رواية حب في مهمة رسمية
الفصل الثاني عشر12
بقلم ايه الموافي
بصلها حاتم بقرف وليان قالت بزهق:
- يلا نبدأ خلينا نخلص
قرب اسر من اروى فاتوترت حط ايده على وسطها وشدها ليه فقالت اروى بكسوف بتوتر:
- في ايه؟
اسر: برقص مع مراتي
اروى بتوتر: ها
مسك اسر ايدها وحطها على كتفه وقال:
- عيشي معايا اللحظة
بصتله اروى بكسوف وعيونهم اتلاقت اتحركوا مع بعض وكل واحد سرحان في عيون التاني، حط حاتم ايده على وسط ليان فقالت:
- في ايه يا اخويا ما تبعد شوية انت لازق كده ليه
حاتم بصدمة: اخوكي
ليان: لا بص هفهمك لو حبيت تعمل زي المحونين دول فمينفعش لانهم متجوزين انما احنا لا، وانا لحمي مر ومش كل طير يتاكل لحمه يا متحمرش يا..
حط حاتم ايده على بوقها وقال:
- بااس ايه كل ده، دي رقصة سلو يا غبية يعني لازم احط ايدي على وسطك واناي تحطي ايدك على كتفي
عضت ليان ايده فقال بوجع وصدمة:
- يا بنت العضاضة
ليان: هو انت مفكرني جاهلة ولا ايه ومعرفش رقصة السلو بتترقص ازاى؟
حاتم بغيظ: بقولك ايه يا بت انتي انا مش فايقلك ارقصي وانتي ساكتة
ليان ببرود: اسمي ليان يا باشا مش بت
حاتم بغيظ: صبرني يارب
مد لؤي ايده لبتول فمسكتها بتوتر، شدها ليه وحط ايده على وسطها فحطت ايدها على كتفه، اتحركوا مع بعض وهو قال:
- تعرفي ان عنيىك ك حلوة اوي
بتول بصدمة: ها
فاق لؤي لنفسه وقال بتوتر:
- لا مفيش
بتول: تعرف انك مز اوي
لؤي بصدمة: ايه
بتول ببرود: لا مفيش
لؤي بغيظ: بتردهالي يعني
بتول بخبث: وهو انت قولت حاجة عشان اردهالك؟
لؤي بغيظ: مطلعتيش سهلة يا بتول
اسر وهو بيرقص مع اروى:
- انا في سؤال نفسي اسأله ليكي
اروى بتوتر: سؤال ايه؟
اسر وهو بيتعمق في عيونها: هما دول لون عيونك بجد ولا عدسات؟
اروى بتوتر: وده يفرق معاك في ايه؟
اسر: يفرق كتير اوي انتي مراتي
اروى بتوتر: هو انت عمال تقول كل شوية انتي مراتي وانا جوزك ليه؟
اسر: عشان دي الحقيقة، انتي دلوقتي حرم آسر الجارحي
اروى بتوتر: بس انا مراتك لفترة معينة بس
اسر ببرود: وطول ما الفترة دي مخلصتش كل حاجة تخصك تخصني ولبسك من دلوقتي معدتش يقصر او يضيق عشان انا بغير ومقبلش ان مراتي تلبس كده
حست اروى ان قلبها بيدق جامد ولحد دلوقتي مش عارفة هي ازاى متخانقتش معاه عشان بيتحكم فيها، ليه مبسوطة بدل ما تكون متضايقة؟ ابتسمت بخبث وقالت:
- بس للاسف يا حضرة الظابط مش هتقدر تتحكم في حتة اللبس دي عشان المهمة ولا نسيت؟
جز اسر على سنانه وقال بغيظ:
- مهو لو حضرتك مكنتيش دخلتي الجيش من اصله مكنش كل ده حصل
اروى ببرود: براحتي اعمل اللي انا عايزاه، على الاقل احسن من الظابط ندى بتاعتك دي
اسر بخبث: هو انتي حاطة ندى في دماغك ليه؟
اروى بإنكار: من دي عشان احطها في دماغي، انا عندي حاجات كتير اهم منها ومنك انت شخصيا
اسر بخبث: لا مهو واضح
ليان: بقولك ايه يا اخ
مردش حاتم عليها وليان قالت: انت يا عم
حاتم بغيظ: عايزة ايه
ليان: انت مالك سرحان كده ليه؟
حاتم ببرود: ملكيش دعوة
ليان بخبث: مين دي اللي بتفكر فيها ومبتروحش من بالك
