رواية حب في مهمة رسمية
الفصل الثالث عشر13
بقلم ايه الموافي
نزل غسان صباعها بسرعه وقال بصدمه:
- الله يخربيتك
كيان: على فكره بيتي دلوقتي هو بيتك يعني بطل الدعوه دي عشان متعيطش في الاخر
غسان بغيظ: انتي جتيلي من اي داهيه
كيان باستفزاز: من الجيش
غسان بغيظ: طب اترزعي بدل ما ازعلك
كيان: ميبقاش خلقك ضيق كده يا باشا
غسان بقلة صبر: صبرني يا رب
كيان: بقولك يا باشا
غسان بنفاذ صبر: انتي لو فضلتي تقولي باشا او حضره الظابط كده كتير صدقيني هسلمك ليهم وهسلم نفسي معاكي
كيان ببلاهه: لا انا عارفه انك طيب ومش هتعمل كده
ضغط غسان على ايده بعصبية وقال: خلي بالك انا خلقي ضيق ومش هستحمل استفزازك ده كتير
كيان: طب بقولك
غسان بعصبيه وصوت عالي: عايزه ايه
كل اللي في المكان بصوا عليهم فقالت كيان:
- عاجبك كده؟ اهو انت اللي بتلفت الانظار علينا اهو مش انا
بصلها غسان بحده وعيونه بتطلع شرار، كيان بخوف من نظراته:
- على فكره بقى دي مش طريقه، طب حتى راعي ان احنا في شهر العسل
ابتسم غسان بخبث وقال:
- تصدقي عندك حق
بصيتله كيان بارتباك وقالت:
- هو انا ليه مش مطمنه لنظرتك دي؟
مسكها غسان من وسطها وقربها منه وقال بخبث:
- ملكيش حق، بقى في واحده برضو متجوزه لسه جديد وتقف بعيد عن جوزها كده
كيان بتوتر هي بتبص بكسوف على الناس اللي بتبص عليهم بتركيز: ها
غسان بخبث: ها ايه
كيان بتوتر وارتباك: ابعد يا غسان الناس بتبص علينا
غسان بخبث: طب ما انا عارف
كيان بتوتر: ابعد يا غسان
شهقت كيان بصدمه لما شالها غسان وقالت بإرتباك: انت بتعمل ايه؟
غسان وهو بيبص على الناس: عرسان جداد بقى وكده عن اذنكم يا جماعة
طلع غسان بكيان فوق والناس فضلت تسقف ليهم بفرح، كيان بصدمه:
- انت مجنون يا غسان؟
مردش عليها ودخل الاوضه ورماها على السرير، كيان بوجع وهي حاطه ايدها على ظهرها:
- ايه الغباء ده!
قرب غسان منها فبعدت بتوتر وقالت:
- انت مقرب كده ليه
غسان: شكلي كده هربيكي من اول وجديد يا كيان
كيان بشرشحه: لا يا اخويا انا متربيه مش محتاجه حد يربيني
غسان بسخريه: لا ما هو واضح
كيان بغيظ: قصدك ايه
غسان بغيظ: انتي مش هتتلمي غير لما نروح كلنا في داهية صح؟
كيان بتوتر: وانا عملت ايه دلوقتي
غسان: كيان احنا مبنلعبش والغلطة مننا هتودينا كلنا في داهية
كيان: ما بصراحة كده انا خايفة اوي ومن كتر خوفي بعمل رد فعل من قبل ما افكر، انا لما شوفت اللي اسمه فريد ده وانا قلبي وقع في رجلي
مسك غسان ايدها وقال:
- انا مش قولتلك طول ما انا معاكي متخافيش
بصت على ايده الماسكة ايدها بتوتر وهزت راسها بكسوف، بص في عيونها بعمق وقال:
- لو حصل حاجة انا هحميكي يا كيان
بصوا في عيون بعض لفترة طويلة من غير ما يحسوا، كان لسة غسان هيقرب بس صوت خبط الباب خرجهم من اللي كانوا فيه، بعدوا عن بعض بإرتباك وغسان فتح الباب وقال بإستغراب:
- انت مين؟
الراجل: انا الحارس الشخصي بتاع مستر رامي
غسان بإستغراب: اهلا، هو في حاجة ولا ايه؟
الراجل: مستر فريد ومستر رامي عاملين حفلة كبيرة اوي وبيعزم كل النزلا اللي موجودين في الاوتيل وبيتمنى انكم تحضروا
غسان بإستغراب: بمناسبة ايه دي؟
الراجل: بمناسبة عيد ميلاد مستر فايد
غسان: تمام
