رواية حب في مهمة رسمية
الفصل السابع7
بقلم ايه الموافي
• تاني يوم
صحوا كلهم واتجمعوا في ساحة التدريب، كانت اروى مكشرة وباصة الناحية التانية فوقف اسر قدامها وقال بإستفزاز:
- البتاع ده وقع من ايدك امبارح يا عسكري اروى
بصت اروى على ايده ولقته ماسك علبة البودرة، اخدتها منه وقالت ببرود:
- شكرا
حاتم بصوت عالي: انتباه
كلهم: تمام يا فندم
حاتم: الحملة جاية كمان شوية اعملوا زي ما دربناكم بالظبط
كلهم: تمام يا فندم
كيان بهمس: انا مش عارفة ليه الواحد مقلق من الموضوع ده
بتول: ربنا يستر
سكتوا كلهم لما لقوا رجالة باين عليها الجدية والهيبة داخلين عليهم، غسان:
- اهلا يا سيادة اللوا
ليان بصدمة: لوا
راجح: جهزت كل حاجة يا حضرة الظابط
غسان: اه يا سيادة اللوا، كلهم قدامك اهم اختار منهم اللي يناسبك
قرب راجح منهم وفضل يلف حواليهم، كانت لسة ليان هتتكلم بس حاتم بصلها بحدة فسكتت بخوف، شاور راجح على اربع رجالة ومن ضمنهم علي وقال:
- تقدموا للامام
اتقدموا لقدام وهما مش فاهمين حاجة، كانت اروى بتبصله واول ما راجح بصلها بصت قدامها على طول بخوف، وقف راجح قدامها وقال:
- انا عايز كمان الاربع بنات
اسر بصدمة: بس دول بنات يا سيادة اللوا
راجح: ما انا عارف يا حضرة الظابط هو حد قالك اني مبشوفش
اسر: احم، مش قصدي يا سيادة اللوا
لؤي: بس دول ضعاف زي ما انت شايف يا فندم
راجح: وماله نكثفلهم التمارين
كيان بخوف: هو ممكن اسأل حضرتك سؤال؟
راجح: شش مش عايز اسمع صوت حد
سكتت كيان بصدمة وكلهم بقوا بيبصوا على بعض بخوف، راجح:
- اعمل زي ما قولتلك يا غسان
غسان بإحترام: علم وينفذ يا سيادة اللوا
مشى راجح ووراه الرجالة بتاعته فقالت اروى:
- انا لازم افهم ايه اللي بيحصل دلوقتي
غسان: مش دلوقتي، جهزوا شنطكم يلا عشان نمشي
كيان بصدمة: نمشي
غسان: اه
بتول بصدمة: نمشي نروح فين؟
حاتم بحدة: ممنوع تسألوا اي سؤال غير لما يجيلنا التعليمات اننا نعرفكم، يلا انتوا التمانية على اوضكم وجهزوا حاجتكم عشان هنمشي من هنا، مفهوم
كلهم: تمام يا فندم
مشوا على الاوض بتاعتهم ولؤي قال:
- انا كنت حاسس
غسان: دول هيشوفوا شوية ايام ايه عنب
اسر بغيظ: ما قدامه عساكر شباب تاكل الارض واليابس حبكت يعني يختار البنات
حاتم: اكيد اختارهم لسبب قوي لانه لو كان ينفع يستبدلهم بشباب اكيد كان عملها
لؤي: يلا نجمع شنطنا احنا كمان عشان منتأخرش
• عند البنات
اروى: انا مش مطمنة يا بنات
ليان: ليكي حق متطمنيش انتي مشوفتيش منظرهم كان عامل ازاى
بتول بغيظ: وبعدين هو ايه اللي مش مسمحلوكم تسألوا غير لما يجيلنا تعليمات بكده مش المفروض نعرف كل حاجة ولا ايه
كيان: انا ما سمعت الظابط غسان وهو بيقوله يا سيادة اللوا انا ركبي سابت
ليان: يلا يا بنات نجهز حاجتنا عشان منتأخرش احنا مش ناقصين نسمع كلمة كده ولا كده
اروى: يلا
جهزوا كلهم شنطهم ولقوا الاربع شباب واقفين بره ومستنين الظباط، وقفوا جنبهم وعلي قال:
- انتي متعرفيش احنا رايحين فين؟
اتنهدت اروى وقالت:
- يارتني كنت اعرف يا علي
اجى الظباط فبعد علي عنها بسرعة، وقف اسر وغسان قدامهم ولؤي وحاتم وراهم، غسان:
- امشوا ورايا
خرجوا كلهم بره معسكر الجيش ولقوا عربيتين سود كبيرة ، خرجوا شرايط سودة من جيبهم وقال حاتم:
- احنا هنحط الشرايط دي على عنيكم
فؤاد بصدمة: ليه يا حضرة الظابط
حاتم: عشان دي التعليمات
حطوا الشرايط السودة على عنيهم واسر وغسان ركبوا الاربع بنات معاهم في عربية والعربية التانية ركبوا الاربع شباب فيها مع حاتم ولؤي، كانوا كلهم ساكتين بأمر منهم لحد ما حسوا ان العربية وقفت بيهم بعد وقت طويل اوي، اسر للبنات:
- يلا عشان تنزلوا
كيان: احنا مش هنشيل البتاع ده من على عنينا بقى
غسان: لا لما ندخل جوه
نزلوا كلهم ودخلوا جوه فقالت اروى:
- اشيل البتاع ده بقى
اسر: اه
كلهم شالوا الشريط الاسود من على عنيهم واتصدموا لما لقوا نفسهم في ساحة مبنى كبير ومتحاوط بالاسلاك، علي:
- احنا فين
حاتم: مش هينفع تعرفوا دلوقتي
نفخوا بضيق ولؤي قال:
- تعالوا ورانا
وقف اسر قدام مكتب اللوا راجح وهما وراه، خبط على الباب وقال:
- خليكم هنا دلوقتي
دخل اسر جوه وقال بإحترام:
- كل حاجة تمام يا فندم
اللوا راجح: دخلهم
ادى اسر الاشارة ليهم انهم يدخلوا فدخلوا، وقف راجح في مكانه وقال:
- انا عارف انكم محتارين وعايزين تعرفوا ايه اللي بيحصل، متقلقوش احنا هنعرفكم كل حاجة بس في الوقت المناسب، اهم حاجة دلوقتي وهي انكم تسمعوا كلام الظباط كويس وتنفذوه بالحرف الواحد
اروى: وامتى الوقت المناسب ده؟
راجح: لما انا احدده، يلا يا اسر اعمل اللي اتفقنا عليه انت وزمايلك
اسر: تمام يا فندم
خرج اسر بيهم وغسان قال:
- يلا عشان اوريكم الاوض اللي انتوا هتقيموا فيها مؤقتا
اسر: انا هاخد البنات اوريهم الاوضة وحد منكم ياخد الشباب وبعد كده نتقابل عشان نظبط كل حاجة
كيان: هتظبطوا ايه؟
غسان: حاجة متخصكيش
بصتله بغيظ وحاتم قال: يلا ورايا يا شباب
وداهم حاتم الاوضة بتاعتهم وقال:
- لو احتاجتوا اى حاجة عرفوني
علي: حاضر يا حضرة الظابط
• عند اسر
اسر ببرود: كل حاحة ها تحتجوها هتلاقوها هنا ولو في اى حاجة معينة عايزنها ومش لاقينها عنا عرفوني
اروى بسخرية: وده من امتى الاهتمام ده
اسر ببرود: ما بلاش انتي
سكتت بغيظ واسر مشى، دخلوا الاوضة بس شهقوا بصدمة من اللي شافوه، بتول بصدمة:
- ده ايه الاوضة الملوكي دي
كيان: انا مش مصدقة بجد ده المرتبة ناعمة اوي وكإنها مصنوعة من الريش
ليان: والاوضة شرحة وبرحة اوي
اروى: على قد ما انا فرحانة بالتغيير ده على قد ما انا خايفة اوي من اللي جاي
كيان: مش انتي لوحدك اللي خايفة كلنا، انا مش فاهمة ليه احنا مشينا من المعسكر وجينا هنا وايه كل الغموض ده، ولا حد راضي يفهمنا حاجة ولا يقولنا ايه اللي بيحصل ده وكمان البتاع السودة اللي غموا بيها عيونا دي عشان منعرفش المكان
بتول: مسيرنا بكرة نعرف كل حاجة
فتحت ليان الدولاب وقالت بدهشة:
- يا بنات تعالوا شوفوا
اتجمعوا حواليها بإستغراب واتصدموا من كم الهدوم والفساتين اللي قدامهم، بتول بإنبهار:
- شكلهم حلو اوي
كيان: هما دول لينا؟
اروى: اكيد لينا كالما محطوطة في الاوضة اللي قاعدين فيها
ليان: يلا كل واحدة تختار طقم عشان تلبسه
اروى: تعالوا نستحمى الاول عشان ملحقناش