حاتم بصدمة وتوتر: هي مين دي؟ وبعدين انتي عرفتي منين؟ قصدي يعني ومين قالك اني بفكر في واحدة هو عشان سرحان ابقى بفكر في واحدة
ليان بضحك: بالراحة على نفسك يا حضرة الظابط انت اتعصبت كده ليه؟
بصلها بعصبية وهي قالت:
- الحوار في واحدة لان الطريقة اللي انت سرحان بيها بتدل انك واقع على عينك وبتحب
حاتم بغيظ: ما تحترمي نفسك وتقصري لسانك ده شوية
ليان: انا غلطانة اني عايزة احللك مشكلتك العاطفية
حاتم بصدمة: وانتي عرفتي منين ان في مشكلة؟
ليان: قولي يا باشا وانا هفيدك اصل انا خبيرة في المواضيع دي
حاتم بسخرية: لا مهو واضح
ليان: قصدك ايه؟
حاتم: مقصديش حاجة
ليان: قولي ومش هتخسر
حاتم بتردد: انا عايز اخد رأيك في حاجة
ليان: قول يا باشا سامعاك
حاتم: لو الواحد حب اخت صاحبه يبقى ايه؟
ليان بإستغراب: قصدك ايه؟
حاتم: قصدي يعني ان دي مش هتعتبر خيانة؟
ليان: لو انت بتخرج معاها من وراه او في كلام ما بينكم يبقى خيانة، انما لو حب من بعيد لبعيد يبقى مش خيانة
حاتم: بجد
ليان: اه
حاتم: يعني انا كده مش خاين
ليان: لو انت مبتكلمهاش ولا بتقرب منها تبقى مش خاين لصاحبك، يمكن تكون انت خايف لصاحبك يعتبر انك لما بصيت لاخته خنته بس الحاجات دي بتبقى غصب عن الواحد
ابتسم حاتم وقال: بجد انا مش عارف اشكرك ازاى
ليان: متشكرنيش اعزمني بس على جاتوه في فرحكم
ابتسم حاتم وقال: هاخد خطوة جد ان شاء الله لما المهمة تخلص، ادعيلي انتي بس
بتول: بقولك يا لؤي
اتفاجأ لؤي لانها ندهت اسمه من غير القاب بس معلقش:
- ايه؟
بتول: انت هتحميني في المهمة دي صح؟
لؤي: طبعا يا بتول ده انتي زي...
قاطعته بتول وقالت بغيظ:
- متكملهاش لاني مش اخت حد، انا ماما وبابا مخلفوش غيري
لؤي: وانتي اتضايقتي ليه؟
بتول: متضايقتش
لؤي: لا انتي اتضايقتي
بتول بغيظ: يا ابني ما قولتلك متضايقتش
لؤي بصدمة: ابنك
بتول: متدققش في كلمة بقولها
خلصت الاغنية فقال راجح: هايل
بعدوا كلهم عن بعض ما عدا اروى واسر لانهم كانوا بيرقصوا وهما في عالم تاني، راجح بإستغراب:
- حضرة الظابط آسر
اسر بإنتباه: ها
راجح بضحك: الاغنية خلصت من شوية
بعدت اروى عنه بإحراج لما لقت نظرات الكل الخبيثة المتوجهة نحوهم، احمرت خدودها واسر قال:
- احم، تمام يا فندم
راجح: كلكم هتسافروا بكرة بليل ان شاء اللهه متنسوش اللي اتفقنا عليه
كلهم: تمام يا فندم
خرجوا كلهم من الاوضة واروى راحت اوضتها بسرعة وتوتر عشان تتجنب نظرات اسر ليها،بص لؤي لبتول وهي كمان كانت بتبصله بس اول ما شافته بيبصلها ودت وشها الناحية التانية بسرعة، ليان:
- عن اذنكم
مشت ليان وبتول مشت معاها ولؤي قال بخبث لاسر:
- ايه يا عم انت
اسر بإستغراب: ايه؟
لؤي بغمز: انت وقعت ولا ايه؟
اسر: قصدك ايه؟
لؤي: انت فاهم قصدي كويس اوي فمتستعبطش
اسر بغيظ: انا مش فايقلك
لؤي بضحك: اتهرب اتهرب، دي الصنارة غمزت على الاخر
اسر بغيظ: بدل ما انت عمال تلمح بتلميحات فارغة بص لنفسك الاول
لؤي: قصدك ايه؟
اسر بسخرية: انت هتستعبط انت كمان، ما تتكلم يا حاتم انت كمان بدل ما انت ساكت كده
