رواية قلب الجبابرة
الفصل السابع
بقلم احمد حسن
يادوب جلال قعد مسك أول لقمة وتليفونه رن
جلال .. ايوة
حافظ .. تقصد إيه باال عملته ده 😡
جلال .. مش فاهم !!
حافظ .. هو إحنا مش اتفقنا أسلمك اخوك وتسلمني بنتي والموضوع يمر بسلام
جلال .. ايوة حصل
حافظ .. امال ليه ضربت الرجالة وخدت أخوك ليه عايزها تبقا دم ليه مصمم على الخساير والله ياابني لو حطيتك في دماغي ما هتقدرني 😡
جلال .. خدت اخوي!؟؟ انا مخدتش حد ! بص ياحافظ بيه لو دي لعبة من الاعيبك وياسين اخوي جراله حاجة أقسم بالله بنتك ما هتشوفها تاني
حافظ .. اسمع ياجلال ياسين أتخطف من عندي ومحدش يهمه ياسين غيرك
جلال .. حافظ 😡 تطلع تنزل تجيب اخوي وأفتكر إن بنتك عندي
حافظ .. اسمع ياد أخوك عندك وبنتي تجيني 😡
جلال .. قصدك حق اخوي عندي ،كده خلصت ياحافظ بيه
وقفل المكالمة
_______ روايات أحمد حسن
جلال ركب عربيته وطلع على الجبل بسرعة
فايز .. في إيه ؟! رجعت تاني ليه؟!!
جلال .. حافظ كلمني وقاللي ياسين مش عنده
فايز .. يعني ايه ؟!!
جلال .. معرفش ، وخايف يكون حافظ قتله من الأول وكان بيوهمنا إنه خاطفه
فايز .. تمام محلولة
جلال .. إزاي ؟!
فايز .. لحظة هعمل مكالمة وجايلك
جلال .. !!
شوية وجلال سمع صوت ضرب نار 3 طلقات ورا بعض جايين من الأوضة ال فيها سلمي ! جلال اتخض ومشي ناحية الاوضة بيفتح الباب وأيده بتترعش لقي فايز مع سلمي وماسك المسدس في إيده 😳
سلمي .. إلحقني والنبي 😭
جلال .. أنت عايز تقتلها إنت إتجننت !!؟
فايز .. وأنت عايز تسيبها ؟!! طب ودم أخوك !!
جلال .. وأنت إيه ال يأكدلك إن حافظ عملها وياسين مات؟!!
فايز .. مش ده كلامك 😡
جلال .. يابني أدم أنا بفكر معاك بصوت عالي أنا أبن كلب إني قعدت وإتحددت معاك 😡
فايز .. إيه؟😡 كنت عايز تمشيني زي الاطرش في الزفة 😡!
جلال .. وأنت عملت إيه غير فيلم رعب للبنت بتلات طلقات تحت رجليها ده عقل ده 😡
فايز .. أخوي ياعالم أخوي ياخلق يعني مش من حقي أزعل عليه وإلدنيا تسود في وشي بسببه😡
جلال ..ماهو اخوي زي ماهو اخوك أسمعني زين يافايز وركز في كلامي ، إحنا كلنا في مركب واحدة وأنت مش من حقك تتصرف من غير ما ترجعلي😡 السيئة ال بيرتكبها واحد في مركبنا بتعم عالكل يافايز😡
فايز .. والله عال يازمن ،بقا أنا أخوك الكبير أرجعلك أنت ياصغير في أي حاجة قبل ما أعملها 😏
جلال .. الطريق الهباب ال أتحكم علينا نمشي فيه سوا كلنا الكبير فيه بيتقاس بالعقل مش بالسن يافايز
فايز .. طب أنا هخالفك وهقتل البت دي ووريني هتعمل إيه ياجلال
سلمى .. لأااااا😭
جلال وقف قدام سلمى .. يبقا لازم تقتلني أنا الأول ياخوي
فايز .. بتلوي دراعي ياجلال ؟!😡
جلال .. لا يافايز بس فكر معايا كده ، تخيل إن ياسين طلع عايش ، وأنت قتلت البت قولي وقتها بقا أنت هتبقى قتلتها بأي حجة ؟! وإيه ال ممكن يحصل معانا وقتها ؟! وطبعا حافظ لو فعلا ياسين هرب وهو وصله قبلك أكيد هيقتله وساعتها هتبقا أنت السبب في موت ياسين اخوك ؟!
