رواية قلب الجبابرة
الفصل الحادي والعشرون
بقلم احمد حسن
يوم في التاني في اسبوع الفلوس بدأت تخلص وحال سلوى بدأ يبقا في النازل وأمها كانت سابتها وسافرت أمريكا عشان تفضل محافظة على مستواها الإجتماعي وأضطرت إنها تدور على شغل لحد مالقيت شغل في محل ورد بس الوزير مسبهاش في حالها واتسبب ليها في جريمة سرقة ظلم وفي القسم سلمى لما عرفت إنها هتتحبس قالت لطارق إنها موافقة على جوازها من الوزير وبعدها كلمت جلال وطلبت منه إنها تقابله ضروري عشان تخلص ورق الطلاق بس قبل ماييجي جلال على القسم كانت سلمى داخت والضغط علي عندها وراحت على المستشفى وهناك اكتشفت إنها حامل
وهنا بقي الوضع ازداد تعقيد خصوصا إن جلال كان عطى خبر لصفاء فرحها إنه رايح عشان يطلق سلمى
جلال بعد ماراح على المستشفى وإكتشف إن سلمى حامل نزل قاعد على الكرسي وحط إيده على دماغه
ياتري جلال هيعمل إيه ؟! هيقف في وش الوزير وصفاء مراته وينقذ سلمى اللي مش طايقاه ومش هتستفاد بردو بجوازه منها ولا هيتخلى عنها ويكسب صفاء ويحل جزء من مشكلة سلمى
____________متابعة هنا فضلا روايات أحمد حسن
في المستشفى
جلال .. ازيك ياسلمى انا خدت المأذون ورحت عاالقسم عشان نكمل إجراءات الطلاق قالولي إنك دوختي وتم نقلك على المستشفى
سلمى .. جبت المأذون معاك
جلال .. ايوة واقف بره ( ونادى عليه )
المأذون .. السلام عليكم ورحمة الله وبركاته مبدئيا ياجماعة عايز اقولكم إن أبغض الحلال عند الله الطلاق ..
سلمى .. متكملش ياعم الشيخ ادخل في الإجراءات
فعلا المأذون خد الإجراءات وعند نطق الطلاق من جلال دخلت الممرضة
الممرضة .. أكيد أنت بقا أبو البيبي الف مبروك عايزين الحلاوة بقا ربنا يكملها حملها على خير ويتربى في عزكم
جلال .. بتكلميني انا😳!!
الممرضة .. انت لسه معرفتش ولا مش مصدق من الفرحة ولا تكونش بتتهرب وعايز تبخل علينا 😅
جلال .. في إيه 😳 مش فاهم حاجة !!!!
الممرضة .. المدام حامل ياأستاذ 😅
جلال قعد على الكرسي وحط إيده على دماغه
المأذون .. طب اهي جت من عند ربنا أستأذن انا
سلمى .. أقعد ياعم الشيخ كمل إجراءاتك😥
جلال .. قعد بتاع خمس دقايق باصص للأرض ودخل في تفكير عميييق وبعدها وقف وقال للمأذون خلاص مش هطلق ياسيدنا الشيخ
المأذون .. هو دا عين العقل يابني ربنا يصلح ما بينكم ياابني
المأذون والممرضة خرجوا وقعد جلال مع سلمى
جلال .. ممكن اعرف أيه اللي سمعته ده !😡
سلمي .. زي ما سمعت للأسف حامل 😏
جلال .. إزاي دا حصل 😡
سلمى .. والله قول لنفسك ، وبعدين انا طلبت الطلاق انت ايه اللي مضايقك 😏
جلال .. الكلام ده تقوليه لناس معندهاش نخوة ولا رحمة بس أنا مقدرش 😡
سلمى .. هه وهيفيد بإيه مادمت وجودك في حياته هيبقا زي عدمه
جلال .. حجم السرقة اللي أتهموكي فيها كانت كان بكام
سلمى .. ب25 الف جنيه ههههه تخيل سلمي بنت حافظ بيه تتحط في سرقة 25 الف اللي في يوم من الأيام كانت يادوب سعر لفة أعمل فيها شوبنج 😅
جلال .. مين اللي ورا الموضوع ده ؟!
