رواية قلب الجبابرة
الفصل الثامن
بقلم احمد حسن
الأم .. انا عرفت إنك الدكتورة البيطرية الجديدة نورتينا يادكتورة
سلمي .. شكرا ياطانط
الام .. ايه طمط دي ياولاد ؟!
سلمي .. قصدي ياحاجة
صفاء .. والدكتورة بقا اول مرة تيجي البلد ولا جت قبل كده
سلمي ..لا اول مرة
جلال .. مالك يافايز عينك حمرة ليه شكلك ما نمتش !
فايز .. (مردش)
سكينة .. تقريبا كده كان في كوابيس عنده في الليل ياجلال🤭😅
جلال .. 🤭
فايز .. لم نفسك ياد انت وهي خلي اصطباحتكم تعدي 😡
سكينة .. تليفونك بيرن ياجلال
جلال .. الو
حافظ .. عرفت مين ال خطف ياسين
جلال .. مين انطق
حافظ اول ما قال الأسم لجلال التليفون وقع على الأرض وجلال بنج بعينه من الصدمة بعد ما إكتشف إن ال خطفه يبقا فايز !
جلال .. انت إتجننت فايز يخطف أخوه كيف !!😡
حافظ .. لولا إني بفترض معاك حسن النية كنت قلت إنك أنت
ال خطفته خصوصا إن الخاطف أخوك والمخطوف أخوك
والرجالة رجالتك
جلال .. إقفل 😡إقفل 😡 ومن عصبيته كسر التليفون
فايز .. في إيه عاد ياولد أبوي صوتك جايب أخر الدنيا بتتخانق مع مين ؟!
جلال .. مفيش 😡 ( وخرج )
________ روايات أحمد حسن
جلال خرج وهو متعصب ورجله خدته لحد الشجرة ال كان لما الدنيا تضيق بيه يروح يقعد تحتها وكالعادة كان هناك خاله بالشيشة بتاعته
الخال .. ياااااه والله زمان ياجلال جاي شايل ولا مشيل
جلال .. شايل لما عميان ياخال
الخال .. باين على وشك، انت بالذات ياجلال متجيش هنا غير لما تضيق بيك وتقفل في وشك عكس ياسين بيحب القعدة هنا عمال على بطال 😅😅
جلال .. بتنهيدة كبيرة قال ..ياسين اااااه ياياسين حاسك بتعاقبني بس على إيه مش عارف ياخوي!
الخال .. ماله ياسين ياواد ياجلال ؟!
جلال .. هات الشيشة ياخال هات 😔
الخال .. ياااه للدرجادي ، مالك ياإبن الحاج كامل ؟!
جلال .. الحاج كامل كان شايل كتير ياخال والحمل مظهرش
غير بعد وفاته ومحدش قادر ولا عارف يشيل معايا ياخال
الخال .. النار مش بتحرق غير ال في كفه ياولدي وشكلها نار الكل في كفك
جلال .. اخوي مخطوف وعشان أجيبه لازم أقتل اخوي وراحت قلبي في عصمت أخوي ولو ريحت قلبي هخسر اخوي وبكده هبقا خسرت اخواتي الأتنين ياخال
الخال .. لا انا كده لازم أفهم في إيه ياجلال !
جلال .. لو فهمت هتتعب ياخال خليك كده أحسن
الخال .. إحكي ياواد اختي إحكي يمكن لو مش هساعدك أقله لما تطلع ال جواك هترتاح
جلال .. فايز اخوي خطف ياسين من واحد تقيل اسمه حافظ وانا خاطف بنت حافظ مقابل اخوي ودلوقتي مش عارف أعمل إيه ،النقطة التانية صفاء مرات ياسين حطاني في دماغها ما أنا كنت حكيلك زمان ياخال ولو ريحتها وريحت نفسي وطلقتها من ياسين هخسر ياسين وبكده ابقا خسرت فايز بسبب ياسين عشان اخسر ياسين بسبب صفاء ودوخيني يالمونة
الخال .. يابووووووي الموضوع واعر قوي ياابن أختي 😳
جلال .. شفت ياخال ال انا فيه ، دبرني ياخال أعمل إيه ؟!
الخال .. واحدة في يدك والتانية في يد غيرك
جلال .. مش فاهم !
الخال .. ال في يدك إنك تقدر تتخلى عن صفاء وتكمل زي ما أنت مكمل وتكسب ياسين أخوك لحمك ودمك
جلال .. دي النقطة ال في يدي طب والتانية ؟!
