رواية قلب الجبابرة
الفصل العشرون
بقلم احمد حسن
صفاء قعدت نص ساعة تبص بجنب عنيها على جلال اللي كان قاعد على الكنبة جنب السرير وحاطط إيده على راسه
ساعة في التانية صفاء كانت عاملة نفسها نايمة لحد ماجلال
نام على الكنبة واحدة واحدة قلبها رق والحب بدأ يلعب دوره راحت صفاء خدت لحاف وغطته بيه وقعدت جنب دماغه وكأن شيئا لم يكن وبدات عنيها تدمع وتقوله عارفاك شايل هم الجبال وإنك المفروض كنت تفرح في ليلة زي دي ،بس أنا غصب عني بردو ياجلال مستحملتش أحس إن في واحدة تاني جربت دفا حضنك قبلي 😥 ، والله ما عارفة إن كنت اللي بعمله ده طبيعي ولا حبي ليك هو اللي خلاني مبقيتش حاسة الوجع 😥، انت عندي حاجة تانية ياجلال أكدب عليك لو قلتلك إني منفسيش أدخل جوة حضنك وأحس بحنانك
دا انا عيشت عمري كله أستنى اليوم ده 😥
تلقائي كده وبدون تدخل العقل في الموضوع صفاء محستش بنفسها غير وهي بتدخل في حضن جلال وهو نايم وحطت راسها على دراعه وبتشد اللحاف عليهم ليضمها جلال بقوة إلى صدره وتبدأ صفاء في البكاء وتضرب بكفيها على صدر جلال فيضمها أكثر الي صدره ويحضنها بقوة فرويدا رويدا مع طبطبة جلال تهدأ أنينات صفاء فيخرج رأسها من حضنه ويمسح بكفيه دموعها ويقبل جبينها ويرجع ليضمها أكثر فأكثر فكأنما نار الأرض بأرجئها انطفئت بضمة واحدة منه
جلال .. حبيبتي أنتي وكل حياتي بحبك
صفاء .. ياااااه يعني يوم ما تقولها تكون عامل كارثة أكبر من طعمها، وياترى بقى قولتهالها كام مرة؟ 😥
جلال .. والله ياحبيبتي ولا مرة ويوم ما حصل اللي حصل كنت شايفك مش شايفها
صفاء .. خايفة تكون محبتنيش وأكون فرضت نفسي عليك ياجلال 😥
جلال .. أنا محبتش حد ولا هحب حد قدك ، أنتي ملكتي ومليكتي أنتي الحاجة الوحيدة اللي بتقويني وبتكسر ليها
عارفة ياصفاء انا لو شايل هموم الدنيا وشفتك قدامي بنسا كل همومي وأحس إني في عالم تاني مفيهوش غيري أنا وأنت ولو في يوم زعلت منك ببقا زي الثور الهايج وأقول أني هعمل فيكي وهعمل ولحظة ما أقف قدامك أحس إني إتطلسمت وعامل زي العيل الصغير وأبقا مش عارف نفسي أنا كنت جاي ليه وعايز إيه
صفاء .. انا ! أنا كل ده ياجلال ! انا مهمة عندك قوي كده ! مش مصدقة وداني 😥💙
جلال .. لا صدقي ياصفاء انتي تستاهلي أكتر من كده بكتييير
صفاء .. انا بحبك اووووووووووي 💙
جلال قام شالها وفضل يلف بيها في الهوا وكانوا في قمة السعادة، الكاسيت اشتغل وهزارهم وضربهم في بعض بالمخدات ورقصهم بصراحة الضحكة المرسومة على وشوشهم مفيش أي كلمة تعبر عنها، قد إيه الأختيار الصح بيفرق في حياتك كلها ، لما تكونوا بتحبوا بعض بتعرف تسامح شريك حياتك مهما كان عظم الكارثة حتى لو كان قلبك كالحجر أو أشد قسوة بتقدر تسامح ، بتعرف تضحك ضحكة من القلب شفايفك مجربتهاش قبل كده ، حتى التنهيدة بيبقا ليها طعم ، حاجات كتير مختلفة عن أي علاقة تقليدية مهما كانت ناجحة ، في النهاية عايز أقولكم رفقا بقلوبكم أختارو لها ما شائت ولا ترغموها على شيئ قد يستنزفها لأخر العمر👌
_____________ اضغط متابعة هنا فضلا روايات أحمد حسن
في بيت سلمي
الباب خبط فتحت سلمى لقيت الوزير
الوزير .. ازيك ياسلمى مش هتقوليلي أتفضل ولا إيه
سلمي .. اتفضل 🙄
الوزير .. كنت معدى من هنا قلت أعدي عليكي يمكن محتاجة حاجة
سلمي .. شكرا
الوزير .. سمعت إن اخوكي نادر تقريبا كده هيلبس حكم في القضية بتاعته صعب عليا والله مش 20 مليون اللي يحبسوه
سلمى .. وأنت بقا جاي تشمت ولا ايه يامعالي الوزير 🤨
الوزير .. وليه متقوليش جاي أوجدلك حل لخروجه من السجن انتي عارفة ان بكلمة واحدة مني المحضر يتقطع وكأن شيئا لم يكن
سلمي .. بجد هتعمل كده 😍
الوزير .. اه بس بشرط
سلمي .. ايه !