اخدت اروى هدومها ودخلت الحمام، كيان:
- شكلنا هنشوفلنا يومين دلع هنا
ليان: متسبقيش الاحداث مش يمكن نقول ياريتنا نرجع الجيش ولا نعد هنا
كيان بغيظ: بت بطلي تسبقي الاحداث ومتبقيش بومة زي اروى خلينا نستمتع شوية وبعد كده نشوف ايه اللي هيحصل بعد كده
اروى بفرح من جوه:
- الماية دافية يا بنات انا مش مصدقة نفسي
بتول بفرح: اخيرا
كيان بلهفة: طب يلا بسرعة عشان عايزة استحمى انا كمان
اروى: حاضر
• عند الظباط
اسر: محدش فيهم لسة ادى تعليمات لحد منكم
غسان: لا لسة
حاتم: انا اللي محيرني ان هما مكتمين اوي على كل حاجة المرة دي، احنا قبل كده اتعاونا معاهم بس الموضوع مكنش بالسرية دي
لؤي: شكل كده المرة دي غير كل مرة
حاتم: بس انا هتجنن، هما ازاى ياخدوا عساكر مبتدئين من عندنا وده مش تخصصهم اصلا، لا واللي مجنني انهم انهم اختاروا الاربع بنات
اسر: احنا لازم ننفذ التعليمات اللي هما قايلنلنا عليها، كل اللي علينا دلوقتي اننا ندربهم تدريب محترف
حاتم: بس بنية البنات ضعيفة وخصوصا بتول انا قلقان لحد منهم ميقدرش يستحمل التمارين القاسية اللي احنا هندربهم عليها
غسان: لا متقلقش احنا هنراقب كل واحدة منهم وهي بتعمل التمارين وهنعرف كل واحدة نافعة في اكتر وهنركز عليها
اسر: بالرغم من اني عارف التمارين اللي هدربها لاروى لانها شاطرة في حاجة معينة بس هعيد النظر في الموضوع وهراقبها برضة جايز تكون شاطرة في حاجة تانية وجايز اكون واخد فكرة عنها غلط
لؤي: حيث كده بقى فيلا نبتدي شغلنا
• عند البنات
سمعوا حد بيخبط على الباب ففتحوا:
- تعالوا ورايا عشان ده وقت الفطار
اروى بإستغراب: انت مين؟
الراجل: حاجة متخصكيش
كشرت وقالت: هو ليه كل حاجة هنا غامضة كده
بتول من وراها: مين اللي على الباب
اروى: ده واحد بيقولنا نيحي عشان الفطار
كيان بفرح: يعني مش هنتمرن الاول
ليان بفرح: واخيرا شوية راحة
مشوا ورا الراجل ولقوا واتصدموا لما لقوا ترابيزة كبيرة عليها احلى اصناف الاكل، بتول بصدمة:
- هو انتوا شايفين اللي انا شايفاه
اروى بصدمة: اه شايفين ومش مصدقين
علي بإستغراب من وراها:
- انتوا مبحلقين كده ليه يا بنات
شاوت اروى على الاكل فبص واتبهو هو كمان، مصطفى بصدمة:
- ايه الاكل ده كله
فؤاد بفرح: ده مفيش فول اسود
عدى: فول ايه يا ابني انت مش شايف اللي انا شايفه ولا ايه؟
الراجل: ياريت تعدوا وتاخدوا راحتكم على الاخر، عن اذنكم
ليان: اذنك معاك يا اخويا
بدؤا اكل ومصطفى قال:
- بما اننا مش عارفين احنا بنعمل ايه هنا فتعالوا نتعرف على بعض، انا مصطفى
اروى: تشرفنا، وانا اروى ودي بتول ودي ليان واللي جنبها كيان
علي: وانتي طبعا عارفاني وده فؤاد وده عدى
عدى: تشرفنا
اروى: الشرف لينا
ليان بضحك: خفي شوية يا بتول الاكل مش هيهرب
بتول: سيبيني ده انا مصظقت الاقي حاجة عدلة تتاكل
كيان: عندك حق والله يا بتول ده احنا مش عايشين
اروى بضحك: مش قادرة اتخيل ان احنا كنا بناكل مكرونة مسوسة
بتول بقرف: يع ده انتوا عيال مقرفة
اروى بغيظ: كنا نموت من الجوع يعني
بتول: ما كنتوا تشتروا من الكانتين زيي وخلاص
