رواية احببت قلبآ ليس لي
الفصل الرابع والثلاثون34
بقلم سهيله مصطفي
_بس طبعا لازم نقابل مدير الشركة وصاحب الشغل العبقري دا
_أنا هنا يا فندم
قصي:ف فرح مستحيل
الرجل بصدمة : إي دا؟! انتي!!
فرح بثقة: حضرتك كنت مفكر ان مدير الشركة راجل صح، آسفة اني خيبت ظنك أنا فرح أحمد أمين الهاشمي مديرة شركة F.A.A وأصغر سيدة أعمال سناً وأكبرهم شهرة ونجاح
الرجل: بصراحة فاجأتيني إزاي بنوتة زيك كدا في السن دا قدرت تحقق النجاح دا كله أكيد أهلك فخورين بيكي
فرح: هفاجأك أكتر وأقولك إن أهلي نفسهم ميعرفوش اني صاحبة شركة F. A. A مع اني مضيت شغل معاهم قبل كدا بس الفترة اللي فاتت كلها كنت بعمل شغلي وعلي هو اللي بيظهر للناس بصفته المدير لأني كنت منتظرة حد معين يعرف الأول والحمد لله عرف ف من النهاردة كل الناس هتعرف مين هي البشمهندسة فرح أحمد الهاشمي
الرجل: إحنا هنكون سعداء جدا بالشغل مع حضرتك
فرح: وإحنا أكتر والله عن إذنك
الرجل: إتفضلي
___________________&&_________________
كان جالساً يفرك يديه بتوتر بالغ لا يعلم ما سيفعله الآن صواب أم خطأ سيندم عليه كثيرا..تلك هي حالة أمير منذ أن هاتف دموع وأخبرها أنه يريدها في موضوع ضروري وهو الآن يقف خارج منزلها..ها وأخيرا أتت
دموع:يبني خضيتني الله يسامحك م إنت زي القرد أهو دا أنا قولت تعبان ولا فيه حاجة
أمير:ممكن تركبي عايز أتكلم معاكي شوية
دموع:إي دا شكل الموضوع مهم خالص طيب بقولك تعالى نقعد في الجنينة بدل قاعدة العربية
أمير:تمام..وبالفعل جلسواب حديقة منزل دموع
دموع:خير يا عم أمير قلقتني
أمير:إحم بس الأول اوعديني إن الموضوع مش هيكون ليه أي تأثير على علاقتنا ببعض
دموع:أمير فيه إي بجد شغلتني
أمير:بصراحة كدا إحم هو يعني
دموع:يبني م تنطق
أمير:دموع أنا معجب بيكي جدا وبصراحة عايز أتقدملك وتكوني زوجتي على سنة الله ورسوله
دموع:أيوة يعني برضو..إي!!!إنت قولت إي
أمير:دموع لو فيه أي رفض ياريت تعتبريني متكلمتش نهائي
دموع:لا بجد أنت قولت إي عيد تاني
أمير:أنا معجب بيكي وحابب أتقدملك
دموع:يااااااااه أخيرا نطقت أنا كنت خلاص هفقد الأمل فيك
أمير:إي دا؟!إنتي..
دموع بخجل:بصراحة آه أنا معجبة بيك من فترة والله مش عارفة ازاي بس اهو نصيب لكن مكنش هينفع أقدر آجي وأقولك لإن دا عيب في حقي بس إنت متأكد من مشاعرك
أمير:لإثبات دا أنا داخل لعمي الحاج مالك دلوقتي
دموع:إستنى يا مجنون
أمير وهو يدلف للداخل:والله أبدا لأقول لعمي مالك
مالك:هتقولي إي يا أمير
أمير:بصراحة كدا يا عمي أنا طالب أيد بنتك دموع اللي واقفة هناك دي
مالك:طب بزمتك دي طريقة تتقدم بيها
أمير بضحك:أنا عارف إني عبيط شوية في طريقتي بس دا من فرط حماسي ها يا عمي موافق