فايز .. يعني هنقعد حاطين إيدنا على خدنا إكده !😡
جلال .. البت دي هي الخيط الوحيد ال يوصلنا لياسين أرجوك يافايز متتصرفش من دماغك
فايز .. حافظ بحره غويط ولا ياسين هيرجع ولا فلوس أثار هتيجي
جلال .. ها قولي بقا إن ال فارق معاك الأثار والفلوس مش ياسين !
فايز .. أثار إيه وزفت إيه أنت إبن عشية ومتعرفش حافظ كويس
جلال .. يمكن معرفش حافظ قدك يافايز بس محدش فاهمك قدي على العموم البت دي الكارت الكسبان سواء في رجوع أخوي ياسين أو فلوس الأثار
فايز .. حظك حلو يابنت حافظ عمرك مطول شوية بس اوعدك مش كتير ( ومشي)
سلمى .. يامامااااا😭
جلال .. إهدي وبطلي دوشة خلاص مشي😡
سلمي .. انا ابويا بيشتغل في الأثار ؟!
جلال .. لا بيبيع سبح 🙄
سلمي .. ومين تحسين ده ال مصيري متعلق بمصيره
جلال .. تحسين مين !! اسمه ياسين وده يبقا أخوي ال أبوكي خاطفه
سلمي .. اعاااااااا😭
جلال .. بتنوحي ليه تاني ، قلة ثقة فينا ولا في أبوكي🙄
سلمي .. أنت مفرقتش حاجة عنه هو تاجر أثار وهو كمان وانت خاطف زيك زيه😭
جلال .. بصي يابت هخليكي تكلمي المحروس ابوكي قليله يرجع ياسين عشان ترجعي
سلمى .. الو .. ايوة يابابا الحقني يابابا😥
حافظ .. ايوة ياسلمي فيكي أيه يابنتي حد عملك حاجة؟!
سلمي .. رجعلهم تحسين أخوهم وأنقذني هيقالوني يابابااااا😭
جلال .. تحسين مين ! ياسين يابقرة
حافظ .. متخافيش يابنتي هرجعك في أقرب وقت
جلال .. ايوة ياحافظ لحد دلوقتي بنتك عايشة وسمعتك صوتها هاتلي ياسين ياحافظ
حافظ .. انت عبيط يابني انا عارف إنك خدت ياسين اخوك لو سكتك فلوس زيادة قول ولو حاجة غير كده عرفني
جلال .. ولو قولتلي 100مليون ملهمش لازمة من غير ياسين
حافظ .. انا لازم أقابلك
جلال .. بيتي أنت عارف طريقه
حافظ .. النهاردة هبقا عندك
سلوى .. انت رايح فين وسايبني 😭
جلال .. يخربيت ام صداعك انا لو مكانه أسيبك أنا لما
خطفتك رحمته ورحمت البشرية وظلمت نفسي انا ماشي 😡
_________
في بيت الحاج كامل
حافظ .. انا جيت لحد عندك طلباتك ياجلال
جلال .. طلبي أنت عارفه ياحافظ بيه
حافظ .. دي صور للمخزن ال إخوك كان فيه ودي الرجالة المقتولة
جلال .. مش فاهم ! تقصد إيه ؟!