الخال .. ال في يد غيرك هي خطف فايز لياسين دي بقا في يد فايز لازم تقنعه إن ده أخوه ومفيش حاجة تستاهل يخسر اخوه عشانها
جلال .. فايز مش بيشوف غير الفلوس ياخال وهي الحاجة الوحيدة ال بتنقعه ياخال
الخال .. خلاص محلولة المشكلة ال حلها فلوس متبقاش مشكلة أشتري أخوك حتي لو رست هتبيع الجلبية ال عليك
اخوك ياسين يستاهل ياجلال
جلال .. فعلا ياخال ،تصدق عندك حق
الخال .. هتعمل إيه دلوقيت ؟!
جلال .. العمل عمل ربنا ياخال
الخال .. رايح على فين الحجر لسه مخلصش
جلال .. ليك عندي حجر ياخال سلام ياخال
الخال .. عمري ما كنت أتخيل إن جلال المتدلع هو ال يشيل المسؤلية ولوحده كمان اااااه يازمن العجايب
___________
في بيت الحاج كامل
جلال .. فين فايز أخوي ؟!
صفاء .. خرج من بدري
جلال ..انا برن عليه مقفول وسألت عليه في المخزن والأماكن ال عارف إنه بيروحها ملقتوش مقالش رايح على فين ؟!
صفاء .. لأ ، طب همشي انا عشان امك متصبحنيش بكلمتين
الأم .. اهلا ياولدي فينك من صباح ربنا ؟!
جلال .. جاي منين ياأمي انتي وسلمي ؟!!!
الام .. اتحشم ياواد أسمها الدكتورة سلمي ، عالعموم انا خدتها على الزريبة كان في جاموسة تعبانة
جلال .. نعم !!؟
الأم .. ايوة والله زي ما بقولك كده الجاموسة كان ليها كام يوم لبنها قليل فالدكتورة ربنا يسترها كتبت ليها على برشام بيتدوب في الميه أسمه بلامول بعت الواد جابه ودوبناه وسقينا الجاموسة منه اروح انا أشوف مصالحي
جلال .. إيه بلامول ده !!
سلمي .. قصدها بنادول
جلال .. الله أكبر ، إديتي الجاموسة بنادول عشان تزود اللبن !
سلمي .. بقولك إيه إحمد ربنا إني بعرف أتصرف ، ماهو انت سبت كل الوظايف ملقيتش غيرة دكتورة البهايم! 🙄
جلال .. ربنا يسترها عالبهايم روحي يلا أطلعي أوضتك
سلمي .. مش ناوي بقا تفك أسري 😔
جلال .. إمشي يابت من وشي وحاولي تعملي تعبانة ومعاكي دور برد شديد عشان يبقا ليكي حجة تقعدي بيها في البيت
سلمي .. اااااه ياضهري 🙆
جلال ..إيه التمثيل المقرف والفن الهابط ده !! وهو كده يبقا معاكي برد🙄؟! إمشي يابت على أوضتك إمشي😡
سلمي .. حاضر 🏃
______________
نادر .. أظن كده هما يولعوا مع بعض المفروض كده إحنا بره
حافظ .. انت إتإكدت من الكاميرات كويس ؟!
نادر .. شفتها بعيني
حافظ .. معرفش جلال هيحسبها أزاي ؟!
نادر .. أنا مش عارف أنت ساكت للواد ده ليه 😡
حافظ .. عارف مشكلتك في إيه ؟!
نادر .. إيه !
حافظ .. إنك حقود وغيور ومستكتر على الواد ال أسمه جلال إنه يبقا كبير ويناطح الكبار ، بس ال عايز أقولهولك إن مش ده الواد ال ترتاح لو تعبته ده دماغه ناشفه وذكي جدا بدليل إنك أنت بحرسك بكل الناس ال كانت في الفرح إتسحبت منكم سلمى زي الشعرة من العجينة تقدر تقولي تخمينك للطريقة ال قدر ياخد بيها سلمي أختك من الفندق؟
نادر .. انت في إيه ولا إيه يابابا ماهو أكيد خطفها من أي باب خلفي
حافظ .. ههههه مش بقولك حمار ، سلمي خرجت من وسطينا كلنا وإحنا محسيناش
نادر .. إزاي ده ؟!!
حافظ .. أنا لما راجعت الكاميرات خدت باللي إن جلال دخل
وحكى لينا موضوع الخطف وأحنا صوتنا علي وإتوترنا
والناس بدأت تبص علينا وتركز معانا وده كله كانت لسه
سلمى في أوضتها ومعاها رجالة جلال بعد ما خدروها هي
وكل ال كان معاها طبعا وظيفة جلال كانت إشغال كل من
في القاعة ونجح وللأسف هو خلانا نشتغل معاه وعرف
يستغلنا صح ببرود أعصابه وقلبه الميت وذكائه الشديد خدت
بالي إن أول ما جلال ولع السيجارة .دي كانت إشارة البدء
في الخروج لرجالته
نادر .. وخرج بيها إزاي ؟!
