رواية قلب الجبابرة
الفصل التاسع عشر
بقلم احمد حسن
الكل هايص في الفرح وفجأة دخلت عليهم سلمى وماشية ناحية صفاء قام جلال من على الكرسي وفي لحظة ترقب
مستنى يشوف سلمى ناوية على إيه ، أزدادت الطينة بله بدخول جومانة بنت سعد الفرح ومن غير ما تهني العرسان
قعدت على اخر كرسي في الفرح
صفاء .. اهلا اهلا ازيك ياسلمى
سلمى .. أزيك ياضرتي 🤨
صفاء .. ضرتك !! هزارك بايخة يامضروبة هههههه
سلمى .. ههههه بس انا مبهزرش
صفاء .. يعني ايه مش فاهمة ! انتي جاية شاربة حاجة ولا ايه ياسلمى!
جلال .. لمي الدور ياسلمى ومش وقته الكلام الماسخ ده 😡
سلمى .. أيه ياجوزي مش تقولها بردو إنها رقم اتنين طب حتى عالأقل كنت عرفها 😏
صفاء .. انا مش فاهمة حاجة ياجلال هو في ايه 😥؟!!
سلمى .. ما ترد عليها ياسي جلال ولا تكونش مكسوف 😄
صفاء .. ساكت ليه ياجلال 😥أتكلم أرجوك 😥
سلمى .. طب بما إني مراتك أنا هخفف عنك الإحراج خدي ياست صفاء قسيمة الجواز دي ، أكيد انتي بتعرفي تقري😏
صفاء .. يانهار إسود 😳 دي قسيمة جوازكم فعلا 😳
جلال .. إسمعيني كويس ياصفاء دا مش جواز زي ما انتي فاهمة
صفاء .. أسمع ايه أسكت 😡 اسمع اييييييه😭 طلقني دلوقتي حالا 😥
سلمى .. طب هروح انا بقا ومتبقاش تقطع الجوابات ياسي جلال 😅
جلال .. سكينة خدي تعالى عايزك
سكينة .. خير ياخوي في إيه !! وصفاء بتعيط ليه !!!
جلال .. خدي صفاء دخليها جوة بسرعة
صفاء .. قلتلك طلقني 😭
في لحظة كده ضرب النار اشتغل وجومانة طلعت مش سهلة
إختفت في لحظة وبعد إختفائها الدنيا ولعت ضرب نار
والفرح باظ وكأنه مش مكتوب على بيت الحاج كامل يدوق
الفرحة بس الحمدلله محدش إتصاب لأن تقريبا كده جومانة
كانت بتهدد بس ومكانتش عايزة دم عشان متخسرش ال 20 مليون
___________
سكينة .. إيه ضرب النار اللي حصل بره ده ياخوي !!
جلال .. معلش ياختي اللي بيحصل ده كله عشان قربنا نجيب البرائة لفايز ،قوليلي فين صفاء ؟!
سكينة .. صفاء في أوضتكم ومنهارة وانا كمان عايزة اعرف سبب جوازك من سلمى ؟!!