سلمى .. ودانك هتستوعب 🤨
جلال .. أخلصي قولي
سلمي .. الوزير 😏
جلال .. الوزير !! ليه !!
سلمى .. عايز يتجوزني بالعافية وبيضغط عليا بأساليبه القذرة
جلال .. يتجوزك ازاي !
سلمى .. زي الناس
جلال .. أنا مشاكلي لا تحصى ولا تعد وكل ما أقفل باب يتفتحلي مكانه أبواب عالعموم انا دماغي واقفة عن التفكير هروح القسم أخلص مشكلتك وبعد كده نشوف حكاية الوزير
بالفعل جلال خلص الموضوع بتاع سلمى في القسم وبعد كده خدها على بيتها وجاب رجالة من عنده حطهم حراسة على بيتها
______________
في بيت الحاج كامل
جلال رجع عالبيت تعبان وهلكان بعد يوم صعب
صفاء .. حمدالله عالسلامة ياحبيبي
جلال .. الله يسلمك
صفاء .. أوعي البت دي تكون فرضت عليك شروط في طلاقها
جلال .. ها ، لا ماهو ..
صفاء .. ماهو ايه ياجلال !!
جلال .. متطلقناش 😕
صفاء .. يعني إيه متطلقتوش مش فاهمة !!؟
جلال .. أصلها طلعت حامل !
صفاء .. ينهار إسود 😡
جلال .. إهدى ياصفاء وكل حاجة هتتحل
صفاء .. أهدى إيه وزفت إيه ! وأنت جاي تقولي إن السنيورة حامل ومهانش عليك تطلقها 😡
جلال .. يعني إنتي شايفة إطلقها وأرميها بعيلها دا يبقا عادل!
صفاء .. ويعني هو جوازك منها كان عادل 😡
جلال .. عايزك تهدي ياصفاء وتحسبيها بالعقل عصبيتك دي مش هتوصلنا لحل !
صفاء .. أسمعني ياجلال انا خلاص تعبت وزهقت إختار ياجلال
جلال .. أختار إيه !!!؟
صفاء .. أنا مش هقبل بضرة في حياتي ودلوقتي حدد يا أنا يا هي انا مش مستعد أعيش عمري كله في حرقت دم
جلال .. انتي طبعا ياصفاء بس الموضوع ميجيش كده متحطليش العقدة في المنشار !
صفاء .. أنت مسبتش ليا خيارات ياجلال عالعموم إجابتك وصلتني وأنا هرجع بيت أبويا لحد ما تاخد قرار 😥
____
في مكتب الوزير
الوزير .. ايه الكلام اللي بتقوله ده ! جلال مين وحامل إيه !!؟
طارق .. والله زي ما بقولك كده يامعالي الوزير إتضح إن البت كانت على علاقة بالواد اللي أسمه جلال وحامل منه وراح دفع ليها الفلوس وخرجها من القسم
الوزير .. جلاااااال 😡 انا عايزك تخلصلي على الواد ده 😡
طارق .. كان أقتراح سيادتك
الوزير .. انطق 😡
طارق .. إحنا دلوقتي داخلين على التعديلات الوزارية وأي لغط أو شوشرة ممكن تأثر علينا فا أنا كنت بقترح على سيادتك نأجل موضوع الواد ده ونركز على شغلنا في الكام شهر اللي جايين وبعد كده نعمل اللي عايزينه
الوزير .. لسه كام شهر 😡
طارق .. معلش يامعالي الوزير واوعدك مش هنسيبهم
_________
نرجع لبيت الحاج كامل
احد رجال جلال جه يجري ويقوله إلحق ياجلال بيه خليل وسفيان النجعاوي برجالتهم واقفين في الأرض وجايبين جرارات بتقلب الزرع وعايزين يستولوا عليها وياسين أخوك خد سلاحه وجري على الأرض
