روايةقلب الجبابرة
الفصل الثالث عشر
بقلم احمد حسن
بالفعل خدها جلال وراح على المأذون وهناك وثق عقود الزواج وسلمى أخدت ورقة الزواج ومن هناك خدها جلال وراح على المستشفى دخل عند صفاء هو وسلمى ولقيها لوحدها
جلال .. صباح الخير ياصفاء
صفاء .. صباح الورد ياحبيب صفاء 💙
سلمى .. الف سلامة عليكي ياحبيبتي
صفاء .. الله يسلمك وتعبتي نفسك وجيتي لحد هنا كتر خير ياحبيبتي 💙
جلال .. مقابلتك غريبة ليه كده يابت ياصفصف هو لسه البنج مأثر عليكي ولا إيه😅
صفاء .. لا ياقلب صفصف انا مش من الناس اللي بتخترف تحت البنج عارفهم انت الناس دول صح😉 😅😅😅
جلال .. دول ناس ولاد جزمة متشغليش دماغك بيهم 😅
صفاء .. عندي ليك خبر بمليون جنيه 😅
جلال .. خير يارب فرحيني
صفاء .. ياسين طلقني واتفق هو وفايز على إنهم يجوزونا لبعض 😍😍😍😍💙💙💙
جلال .. 😳
سلمي .. إيه😡 !!!!!
صفاء .. أيه مالك مش مصدق ولا مكنتش عاوز 😅
جلال .. لا إزاي بس انا متفاجئ من ياسين!!
صفاء .. متقلقش ياسيدي الموضوع جه بالنقاش ووضحنا ليه الموضوع انا وفايز وكان ليه الحرية طبعا يرفض دا راجل ومحدش يقدر يغصب عليه
سلمى .. وأنت رأيك أيه ياجلال ؟!
جلال .. ها ! هشوف ياسين الاول وتقوم صفاء بالسلامة وبعد كده نتكلم
صفاء .. مسمعتش منك مبروك ياسلمى ولا انتي كان ليكي رأي تاني ؟!!
سلمى .. معلش انا هرجع عالبيت عشان تعبانة شوية
جلال .. أنا كمان خارج خلي بالك من نفسك ياصفاء
صفاء .. أستنى عايزاك في كلمتين لوحدينا ياجلال
جلال .. نعم ياصفاء !
صفاء .. انا مصدقت تكون ليا أوعى تخذلني تاني ياجلال 😥
جلال .. متقلقيش ياصفاء خير إن شاء الله
_______
في الطريق للبيت
سلمى .. ممكن ااعرف ايه ال انا سمعته ده😡
جلال .. ممكن تسيبيني في حالي دلوقتي
سلمي .. يعني ايه مش فاهمة انا عايزة أعرف انت فعلا هتتجوزها؟
جلال .. اسمعيني كويس ياسلمي انا وانتي عملنا حاجة علي
غير رغبتنا يعنى انا وأنتي مكناش مدركين إحنا بنعمل إيه
ومع ذالك انا صلحت غلطتي وأتجوزتك بس اكيد انتي مش
متجوزاني على حب عشان تمنعيني من إني أتجوز واكيد
انتي فاهمة إن جوازنا ده مؤقت وشوية وهنتطلق
سلمى .. ها ! اه ماشي بس المهم اننا نعلن جوازنا قبل ما
نتطلق عشان يبقا الموضوع رسمي وتبرأني من عيون الناس
جلال .. مش فاهم يعني إيه نعلن جوازنا ! انتي عارفة إني
بمجرد ما أقول هتجوزك الدنيا هتقوم ومش هتقعد
سلمي .. يعني ايه مش فاهمة ! يعني انا رخيصة اوي كده ؟!
جلال .. مش هينفع ياسلمي انتي شايفة صفاء عملت إيه وفايز وياسين عملوا ايه قرار زي ال انتي عايزاه ده هيخرب الدنيا ومش بعيد صفاء تروح فيها
سلمي .. وانا ذنبي ايه ماهي اللي أنانية ومفكرتش حتى في شعور جوزها هي اللي طماعة وعايزة تاخد كل حاجة وتسعد نفسها إن شالله حتى على حساب غيرها
جلال .. ملوش لزوم الكلام ده دلوقتي ياسلمى وبلاش نتكلم على أساس إننا متجوزين بجد او حتى كنا بنسعى لكده
سلمي .. لا انت لازم تصدق إننا بقينا متجوزين بجد وانا دلوقتي بقيت مراتك وأنت جوزي !