جلال .. بعدين ياسكينة بعدين
في الاوضة
جلال .. برضو لساكي بتعيطي ياصفاء
صفاء .. أطلع بره الاوضة دلوقتي
جلال .. اتخبلتي ولا إيه وبعدين جوازي منها ده ميعتبرش جواز ياصفاء
صفاء .. هو في جواز أسمه ميعتبرش !!😡 اخرج دلوقتي ياجلال انا مش طايقة اشوفك 😭
جلال .. بتلوميني ليه ! على فكرة انتي السبب في الجوازة
المهببة دي 😡 ( وحكى ليها تفاصيل جوازه من سلمى ) بس في النهاية صفاء مقتنعتش وناموا غضبانين من بعض
جلال كفى ليلته في الأرض تحت الشجرة شرب واتسطل
وبعد شوية لقي ياسين وخاله جايين وطبعا قعدو يلوموه وإزاي بيشرب وكده بس في النهاية متعرفش إزاي جلال أقنعهم يشربوا هما كمان والكل اتسطل وبقوا مش عارفين بيقولو ايه
الخال .. الا قولي ياض ياجلال إيه رأيك في الجواز
جلال .. مر قوي ياخال 😅😅😅😅
ياسين .. هي طارت منك ولا إيه ياخال دا مشافش حاجة من الجوازة غير الكوشة هههههههه قوم أغسل وشك من الترعة عشان تفوق ياخال 😅😅😅
الخال .. طب إيه رأيك في الكوشة 😌
جلال .. لا انا بقول ندفن خالك في الترعة افضل ياياسين😅
ياسين .. 😂😂😂😂😂😂
جلال .. عارف انا ايه اللي غايظني ياخال
الخال .. إيه ياابن اختي
جلال .. إن اللي قاعد قدامك على ذمتي 2 نسوان ومازلت عازب وقاعد تحت الشجرة بحشش مع خالي😅😅😅😅
الخال .. هه عشان مش بتعرف تختار وتدير امورك بنفسك ، تعرف ياد انت وهو اني انا بقا ياسيدي منك ليه عيشت نص عمري بحارب عشان أتجوز الست الأصيلة اللي معايا
جلال .. الله 💙 طب والنص التاني ياخال ؟
الخال .. بحاول أهرب منها 😂😂😂😂
ياسين وجلال .. 😂😂😂😂😂
ياسين .. طب هقوم انا بقا عشان تقلت العيار حبتين وشوية ومش هعرف أروح البيت ، يلا بينا ياجلال
جلال .. لا انا شوية وجاي وراك
الخال .. يلا ياجلال خلي الليلة تعدي ونعرف نروح
جلال .. ادينا قاعدين ياخال انت وراك ايه يعني لف لف وهات 😂😂
مشي ياسين وبعد شوية كبست عليهم رجالة وهما في حالة ضياع وسألوهم مين فيكم جلال
جلال .. اتعدل بسرعة وفهم إنهم مش ناويين خير فشاور على خاله وقالهم هو ده جلال
الخال .. مين ؟!😳
بالفعل خدو الخال معاهم وجلال صلب طوله بالعافية ومسك تليفونه وكلم ياسين قاله خد الرجالة وأستنى على اول البلد في عربية خطفت خالك على اساس إنه انا اوعى العربية تفلت منكم ياياسين
فعلا ياسين خد الرجالة وطلع على أول البلد بس لسوء الحظ كان في عربيات كتير منتظرة تبع الرجالة اللي خطفت الخال
وقدرو يفلتوا منهم
_________
بعد ساعتين
الخال متعلق من قفاه وجومانة جت اول ما شافته قالت
جومانة .. ايه دا 😳 ده مش جلال 😡
الخال .. أنا خاله يلزم خدمة ياأختي 🤨
جومانة .. طب وانت ايه اللي جابك هنا ياخاله !!
الخال .. يعني هكون جاي أشم هوا وأغير جو ، ما انتم اللي جبتوني 😏
جومانة .. وانت بقا غالي عند جلال ولا نظامك ايه
الخال .. هه انا اللي مربيه وفي مقام ابوه ،وامه لو تحبي 😏
جومانة .. طب خلاص خلاص مصدقاك انت لقطة 😄
الخال .. طب عايز اروح بقا !
جومانة .. مستعجل ليه مش لما نعمل معاك واجب الضيافة الاول ، شمموه الهوى وغيروله الجو وأتوصوا 😊
الخال .. الله يكرم أصلك يابنت الاصول ياأم الكرم
______________
في بيت الحاج كامل
جلال .. ازاي العربية تفلت منكم ياياسين 😡
ياسين .. كان في عربيات كتير ورجالة اكتر مننا وانت قلتلي عربية واحدة وكويس اننا طلعنا من الاشتباك معاهم سلام
جلال .. طب خد دي نمرة العربية اكشفلي عليها وشوفها بتاعت مين 😡
جلال طلع اوضته جري بيفتح في الباب عايز يغير هدومه
عشان ينزل لقي صفاء قافلة الباب
جلال .. افتحي الباب
صفاء .. مش هفتح روح شوفلك مكان نام فيه 😡
جلال .. افتحي الزفت 😡
صفاء .. قلتلك مش هفتح 😡
جلال ضرب الباب برجله فتحه ومن عصبيته مشي
على صفاء وقف قدامها وحكم قبضت إيده والدم بيغلى في عروقه ووشه احمر وصفاء أترعبت وخافت أوي بس صراحة رجع في كلامه ومرضيش يأذيها واتلفت جنبه مسك الكومدينو كسرها في الحيط وفش غله فيه وقالها اول وأخر مرة أقول كلمة وتكسريها 😡
مشي جلال على الدولاب غير هدومه بسرعة ولسه هيخرج من اوضته ومكالمة جت ليه
جلال .. الو مين معايا
جومانة .. مبروك ياعريس الغفلة ههههههه
جلال .. هو أنتي !!
