود : اه صح عندك حق بس مش هيبقى فى بينا اى حدود لان خلاص من هنا ورايح انا من سكة و انت من سكة تانية
هشام بصدمة : ملك انا مش قصدى كدا انا قصدى اننا نبعد عن بعض شوية لحد ما تنسى مشاعرك
ملك بسخرية : لا متقلقش من ناحية هنسى فانا هنسى اوى كمان بس خلاص لحد هنا و انسى انك فى يوم كنت تعرف واحدة اسمها ملك
هشام بعدم تصديق : انتى بتقولى ايه .. انتى ازاى هتعملى كدا جالك قلب تسيبينى بعد صداقة دامت لاكتر من ١٧ سنة .. احنا مع بعض من الطفولة يا ملك
ملك بمرارة : زى ماجالك قلب تقولى الكلام دا بعد كل العشرة اللى كانت بينا
End flash pack
مسحت دموعها و قالت بوجع : الوجع مش فى انك ماكنتش بتحبنى يا هشام .. الوجع فى الكلام اللى قولته ليا و كإنى ماكنتش مهمة عندك