رواية حب في مهمة رسمية
الفصل السادس6
بقلم ايه الموافي
اروى بخوف: بس انا مش عايزة
اسر ببرود: وانا مبطلبش رأيك انا بأمرك وغصب عنك هتنفذي اللي انا عايزه، انتباه
اروى بخوف: تمام يا فندم
غسان بإستغراب: هو اسر بيعمل ايه احنا عمرنا ما عملنا الفقرة دي
لؤي بإستغراب: انا مش عارف بصراحة هو بيعمل كده ليه
حاتم: دي البت بتترعش يعيني
غسان بضحك: اكيد البت دي عملت حاجة واسر بيربيها، ما انتوا عارفين اسر مبيسيبش حقه ابدا
لؤي: بس البت صعبانة عليا اوي
حاتم: وانا كمان
اسر: تؤتؤ اقفي عدل يا عسكري وبطلي تترعشي
اروى بخوف وهي شايفاه بيستعد عشان يطلق السهم:
- استنى بس واستهدى بالله، وربنا انا اسفة انا اللي رخمة
اطلق اسر السهم فاجى جنب راسها، صرخت اروى برعب واسر قال:
- مجتش في التفاحة استني اما اجرب تاني
اروى بخوف وعصبية: تجرب ايه هي لعبة
اسر: شش، اثبتي عشان ما اجيبهاش في حتة غلط
اروى بخوف: انت بتقول ايه؟
اطلق اسر السهم فاحى جنب راسها من الناحية التانية، اروى بخوف:
- انت بتعمل فيا كده ليه
اسر: اثبتي بقى عشان مترشقش في راسك
كيان بخوف لليان: هو الظابط ده اتجنن ولا ايه
ليان بخوف: ربنا يستر
اروى بخوف: وحياة اغلى حاجة عندك سيبني يا باشا، وبعدين هو ايه اللي مترشقش في راسك دي هو انا كلبة عشان ميهمكش اذا كان ممكن تيجي فيا ولا لا، ده لو انا كلبة فعلا هتخاف على حياتها اكتر مني
اسر ببرود: مش لازم تضحي برضو عشان باقي العساكر تتعلم؟
اروى بصدمة: اضحي! يعني انت قصدك ان السهم لو رشق فيا عادي؟
اسر: هو مش في دكتور في المعسكر ولا ايه؟
اروى بصدمة: انت بتردهالي
نشن اسر السهم واجى جنب رجلها، صرخت اروى وهو قال ببرود:
- وطي صوتك شوية ايه الازعاج ده
اروى بدموع: وقف اللي بتعمله ده عشان خاطري يا باشا
اسر: اثبتي
اروى برعشة: لا مش قادرة
جاب اسر السهم على التفاحة واروى من كتر الخوف اغمى عليها، اتصدم اسر اوي وعلي كان هيقرب منها بس اسر قال بحدة:
- ابعد
بعد علي بسرعة واسر شالها ووداها اوضتها، حاتم:
- اسر زودها اوي مش كده؟
غسان: دي البت اغمى عليها من كتر الخوف
لؤي: بس واضح كده انها كانت حارقة دمه لان اللي عمله اسر صعب
حاتم: بس برضو متوصلش لكده
دخل اسر الاوضة وحطها على السرير، حس بالندم شوية بس بعدين قال بغيظ:
- ما هي اللي لسانها عايز قاطعه
غطاها باللحاف وخرج بره، راح ساحة المعكسر وبص في ساعته وقال:
- ميعاد الغدا جه
حاتم بصوت عالي: كلوا يروح يتغدى يلا عشان نكمل
راحوا كلهم هناك ولؤي قال:
- ايه اللي انت عملته ده
اسر ببرود: عملت ايه
حاتم بغيظ: لا والله؟ على اساس انك مش عارف!
اسر ببرود: انا بنقول نروح نتغدى بدل ما الوقت يروح علينا احنا كمان
غسان بضحك: طول عمرك قادر
ابتسم اسر وراح عشان ياكل وهو بيحاول ميحسش بالذنب على اللي عمله فيها، اسر وهو بيكلم نفسه:
- هو مش المفروض اكون مبسوط؟ زعلان ليه انا دلوقتي؟!