جومانة .. لا بس بصراحة لعيب بقا كده تسوح الرجالة وتديهم خالك بدالك ياراجل طب دا حتى الخال والد هههه
جلال .. الموضوع ميستاهلش وميوصلش للخطف ياجومانة
جومانة .. لا ال20 مليون يستاهله إنك تخطف وتسرق ولا ايه ياجلال بيه مابين الخطف والسرقة الفرق مش كبير مش كده برضو
جلال .. خالي ملوش ذنب
جومانة .. والله انت اللي جبته هنا انا مكانش يلزمني في حاجة بس عالعموم انا اتبسطت بمقابلته اوي بجد حلو وطيب وبيضحك هههههه
جلال .. وبعدين يعني اخرتها ايه
جومانة .. انا عارفة إنك صعب تدفع في خالك 20 مليون وهو ميستاهلش 20جنيه بس قلت يمكن لما تسمع صوته وهو بيتفسح يصعب عليك
وحطت التليفون على ودن خاله وقالتله كلمه
جلال .. عملولك ايه ياخال
الخال .. قول معملوش ليك ايه ياخال السؤال هيبقا أسهل اااااااااه
جلال .. معلش ياخال انا هخلصك في أسرع وقت
جه ياسين على الصوت وخد من جلال التليفون وقاله
ياسين .. عامل ايه ياخال
الخال .. هو انا في السعودية وبتسلمه عليا بالدور خلصوني من هنا الله يحرق معرفتكم 😡اااااااااه
جومانة .. كده كفاية ياخال أظن ياجلال اني قايمة بالواجب معاه وذيادة حبتين عشان متقولش اننا بخلا 😅
جلال .. خالي لو جراله حاجة مش هتكفيني رقبتك 😡
جومانة .. يووووه انا هعمل بيه هات انت بس الوصولات من النيابة وليك عليا هروحه لحد البيت
____________________________________________
والله ما هتخسر حاجة لو ضغطت متابعة هنا روايات أحمد حسن
____________________________________________
صفاء .. خطف تاني ياجلال 😡
جلال .. بقولك ايه انا مش ناقصك 😡
ياسين .. طب هعمل ايه انا دلوقتي ياخوي
جلال .. روح انت نام دلوقتي ياياسين
صفاء قعدت نص ساعة تبص بجنب عنيها على جلال اللي كان قاعد على الكنبة جنب السرير وحاطط إيده على راسه
ساعة في التانية صفاء كانت عاملة نفسها نايمة لحد ماجلال
نام على الكنبة واحدة واحدة قلبها رق والحب بدأ يلعب دوره راحت صفاء خدت لحاف وغطته بيه وقعدت جنب دماغه وكأن شيئا لم يكن وبدات عنيها تدمع وتقوله عارفاك شايل هم الجبال وإنك المفروض كنت تفرح في ليلة زي دي ،بس أنا غصب عني بردو ياجلال مستحملتش أحس إن في واحدة تاني جربت دفا حضنك قبلي 😥 ، والله ما عارفة إن كنت اللي بعمله ده طبيعي ولا حبي ليك هو اللي خلاني مبقيتش حاسة الوجع 😥، انت عندي حاجة تانية ياجلال أكدب عليك لو قلتلك إني منفسيش أدخل جوة حضنك وأحس بحنانك
دا انا عيشت عمري كله أستنى اليوم ده 😥
تلقائي كده وبدون تدخل العقل في الموضوع صفاء محستش بنفسها غير وهي بتدخل في حضن جلال وهو نايم وحطت راسها على دراعه وبتشد اللحاف عليهم