مالك:أنا مش هلاقي أحسن منك لدموع بس لازم رأيها
ليلى بتهمس ل دموع:ها يبنتي موافقة
دموع:طبعا
ليلى:دا انتي وقعتي ومحدش سمى عليكي..دموع موافقة يا حاج
مالك:يبقى على بركة الله
ليلى:لولولولولولولولولي
أمير:عمي حابب أقولك حاجة قدام دموع أنا ماليش غير قصي في الدنيا ولما آجي أتقدم رسمي هيكون معايا أتمنى الموضوع مش يسبب أي زعل
دموع:أمير قصي كان ماضي ونسيته وهو دلوقتي أخويا وصاحبي زيه زي آدم وأكيد أي أخت تتمنى وجود أخوها في يوم زي دا
أمير:علشان تعرفوا بس اني هتجوز ست العاقلين ثم استأذن وخرج...أخرج هاتفه ورن على قصي
قصي:ألو يا أمير مش فايقلك دلوقتي خالص
أمير:خلاص يا قصي سلام
قصي وقد استشعر حزن أمير:مالك كنت عايز اي
أمير:لا خلاص روح شوف شغلك
قصي:أمير مش هتحايل عليك أنا قول في إي
أمير:بصراحة أنا خطبت
قصي:نعم بتقول إي
أمير:والله زي م بقولك كدا أنا خطبت
قصي بسخرية:وجاي بتعرفني دلوقتي ولا علشان اجهز للفرح..مش على أساس اني اخوك ازاي معرفش غير لما تخطب
أمير:حيلك حيلك دا انا اتقدمت بس ووافقوا بس وعدتهم اني هروح ومعايا اخويا الكبير
قصي:أحسب..ومين بقا تعيسة الحظ دي
أمير:لا بيقولوها سعيدة الحظ
قصي:دا لما يكون عريس عليه العين مش انت المهم مين هي
أمير:هتتصدم وممكن متصدقش
قصي:لي اتجوزت ملكة جمال العالم ولا اي
أمير:غلس لا
قصي:أومال مين زهقتني
أمير:دموع
قصي:دموع مين اصل بصراحة الاسم دا مسمعتوش غير عند عمو مالك
أمير:م بالظبط هي دموع الصياد بنت عمو مالك
قصي:بتهزر
أمير:لا والله كل حاجة قسمة ونصيب وأتمنى متكونش متضايق
قصي:لا طبعا ألف ألف مبروك يا صاحبي أخيرا ربنا فك النحس بتاعك
أمير:يلا بقا عقبالك
قصي:طيب اقفل علشان انا رايح اشوف الموضوع دا
ولم ينتظر أن يغلق أمير حتى أغلق هو
___________&&____________♡♡_'__________
_خرجت فرح من قاعة الإجتماع بل من الشركة بأكملها وكادت أن تركب سيارتها بعد أن فتح لها السائق الباب، وجدت يد تقبض على ذراعها بقوة
قصي: عايز اتكلم معاكي
فرح: ممكن تسيب إيدي.. قاعد همجي زي م إنت متغيرتش
قصي: طيب علشان مش تشوفي الهمجي صح امشي معايا
واحد من الجارد: فيه حاجة يا بشمهندسة
فرح: لا مفيش حاجة روح انت دلوقتي
قصي: يلا بقا اركبي هنا
فرح: هو علشان انا مشيت الجارد يبقى كدا هطاوعك وهمشي معاك لا طبعا ممكن انده عليهم تاني
قصي: انتي بتهدديني بالجارد بتوعك والله ممكن اخليكي تترحمي عليهم كلهم
فرح: طيب من غير مشاكل سيبني امشي
قصي: والله م هتمشي غير لما نتكلم
فرح: تمام اتفضل.. وبالفعل ركبت مع قصي سيارته وساق دون أن ينطق أي منهما بكلمة واحدة وصل قصي إلى مكان فارغ تماما يشبه الصحراء
فرح بإستغراب: ممكن اعرف جايبني هنا لي؟!