حافظ .. رجالة جلال وهما داخلين كان في واحد منهم لابس واحدة ست منقبة قاعدة على كرسي بعجل وواحد تاني عامل جوزها وبيزقها بالكرسي وعند الخروج سلمي هي ال كانت عالكرسي
نادر .. يابن ال..
حافظ .. قولي بقا قد إيه كمية الثبات عند جلال عشان يعمل جري،مة خطف في وسط وزراء ورتب وحرس بالمئات شفت بقا إن ال زي ده يتعمله ألف حساب
نادر .. أنت متأكد يابابا إن الواد ده ملوش أي عمل إجرامي !!
حافظ .. خالص الواد لسه خام ويدوب أستخدم 1% من ذكائه في بدايته في طريقنا وشوف عمل إيه مابالك لما ياخد خبرة ممكن يعمل إيه ! روح أنت بس خلي أمك تلفلك سندوتشاتك وإزازتك وكراستك وروح لجلال أتعلم منه 😡
_____________
في بيت الحاج كامل
سكينة .. إزيك يادكتورة
سلمي .. الحمدلله
سكينة .. مالك قاعدة وباين عليكي الزهق كده ليه
سلمي .. مفيش حاسة إني مخنوقة شوية
سكينة .. خلاص تعالي نطلع عالسطح نشم هوا
سلمي .. بلاش جلال أخوكي صعب وزعل إني خرجت من الاوضة الصبح
سكينة .. وهو يمنعك تخرجي ليه !!
سلمي .. ها .، لا بس الدكتور كان قايله إني لازم أرتاح ومخرجش خالص لحد ما أخف
سكينة .. سيبك من جلال أنا مسيطرة متقلقيش يلا بينا 😅
سلمي .. يلا
عالسطح
سلمي .. انتي متجوزة ياسكينة؟
سكينة .. لا
سلمي .. تبقي مخطوبة ؟
سكينة .. برضو لا
سلمي .. امال إيه ؟!
سكينة .. مطلقة
سلمي .. انتي مطلقة !!!! مين ال معندوش نظر وسابك ده ؟
سكينة .. مش هتصدقي 😅 كان كل يوم يضربني بسبب المشاكل ال كانت بين عيلته وعيلتنا وطبعا أبوي الله يرحمه مستحملش قرر يطلقني منه فحب يلوي دراع أبوي بإنه عشان يطلقني أتنازل عن إبني أبويا قاله حتي هدومها مش عايزنها
سلمي .. وقدرتي تتخلي عن إبنك !!
سكينة .. هه انت هنا في حضرة الحاج كامل يعني ال يقوله سيف على رقبت اتخنها شنب مش ست بس
سلمي .. ليكي قد إيه مشفتوش !؟
سكينة .. 4 سنين يعني وهو دلوقتي عنده 7سنين وشهرين و11يوم 😥
سلمي .. ياااااه انتي بتحسبيهم باليوم !
سكينة .. ومن وقتها وانا رافضة الجواز ومستنية اليوم ال ييجي فيه أبني يسأل عليا
في اللحظة دي جلال كام طلع وراهم وهو متعصب عشان خروج سلمي بس لما سمع سكينة بتتكلم وقف وسمع كل كلامها وعنيه مش مبطلة دموع وبيقول لنفسه يااااااه كل
ده شايلاه جواكي وأنا كنت أعمى مش شايف 😥
سلمي .. ايه ده جلال 😳
سكينة مسحت عيونها بسرعة وشافت جلال هو كمان بيمسح دموعه بسرعة ، عرفت إنه كده سمعها وجرت عليه واترمت في حضنه وعيطت طبطب عليها جلال وقالها معلش ياحبيبتي بطلي بقا نواح متعمليش فيها ماجدة في الخطايا 😅
سكينة .. ماجدة مكانتش في الخطايا إيه الهبل ال بتقوله ده 😥
جلال بصلها وضحك وهو عيونه مدمعة وهي كمان ضحكت حضنها وطبطب عليها وقالها خلاص بقا يابت شكلي بقا وحش وهيبتي هتضيع كده 😅
سكينة .. ربنا يخليك ليا ياسندي 💙
_____________
في نهاية الحلقة بنشوف واحد ماشي وخبطت رجله مسمعة في المكان وواحد من رجالته فتح باب أوضة وجوة الاوضة دي ياسين متبهدل ومعالم وشه مش واضحة من التعذيب بيقول.. عطشااااااان همووووت !!!!!
الراجل ال دخل على ياسين مسك ياسين من شعره ورفع راسه ياسين اول ما شاف شكله عينه برقت و.......