قفل غسان الباب وكيان قالت بإستغراب:
- في ايه؟
غسان بسخرية: ده اللي اسمه فريد عامل حفلة انهاردة بمناسبة عيد ميلاده
كيان بصدمة: عيد ميلاده! اومال لو كان لسة شاب كلن هيعمل ليه؟
غسان بضحك: هي الناس دي تفرق معاها حاجة؟ أراهنك أنه عمل الحفلة دي عشان المظاهر وبس مش عشان يتبسط
كيان: فلوس مجنناهم بقى هنعمل إيه
غسان: فلوس حرام
كيان: طب هو أحنا هنروح الحفلة دي؟
غسان: اكيد مش هفوت فرصة زي دي
كيان: على رأيك
• في المعسكر
ليان بفرح وهي بتاكل ورك الفرخة:
- ده ايه ده كله
اروى: دول مروقين علينا اوي انهاردة
بتول: اكيد عشان هنمشي
اروى: متفكرونيش بقى
ليان: لا انسوا اي حاجة دلوقتي وركزوا في الاكل ده
اروى: بتفهمي يا بت يا ليان
خلصوا اكل وحطوا ايدهم على بطنهم من كتر الشبع، ليان:
- الواحد نفسه في كوباية شاي يحبس بيها
بتول: نفس تفكيري
اروى: خلاص تعالوا نروح المطبخ
بتول بصدمة: لا مطبخ ايه اللي نروحه ده ممنوع حد مننا يدخل
اروى بغيظ: وهو احنا جربانين يعني عشان مندخلش جوه
ليان: هو اكيد في سبب لده بس الشاي يستاهل المخاطرة بصراحة
بتول: انتي هتعومي على عومها يا ليان
ليان: مهو بصراحة كده الواحد زهق من كتر ما كل حاجة ممنوعة، هما تقريبا تسوا اننا بني آدمين وبيتعاملوا معانا على اننا آلات بتنفذ الاوامر وبس
بتول: شكلكوا كده هتلبسوني في مصيبة انتوا الاتنين
اروى: خليكي قاعدة هنا وانا وليان هنروح نعمله بسرعة ونيجي
بتول: لا متروحوش في حتة
ليان: طب ما تخليها تراقب المكان ولو حد جه تدينا اشارة بسرعة
بتول: لا طبعا
اروى: ليه لا؟ ده يعتبر تدريب ليكي
بتول بإستغراب: تدريب
اروى: اه، مش انتي هتبقي مكلفة بالمراقبة في حالة لو حصلت اي حاجة او لمحتي حد بيقرب من الاوضة اللي اللي هبقى فيها مع فريد
بتول بغيظ: انتوا بتقنعوني بإيه؟ هو عشان اتدرب البس نفسي مصيبة
ليان بغيظ: مصيبة ايه يا اختي اللي كل شوية بتقوليها دي، احنا لو اتقفشنا عادي ايه اللي هيحصل يعني هنتحبس شوية في اوضة لوحدنا وخلاص، وكمان متنسيش انهم مش هيعملولنا حاجة اصلا عشان مسافرين انهاردة وبيدلعونا شوية عشان المهمة
اروى: ها من الاخر كده معانا ولا لا
بتول بتردد: معاكم وامري لله
دخلت اروى وليان المطبخ واتنهدوا براحة لما ملقوش حد، ولعوا على الكاتيل وبتول اتصدمت لما لقت لؤي جاي من بعيد، كانت لسة هتجري على المطبخ عشان تقولهم بس اتكعبلت ووقعت على وشها، بتول بوجع:
- اه يا وشي
لؤي بقلق: انتي كويسة يا بتول
بتول: اه كوبسة
مدلها لؤي ايده فمسكتها وشدها ليه جامد، اتخبطت بتول فيه ورجعت لورا بسرعة وهي حاسة بالاحراج، لؤي بإستغراب:
- انتي كنتي بتعملي ايه؟
بتول بإرتباك: بصراحة كده يا باشا اروى وليان في المطبخ وبيعملوا شاي
ضحك لؤي فقالت بإستغراب:
- انت بتضحك على ايه؟
لؤي بضحك: هو انتي اعترفتي كده بسرعة على صحابك من غير حتى اول قلم
بتول بإحراج: ما انا مبعرفش اكدب
لؤي: اوعي تعملي كده هناك ونروح كلنا في داهية
بتول: لا متقلقش اصل انا لو حصل حاجة ومكذبتش عليهم رقبتنا كلنا هتطير
لؤي: طب كويس انك عارفة
خرجت اروى وليان واتصدموا لما لقوا لؤي، بصوله بإرتباك وليان قالت بتوتر:
- بص، هفهمك يا باشا