حافظ .. الكلام ده معناه إن فيه طرف تالت له مصلحة في خطف ياسين
جلال .. وطبعا عايزني أصدق إن ياسين أتخطف من عندك
حافظ .. شوف مين عندك له مصلحة في أنك تتورط معايا
جلال .. انا مليش أعداء ولا حد له عندي حاجة بس انت راجل مشهور بالمشاكل وأعدائك كتير دور على ياسين وهاته وساعتها تاخد بنتك
حافظ .. انت منشف دماغك عليا ليه هات البت وانا هدور معاك 😡
جلال .. متعليش صوتك 😡 وبعدين ميبقاش حقي معاي وادور ادور عليه ،البت معايا وياسين إختفا من عندك، شوف مين ال إداك القلم ده وهات منه ياسين وفي أسرع وقت عشان تقريبا كده بنتك مش هتستحمل كتير
نادر .. أوعدك هتشوف مني أيام سودة 😡
جلال .. وانا مش قلتلك ياحافظ بيه تسيب المحروس جنب أمه
حافظ .. ده أخر كلام ليك ياجلال
جلال .. لا ، لو أكتشفت إن ياسين جرت له حاجة البت مش كفايا
حافظ .. مش فاهم
جلال .. يعني طلقة في دماغ المحروس ال قاعد جنبك ده ويادوب ساعتها اكون خدت حق ياسين
حافظ .. ماشي ياجلال هجيب أخوك ولو في سابع أرض بس لو طلعت أنت ال واخده ومخبيه صدقني هندمك
جلال .. شرفت ياحافظ بيه مع المقابلة إنتهت
_______________
مكالمة لجلال من فايز
فايز .. أيوة ياجلال تعالى بسرعة البت تعبت
فعلا راح جلال على الجبل بسرعة لقي سلمى تعبانة وسخنة
جاب ليها دكتور والدكتور قال إنها نزلة برد حادة لازم ترتاح ولازم رعاية كويسة
فايز .. هنعمل إيه دلوقتي في الجبل ده ؟!
جلال .. شوف ليها واحدة تراعيها
فايز .. ومين هتيجي تقعد في الجبل وسط الرجالة والديابة هنا !!؟
جلال .. طب خلاص هاخدها عالبيت
فايز .. انت بتخرف تقول إيه ! وهتقولهم إيه في البيت ؟!
جلال .. هقولهم أي حاجة شيل معايا
فعلا جلال خد سلمى على البيت وقعدها في الأوضة بتاعته
سكينة .. مين دي ؟!
جلال .. معرفش فايز بيقولي لقيها واقعة برة محطت القطر راح شالها وجابها على البيت
فايز .. إيه 😳
سكينة .. إيه العبط ده وانت أي حد تلاقيه واقع تجيبه على البيت يافايز ؟!
جلال .. متكتريش في الكلام ياسكينة هو حب يعمل ثواب المهم دلوقتي خلي بالك منها كويس روحي هاتيلها هدوم من عندك
فايز .. ثواب إيه! ال الكلام الهباب ال بتقوله ده !!
جلال .. أسمعني زين يافايز زود الحراسة حوالين البيت من غير ما تلفت النظر
فايز .. ماشي ، قال ثواب قال
جلال .. وانتي يابت أسمعيني كويس
سلمى .. ايه !
جلال .. مفيش حد في البيت يعرف إن ياسين مخطوف ولو حد عرف إنك بنت حافظ وأبوكي خاطف ياسين هيقرقشوكي انتي فاهمة
سلمى .. ياماما 😳 حاضر حاضر
جلال .. لما حد يسألك أنتي مين قوليلهم إنك اي حاجة أقولك قوليلهم إنك الدكتورة البيطرية الجديدة
سلمي .. لا انا مش بحب البيطرة
جلال ..ابو سخافتك أنتي هتنقي اسمعي ال بقولك عليه
سلمي .. ماشي حاضر
جلال .. لو عملتي أي مشكلة هرجعك الجبل وانتي عارفة فايز أخوي زين
سلمي .. لا انا متطمنة هنا مش هعمل مشاكل متقلقش بس فايز والجبل لا أرجوك
صفاء دخلت
صفاء .. الف سلامة ، مين السنيورة ؟!
