رواية احببت جاري الفصل الثالث3بقلم ايمان محمد
شذي ف سرها : اهدي ياشذي امشي براحتك مش لازم تجري .....دخلت الشقة وقفلت الباب شفت منيرة لقيتها نامت.....
عدي وقت كتير ومش عارفة انام بصيت من شيش عشان اتأكد الحمد لله ملقتهوش
فتحت البلكونة بصيت لسما ولنجوم كان القمر بدر وشكله جميل اوي وانا سرحانة ف جمال القمر سمعت حد بيكح جامد ف البلكونة بتاعته
شذي : دكتور ادم يا دكتور ادم
ادم : نعم ايه الاكل اتحرق ولا لسة
شذي: لا بس لقيتك بتكح كل شوية ... هو انت بتشرب سجاير
ادم : ايوا بشربها عادي
شذي: من امتي وانت بتشربها
ادم: بقالي دلوقتي حوالي ٥ سنين بشرب
شذي: عارف انها مضرة وانت طبعا دكتور طب بتشربها ليه
ادم: اهي تنسيني الوجع ال جوايا
شذي: تنسيك الوجع هو .... انت ليه محسسني انك الوحيد ال بيمر بالحالة دي علي فكرة في غيرك بيمروا بأسوأ من كدا
ادم: عايزاني ابطلها وافقي بيا
شذي: انا معرفكش خالص ازاي هثق فيك بالسهولة دي
ادم: انتي عايزة ايه وانا اعملهولك
شذي: مش لازم نتجوز دلوقتي ممكن اجي قطر معاك عشان اطمن اسيل
ادم: بس انا عايزك يا شذي انتي الوحيدة ال قلبي اتفتحلك بجد حتي والدة اسيل اتحوزتها عشان الشغل يكبر بس بمرور الوقت اتعودنا ع بعض وكملنا حياتنا مع بعض وكان بينا احترام ومودة ولو ع السجاير حاضر هبطلها عشانك هحاول ابطلها عشانك
شذي: انت مصمم تتجوزني ليه
ادم: عشان بحبك
شذي: كلمة سهلة صح .. سهلة انك تقولها انا مش عيلة وبسهولة كدا عايزني اصدقك انك بتحبني وانا معرفكش ومعرفش اصلا اذا كان عندك بنت ولا بتضحك
ادم: يعني انتي شايفة أن من اخلاق دكتور وغني وليه شهرة وسمعه قدام الصحافة يضحك عليكي
شذي: اي اللي يثبت انك بتحبني
ادم: أن هتجوزك مش هتسلي بيكي وارميكي هتجوزك افهمي
شذي: انا اللي افهم انت اللي مش بتفهم الحب مش كل حاجه زي ما انت قلت قبل شوية أن علاقتكم استمرت لأن كان فيه مودة واحترام ....تعرف بس مش كفاية المودة والاحترام ولا الحب كل بنت محتاجه تطمن عايزة الامان كفاية اوي أنها تحس بالأمان مع شريك حياتها .. عشان لما هي تيجي تنام تبقي متأكدة أن الشخص اللي بتحبه مش هيخذلها ف يوم من الايام ..
ادم: أنا موافق انك تيجي معايا قطر من غير ما نتجوز وهنمثل قدام اسيل أن احنا متجوزين
شذي: تمام هنسافر امتي
ادم: تحبي بكرا نسافر اهو نعملها مفاجأة
شذي: تمام مفيش مشكلة اهو بكرا إجازة
ادم: انتي هتسافري وهتفضلي هناك معاها
شذي: مش هينفع افضل هناك
ادم : ليه هو انتي ليكي حد هنا ف المنصورة
شذي: لا معنديش
ادم : طب خلاص سافري واقعدي هناك
شذي: اي المقابل اللي هاخده
ادم: انتي عايزة ايه
شذي: نفسي بس تبني ميتم للاطفال هنا عشان انا عيشت حياتي كلها ف ميتم حياتهم وحشة اوي في الميتم مفيش اهتمام ولا حتي محدش حنون عليهم تحس انهم مشردين
ادم: يعني انتي اصلا تربية ايتام
شذي: ايوا وخدتني ست من الميتم وكانت يعني حالتها الاجتماعية متوسطة اتبنتني وعلمتني ف أحسن مدارس ولما دخلت كلية الطب ل سبع سنين كانت بتشجعني وتدعمني بس كانت امي
ادم: كملي سكتي ليه عايز اعرف كل حاجه عنك
شذي: مش انت كنت بتراقبني ف اكيد عرفت كل حاجه عني
ولا ايه يا دكتور ادم
ادم: مش قولنا ادم بلاش دكتور لو سمحتي مش انا بقولك شذي قوليلي ادم بس سهلة ازاي ادم
شذي: مش ملاحظ أن شوية والفجر هيأذن ...صحيح ايوا انت مخدتش رقمي رن عليا عشان نحدد هنسافر امتي
ادم: معايا رقمك مش لازم اخده...... ممكن تحضري نفسك علي الساعة ٧ بالليل هعدي اخدك من البيت
شذي: مش قولنا هنسافر
ادم: اطمني هنسافر بعدها بس جهزي شنطتك وشنط السفر وف الشقة وخلاص ملكيش دعوي بالباقي
شذي: مش عارفة ليه حاسة انك بتحاول تحسسني بالأمان
ادم بإبتسامة : هو ده المطلوب اصلا يلا روحي نامي عشان تبقي فايقة
شذي: طب الحمد لله اخيرا سلام
ادم: لا استني كدا هو انتي اما صدقتي تمشي ولا ايه
شذي: لا ابدا مين ال قال كدا سلاااموززز
ادم: صحيح استني شعرك يبقي مفرود بكراااا زي دلوقتي كدا قمررر ياشذي
........
دخلت من البلكونه وانا من جوايا فرحانة اخيرا ربنا هيعوضني من الحياة دي
.........................
ياماااااااا عفريت .. يانهار اسوح يامنيرة قطعتيني
منيرة: اسفة والله يا شذي معلشي
شذي: ياستي دده منظر شعر انا قطعت الخلف يا منيرة ربنا يسامحك