رواية قلب الجبابرة
الفصل الثاني والعشرون
بقلم احمد حسن
في المستشفي وصل تليفون لجلال إن سلمى بتولد
فعلا جلال راح على هناك كانت سلمي ولدت وإبنها دخل الحضانة
جلال .. حمدالله على سلامتك
سلمى .. هه يدوب أفتكرت بعد المدة دي كلها
جلال .. انتي عارفة ظروفي كان غصب عني
سلمى .. قالولي إنه ولد
جلال .. هو فين
سلمى .. في الحضانة روح شوفه
فعلا جلال راح الحضانة وخد من أمه رقم السرير وهناك لما راح لقي السرير فاضي !
جلال خرب الدنيا بعد إكتشافه إن إبنه إختفا وسلمى إتأثرت جدا ودخلت في نوبة إكتئاب وأصبح من المفترض يكون ليها حد يراعيها في البيت لأنها تملك أحد خصوصا بعد سجن اخوها وهروب امها ووفات أبوها فأضطر جلال أن يحضر لها خادمة تراعيها وتاخد بالها منها في البيت وبطبيعة الحال جلال كان كل يومين ييجي يبات عندها وفي ليلة جلال كان نايم في الصالة فخرجت عليه الخادمة بملابس مثيرة وعرضت نفسها عليه والموضوع أصاب جلال بالغضب وطردها شر طرده وأضطر من وقتها إنه يراعيها بنفسه خصوصا إنها بدأت تتماسك جسديا وتقضي حاجاتها
جلال .. قومي ياسلمى كليلك لقمة انا حضرتلك الفطار
سلمى .. مليش نفس
جلال .. علفكرة انا هموت من الجوع وماكلتش إمبارح بسبب إنك مكلتيش يرضيكي أفضل كده
سلمى .. مش قادرة ياجلال كل ما أفتكر غياب إبني عني بموت😥
جلال .. متخافيش اللي خطفه أكيد له طلبات وهيتصل بينا
سلمي .. الموضوع بقاله شهر ياجلال اللي هيتصل كان أتصل
جلال .. قولي الحمدلله وخدي بالك من صحتك وأنا اوعدك أني مجرد ما أمسك طرف خيط مش هسيبه غير لما ارجع إبنك في حضنك
سلمى .. صحيح ياجلال هترجعلي أبني 😥
جلال .. قولي يارب وبعدين مش مكفيكي انا جنبمك ولا أيه
سلمى .. انتي جمبي عشان ضميرك ميوجعكش يعني فترة
مؤقتة وهتسيبني بس إبني كان هيبقا سندي
جلال .. سيدنا الخضر لما قتل طفل ،سيدنا موسي أستغرب جدا ومقدرش يكتم ويصبر حسب الأتفاق وسأله أقتلت نفسا ذكية بغير وجه حق ! فا سيدنا الخضر قاله إنه خاف إن الطفل يرهق أهله كفرا وطغيانا ، يعني مش شرط إبنك كان هيبقالك سند ماممكن كان هيبقا سبب تعاستك ويعيشك في جحيم وفي النهاية ياستي متعلميش الحكمة من إختطاف إبننا إيه ! ربنا أكيد له حكمة بس إحنا نصبر ، يالا نفطر بقا عشان مش هتتكرر كتير إني أعملك الفطار بنفسي أنا أصلا مبحبش الراجل اللي يعمل اكل ومراته نايمة في سريرها وشغل الأفلام ده 😅
سلمى .. إيه ده ! انا مبحبش البيض!