ضحك لؤي وقال: متحوريش عليا عشان صاحبتك اعترفت على كل حاجة
اروى بصدمة: اه يا جذمة
بتول بغيظ: ما انتوا عارفين اني مبعرفش اكدب
اروى بغيظ: وعشان مبتعرفيش تكدبي تعترفي علينا
ليان بصدمة: هارسوح، مبتعرفيش تكدبي ايه يا منيلة هتودينا في داهية
اروى بخوف: ربنا يستر من ام المهمة دي
بتول بغيظ: ده انتوا عالم اوفر
ليان بصدمة: اوفر! ده الغلطة الواحدة برقبة حد فينا
بتول بخوف: يا جدعان انتوا بتخوفوني ليه؟
اروى بسخرية: لا ملكيش حق تخافي اصل احنا رايحين فسحة مش رايحين في مهمة
بتول بغيظ: بقولكم ايه انتوا هتحفلوا عليا انتوا الاتنين ولا ايه
لؤي بضحك: انا بقول تروحوا لاوضتكم عشان لو حد غيري شافكم مش هتعدي بالساهل
اروى بإبتسامة: وربنا انت ظابط طيب وجدع مش زي ناس
ضحك لؤي وقال: والناس دي هي اسر صح
اروى: اه صح هخاف يعني
لؤي: طب خدي بالك هو واقف وراكي
اروى بصدمة وخوف: بجد
لفت وراها بسرعة وقالت: انا مش قصدي..
سكتت بإستغراب لما ملقاش اسر وسمعت صوت ضحك لؤي، استوعبت اللي حصل فقالت بغيظ:
- انت بتضحك عليا
لؤي بضحك: لا واضح انك مبتخافيش خالص
اروى بغيظ: ماشي يا حضرة الظابط هرودهالك
رقصلها لؤي حواجبه وقال:
- لو تعرفي تعمليها اعمليها
حست بتول بالغيرة لما لقتهم بيهزروا مع بعض فقالت بخنفة:
- مش يلا نرجع بقى
ليان بإستغراب: مالك يا بتول
بتول: مفيش بس يلا بدل ما حد تاني يشوفنا
لؤي: جهزوا شنطكم وحاجتكم يا بنات عشان لما نمشي متتأخروش
بتول: حاضر
مشى لؤي وهما راحوا الاوضة، اروى:
- هو انتي بتحبي لؤي يا بتول
بتول بصدمة وارتباك: لا طبعا احبه ايه مستحيل
اروى بخبث: اومال غيرتي عليه ليه لما هزرت معاه
بتول بتوتر: اغير! واغير ليه ان شاء الله
ليان بضحك: لا مهو واضح
بتول بغيظ: بقولكم ايه انا مصدعة ومش ناقصة
اروى: افضلي اهربي من مشاعرك كده لحد ما يضيع منك
بتول بصدمة: يضيع مني
اروى: اه طبعا اومال انتي مفكرة ايه، حبيبتي ده ظابط وما شاء الله عليه طول بعرض، يعني البنات اللي هتحاول تلاغيه اكتر من عدد شعر راسه
سرحت بتول وهي بتفكر في كلامها فقالت ليان بضحك:
- انتي خوفتي ولا ايه؟
بتول بتوتر وغيظ:
- بقولكم ايه انا مبحبش حد، ما يلاغوه وانا ومالي
اروى بخبث: طب عيني في عينك كده
بتول بغيظ: بطلي شغل عيال واوعي كده عشان احضر الشنطة
مشت بتول واروى وليان فضلوا يضحكوا عليها
• بليل
خبط غسان على الاوضة وقال بملل من بره:
- خلصتي ولا لسة؟
لما مسمعش رد منها قال:
- انا هدخل ماشي
كان هيدخل بس لقاها خرجت من الاوضة، اتصنم مكانه وهو شايفها لابسة فستان احمر طويل وحاطة شعرها على جنب، كيان:
- ايه رأيك
مردش عليها فبصتله ولقته بيبصلها بتفحص، اتكسفت جدا من نظراته وقالت بإرتباك:
- احم، غسان
غسان بتوهان: ها
كيان بتوتر: بقولك ايه رأيك؟
خرج من اللي هو فيه وقال:
- مش بطال
رفعت كيان حاجبها وقالت:
- نعم
غسان: ايه؟
كيان بتكشيرة: مفيش، يلا عشان منتأخرش
مشت من قدامه وهو ابتسم عليها وقرب من ودانها وقال بهمس:
- طالعة زي القمر
ابتسمت بكسوف وقالت: وانت كمان
غسان بإبتسامة: وانا كمان ايه؟
كيان بإستفزاز: مش بطال
راحت ابتسامته وبصلها بدهشة وهي ماشية قدامه، جز على سنانه بغيظ وقال:
- اه يا بنت ال..