لما مردش حاتم بصوله بإستغراب واسر قال:
- ولا يا حاتم
حاتم بإنتباه: ها
اسر: انت بقالك كتير اوي بتسرح كده ليه
حاتم بتوتر: لا مفيش، عن اذنكم عشان انا مصدع وعايز انام
اسر بإستغراب: ماله ده
حاتم: علمي علمك
• في الاوضة
كانت اروى بتبصلهم بإرتباك بس قالت بغيظ:
- انتوا ملفوفين حواليا كده ليه؟
ليان بخبث: هو حلو
اروى بعدم فهم: هو ايه ده اللي حلو
ليان بغمزة: الحب
اروى بتوتر: وانا ايه اللي عرفتي انا؟ كنتوا شفتوني جربته قبل كده
بتول: يا بت متعمليهومش علينا
اروى بتوتر: انتي قصدك ايه
ليان: بتول قصدها واضح، انتي عايشة حالة حب مع اسر
اروى بصدمة: نعم انت بتقولي ايه، انتي اتجننتي يا ولية انتي منك ليها
بتول: احنا اللي اتجننا ولا انتي اللي بتتهربي؟
اروى بتوتر: انا مبتهربش انتوا اللي بتقولوا حاجات غريبة، انا واسر عمرنا ما هنحب بعض فاهمين
كانوا لسة هيردوا عليها بس قالت بسرعة:
- عن اذنكم بقى عشان عايزة اتخمد
• تاني يوم عند غسان
صحى غسان من النوم ولقى كيان نايمة على الكنبة، رجع شعرها لورا وسرح فيها شوية وبعدين فاق لنفسه وبعد عنها، طلب غسان الفطار وراح الحمام ولما خرج هزها بخفة وقال:
- كيان فوقي
كيان بنعاس: همم، بس بقى
رفع حاجبه بس بعدين ابتسم بخبث وقرب من ودنها وقال بصوت عالي:
- فوقي يا عسكري كيان
انتفضت من مكانها وهي بتقول بذعر: تمام يا فندم
ضحك عليها وهي استوعبت اللي حصل فبصتله بغيظ، غسان:
- تعيشي وتاخدي غيرها يا كيمو
كيان بغيظ: ايه كيمو دي
غسان ببرود: دلع لاسمك
كيان بغيظ: تقوم قايلي كيمو، متقولش الكلمة دي تاني عشان مبحبهاش
غسان: بس كده، طب كيمو يا كيمو
قامت كيان وقالت بغيظ:
- قولتلك ماتقولهاش
غسان بإستفزاز: حاضر يا كيمو
كيان بعصبية: برضو
جرت وراه وهو جري وهو بيقول:
- هدي نفسك بس يا كيمو مش كده
كيان وهي بتجري وراه:
- وانت ملقتش غير كيمو وتقولهالي
غسان: اشمعنا متضايقة من كيمو يعني
كيان: بقى بزمتك ده اسم دلع!
غسان بضحك: لا
كيان بغيظ: ولما هو لا بتقولهالي ليه
غسان بإستفزاز: عشان انا عايز كده
جرت وراه تاني بس اتكعبلت وكانت هتقع على الارض بس هو مسكها من وسطها بسرعة وقربها ليه، بصتله بكسوف وهو قال وهو بيبص في عيونها:
- مسكتك
كانت كيان بتبصله بتوتر وكسوف وهو كان بيبصلها في عيونها بعمق، كان هيقرب منها بس سمعوا صوت خبط الباب فبعدت عنه بسرعة وهي بتتمنى ان الارض تنشق وتبلعها من كتر الاحراج، فتح غسان الباب ولقاه الويتر بتاع المطعم ومعاه الفطار، شد غسان عربية الفطار وقال قبل ما يدخل جوه:
- شكرا
قفل الباب ولما لف ملقاش كيان، ابتسم بخفة وهو بيفتكر قربهم من بعض واعد وهو مستنيها تخرج عشان يفطروا، غسلت كيان وشها وخرجت وهي بتتجنب انها تبصله، غسان:
- يلا عشان نفطر
كيان بتوتر: حاضر
اعدت جنبه وبدأوا ياكلوا في صمت، خلص غسان الاكل وخرج هدومه من الدولاب ودخل الحمام عشان يغير،اول ما دخل قالت كيان بإحراج:
- كان لازم يعني اتنيل اتكعبل
كملت اكلها وخرج غسان من الحمام وقال:
- انا هخرج بره استناكي عما تلبسي
كيان بإستغراب: هو احنا هنراقبهم من دلوقتي