قصي: قولتلك هنتكلم شوية
فرح: وملقتش غير الحتة المقطوعة دي ونتكلم فيها
قصي: انتي خايفة مني ولا اي
فرح: انت أكتر واحد عارف اني مبخفش غير من ربنا
قصي: لسة قطة شرسة زي م انتي متغيرتيش
فرح: بس خلي بالك علشان بقيت بخربش وبدمر اللي يضايقني
قصي: قصدك على صفقة النهاردة صح.. انتي بالفعل دمرتيلي شركتي وخسرتيني فلوس كتيرة أوي وهزيتي اسم شركتي بس كل دا ولا همني لإن ان انتي عارفة بحركة مني هقوم شركتي من الاول وفي وقت قليل جدا هقف على رجلي من تاني... اللي هامني وأسعدني بجد انك قدرتي تنجحي قدرتي تعملي اللي محدش كان يتوقعه نجاحك مع انه كسرني لكن فرح قلبي من جوا اتغيرتي أوي أوي حتى استايل لبسك اتغير وبصراحة كدا احلويتي تاني عن زمان انتي كنتي جميلة بس دلوقتي جمالك فاق الحدود
_كانت فرح ترتدي بنطال من اللون الأسود اظهر طولها الشامخ وقميص بناتي باللون الأبيض وجاكت باللون الأسود فكانت تبدو بالفعل ك سيدة أعمال، أبرزت ملامحها بوضع كميات قليلة من مساحيق التجميل وبالأخص عيونها التي ازدادت وضوحا بالكحل، وترتدي حذاء ذو كعب عالي فبدت ك أنثة طموحة وناجحة إضافة لكونها جميلة وجذابة (هي دي اللي استرونج انديبندنت وومن😂)
فرح: لو خلصت مجاملاتك اللي مالهاش لازمة ممكن أمشي بقا عايزة اروح اشوف أهلي اللي بقالي بعيدة عنهم سنين
قصي بغيظ: فرح انتي لي بتكلميني بالطريقة دي.. لي بتستخفي بيا ومش شايفاني قدامك ازاي انتي كدا وانا كنت بعاني في بعدك كنت بعيط بالدموع ايوة قصي الراوي كان بيعيط كل يوم على فراقك وانتي ولا هامك، رفضت بنات كتيرة علشان مش قادر أحب غيرك، صورتك اللي على خلفية موبايلي، وتاريخ ميلادك الباسورد، شقتي اللي متشوفيش الحيطان من كتر صورك، امي اللي فضلت مقاطعها فترة علشان كنت بقول هي السبب في إنك تسافري، إنتي تعبتيني اوي وتعبتي قلبي معاكي ازاي قادرة تتصرفي طبيعي مع اني مقدرتش اخبي لهفتي اول م شوفتك ازاي قدرتي تدمريني انا شخصيا وتدمري شركتي وانا خسارتي مزعلتنيش وفرحت علشانك انتي، بالله عليكي حرام أنا تعبت ومش قادر انا عارف اني غلطت لما قولتلك الكلام اللي قولته يوم سفرك بس انا مكنتش اقصد، والله مستاهلش العقاب دا، وبصراخ: جاوبيني ازاي قدرتي تنسيني وانا منستكيش ولا ثانية
فرح بصراخ هي الأخرى: نسيتيني نسيتيني نسيتيني، مين اللي قالك اني نسيتك مين اللي قالك اني معيطش في السنين اللي فاتت دي مين اللي قالك اني بطلت أحبك، لما إنت بتتعذب كدا وانت لسة بتحبني من سنتين تلاتة م بالك بواحدة بتحبك من وهي طفلة وشافت نظرة كره ونظرة حقد من أكتر عيون حبتها، شافت حب عمرها بيخطب، مين اللي قالك ان تاريخ ميلادك مش باسورد موبايلي وانت فاتحه بإيدك قبل كدا مين اللي قالك اني مش متابعة حاجة عنك، صفحتك على فيسبوك بدخلها انا أكتر م انت بتدخلها، مين قالك اني مش بحبك وأضافت بصراخ أيوة أنا لسة بحبك وبعشقك كمان ولو السنين اللي فاتت دي مزودتش حبي ليك ف هي عمرها م نقصته قصي أنا هفضل أحبك لحد م أموت سمعت لحد م أموت
قصي: وأنا والله ندمان على كل حاجة وحشة عملتها معاكي وعلى كل لحظة حزن كنت انا سبب فيها، حقك عليا على كل دمعة نزلت من عيونك وانا سببها وقصي بيعشقك وهيفضل يعشقك لآخر يوم في عمره، مفيش واحدة هتاخد مكانك ولا واحدة تملى عيني غيرك انتي وبس ملكتِ قلب قصي الراوي، تقبلي ترحمي قلبي وتخففي تعبي وتسامحيني وتكوني شريكة حياتي
فرح: قصي إحنا لسة عندنا نفس المشكلة... أنا صدقت أتعافى شوية من اللي حصل مش عايزة ارجع ابقى محل اتهامات تاني م صدقت اترحمت من كلام أمير ودموع قصتنا اتكتب عليها تفضل ناقصة
قصي بتلقائية : أمير ودموع إتخطبوا
فرح بصدمة: نعم!!!!!!
قصي: والله أمير لسة قافل معايا وقالي انهم اعترفوا لبعض واتقدم وهي وافقت، مش هما دول اللي مانعين انك توافقي عليا بالله عليكي كملي العلاقة دي اديها فرصة واحدة، ارحمي قلبي وقلبك... ثم نزل على ركبتيه في حركة صدمتها وقال: تقبلي تتجوزيني يا قطتي
فرح: إحم تعالى البيت واطلب ايدي من والدي وساعتها هديك الرد
قصي بفرحة: احلفي
فرح: متفرحش اوي أنا لسة موافقتش
قصي: هتوافقي وإلا
فرح: هااااا رجعنا تاني
قصي: خلاص والله حقك عليا
وظل يردد بصوت عالي بحبك يا فرررررح