• عند البنات
ليان بضحك: مرة بتول يغمى عليها ومرة اروى يغمى عليها، الدور على مين المرة الجاية
كيان بغيظ: انتي بتفولي علينا
ليان: يا اختي يعني هو ده اللي هامك دلوقتي؟ بصراحة رد فعل اسر كان جبار الواد غشيم اوي
بتول بضحك: ده اخد حقه منغير ما يشخط فيها او يحبسها في الحبس الانفرادي
كيان: ده لعب على اعصابها لعب، ده اذا كان احنا ركبنا كانت بتخبط في بعض من كتر الخوف ما بالك هي بقى
ليان: انا حاسة اننا معنديناش دم عشان بناكل وعي مغمى عليها
كيان: لا هو مش عشان معنديناش دم هو عشان لو مكلناش مش هنعرف ناكل
بتول: وبصراحة الواحد لو مكلش مع كم التمارين اللي بنعملها دي ممكن نروح فيها
كيان: بس انا متغاظة اوي، يا شيخة ده لو كان انفعل عليها كان احسن بكتير من اللي عمله ده كويس انها معملتش على نفسها
ليان: كلي كلي ده شكلنا هنشوف ايام سودة
خلصوا اكل وراحوا لمكان التدريب بسرعة عشان ميتأخروش، راح اسر الاوضة اللي فيها اروى من غير ما حد يشوفه عشان يطمن عليعا، لقاها صاحية وبتعيط فقال:
- انتي بتعيطي ليه؟
ودت وشها الناحية التانية وهو اعد قدامها وقال:
- بصيلي يا اروى
بصتله وهو مسح دموعها فبصتله بصدمة، اسر:
- انا اسف
اروى بصدمة: ها
اسر ببرود: لا بقولك ايه انا مبعتذرش اصلا عشان انا مبغلطش بس بما اني زودتها معاكي فاعتذرت وهي مرة واحدة بس مش هكررها تاني
اتصدمت اروى وقالت بغيظ:
- انت جاى عشان تعتذر ولا حاى عشان تفرسني؟
ضحك اسر وهي قالت:
- عموما انا برضو غلطانة فخلاص مسمحاك
اسر بصدمة: بسهولة كده
اروى: عايزني اعمل ايه يعني؟ وكمان انا واحدة قلبها ابيض وبتسامح بسرعة بالرغم من انك كنت هتقطعلي الخلف بس يلا الطيب حلو برضو
بصلها اسر بشك وبعدين قال:
- كويس، انا هقوم اشوف اللي ورايا وبلاش تتمرني انهاردة
اروى: ماشي
خرج اسر وهي ابتسمت بخبث وقالت:
- قال مسمحاك قال، استنى عليا بس، مكونش اروى غير لما اخد حقي بدراعي
• بليل
خلصوا تمارين ورجعوا الاوضة وهما مش قادرين، كيان بغيظ:
- هو اللي غلط انا مالي انا عشان اتحرم من العشا
ليان بغيظ: انتي محسساني انك بس اللي اتحرمتي منه ما كلنا مطفحناش بسبب اللي ما يتسمى
اروى بإستغراب: في ايه؟
ليان بغيظ: في عسكري معانا اتأخر عن الميعاد فاتعاقبنا كلنا
اروى بصدمة: ليه وانتوا عملتوا ايه عشان تتعاقبوا؟
كيان بغيظ: مهو ده اللي حارق دمي، ولما اتكلمنا قالوا ان الحسنة بتخص والسيئة بتعم
اروى: هو المفروض اكون زعلانة بس بصراحة انا شمتانة فيكم
بتول بغيظ: ده عشان واطية بس
اروى بضحك: اسم الله عليكم، ده احنا المفروض نسمي شلتنا اوطى خلق الله ولا ايه يا كيان انتي وليان يا غدارين ياللي هربتوا وسيبتوني لوحدي
ليان بغيظ: انتي لسة فاكرة ما قولنا من كتر الصدمة معرفناش نحذرك