جلال .. دي الحاجة الوحيدة اللي بعرف أعملها عاجبك ولا تدخلي تعمليلنا انتي فطار 😅
سلمى .. لا عاجبني انا مش قادرة أقوم
جلال كل وأكل سلمى وبعد كده سندها دخلها الحمام عشان تستحمى
سلمى .. اخرج بقا بره خليني أستحمى
جلال .. لا انتي مش قادرة تصلبي طولك أقعدي وانا هحميكي
سلمى .. ايه ☺️
جلال .. متتكسفيش انا جوزك 😅
بالفعل جلال ساعدها على الإستحمام وبدأ يساعدها في كل حاجت البيت لحد ما بقت تقف على رجلها وترجع للحياة شبه الطبيعية لأن مازال إبنها مأثر فيها رغم إن جلال في كل مرة بيديها مسكنات بكلامه
____________
في بيت الحاج كامل
سكينة .. مالك ياصفاء إكده متغيرة ليكي كام يوم
صفاء .. يعني انتي مش مستغربة غياب جلال عن البيت الزيادة عن اللزوم
سكينة .. انا عايزاكي تتأكدي من حاجة واحدة ياصفاء ،اخوي جلال عمره ما يعمل حاجة غلط ولو ترتاحي أمشي وراه وأنتي مغمضة
صفاء .. انتي عارفة أني كنت هسيب البيت بسبب الموضوع اللي تعرفيه ولولا وفاة المرحوم ياسين مكنتش قعدت في البيت دقيقة واحدة
سكينة .. هبلة وهتفضلي طول عمرك هبلة يابت الست الناصحة تضيق الخناق على جوزها وتفضل قاعدة على ومتسيبش الفرصة لواحدة تانية تحل محلها ، الراجل بالذات بيجري ورا الست اللي بتهتم بيه دا بيقولوا انت تهمل وغيرك يهتم والقلب ياسيدي ميال
صفاء .. أنتي شايفة كده ياسكينة ولا عشان أخوكي فبتصلحي وراه؟!!
سكينة .. انا قلت اللي عندي وانتي حرة يابنت عمي
_________
في السجن نادر ولا يعرف أي حاجة عن المواضيع اللي دارت خصوصا إن سلمى قبل ما تولد بطلت تزوره عشان بطنها كانت كبيرة بسبب الحمل وهي مكانتش عايزة تقوله إنها حامل من نفس الشخص اللي ساجنه وهنا بقا الشيطان بدأ يلعب لعبته بعد ما أتسرب خبر جواز جلال من سلمى وبدأت الروح العدوانية ترجع لنادر تاني بعد ما أتهيأله في باله إنه ميفرقش عند سلمى وإنها أتجوزت اكتر شخص على عداوة مع أخوها
_________
في الجبل
فايز .. معرفتش حاجة عن الواد إبنك ياجلال ؟!
جلال .. اللي هيجنني اني مش عارف اللي خطف الواد غرضه هو مين وغرضه أيه
فايز .. والله دي حاجة تحير ياخوي طب وسلمى كيفها دلوقيت
جلال .. سلمى لا حول ليها ولا قوة وبتحاول توهمني إنها ماسكة نفسها وإنها كويسة بس باين عليها إنها مهزومة قوي ياجلال
فايز .. دا ولدها ياخوي ضناها حملت وسهرت تحسب لمجيته باليوم ،ويوم ما ييجي ما تلحقش تتهنا بيه ! وعايزها تعيش عادي كيف !!
جلال .. المشكلة إني مبقيتش قالب عليه الدنيا عشان ولدي قد ما بقيت همي الاقيه عشان ارحم امه المسكينة
فايز .. وصفاء فين في الليلة دي كلها ياجلال
جلال .. صفاااااء صفاء اللي بقيت مش عارف جوازي منها عقاب ليها ولا ليا
فايز .. كيف يعني عقاب
جلال .. ولا قادر أقرب منها ولا عايز أبعد عنها ولا عارف أظبط حياتي
فايز .. في حالتك دي ياجلال جمع تكسب ياخوي
جلال .. يعني ايه !
فايز .. هات سلمى عالبيت الكبير وريح نفسك منها صفاء هتكون قدام عينك وتقدر تراعيها
جلال .. اسكت يافايز اسكت ياخوي سلمي مين اللي أجيبها عالبيت انت عايزني احط سلمي وصفاء في مكان واحد ! دا انا كنت امشي على راسي مرجعش تاني , هقوم انا أروح عالبيت أشوف الدنيا حصل فيها أيه
______________متابعة هنا فضلا روايات أحمد حسن
في بيت الحاج كامل
صفاء .. هه راجع متأخر زي عادتك ما كنت بييت عندها وخلاص
جلال .. انا كنت عند فايز في الجبل
صفاء .. وماله 😏
جلال .. وبعدين مش كل ما ادخل وأطلع أحس إني في تحقيق ياصفاء
صفاء .. ماعلينا كلت ولا لسه
جلال .. مرديتش أكل عند فايز وعامل حسابي أتعشا معاكي
صفاء .. على أساس إنك بقيت تهتم بأكلي أو شربي زي الأول 😏
جلال .. خلاص مش طافحين نامي ياصفاء
صفاء .. ويعني الأكل اللي كنت مجهزاه ده هتاكله امي !!
