رواية صغيرة بين ايدي المارد
الفصل الخامس5
بقلم بسملة صالح
وتاني يوم وصلها المدرسه بصت له وشاف دموع في عينيها وعرف انها متوتره.
مسك وشها بي ايده وبصلها بحب : احنا مش ذاكرنا وتعبنا وعملنا الي علينا.
أماليا بابتسامه : اه
داغر بحنان : طيب ليه الدموع الي في عيونك دي وليه الخوف والتوتر دا.
أماليا : مش عارفه.
داغر : لا انت قدها يلا يا بطله دعواتي معاكي اسمايل.
ابتسمت ومشيت دخلت الفصل الي هتمتحن فيه وبدأت تمتحن وافتكرت كلامه لما قلها انت قدها وحليت كويس وخرجت وهي فرحانه ، شافت حلا جريت عليها وحضنوا بعض بكل حب واشتياق.
حلا بدموع : يابنت الأيه وحشتيني اوي.
أماليا بدموع : وانت كمان وحشتيني عمري ما كنت اتخيل أننا نبعد عن بعض ، فيوم من الايام.
حلا : ولا انا المهم اننا شفنا بعض امسحى دموعك داغر قالي بعد امتحاناتنا ويشوف لو مجاميعنا حلوه هنعيش سوا.
وقفوا عن الكلام بما سمعوا صوت داغر.
داغر : امالياااا.
جريت أماليا عليه وابتسمت.
داغر : طمنيني عملتي ايه في الامتحان؟
أماليا : الحمدلله حليت كويس.
داغر : شوفتي بقا لما سمعتي كلامي ووثقتي في نفسك.
أماليا : معاك حق ، بس امتى حلا هتيجي.
داغر : لما نتيجتك تظهر وتجيبي درجه حلوه وممنوع المناقشة علشان متزعليش منى اوكى.
أماليا : طيب ممكن توصلها في طريقنا.
داغر : انا نقتلها في بيت افضل ومعاها الداده والسواق الخاص بيها زمانه جاى متقلقيش مش واثقه فيا.
أماليا : اكيد واثقه فيك.
داغر : اتفضلي على العربيه.
ركبوا ووداها مطعم حلو اوي.
أماليا : الله حلو اوي.
داغر : عيونك الي حلوه ، يلا علشان هنتغدى هنا تغير جو واخليكي تفكي من جو الامتحانات.
أماليا : ياااس شكرا بجد انت حاسس بيا اوي ربنا ميحرمني منك ويسعدك دايما.
داغر : تحبي تأكلي ايه.
أماليا : على ذوقك انت ادري اكتر منى.
وفعلا طلب على ذوقه والأكل عجبها وهو كان مركز معاها وفرحان لسعادتها وشربوا عصير.
داغر : يلا بينا ، علشان تلحقي تذاكري الفرنساوي.
أماليا : يلا هتذاكرلي.
داغر : زمان المدرسين وصلوا هما هيذكرولك وانا بكره لاني تعبان اوي وعندى شغل كتير.
أماليا : نو بروبليم ربنا يعينك.
وروحوا القصر وكل واحد طلع اوضته يغير هدومه وكل واحد بيفكر في التاني.
ومرت فتره الامتحانات على خير وداغر كان أكبر داعم لي أماليا وقدر يخليها تحبه وتوثق فيه وكان بيجبلها اشطر المدرسين ويذاكر لها ويخرجها وعلطول معاها ، وهي حببت اهتمامه بيها واتمنت أن كل دا ميخلصش ومازال الاسئله الي نفسها يجاوبها شاغله بالها ومحيراها.
خرجت أماليا من اخر امتحان ليها وهي فرحانه ، وكالعاده تسلم على حلا وداغر بس المره دي كان داغر مجاش لسه قرب منها ولد.
ياسر : أماليا ، انا معجب بيكي اوي وكل يوم اكلمك وانت مش بتردي عليا.
أماليا : انا بجد ماليش في جو الارتباط دا اسفه اوي بس مش انا الي انت تستحقها انا في شخص تاني في قلبي.
مسك ياسر ايديها وحطاها على قلبه.
ياسر بغضب : طيب وانا وقلبي دا الي انت كسرتيه دلوقت برفضك لحوبي لكي ليه كدا يا اماليا انت الوحيده الي قلبي دق ليها.
ولسه هترد عليه لكن الصدمه لما وقع ياسر من اثر لكمه قويه من داغر.
داغر : ابعد عنها يا حلو بدل ما هعمل معاك الجلاشه انت فاهم ، أماليا دي تخصني انا وبس ولو قربت منها تاني قول على نفسك يارحمن يارحيم المره دي لكنه خفيفه المره الجايه هوقعلك صف سنانك كله انسانها خالص انت فاهم.
ياسر بخوف : فاهم فاهم.
شد داغر أماليا من ايديها بقوه وفتح العربيه وزقها فيها بقوه.
أماليا بدموع : د..داغرر.
داغر بغضب اعمى: بس مش عاوزه اسمع صوتك واقفه تحكي معاه ليه ممشتيش ليه ولاعجبك الكلام معاه.
أماليا : انت قليل الادب وشكاك.
ضربها على وشها وقال : اعرفي انت بتكلمي مين انا حزرتك كتير وانت زي ما انت لسانك الطويل دا الي عايز قصه.
بصت له بخذلان ودموع : شكرا انت كدا بثبت ايه ليا انا بكرهك بكرهك يا داغر انا عمر ما حد مد أيده عليه تمد انت ايدك ليه وبصفتك ايه فهمني.
داغر : بصفتي جوزك يهانم.
أماليا بصدمه ودموع : جوزي ازاي انت انت كداب.
داغر : امسكي دي قسيمه الجواز مش دي امضتك.
أماليا : انا ازاي مضيت هنا.
داغر : وانت بتمضى على ورق إنهاء الثانويه ، دخلت فيهم الاوراق دي وانت مضيتي.
أماليا : اه ياكداب يامخادع ياغشاش.
داغر : بس مش عاوز اسمع صوتك كلمه تانيه وهتندمي اسكتى خالص ومش عايز اشوف وشك وأملك هيطلعلك لحد عندك انا هربيكي من اول وجديد يا انا يا انتي يا اماليا.
بصت أماليا من الشباك وفضلت تعيط ، بص لها وزعل لانه زعلها بس كبريائها رفض أنه يصالحها وصلوا القصر وهو نزل لكن مش زي كل مره يلف ويفتح لها أخد بعضه وطلع جناحه ، فتحت باب العربيه ونزلت وهي بتعيط وطلعت اوضتها ونامت على السرير ودموعها على خدها.
أماليا بدموع: ..........