غسان: اه
كيان: تمام هلبس اهو
غسان: اول ما تخلصي نادي عليا
كيان: حاضر
• في المعسكر
قاموا من النوم وفطروا ورجعوا الاوضة تاني، بتول:
- اخيرا هنروح لكيان انهاردة
اروى: خلي بالك احنا اول ما نشوفها مينفعش ندي اي ردة فعل، يعني كإنها غريبة عننا
بتول: عارفة متقلقيش
ليان: بنات
بتول: ايه
ليان: هو انا لو لقدر الله حصلي حاجة الواد ابراهيم هينقذني ولا هيحمد ربنا عشان البشرية ارتاحت مني
ضحكت اروى وقالت: هو ده اللي بتفكري فيه
بتول بضحك: يعني انتي سيبتي البلاوي اللي داخلين عليها وفكرتي فيه
اروى بسخرية: لا ولما تيجي تكلميها تقولك الاكس ايه ده اللي افكر فيه انا ارقى من كده
ليان بغيظ: مهو دي الحقيقة
اروى بسخرية: لا مهو واضح
ليان: سيبكم مني دلوقتي، انا بصراحة خايفة اوي من اللي اسمه فايد واللي اسمه رامي ده
اروى: للاسف احنا الاتنين هنتعامل معاهم تعامل مباشر ولازم نبقى قريبين منهم
بتول: انا الحمد لله مهمتي هتبقى مراقبة بس زي كيان وغسان بس على اخف
اروى: خدي بالك الله يكرمك لنروح في داهية
بتول: متخافيش
ليان: اطمنا احنا كده لما قولتي متخافيش
بتول ببرود: خلاص خافوا
اروى بغيظ: يا بت انتي بطلي استفزاز
بتول: الله، يعني اقول متخافوش تضايقوا اقول خلاص خافوا تضايقوا برضو
اروى: ربنا يعدي المهمة دي على خير
ليان: يارب
• عند غسان
خرجت كيان بره الاوضة فاتصدم غسان وبرق بعصبية ودخلها الاوضة بسرعة، كيان بخوف من نظراته:
- هو في ايه؟
غسان بحدة: ايه الفستان القصير اللي انتي لبساه ده
كيان: ماله ده
غسان وهو بيجز على سنانه:
- انتي غبية يا بنت انتي، ما قولتلك زفت قصير
كيان: وانت متعصب كده ليه خلي بالك احنا في مهمة
غسان بحدة: انتي هتستعبطي! احنا مهمتنا المراقبة بس فقط لا غير يعني مش محتاجة تلفتي نظر حد منهم ليكي
كيان بتوتر: مهو بصراحة كده انا اول مرة اجي شرم الشيخ وابقى في المكان النضيف ده فعايزة اتفسح
غسان بصدمة: تتفسحي
كيان بتوتر: اه
مسح غسان على وشه بعصبية وقال:
- ادخلي غيري يا كيان عشان انا تكه وهنفجر فيكي
جرت كيان على جوه وهي بتقول:
- يا ماما
فضل غسان يستناها بره ولما خرجت قالت بغيظ:
- حلو كده
غسان: ابقي وسعي البنطلون ده شوية
كيان بغيظ: لا بقى كده كتير، هو في ايه يا عم انت انت بقيت عاملي زي العضمة في الزور
بص عليها ببرود وقال:
- يلا خلينا نتنيل ننزل
نزلوا تحت واول ما نزلوا كيان فضلت تبص خواليها وتقول:
- هما فين
غسان بصدمة: الله يخربيتك هتفضحينا، انتي بتعملي ايه
كيان: الله، مش براقبهم
غسان بصياح: لا لا مرارتي مش قادر، شكلنا كده هنروح في داهية بسببك
كيان: وانا عملت ايه دلوقتي
غسان بغيظ: كيان اهدى كده واركزي عشان منروحش ورا الشمس
كيان بغيظ: حاضر حلو كده
مردش عليها فقالت:
- ده ايه المهمة اللي هتيجي عليا بخسارة دي، ما تشوفلنا حاجة نشربها
غسان: الله يخربيت طفاستك، مش انتي لسة طافحة الفطار من شوية
كيان: اديك قولت اهو، طفحت انما عايزة اشرب
غسان: صبرني يارب
شافت كيان واحد منهم فشاورت عليه وقالت لغسان:
- هو د