رواية مراتي طفله مجنونه
الفصل التاسع9
بقلم ايه الموافي
فضل كريم يدور على ليلى بس ملقهاش، كان هينزل من البيت بسرعة بس سمع صوت في البلكونة فراح هناك، كانت ليلى واقفة بتسبل للراجل الليفي البلكونة اللي قدامها فقال كريم بصدمة:
- نهار ابوكي اسود
اتخضت ليلى وقالت: انت مين
كريم بعصبية: انتي بتشقطي الولا
بصتله ليلى بإعجاب ولفت حواليه فقال كريم بإستغراب:
- في ايه؟
ليلى بفرح: عريس
كريم بعدم فهم: ايه؟
ليلى: انت عريسي
كريم: هو انتي اسمك ايه انهاردة
ليلى: انا اسمي علا، مش مهم اسمي المهم انت خاطب او متجوز
كريم: لا
ليلى بفرح: المؤذون فين
كريم بصدمة: استني، هو انتي علا عبد الصبور؟
ليلى بإبتسامة: انت كمان عارفني، ده انت معجب بقى
كريم بسخرية: معجب اه
ليلى بكسوف: بس بقى انا بتكسف
كريم: هو انا عملت حاجة يا ولية عشان تتكسفي
ليلى وهي بتبصله بتركيز:
- ما شاء الله عليك طول بعرض
كريم بغرور: ما انا عارف
ليلى: هو اى نعم مناخيرك كبيرة حبيتين بس ميضرش
كريم بشرشحة: نعم!! مناخير مين اللي كبيرة يا عنيا، اسم الله على مناخيرك اللي شبه الاوله (اللي بيتحط فيه الماية وبنشرب منه)
ليلى بشرشحة: شبه ايه يا حبيبي
كريم: شبه الاولة يا عنيا
كانت ليلى هتزعقله بس مسكت نفسها وقالت بصوت واطي:
- امسكي نفسك يا علا يلبس هو بس ويتجوزك وبعدها انا هعرفه ازاى يقول كده
كان كريم بيبص عليها بملل من برطمتها مع نفسها بس بعدين ابتسم بخبث وقال:
- اذا كانت هي علا عبد الصبور ليه مبقاش انا احمد السقا؟
ليلى: انت بتقول حاجة؟
كريم بزعيق: انا سمحتلك تتكلمي، انتي متعرفيش انا مين ولا ايه؟
ليلى بخوف: لا معرفش
كريم بعصبية: انا ظابط كريم
ليلى بصدمة: ظابط
كريم بعصبية: هو انتي مفكرة ان عشان انا سكتلك في الاول هتاخدي عليا؟
ليلى بخوف: لا طبعا
كريم بعصبية: تعالي ورايا
خرج كريم من البلكونة وعلا خرجت وراه وهي بتلطم على وشها، اعد كريم وهي كانت هتعد بس هو قال بحدة:
- انا سمحتلك تعدي؟
ليلى بخوف: لا
كريم بعصبية: وطالما هو لا بتعدي ليه؟
ليلى بخوف: غلطة ومش هتتكرر يا باشا
كريم: خلي بالك غلطاتك كترت اوي
ليلى بخوف: انا اسفة
كريم بعصبية: انتي ايه اللي خرجك للبلكونة
ليلى بخوف: كنت عايزة اشقط عريس، قصدي كنت عايزة اشم هوا
كريم بعصبية: ام البلكونة دي انا هشمعهالك عشان معدتيش تخرجي فيها تاني
ليلى بخوف: هدي اعصابك بس يا باشا
كريم بعصبية: ما هادي اهو، ايه انتي شايفاني عصبي ولا حاجة؟
ليلى بخوف: لا طبعا يا باشا انت هادي وسيدي الهاديين
كريم: ايوه كده
ليلى بتوتر: احم، ممكن اتكلم يا باشا
كريم: ما انتي اتكلمتي خلاص هو انتي لسة هتتكلمي
سكتت بخوف فقال:
- خير، كنتي عايزة تقولي ايه؟
ليلى: ممكن اعد يا باشا ان شاالله يخليلك عيالك عشان رجلي وجعتني
كريم: ابو قلبي الطيب ده، اعدي يا اختي
اعدت علا على طول وهو قال بتسلية:
- مؤهلاتك ايه؟
ليلى بإستغراب: قصدك ايه؟
كريم: انا معرفش عنك حاجة غير انك كنتي في كلية صيدلية واسمك علا عبد الصبور، انتي بتعرفي تطبخي ولا لا
علا: اه طبعا يا باشا ده نفسي حلو اوي في الاكل واعجبك
كريم ببرطمة: اه يا كدابة
علا: بتقول حاجة يا فندم
قرب كريم منها وهو بيبصلها بحدة فقالت علا بخوف:
- في ايه يا باشا
كريم: قرايبك الولاد
علا بخوف: مالهم
كريم: علاقتك بيهم ايه؟
ليلى بخوف: زي اخواتي
كريم بعصبية: مفيش اى احتكاك او تواصل بيهم نهائي انتي فاهمة
ليلى بإعجاب: حمش اوي
كريم: لا ده انا اعجبك اوي
ليلى: طب ايه؟
كريم بإستغراب: ايه؟
ليلى: بما اننا مخطوبين فانا عايزة اجرب طعم الخروج مع من تحب
كريم بسخرية: حب ايه ده انتي لسة عارفاني من شوية يا ولية
ليلى: مش مهم، المهم اني اخرج
كريم: مفيش خروج
ليلى: يعني ايه مفيش خروج
كريم بعصبية: يعني مفيش خروج
مثلت ليلى العياط فقال كريم بلطف:
- بتعيطي ليه دلوقتي؟
ليلى بدموع: عشان انت مش عايز تخرجني
نفخ كريم الهوا بضيق وقال:
- ادخلي البسي بسرعة وتعالي عشان اخرجك
ليلى بفرح: بجد
كريم: اه، ويلا بقى ادخلي عشان مرجعش في كلامي
ليلى بخوف: لا ترجع في كلامك ايه ده انا ماصدقت
جرت ليلى بسرعة على الاوضة وكريم حط ايده على دماغه وقال بخوف:
- ربنا يستر ومتحصلش مصيبة تانية
خرجت بعد شوية من الاوضة وقالت لكريم بإبتسامة:
- انا جاهزة
بصلها كريم بصدمة من اللي هي لابساه بس زعق مرة واحدة بعصبية وقال:
- ايه اللي انتي لابساه ده يا هانم
ليلى بخوف: في ايه؟
كريم بعصبية: انتي كمان بتسألي! انتي مش شايفة نفسك لابسة ايه
ليلى بخوف: ماله لبسي؟
قام كريم من على الكنبة وقرب منها وهو بيبصلها بحدة فبعدت عنه وقالت بخوف:
- انت بتبصلي كده ليه؟
كريم وهو بيجز على سنانه:
- لو مدخلتيش دلوقتي وغيرتي اللي انتي لابساه ده انا هخلص عليكي
ليلى بخوف: هتخلص عليا!!
كريم: اه
ليلى بتذمر: هو انا لسة هدخل البس تاني
كريم: احسن تستاهلي عشان بعد كده تحرمي تلبسي قصير تاني
ليلى بإبتسامة: بتغير عليا
كريم: مش مسألة بغير عليكي مسألة اني مش عبقى راجل لما البت بتاعتي تمشي في الشارع كده
بصتله ليلى بصدمة فضحك كريم قال:
- متكشريش كده ده انا بهزر معاكي
ليلى: يعني بتحبني؟
كريم: افضلي اتكلمي كده كتير لحد ما احلف اننا مش خارجين
ليلى بخوف: لا خلاص انا داخلة اهو
دخلت ليلى الاوضة وخرجت بعد ما لبست، نزلوا الشارع وكريم قال:
- خليكي جنبي ماشي، اوعي تتحركي في حتة
ليلى بفرح لنفسها: بيغير عليا
كريم: بتقولي حاجة؟
ليلى: لا مبقولش
فضلوا ماشين في الكورنيش وهما ساكتين لحد ما لقوا ست وراجل بيتخانقوا، قرب كريم منهم وسمع الست وهي بتقول:
- منك لله يا ابن الغدارة
الراجل بعصبية: بت احترمي نفسك
الست بعصبية: احترم نفسي ايه بعد اللي انت عملته
ليلى بفضول: هو في ايه؟
الست بعصبية: الحيوان الحقير، بعد ما خللني جنبه راح يخطب واحدة تانية
ليلى بصدمة: يخيبك راجل
الراجل بعصبية: انتي متعرفيش انا عملت كده ليه
ليلى بسخرية: اشجيني يا اخويا
الراجل بعصبية: الهانم كانت مخبية عليا انها كانت متجوزة
كريم بصدمة: نعم، كانت متجوزة قبل كده
الراجل: ويارتها على قد كده وبس، دي مخلفة مازن وحنين
كريم بصدمة: كمان
الست: الله اكبر في عينك
كريم: انت ازاى كنت متغفل سبع سنين بحالهم
الراجل بغيظ: عشان كنت غبي
الست بحزن: انتوا متعرفوش انا عملت كده ليه
ليلى: عملتي كده ليه
الست: عشان بحبه
الراجل بسخرية: العبي غيرها
الست: انت مش مصدق اني بحبك يا كيمو
الراجل: اه عشان انتي كذابة