الوزير .. تتجوزيني
سلمى .. أنت ايه!!؟ 😡 أزاي هتقبل على نفسك تتجوز واحدة من سن اولادك ومش بتحبك 😡
الوزير .. الحب بييجي بعد الجواز وأوعدك إني هغيرلك كل حياتك وحياة عيلتك هتبقي ملكة وهخرج نادر من السجن وهرجعلكم القصر بتاعكم يعيشو فيه قلتي أيه ؟
سلمي .. اطلع بره 😡 بررررررره😡
الوزير .. انتي عبيطة يابت انتي ولا إيه 😡 أنتي متعرفيش انا ممكن أعمل فيكي إيه 😡 وبعدين يعني انتي عاملة كل ده عشان الواد المفعوص اللي كنتي قاعدة معاه في الكافيه😡
سلمي .. انت كمان بتراقبني 😡
الوزير .. اسمعي يابنت حافظ حكمي عقلك كويس وتعاليلي بمزاجك بدل ما أجيبك غصب عنك ( سلام يااااا ياقطة😡
_______________
في بيت سعد عند جومانة
الساعة 3 الفجر جلال زي المرة اللي فاتت قدر يعبر من الحرس ودخل الڤيلا بس المرادي كان رايح لجومانة نفسها
في اوضة جومانة كانت لسه راجعة وفي الحمام وهي خارجة إتصدمت بوجود جلال قاعد في الاوضة
جلال .. براحة كده ومن غير فضايح أقعدي
جومانة .. هههههههههه نزل سلاحك يااهبل وانت بقا كان متهيألك إني هصرخ وشغل الافلام القديمة دي ولا إيه 😅
جلال .. ههه طب كويس قصرتي عليا مشوار طويل
جومانة .. راحت ناحيت درج التسريحة اللي جمب السرير وبتفتحه
جلال .. ريحي نفسك المسدس اللي كان فيه خدته ههه
جومانة .. انا هاخد المشبك الم شعري مش بقولك اهبل😅
جلال .. وفي يخرج من الحمام كده أستري نفسك خلينا نعرف نتكلم
جومانة .. ههههههههههه وهو أنت كنت منتظر أطلعلك من الحمام بسجادة الصلاة ولا إيه 😅 وعالعموم انت كده كده شفت كل حاجة هتفرق في ايه لو لبست ولا انت خايف مشاعرك تتحرك ومتقدرش تمسك نفسك 😅😅😅
جلال .. مقدرش أمسك إيه ياختي 😂😂😂 يابت أنا متجوز واحدة ضفرها فيه إثارة أكتر من جسمك كله ما بالك باللي جواها تفتكري بعدها ممكن نفسي تروح لحاجة غيرها
ماهو اللي داق الحلو صعب يرضي بالحادق ودلوقتي وانا شايفك مش شايف الفرق بينك وبين خالي كتير 😂😂😂
جومانة .. أنت مستفز 😡
جلال .. خلينا ندخل في الموضوع
جومانة .. ريح نفسك خالك مش هتاخده غير بالوصولات ومتفتكرش الحركة الخايبة بتاعتك دي هتخوفني منك
جلال .. طب عندي ليكي عرضين
جومانة .. الاول ؟
جلال .. تكملي معايا الطريق انا مش مش محتاج الفلوس انا كل اللي يهمني أجيب برائة أخوي وأنتي اللي يهمك الفلوس والأتنين طريقهم واحد وهو نادر ابن حافظ
جومانة .. وأنا إيه اللي يضمنلي إنك مش هتطمع في الفلوس وتاخدها؟
جلال .. انا كان بيني وبين ابوكي شغل وعيش وملح ولو عايش كنتي حكالك انا إديته بضاعة بقد إيه مقابل معلومة منه اظن اللي يضحي ب50 مليون في معلومة سهل قوي يضحي ب20 في برائة اخوه خصوصا اني مش بدفع حاجة من جيبي
جومانة .. والحل التاني ؟
جلال .. هاخدك من قلب ڤيلتك وحراسك وهطلع بيكي أحطك في وسط الجبل والديابة وبكده هاخد خالي غصب عنك ووقتها تنسي ال20مليون
جومانة .. كلامك وجرائتك بيعجبوني 😍
جلال .. إختارتي إيه ؟!