جلال .. انا نفذت طلبك واتجوزتك ومتخليتش عنك وهنفذ طلبك وهعلن جوازنا بس ينفع أطلب منك طلب
سلمى .. طلب إيه!
جلال .. وهنا كان خلاص وصل بالعربية قدام البيت وجلال
قالها طلبي هو إننا نسيب إعلان جوازنا لحد بعد جوازي من
صفاء، وهنا بقا عين سلمي دمعت ووشها أحمرر وصرخت
فيه بصوت عالى وقالتله نزلني 😥
________
تحت الشجرة
الخال .. اهو ياسين رجع وكسبت أخوك مالك جاي قالب وشك تاني ليه ياإبن أختي!
جلال .. كل ما أقول أتحلت بتتعقد أكتر
كيف .. ياسين طلق صفاء واتفق هو وفايز على جوازي منها
الخال .. تمام قوي طب زعلان ليه مش هو ده ال كنت بتتمناه إن صفاء تكون ليك ومتخسرش أخوك !!!!
جلال .. ايوة ياخال بس مبقاش ينفع
الخال .. هو انت مش بتحبها ورايدها ياولدي!؟
جلال .. أيوه بحبها ياخال ورايدها بس مينعفش
الخال .. فيك أيه ياواد !! هي فزورة دي ولا إيه ؟!!
جلال .. انا ماشي ياخال
_______
بعد أسبوع صفاء رجعت قعدت مع أمها في بيت ابوها
الأم .. مش عارفة ليه قلبي مش مطمني من عمايلك ياصفاء
كنتي إحمدي ربنا على جوزك كفاية إنه كان بيحترمك وبيقدرك
صفاء .. وجلال بردو بيحترمني وبيقدرني وفوق ده كله
بيحبني ياامي أما ياسين انا مغصوبة عليه ياامي
الام .. مع الوقت والعشرة كان هيحبك وهتحبيه يابنتي
صفاء .. مع الوقت كانت هتكتر المشاكل وياعالم وقتها كان هينفع نفترق ولا كان هيبقا في أطفال ما بينا تدفع معانا التمن ، الدوغري مفيش احسن منه ياامي وكويس إننا لحقنا الموضوع وإحنا لسه عالبر
_________
في بيت سعد
سعد .. الو ،ايوة ياجلال
جلال .. كيفك ياسعد بيه أظن البضاعة كلها إتباعت والفلوس معاك زي الرز
سعد .. تعالى طيب عايزك ضروري في البيت عندي
جلال .. خير في حاجة ولا إيه ؟
سعد .. تعالى خد نصيبك من البضاعة ياسيدي عشان البنك ميقولكش من أين لك هذا ههههه
جلال كان تعبان والمشاكل اللي حصلت معاه خلته مش شايف قدام عينه راح كلم فايز وقاله إتحرك على بيت سعد هتجيب منه الفلوس ال طلعت لينا في البضاعة وبالمرة خد ياسين والرجالة معاك عشان متضمنش الطريق فيه إيه
فعلا إتحرك فايز وياسين والرجالة على بيت سعد وهناك
دخل فايز وياسين إتفاجئه بسعد مقتؤل في الڤيلا
واخد سكينة في صدره إتصدمه وطلعه يجروا من الڤيلا
وفي لحظة خروجهم شاف الشرطة بتقف قدام الڤيلا وفي
لحظة كان المكان متحاوط بالعساكر وأصبح هروبهم
مستحيل فايز طلب من ياسين يختفي بسرعة رغم إن ياسين
كان رافض وعايزه هو اللي يختفي بس فايز ضربه بالقلم
وقاله يسمع الكلام مفيش وقت وبالفعل ياسين إستخبي
وفايز هو اللي قابل الظابط
الظابط .. أنت اللي قتلته ؟
فايز .. هههه هتفرق
الظابط .. طبعا ليك حق تبرأ نفسك
فايز .. أرفعوا بس البصمات كويس وربنا يقدم ال فيه الخير
____________
في بيت الحاج كامل