كيان بغيظ: انتي يا ولية انتي مبتتهديش، اشحال ما اغمى عليكي من كتر الخوف
اروى بغيظ: متفكرونيش بأم الموقف ده بقى
بتول: ده احنا ياللي بعيد كنا خايفين
اروى: انا كنت حاسة اني هروح فيها من كتر الخوف
ليان: بس انتقامه صعب اوي
اروى: اسكتي مش هو اجى هنا واعتذرلي وانا قبلت اعتذاره وسامحته
كيان بصدمة: اعتذرلك وسامحتيه في جملة واحدة! ازاى
اروى ببرود: لا ما انا قررت ابقى طيبة واسامح
ليان: ربنا يستر، بت اوعي تعملي حاجة توديكي في داهية
اروى ببرائة مصطنعة: انتي تصدقي فيا اني ممكن اعمل حاجة؟
ليان: اه طالما قولتي كده يبقى انتي في دماغك حاجة
اروى بصدمة مصطنعة: انا! ده انا بريئة
كيان بسخرية: لما انتي بريئة يبقى الشيطان ايه؟
لقتها اروى بالمخدة وقالت بغيظ:
- قصدك ايه؟
كيان ببرود: قصدي اللي فهمتيه
بتول: لا بقولكم ايه لو هتتخانقوا اجلوها لبكرة انا عايزة اتخمد
اروى: وانا ماليش خلق اتخانق بصراحة، انا هتخمد انا كمان
قفلت ليان النور وقالت: تصبحوا على خير
كلهم: وانتي من اهله
فتحت اروى عيونها ولما اتأكدت انهم نايمين اتسحبت وخرجت بره، بصت للبودرة اللي بتخلي الواحد يهرش بطريقة هستيرية بسببها وابتسمت بخبث وقالت:
- انت اللي جبته لنفسك
دخلت لمبني الظباط وهي بتتسحب عشان محدش يشوفها وقالت بخوف:
- افرض هو جوه في اوضته اعمل ايه انا دلوقتي؟ خلاص انا هنفذ الخطة الصبح
كانت هتمشي بس وقفت وقالت بحيرة:
- لا بالعكس ده الصبح اكيد هيكون في اوضته عشان بيجهز لتدريبنا
هرشت في دماغها وقالت:
- طب والعمل؟
جمعت شجاعتها فتحت باب الاوضة اللي مكتوب عليها اسر بشويش، ابتسمت لما ملقتوش في الاوضة وقالت بفرح:
- واخيرا الحظ وقف جنبي
دخلت الاوضة بس وكانت لسة هتفتح الدولاب عشان ترش على هدومه بس اتصدمت لما سمعت صوت في الحمام، اروى بصدمة وخوف:
- هارسوح، ده انا لو اتقفشت المرة دي مش هيسيبني عايشة
طلعت تجري على بره بسرعة بس وعي بتجري اتكعبلت ووقعت جامد على الارض، اروى بوجع:
- اه يا ضهري
خرج اسر بسرعة لما سمع صوت في اوضته واتصدم لما لقاها اروى، غمضت اروى عيونها بسرعة وهي بتشتم حظها في عقل بالها واسر قال بصدمة:
- اروى
• في الاوضة
صحت كيان من النوم وهي حاسة بجوع رهيب، كيان بصياح:
- ايه الجوع ده اومال لو مكنتش كلت الفطار والغدا
اتسحبت من الاوضة عشان محدش يحس بيها وراحت المطبخ، فضلت تدور على اكل لحد ما حست بنفس حد وراها، لفت بخضة واتفاجأت لما لقت غسان بيبصلها وهو مكتف ايديه ورافع حاجبه، ابتسمت ببلاهة وقالت:
- هو انت جعان انت كمان ولا ايه؟
• عند اروى
لما مردتش عليه انحنى وهزها بخفة، فتحت اروى عيونها بفزع واسر قال بإستغراب:
- انتي ايه اللي جابك هنا
اروى بصدمة: انا جيت هنا ازاى
اسر بسخرية: انتي بتسأليني انا!