جومانة .. خليني معاك في الحل الأول بس خلي بالك اللي بيغدر بيا ب....
جلال .. متكمليش اللي فيه الخير يقدمه ربنا اتوكل انا
جومانة .. طب تعالي هنا اخرج من الباب هترجع ليه من الشباك 😅
جلال .. معلش عشان هفوق واحد من رجالتك عشان ياخد باله من الڤيلا اصل خدله بوكس عالماشي وانا داخل😅
جومانة .. طب إيه مش ناوي تحدق 😉😄
جلال .. مليش غير في الحلو😉 ( سلام )😅
____________
في بيت النجعاوي
خليل .. بقولك ايه ياسفيان
سفيان .. قول ياخليل
خليل .. متهيقلي ده انسب وقت نرجع فيه الأرض اللي خدها الحاج كامل وهارون منينا واتقتل فيها اخونا
سفيان .. بلاش تفتح النار من تاني ياخليل متبقاش خرراب بيوت
خليل .. اسمع مني ياسفيان دلوقتي جلال وإخواته مغروسين في المشاكل وكل يوم ليهم مشكلة مع حد وكمان ضلعهم ناقص بغياب فايز اللي لو نزل البلد هيروح على حبل المشنقة
ودول 40 فدان مش حاجة قليلة
سفيان .. يخربيت نفوخك دماغي بدأت تجري فيها الفدادين
خليل .. يبقا على بركة الله
___________
في مكتب الوزير
الوزير .. اسمعني ياد ياطارق عايز ازل البت اللي أسمها سلمى
عايزها تيجيني راكعة
طارق .. بس كده انت تؤمر معاليك
_____________
في المحكمة رفعت الجلسة
حكمت المحكمة حضوريا على المتهم نادر حافظ بالسجن 5 سنوات
سلمي .. لاااااا يانادر 😭
نادر .. خلي بالك من نفسك ياسلمي 😥
طارق سكرتير الوزير .. قول لأختك تسمع الكلام يانادر وانت تخرج من هنا
نادر .. اوعي تضعفي ولا تسمعي كلامهم ياسلمي
___________
يوم في التاني في اسبوع الفلوس بدأت تخلص وحال سلوى بدأ يبقا في النازل وأمها كانت سابتها وسافرت أمريكا عشان تفضل محافظة على مستواها الإجتماعي وأضطرت إنها تدور على شغل لحد مالقيت شغل في محل ورد بس الوزير مسبهاش في حالها واتسبب ليها في جريمة سرقة ظلم وفي القسم سلمى لما عرفت إنها هتتحبس قالت لطارق إنها موافقة على جوازها من الوزير وبعدها كلمت جلال وطلبت منه إنها تقابله ضروري عشان تخلص ورق الطلاق بس قبل ماييجي جلال على القسم كانت سلمى داخت والضغط علي عندها وراحت على المستشفى وهناك اكتشفت إنها حامل
وهنا بقي الوضع ازداد تعقيد خصوصا إن جلال كان عطى خبر لصفاء فرحها إنه رايح عشان يطلق سلمى
جلال بعد ماراح على المستشفى وإكتشف إن سلمى حامل نزل قاعد على الكرسي وحط إيده على دماغه
ياتري جلال هيعمل إيه ؟! هيقف في وش الوزير وصفاء مراته وينقذ سلمى اللي مش طايقاه ومش هتستفاد بردو بجوازه منها ولا هيتخلى عنها ويكسب صفاء ويحل جزء من مشكلة سلمى