ياسين .. الو ، ايوة ياجلال تعالى عالقسم عشان سعد أتقتل وكان معمولنا فخ ودلوقتي فايز هو المتهم في القضية
جلال ..يانهار اسود 😳
ياسين .. اسمع الكلام وتعالى عالقسم وانا هناك هفهمك كل حاجة
جلال .. خلاص انا جاييلك
____أضغط متابعة هنا ليصلك كل جديد روايات أحمد حسن
صفاء بعد ما عرفت بالموضوع جت تجري على بيت الحاج كامل عشان تطمن
الأم .. ااااه ياولدي مش عارفة ليه ده كله بيحصل معانا 😥
صفاء .. إهدي يامرات عمي متخافيش هيطلع منها إن شاء الله
سكينة .. دي جريمة قتل ياصفاء هيطلع منها كيف ااااه ياخوي 😥
مرات .. يامرييييي 😥
صفاء .. فايز عمره ما عمل حاجة وحشة وربنا هيكرمه بس انتم أدعوله 😥
سلمى كانت قاعدة وبتبص لصفاء بغل كده وتحسها إنها كانت
مخنوقة من وجودها في نفس اللحظة الأم داخت وسلمى
قعدت تجري على المطبخ تعملها ميه بسكر بس صفاء كانت
سبقتها قعدت صفاء طولت ليومين في بيت عمها الحاج
كامل وطبعا بما إن الكل كان مغموم فصفاء هي ال كانت
متولية شغل البيت ومراعية كل حاجة بصحبة سلمى
__
جلال قاعد في الصالة في وسطيهم
صفاء .. انا لميت الهدوم كلها هغسلها ومش باقي غير هدومك
ياجلال تعالى هاتهالي من أوضتك
جلال .. ماشي جاي معاكي
سلمى .. كانت قاعدة هتتفجر وكان باين على وشها اوي
في اوضت جلال
صفاء .. معلش ياحبيبي هسألك سؤال مش في وقته بس تهمني إجابته
جلال .. أسألي!
صفاء .. هي سلمي مالها كده حساها متغاظة من وجودي وخصوصا لو مصلحة متعلقة بيك؟!!
جلال .. اطعلي من دماغي دلوقتي ياصفاء هو انا فايق لأسئلتلك دي دلوقتي !
صفاء .. بس انا يعني مش لاقية مبرر لوجودها في وسطينا !
جلال .. هقولك كلمتين يريحوا قلبك وتطلعي من نفوخي
متقلقيش ياصفاء فترة العدة بتاعتك هتنتهي وهتجوزك متشغليش دماغك بقا بأي حاجة تانية
صفاء .. ولو إني مش هينفع اقولها بس عايزة أقولك الكلمتين دول خلوا قلبي رفرف من الفرحة وحاسه إني طايرة ربنا يخليك ليا ياقلبي وميحرمنيش منك أبدا هات هدومك دا انا هاكلهم مش هغسلهم 🤭
جلال .. يلا يالمضة
سلمي دخلت عليهم مرة واحدة وقالت ياسين جه تحت وعايزك ياجلال
جلال .. ماشي انا نازل
صفاء .. أسكتي ياسلمي جلال بيقولي فترة العدة هتخلص وهنتجوز انا وهو 😌
سلمي .. بجد تب مبروك
صفاء .. هسيبك انا بقا عشان هغسله هدومه 😏
سلمى الغضب وصل معاها لذروته فعملت حاجة في منتها الجرأة راحت مسكت ورقة وأستغلت إن صفاء مش جنب الغسالة وحطت الورقة في جيب بنطلون من بتوع جلال
بعدها ب5دقايق كانت صفاء ماسكة البنطلون بتاع جلال ومسكت الورقة وفجأة كده ملامحها إتغيرت وعنيها بتدمع
وسلمى إبتسامتها إترسمت على وشه وهي مستخبية
صفاء طلعت تجري على جلال وقالتله إيه ده 😡
جلال مسك الورقة بص فيها وبص لسلمى ال كانت واقفة ورا صفاء وقالها .......