جلال .. هي هتحكيلك
صفاء .. طب كنت شوفلها أي اوضة تانية ،هتنام فين أنت كده
جلال .. أنتي رايقة والله هنام في أي داهية ياصفاء
صفاء .. خلاص متتنرفذش عليا
سكينة .. انا جبتلها هدوم من عندي
جلال .. أسيبكم معاها بقا
____________
في بيت حافظ
نادر .. وبعدين يابابا هنعمل إيه ؟!
حافظ .. مين ال ليه مصلحة في خطف ياسين من عندي وليه مكلمنيش يقولي طلباته إيه !!
نادر .. يابابا اكيد الواد ده بيلعب بينا
حافظ .. لأ جلال فعلا مخادش ياسين
نادر .. وليه بتقول إكده ؟!!
حافظ .. جلال كان عايز المشاكل ال بينا تخلص ونرجع نشتغل وال بيحصل دلوقتي مش في مصلحتنا إحنا الاتنين
نادر .. مش عارف ليه عامل أهمية للواد ده 😡
حافظ .. في البزنس في ناس بتتولد كبيرة وجلال ينطبق عليه المثل ده
نادر .. طب هنعمل إيه ؟!
نادر ..انا شاكك في واحد عالعموم أنا عايزك تراجع كل كاميرات المكان وتحاول تتعرف على وش من الناس ال هجمت على المخزن حتى لو واحد انت شايف إنه ملوش لازمة يمكن من خلاله أوصل للمجموعة كلها
_________
في بيت الحاج كامل
في اوضت فايز
زوجة فايز .. قولي جبت المصيبة دي منين يافايز😡
فايز .. معرفش لقيتها واقعة
الزوجة .. من إيمتا وانت قلبك حنين إكده 🙄
فايز .. لمي الدور ياولية واتخمدي
الزوجة .. لا ما انا مش داخلة دماغي الحكاية دي
فايز .. إتخمدي ياولية بدل ما أشقلك دماغك وادخلهالك بالعافية
الزوجة .. باه يعني انت قلبك حنين عالدنيا كلها وتيجي عندنا وتلقح دبش 😭 انا اولى بالحنية دي 😭 دا انت عمرك ما قلتلي كلمة حلوة 😭
فايز .. منك لله ياجلال الكلب ، بصي بقا ياوليه يمين بالله إن ما أتخمدتي لاقوم اطخك وأطخها وأطخ جلال جلاب المصايب ، إتخمدي 😡
___________
في اليوم التالي
سكينة .. صحيتي يادكتورة
سلمي .. ايوة ياسكينة
سكينة .. طب ماشي ثواني وهجيبلك الفطار
سلمي .. لا انا عايزة أفطر معاكم
(على الفطار)
الأم .. انا عرفت إنك الدكتورة البيطرية الجديدة نورتينا يادكتورة
سلمي .. شكرا ياطانط
الام .. ايه طمط دي ياولاد ؟!
سلمي .. قصدي ياحاجة
صفاء .. والدكتورة بقا اول مرة تيجي البلد ولا جت قبل كده
سلمي ..لا اول مرة
جلال .. مالك يافايز عينك حمرة ليه شكلك ما نمتش !
فايز .. (مردش)
سكينة .. تقريبا كده كان في كوابيس عنده في الليل ياجلال🤭😅
جلال .. 🤭
فايز .. لم نفسك ياد انت وهي خلي اصطباحتكم تعدي 😡
سكينة .. تليفونك بيرن ياجلال
جلال .. الو
حافظ .. عرفت مين ال خطف ياسين
جلال .. مين انطق
حافظ اول ما قال الأسم لجلال التليفون وقع على الأرض وجلال بنج بعينه من الصدمة بعد ما إكتشف إن ال خطفه يبقا .......