مثلت اروى الحزن وقالت:
- هي رجعتلي تاني؟
اسر بإستغراب: هي ايه دي اللي رجعتلك تاني
اروى: لا مش هقدر اقول عشان متتريقش عليا
اسر بإستغراب: واتريق عليكي ليه؟
اروى: اوعدني الاول ان انت مش هتقول لحد
اسر بزهق: مش هقول لحد انجزي وقولي بقى
اروى: اصل انا ساعات بمشي وانا نايمة
اسر بصدمة: انتي بتقولي ايه؟
اروى بتأثر مصطنع: انا مش قادرة اصدق ان بعد كل العلاج اللي كنت باخده ده عشان اخف ارجع لحالتي تاني، ده انا كنت فرحت اوي اصل بعيد عنك انا عندي المرض ده من صغري، قصدي العادة دي من صغري
اسر بسخرية: اه وايه كمان؟
اروى: انت مش مصدقني ولا ايه؟
اسر بسخرية: لا مصدقك
اروى: حيث كده بقى فعن اذنك
كانت اروى هتقوم بس هو قرب منها، اروى بخوف:
- في ايه؟ انت بتقرب ليه؟
اسر: شش
• عند غسان
غسان ببرود: انتي بتعملي ايه هنا؟
كيان بتوتر: بصراحة كده انا جعانة وهموت واكل
غسان ببرود: على اوضتك
كيان: بس انا جعانة
غسان: مليش فيه انتوا كلكم متعاقبين
كيان بتذمر: انا مغلطش عشان اتعاقب
غسان ببرود: على اوضتك يلا يا كيان
نفخت بضيق وكانت هتمشي بس وقفت بإحراج لما معدتها صدرت صوت يدل على جوعها، اتنهد غسان وقال:
- تحبي تاكلي ايه
كيان بصدمة: ها
غسان بغيظ: انجزي بدل ما ارجع في كلامي
كيان بفرح: لا ترجع في كلامك ايه ده انا ما صدقت، هو الخضار فين
استغرب غسان بس شاور على مكانهم، جابت كيان الخضار وقالت:
- بتحب الشكشوكة؟
غسان بإستغراب: ده ايه ده
كيان: ده خضار مقطع وعليهم بيض
غسان بقرف: يع
كيان: يع ايه ده طعمه حلو اوي، انت تعرفه؟
غسان: لا
كيان بصدمة: متعرفوش ازاى دي الاكلة دي مشهورة اوي، استنى اما اعملها وادوقك منها
غسان: لا انا مش جعان
قطعت كيان الخضار وحطته على النار ولما نضج حطت عليه البيض والبهارات وقلبته لحد ما امتزجوا مع بعض واستوا، غسان:
- ريحتها حلوة اوي
حطت كيان الاكل في الطبق وقالت:
- كل معايا وبالمرة قولي طعمها
غسان بتردد: لا لا مش عايز
غمست كيان لقمة بالشكشوكة وحطتها في بوقه وقالت:
- ها ايه رأيك؟
بصلها غسان بصدمة وهي اخدت بالها من اللي عملته واتمنت لو الارض اتشقت وبلعتها
• عند اروى
عدل اسر الياقة بتاعتها من ورا وقال:
- ياقتك مكنتش مظبوطة
اروى بتوتر: ها
اسر ببرود: لو خلصتي امشي عشان لو حد شافك هنا هيفهم غلط
اروى بإحراج: اه صح، عن اذنك
خرجت اروى بسرعة واسر ضحك عليها
• عند كيان
كيان بإحراج: انا اسفة والله مكنش قصدي، انا الحركة دي خرجت مني بعفوية
غسان: احم، محصلش حاجة لكل ده
ودت كيان وشها الناحية التانية بإحراج وغسان قال:
- بس على فكرة الشكشوكة طلعت حلوة اوي
كيان بإبتسامة: بجد
غسان: اه
اعدت كيان وقالت: طب كل معايا بقى
غسان وهو بيعد: كان نفسي اقولك لا شكرا بس بصراحة الشكشوكة فتحت نفسي
ابتسمت كيان وقالت: بالهنا
غسان: هو انا ممكن اسألك سؤال
كيان: اتفضل
غسان: هو انتي دخلتي الجيش ليه، اصل بصراحة مش شايف سبب مقنع يخليكي تدخلي
كيان بإستغراب: ليه بتقول كده
غسان: اصل انا مشوفتش الشغف في عيونك اول ما جيتي، يعني صحابك كلهم كانوا متحمسين اول ما اجوا عكسك خالص
سرحت كيان وقالت: عشان ابعد شوية
غسان بإستغراب: مش فاهم
كيان بإنتباه: ها، لا مفيش عادي يعني لقتهم داخلين فجيت معاهم
حس غسان ان في حاجة بس سكت عشان ميضايقهاش، كيان:
- يلا ناكل قبل ما حد يشوفنا
غسان: يلا
• عند اروى
دخلت الاوضة وهي بتقول:
- الحمد لله اني عرفت اخلع من الموقف الزبالة اللي كنت فيه
نامت على السرير وكانت هتنام بس استغربت لما لقت جسمها بياكولها، تجاهلت ده وكانت هتنام بس قامت مرة واحدة وفضلت تهرش في جسمها بسرعة، اروى بصدمة:
- هو ايه اللي بيحصل ده، ده زي ما يكون في حشرات بتقرصني
افتكرت اروى لما اسر قرب منها فقالت بصدمة:
- اه يا ابن ال
الهرش زاد عليها فجرت على الحمام بسرعة وهي بتشتم فيه
• عند اسر
كان ماسك علبة البودرة وهو بيقول بخبث:
- مفكراني غبي يا اروى عشان اصدق الهبل اللي انتي بتقوليه ده، اشربي بقى