جلال .. ايوه بقا كده 😅 ما تقولى أنك مستنياني عشان نتعشا سوا ولا كان لازم يعني الكلمتين اللي ينكده علينا الأول
صفاء .. طب هدخل أسخن الأكل لحد ما تغير هدومك
جلال .. والله احتارت فيكي وبقيت مش عارف زعلك من روقانك 😅
صفاء راحت تسخن الأكل وتليفون جه لجلال من سلمى
جلال بهمس .. ايوة ياسلمي في ايه!
سلمى .. انا تعبانة اوي ياجلال جسمي بيترعش ومش قادرة أقوم من مكاني
جلال .. نعم 😳 دلوقتي !!!!
سلمى .. إيه !!
جلال .. خلاص جايلك اقفلي أقفلي
صفاء .. انا قعدت 3 ساعت في الضهرية أحضر في الأكل لما أتشويت عشان تاكله سخن وفي الاخر جاييلي بالليل ، يلا بقا دوق وقوللي رأيك إيه على ما أغير هدومي 😊
جلال في لحظة دخول صفاء كان رن على فايز مرة وقفل ولحظة ما صفاء بتغير هدومها وبتستعد لليلة رومانسية كان فايز خد باله من الرنة واستغرب ورجع يرن على جلال
جلال .. ايوة يافايز دا وقت ترن فيه طول عمرك بتيجي في الاوقات الغلط قول عايز ايه!
فايز .. به ! يابني انت اللي لسه رانن عليا😳
جلال .. إيه !! بطنك وجعاك وبتترعش وسخن ومسخسخ كمان 😳
فايز .. أنا بترعش وسخن ومسخسخ😳
جلال .. ما انا قلتلك بلاش ترمرم في الأكل طول عمرك دني وهمك على بطنك ، مبتفهمش خااالص مبتفهمش
فايز .. ااااه فهمت ،، افتح بقا المكرفون خليها تسمع😅
جلال .. يابني صوتك واطي طب اصبر افتح الميكرفون ايوة كده قول
فايز .. بقولك تيجيني دلوقيت بموت ياخوي يالهوي يابطنييييييي
مرات فايز .. يوه !! إيه ياخواتي الأوهر بتاع الرجالة ده!!!
ما أنت قاعد تحش في الأكل زي الجاموسة أهو😏😡
فايز .. جاموسة لما تلهفك أكتمي ياولية 😡
جلال .. خلاص خلاص هجيبلك الدكتور ومسافة السكة بس وهكون عندك ( سلام )
صفاء .. ماله فايز !!!!
جلال .. زي ما سمعتي بيقول تعبان معلش ياحبيبتي حقك عليا هو الواد فايز ده دايما وش فقر
صفاء .. طب خدلك ساندوتشين اتقوت بيهم دا أنت ياقلبي حتى ملحقتش تاكل لقمة 😥
جلال .. صعبان عليا الليلة الحلوة اللي هتبوظ دي ! تصدقي انا بفكر اطنشه هو هيجراله إيه يعني
صفاء .. لا ياجلال ميصحش دا أخوك وملوش غيرك ،يقول عليك ايه إيه
جلال .. ربنا يخليكي ليا طول عمرك بتفهمي في الأصول يامراتي ياحبيبتي
_______
بالفعل جلال نجح في خطته إنه يخلع من صفاء بشياكة ومن غير ما تزعل وعلطول راح على سلمي لقاها كانت بتضحك عليه وعاملة عشا رومانسي ولابساله زي كل الستات ما بتلبس في الوقت ده
( من غير ما أوضح يعني عشان الناس الصغيرة ☺️)
جلال .. ايه ده😳 !
سلمي .. انت تستاهل اكتر من كده ياجلال وبصراحة انت في وقفتك جنبي اليومين اللي فاته خليتني أغير فكرتي عنك وزي ما أنت عاملتني كزوجة بجد يبقا بصرف النظر عن المشاكل اللي إحنا فيها وحجمها أنت تستاهل إني أعاملك كزوج ومعلش في الكلمة يعني حتي لو مش طايقاك
جلال .. طب بصرف النطر عن اني انضحك عليا بس هو في واحدة مش طايقة جوزها تقوم تعمله عشا رومانسي
سلمى .. تعرف أنا نفسي إيه ياجلال دلوقتي ؟
جلال .. نفسك في إيه ؟
الباب خبط
جلال .. هو في حد جاي ؟!
سلمى .. ويعني هو انا هستنى مين الساعة 3الفجر!!
جلال راح يفتح الباب وأول ما فتح الباب لقي .......