كريم: استنى بس هو انت اسمك كريم؟
الراجل: اه اسمي كريم
كريم بصياح: هما دايما كده اللي اسمهم بختهم قليل
الراجل: انت اسمك كريم برضو؟
كريم: بعيد عنك اه
الراجل: الدنيا جاية علينا اوي يا زميلي
كريم بصياح: عندك حق يا اخويا
ليلى: انتوا سيبتوا كل حاجة ومسكتوا في الاسم
كريم: انا سمحتلك تتكلمي؟
ليلى بخوف: لا
كريم بعصبية: انتي بتتكلمي مع راجل غريب ليه هو انتي مش شايفاني راجل
ليلى: لا طبعا متقولش كده ده انت راجل وسيد الرجال
ابتسم كريم وقال: عشان كلامك الحلو ده انا هجبلك حاجة حلوة
منة: عيني عليا وعلى حظي، شوفت الراجل كريم معاها ازاى مش انت
الراجل بغيظ: انتي اخر واحدة تتكلمي انتي فاهمة، ده انا ضهري اتقطم من كتر المصاريف اللي كنت بصرفها عليكي
منة بسخرية: مصاريف ايه يا حسرة انت بتتكلم على سندويتشات الكبدة ام اتنين جنيه اللي كنت بتطفحهالي طول السبع سنين
الراجل: ده انا مأكلك في انضف وافخم مطعم كبدة فيكي يا مصر
كريم بسخرية: لا مهو واضح
منة للراجل: على فكرة بقى انا مش غلطانة
الراجل بصدمة: نعم
منة: انت اللي مسألتش
كريم: هي مش الجملة دي كانت بتتقال لما الراجل يتقفش
منة: والستات كمان ولا كل حاجة انتوا وبس
الراجل: انا غلطان، يارتني كنت سمعت كلام امي لما كانت بتقولي ابعد عنك
منة بسخرية: طب غور من قدامي يلا يا حبيب ماما
مشى الراجل وهو بيقول:
- حسبي الله ونعم الوكيل، ربنا ينتقم منك يا ست انتي
مشى الراجل ومنة قالت بسخرية:
- رجالة اخر زمن
كريم بسخرية: اه انتي هتقوليلي
منة: شوفتي يا اختي الرجالة ملهومش امان ازاى، عشان طلعت متجوزة قبل كده سابني وخطب غيري
ليلى: لا ملوش حق
منة لكريم: انت عندك كام سنة يا طعم انت
مسكت ليلى دراع كريم وقالت بغيرة:
- بتسأليه ليه
منة: شوف البت قفشت فيه ازاى وكإني هخطفه منها
ليلى: ده خطيبي ملكيش دعوة بيه
منة: يخسارة مليش في الطيب نصيب
مشت منة وليلى قالت بغيرة:
- غوري كتك نيلة وانتي شبه السلعوه كده
بص كريم عليها بخبث وقال: انتي بتغيري
ليلى بإبتسامة وكسوف: طبعا بغير مش جوزي
سمعوا صوت خناقة تانية فقال كريم بعصبية:
- وبعدين بقى
ليلى: تعالا نروح نشوف في ايه
كريم: لا واحنا مالنا
ليلى بإستغراب: مالنا ازاى مش انت ظابط؟
كريم بتوتر: ها، اه طبعا يلا نروح
راحوا هناك وكريم قال للراجلين اللي بيضربوا بعض:
- بتتخانقوا ليه على الصبح
واحد منهم: وانت مالك انت
ليلى: ماله ازاى ده ظابط
الراجل: بجد
كريم بحدة: اومال بهزار
الراجل التاني: حيث كده يا باشا حكم بينا انت
كريم: وماله ليه لا، اسمكم ايه الاول؟
الراجل الاول: انا اسمي محمود
الراجل التاني: وانا اسمي علي
كريم: تشرفنا، قولولي بقى ايه هي المشكلة
علي: يرضيك يا باشا الراجل ده ينصب عليا في اتناشر الف جنيه
كريم: لا طبعا ميرضنيش
علي لمحمود: شوفت؟ كلمة الحق ظهرت اهي وانا مش هتنازل عن حقي مهما حصل
محمود: انت يا باشا سمعت الجانب الاول من القصة، اسمع الجانب التاني
كريم بزهق: قول يا اخويا مهو انا فاضيلكم
محمود: انا اتنصب عليا برضو يا باشا في اتناشر الف جنيه
كريم بإستغراب: من مين؟
محمود: من علي
كريم: لا لحظة انا دماغي عملت ايرور، هو دلوقتي مين اللي نصب على مين؟
