رواية حتي نلتقي
الفصل الرابع والعشرون الخامس والعشرون
بقلم شروق الجندي
"ركبت جمبه وطول الطريق سايق بأيد وماسك أيدى بأيده اليمين وأنا على
قد فرحتى بس كنت متوترة
عمرو:خلاص وصلنا ياقمرى"ببص لاقيت مطعم واضح أنه شيك أوى وفتحلى
الباب ومسك أيدى ودخلنا ومكنش فيه أى حد فى المطعم غير الويتر اللى رحبوا بينا
دهب بدهشه:ايه ده فين الناس
عمرو:أنا حجزت المطعم كله عشان محدش يضايقنا"قعدت بزهول ومسك ايدى وبصلى بحب:مش عايز حد يشوفك غيرى
دهب:بصراحه المكان تحفه وبجد مفاجأة حلوة
عمرو:لا المفاجأة لسه مجتش اصلا أنا متأكد أنك ما أكلتيش حاجه عشان
كده جبتك نتعشا الأول"كان فضولى هيموتنى بس أكلنا سوا ومبطلناش هزار وأول ماشبعت مسك ايدى
وحطها فى دراعه وطلعنا فوق وأول ما شوفت المنظر أنصدمت من عشرات فساتين الأفراح
عمرو:أنتى كان نفسك فى كتاب فى مسجد وانا نفذته واستعجلت كتب
الكتاب عشان احهزلك الباسبور بس بردو هنعمل فرح لأحلى
عروسه وشاورى على أى فستان يكون تحت أمرك والمفاجأة التانيه أننا مش مسافرين لوحدنا أنا بجهز ورق
والدتك كمان عشان تعمل عمرة معانا عشان مينفعش أخد منها جوهرة ذيك ومشكرهاش عليها وأشتريت بيت
جديد عشان تصمميه بذؤقك ووالدتك هتعيش معانا"حضنته بقوة:أنا بموت فيك انت فعلا عوض ربنا
الفصل الخامس والعشرون
"عمرو صمم أن الفرح يكون بعد أسبوع وكده يكون فاضل أسبوعين على رمضان فنسافر للعمرة وأنهاردة هو اليوم اللى بتمناه من سنين اليوم اللى فقدت الأمل أنه يجى وبسبب تأخيره شوفت المر والأذى من كل الناس
وكأنى أرتكبت جريمه مش يدوب نصيبى مجاش,أنهارده أول مره أدخل قاعة أفراح بدون خوف أو قلق من كلمه
هنفرح بيكى أمتى أو نظرات شماته لأن أنهارده هو فرحى على حبيبى وفرحنا فى أحسن أوتيل فى مصر والشركه كلها معزومه وفستانى الأبيض يجنن وأشهر ميكب أرتست بس حزينه أوى
ماما:مالك يابنتى بس هو فى حد زعلك"بصتلها وعنيا مليانه دموع وقلبى مكسور:أول مرة أحس أنى يتيمه مين هيسلمنى لجوزى,بابا متوفى وعمى مجاش ومعنديش أخوات وحاسه بقهرة ياماما"لسه بكلم لاقيت الباب بيخبط وطلع يوسف
يوسف:قالولى أن فى عروسه قمر هنا وشكلها نسيت أن ليها أخ صغير يلا ياعروسه الناس مستنيه وأنا اللى هسلمك لعريسك
دهب بفرحه:متشكره اوى يايوسف مش هنسى الموقف ده ابدا"نزلت معاه وعمرو ببدلته الكحلى كان وسيم جدا ويامن واقف جمبه
يوسف بجديه:مش هوصيك على بنتى يابنى
عمرو:بنتك فى عنيا ياعمى"ضحكنا كلنا وعمرو باس رأسى وقال بهمس:أجمل ماشافت عنيا"فجأة أنصدمت لما شوفت!!