جلال .. أولاد النجعاوي فتحه النار وقلبوا في الدفاتر القديمة لم الرجالة والسلاح بسرعة وانا هلحق ياسين
سكينة .. لا ياجلال أقصر الشر وحاول تلم ياخوي 🙏😭
جلال .. مش باينها هتتلم ياسكينة وانا جبت أخري منهم وياويله اللي هيقف في سكتي ، اوعي ياسكينة اوعي 😡
الأم .. يلهوي يلهوي يامرك ياعين البيت هيخرب ياناااس 😭
فعلا جلال خد سلاحه والرجالة حصلته على هناك وفي لحظة ما راح شاف ياسين بيتعارك وبيقع قدامه وواخد طلقة في صدره 😳
جلال .. ياولاد الكاااالب ويمين الله ماهسيب حد فيكم وبالفعل ياسين مسك سلاحه وبدأ يغربل فيهم وقع منهم رجالة كتير وأخرهم كان سفيان النجعاوي اللي مات في الوقت والحال وأصاب اتنين من ولاد عم خليل وسفيان وبسرعة تم نقل ياسين على المستشفى وهناك كانت الصدمة بعد 6 ساعت في غرفة العناية المركزة خرج الدكتور وقالهم
( البقاء لله )
جلال سمع الخبر ومن غير دامعة واحدة خرج من المستشفى وقبل مايعدي 24ساعة على وفاة ياسين فايز كان نزل من الجبل وحط كتفه في كتف جلال لتعيش البلدة ليلة سوادها حالك وكأنها ليلة من ليالي جهنم وبدأت عملية الإنتقام بلا رحمة لأخوهم ياسين وفي اللحظة دي حرفيا أولاد الحاج كامل تحولوا لوحوش بأيديهم تمت أبادت رجال عائلة النجعاوي وتيتمت اطفالهم وترملت نسائهم وتم حرق بيوتهم وممتلكاتهم بالكامل وسلب أراضيهم وأنهى على عائلة النجعاوي جميعها ولم يتبقي منهم سوى النساء والأطفال الصغار ولم يستطيع الهرب منهم غير خليل اللي هرب وخد إبنه سامي معاه
__________________
على قبر ياسين جلال طلب منهم يسيبوه هو وفايز وسكينة مع أخوهم ياسين لوحدهم فايز قعد يبكي ويتحسر خو وسكينة وجلال كانت كلماته أشد ألما ودموعه اللي كانت محبوسة نزلت كما السيل😥
جلال .. ليه كده ياخوي هتنفعنا بإيه الأرض دلوقتي 😥 طول عمرك كنت ماشي جنب الحيط ومتحبش المشاكل قم يوم ما تموت تموت بسبب مشكلة 😥 ليه أتسرعت ياياسين
ليه كده ياخوي 😥 طب كنت انا اللي مت مكانك انت متستاهلش تموت ياياسين 😥 انت عيشت عمرك كله بتدفع تمن أخطأ الكبير قبل الصغير 😥 مرة تتخطف عشان حاجة ملكش يد فيها ومرة تتطلق منك مراتك عشان حاجة ملكش ذنب فيها واخرها تموت عشان عشان تار قديم ملكش يد فيه
😭😭😭 عيشت مظلوم ، ومت ضحية 😭
وفي النهاية بنشوف فايز واخدهم تحت دراعه وسايبين ياسين وراهم للعناية الالهية
___________
بعد 6 شهور
في المستشفي وصل تليفون لجلال إن سلمى بتولد
فعلا جلال راح على هناك كانت سلمي ولدت وإبنها دخل الحضانة
جلال .. حمدالله على سلامتك
سلمى .. هه يدوب أفتكرت بعد المدة دي كلها
جلال .. انتي عارفة ظروفي كان غصب عني
سلمى .. قالولي إنه ولد
جلال .. هو فين
سلمى .. في الحضانة روح شوفه
فعلا جلال راح الحضانة وخد من أمه رقم السرير وهناك لما راح لقي السرير فاضي !