• في المعسكر
كانوا كلهم واقفين بره مبنى المخابرات وجنبهم شنطهم، راجح:
- متنسوش الخطة مفهوم
كلهم: مفهوم
راجح: ربنا معاكم يا وحوش
لؤي لبتول: يلا
كان لسة لؤي هيركب العربية بتاعته بس راجح قال:
- انت رايح فين؟
لؤي بإستغراب: رايح اركب العربية بتاعتي
راجح: لا انت وبتول هتروحوا في اتوبيس
لؤي بصدمة: ايه
بتول بإستغراب: ليه؟
راجح: اصل احنا قدرنا اننا نخليكم المسؤلين في اوضة المراقبة، يعني هتفضلوا شايفين كل حاجة في الاوتيل وانتوا في الاوضة فتروحوا بأتوبيس خاص بالشغل لان اكيد مش هينفع تروحوا بالعربية بتاعتك
لؤي: تمام فهمت
راجح: يلا انتوا الاربعة اتحركوا
كلهم: تمام يا فندم
راجح: استنوا
لفوا وبصوله وهو قال:
- خلي بالكم من نفسكم
ابتسموا وقالوا: حاضر
ركب اسر العربية واروى ركبت جنبه، وليان ركبت وجنبها حاتم، ليان:
- ما تشغلنا حاجة تسلينا ده حتى لسة الطريق طويل
حاتم ببرود:
- حاضر
شغل حاتم اغنيه هاديه فقالت ليان بإستنكار:
- ده ايه ده؟
حاتم باستغراب: اغنيه
ليان بسخريه: لا تصدق مكنتش اعرف
حاتم بغيظ: انتي عايزه ايه دلوقتي؟
ليان بغيظ: بقولك الطريق طويل وعايزين نفرفش شويه سيبني اشغل حاجه على مزاجي
حاتم ببرود: شغلي يا اختي على مزاجك اما نشوف اخرتها
شغلت ليان اغنيه شعبيه فطفى حاتم الاغنيه بسرعه وقال بغيظ:
- ايه ده؟
ليان بغيظ: انت طفيت الاغنيه ليه؟
حاتم بغيظ: وانتي بتسمي العك ده اغنيه! وبعدين انا مصدع
ليان بغيظ: وانا مالي اذا كنت مصدع ولا لا؟ الطريق ممل والواحد عايز يفك عن نفسه شويه
حاتم ببرود: تقدري تنامي وده افضل حل عشان تكسري الملل ده
لفت ليان وشها الناحية التانية وقالت ببرطمة:
- هما الرجالة على طول كده نكد
حاتم: سمعتك على فكرة
ليان بغيظ: وانا قاصدة اسمعك على فكرة
• في عربية اسر
كانوا الاتنين ساكتين فكسر اسر الصمت وقال:
- خلي بالك كل حاجة هتعمليها بعقاب
اروى بإستغراب: مش فاهمة قصدك ايه؟
اسر بغيرة شديدة: يعني اقسم بالله يا اروى لو سوقتي في المياصة لاكون مربيكي من اول وجديد
اروى بغيظ: هو بعيد عن اني متربية بس دوري كله عبارة عن المياصة
اسر بغيظ: بحدود يا حلوة انتي فاهمة، متنسيش انك مراتي وعرضي وشرفي، انا مش عارف اصلا ازاى انا وافقت على حاجة زي كده
ابتسمت اروى وحست بالفرح لما عرفت انه غيران عليها بس قالت ببرود:
- هو ايه اللي مش عارف انت وافقت على كده ازاى، لو ناسي جوازنا اصلا من ضمن الخطة يعني جواز مش حقيقي
اسر بعصبية: وانتي مصدقتي بقى عشان تتمايصي براحتك مش كده
اروى بإستفزاز: انا مش هرد عليك تدري ليش؟ لاني محترمة
غمضت عيونها وقالت بإستفزاز:
- سوق على مهلك عشان مصحاش من النوم
اسر بغيظ: ماشي يا اروى، صدقيني كل ده هيطلع عليكي حي ني في الاخر
مردتش عليه ونامت واسر هيولع من الغيرة كل ما يفتكر الدور اللي المفروض اروى تعمل