محمود: هو نصب عليا في اتناشر الف جنيه وانا نصبت عليه في اتناشر الف جنيه
فضل كريم باصصلهم بعدم فهم وهو بيهرش في دماغه، كريم:
- انا مش فاهم حاجة
علي: انا هفهمك يا باشا، دلوقتي احنا كنا هنعمل مشروع مع بعض وكل واحد ادي فلوسه للتاني، يعني اديتله اتناشر الف جنيه وهو اداني اتناشر الف جنيه، امين
كريم: امين
محمود: وبعد ما جهزنا كل حاجة لغينا فكرة المشروع عشان حصل خلاف بينا، فانا بقوله هات الاتناشر الف جنيه بتوعي وهو مش راضي
علي: انا قولتلك اني مش هديك الاتناشر الف جنيه بتوعك غير لما تديني الاتناشر الف جنيه بتوعي
محمود: وليه ان شاء الله انت متدنيش الاتناشر الف حنيه بتوعي وبعدين اديلك الاتناشر الف جنيه بتوعك
كريم: اه ده انتوا بتشتغلوني بقى
محمود: لاسمح الله يا باشا نشتغلك ايه بس
قلع كريم الجذمة بتاعته وقال بعصبية:
- غور ياض انت وهو من قدامي بدل ما احطكم في البوكس
علي: ليه كده بس يا باشا
كريم بعصبية: غور ياض انت وهو
جروا من قدامه بخوف وليلى قالت بفرح:
- يا اخي يخربيت رجولتك
كريم وهو بيجز على سنانه:
- امشي من قدامي انتي كمان بدل ما ازعلك
ليلى: يوه وانا عملتلك ايه يعني
بصلها كريم بغيظ وهو بلعت ريقها ومشت قدامه
ليلى: بقولك يا كريم
كريم: متقوليش
ليلى: انا بتكلم جد يا كريم
كريم: انجزي عايزة تقولي ايه
ليلى: انا عايزة ورد
كريم: نعم يا اختي
ليلى: هو انت ليه مش رومانسي، انا عايزة ورد مليش دعوة
كريم: رومانسية ايه يا بنتي انا ظابط
ليلى بغيظ: وهما الظباط مش بني ادمين يعني ولا ايه؟
كريم: استهدى بالله يا ليلى ورد ايه، انا هروح اجبلنا اتنين كيلو كباب يرموا عضمنا عشان انا على لحم بطني من الصبح
ليلى بإستنكار: كباب
كريم: اه، انتي مش عاجبك الكباب ولا ايه لو عايزة تاكلي حاجة تانية قوليلي
بصتله ليلى بضيق ولفت وشها الناحية التانية بزعل
كريم بضيق: خلاص امري لله هروح اجبلك ورد
ليلى بفرح: بجد يا كريم
كريم: اه بدل ما تنكدي عليا وانا مش ناقص
ليلى: انا عايزة الورد يكون احمر
كريم: حاضر يا برنسيسة هانم
بص كريم حواليه ومن حسن حظه لقى محل ورد، كريم:
- خليكي هنا انا هروح اجبلك الورد واجي
ابتسمت ليلى وهو راح على محل الورد، اجى كريم وهو جايب الورد واتصدم لما لقى تامر ابن حالة ليلى واقف قدامها، تامر:
- ازيك يا ليلى عاملة ايه؟
ليلى بإستغراب: انت بتكلمني انا
اجى كريم بسرعة وحاوط ليلى ليه بتملك وقال بغيرة لتامر:
- ازيك يا تامر
تامر بضيق: انا كويس الحمد لله
ليلى؛ انت مين
تامر بإستغراب: هو ايه اللي انا مين، انا تامر يا ليلى
كريم بتوتر: معلش اصل ليلى تعبانة شوية فعشان كده مش مركزة
تامر بخوف: تعبانة مالها
كريم بغيرة: انت مالك خوفت عليها اوي كده ليه
تامر ببرود: مش بنت خالتي، طبيعي اغير عليها
بص تامر على الورد اللي كريم ناسكة وقال بغيرة:
- ده انت طلعت رومانسي اهو
كريم ببرود: طول عمري، يلا باى بقى عشان انا مش فضيلك
مشى كريم من قدامه وليلى قالت بإستغراب:
- مين ده
كريم: متشغليش بالك انتي
روحوا البيت وكريم قال لليلى:
- جبتلك الورد اهو يا ستي زي ما انتي عايزة
نطت ليلى في حضنه وقالت بفرح:
- شكرا يا كريم
برق كريم بصدمة وفضل قلبه يدق بسرعة