اروى: كانتين ايه يا عسل انتي ده انا بابا وافق اني اروح الجيش عشان يريح من مصاريفي سنة
ضحكوا عليها وفؤاد قال بضحك:
- واضح ان ابوكي بيحبك
اروى: طبعا يا ابني اومال انت مفكر ايه
خلصوا اكل وكيان قالت:
- هو احنا المفروض نعمل ايه دلوقتي؟
اروى بحيرة: مش عارفة
مصطفى: شكلنا كده مش هنتدرب انهاردة
بتول: ياريت، اصل بصراحة بعد ما انا دبيت الاكل ده مش قادرة اتحرك
عدي بضحك: كلنا كده وحياتك مش انتي بس
• عند اسر
خبط على باب اوضة اللوا فقال:
- ادخل
دخل اسر وحط ملفات العساكر وقال:
- كل المعلومات اللي تخصهم موجودة اهي يا فندم
راجح: اوعوا تكونوا سيبتوا حاجة
اسر: لا متقلقش يا فندم انا مأكد عليهم يكتبوا كل حاجة حتى لو ملهاش لازمة
راجح: تمام تقدر تفضل
فضل اسر واقف فقال راجح بإستغراب:
- في حاجة يا حضرة الظابط ولا ايه؟
اسر: احم، هو مينفعش يا فندم اطلع على ملف من ملفات العساكر البنات
راجح ببرود: لا ممنوع
اسر بغيظ:: تمام يا فندم
خرج اسر بره فقال غسان:
- انت مالك متضايق كده ليه؟
اسر بغيظ: فيها ايه يعني لو كان وافق اني اطلع على ملفها مكنش هيحصل حاجة يعني
غسان بإستغراب: قصدك على مين
اسر: ها، لا مفيش
بصله غسان بخبث فقال اسر بإستغراب:
- في ايه؟
غسان بخبث: انت كنت عايز تشوف الملف بتاعها ليه؟
اسر بتوتر: هي مين دي
غسان بخبث: انت هتعملهم عليا، قصدي اروى
اسر ببرود: وانا هبص على الملف بتاعها ليه يعني
غسان بخبث: والله الكلاظ ده تقوله لنفسك
اسر بغيظ: غسان انا مش فايقلك
مشى اسر بغيظ وغسان ضحك عليه وراح عشان يكمل شغله
• عند البنات
بتول: انا هروح انام شوية لو حصل حاجة ابقوا صحوني
اروى: ماشي
مشت بتول وكيان قالت:
- وبعدين هنعمل ايه؟
ليان بملل: مش عارفة
مصطفى: انا خايف استكشف المكان يطلع ممنوع ولا حاجة
اروى: وانا كمان، بس تقريبا طالما سايبينا كده من غير رقابة يبقى مش ممنوع
كيان بغيظ: انتي مش هترتاحي غير لما تلبسيلنا مصيبة صح
اروى بغيظ: تصدقي انا غلطانة
ليان بزهق: لا بقولكوا ايه انتوا الاتنين بطلوا خناق وحياة ابوكم
اروى: انتي شايفاني بشد في شعرها ولا حاجة
كيان ببرود: متقدريش اصلا
اروى بغيظ: ما بلاش انتي
علي بضحك: اهدوا يا بنات في ايه هو انتوا على طول كده ولا ايه؟
كيان بغيظ: هي اللي بتبتدي
اروى بغيظ: انا برضو
ليان: اه يا دماغي، ما تتهدي بقى يا ولية انتي وهي
عدي بضحك: وربنا انتوا مسخرة
ليان بغيظ: عحبك كده انتي وهي بعد ما فرجتوهم علينا
اروى بغيظ: ايه يا ليان يا حبيبتي انتي محسساني انك الكتكوتة الهادية اللي في وسطنا، اتهدي كده انتي كمان بدل ما اقولهم على مصايبك زمان
كيان: انا عن نفسي معنديش اى مشكلة اقولهم
ليان بغيظ: ده انتي رخمة انتي وهي
مصطفى بضحك: اللي يشوفك ميقولش انك بتاعت مصايب خالص
اروى بضحك: فاكرة يا كيان ابراهيم اللي اتصدم فيها
كيان بضحك: العبيط كان مفكر انها هتسكتله، انا مش قادرة انسى انها قلعت الشبشب بتاعها في وسط الشارع ونزلته على دماغه
ليان بغيظ: ما هو اللي يستاهل، هو ايه اللي ما تجيبي قَطة يا قُطة
قاطع كلام دخول واحدة لابسة اسود في اسود زي المخابرات وبتقول لاسر:
- هما دول