رواية حب في مهمة رسمية
الفصل الخامس5
بقلم ايه الموافي
خلصوا فطار واتجمعوا تاني في المعسكر، حاتم:
- انتباه
كلهم: تمام يا فندم
لؤي: بكرة ان شاء الله الحملة هتيجي، احنا مش عايزين ناخد كلمتين بسببكم مفهوم
كلهم: مفهوم يا فندم
حاتم: زي ما عودناكم في الكام يوم دول، اهم حاجة النظام ثم النظام مفهوم
كلهم: مفهوم يا فندم
غسان: دايما تبقوا شادين ضهركم لفوق وباصين قدامكم، ممنوع منعا باتا النظرات الجانبية او الهمس او كل العك ده مفهوم
كلهم: مفهوم يا فندم
اسر: لو حد منهم سألكم على حاجة تردوا على السؤال مفهوم
كلهم: مفهوم يا فندم
حاتم: نبدأ التمارين بقى، كل اتنين منكم يعدوا على الارض ويشبكوا رجليهم مع بعض عشان تعملوا تمارين البطن، يلا نفذوا واول ما اقول ابدأوا تبدأوا على طول
كل اتنين عملوا زي ما هما قالوا وكيان شبكت رجليها مع ليان، اروى بحيرة:
- دلوقتي بتول تعبانة ومش هتقدر تتمرن معايا هتمرن ازاى انا دلوقتي؟
ابتسمت ببلاهة وقالت:
- اكيد هيأجلوا زي بتاعة السهام وخلاص
اسر بخبث من وراها:
- كان نفسي افرحك واقولك اه بس للاسف يا حلوة مش كل حاجة بنتمناها بتتحقق
اروى بتوتر: قصدك
اسر ببرود: اعدي يلا على الارض عشان تتمرني
اروى بحيرة: طب انا هتمرن مع مين؟
اسر بخبث: توقعي كده
بصتله اروى بخوف من نظراته وقالت:
- لا انا مبحبش اتوقع
اسر بخبث: وماله اقولك انا، انا اللي هتمرن معاكي
اروى بصدمة: انت! لا شكرا مش عايزة
اسر ببرود: مش بمزاحك، اعدي على الارض يلا
اعدت اروى على الارض وهي بتقول بتذمر:
- طب وربنا ده ظلم
اعد اسر قدامها وشبك رجله في رجلها، بصتله بإحراج وتوتر وهو قال ببرود:
- ابدأي يلا
اروى بغيظ: حاضر
عملت اول واحدة ونهجت فرفع اسر حاجبه وقال:
- لا والله
اروى بغيظ: في ايه؟
اسر: بتنهجي ليه ده احنا لسة في الاول
مردتش اروى عليه وعملت تاني واحدة فقال اسر:
- استني استني
اروى بإستغراب: في ايه؟
اسر: ايه العك اللي انتي بتعمليه ده
اروى بصدمة: عك
اسر: اه عك، حطي ادينك (الايدين بتوعها) تحت راسك واعملي التمرين عدل
اروى: بس انا كده مش هعرف اطلع الموضوع صعب اوي
اسر ببرود: كل حاجة بتبقى في الاول صعبة، كملي يلا
كيان بضحك لليان:
- البت اروى صعبانة عليا اوي
ليان بشماتة: احسن عشان تقصر لسانها الطويل شوية
كيان: اسم الله على لسانك انتي كمان
ليان بغيظ: انتي عايزانا نمسك في بعض والمرة دي يجلدونا صح؟
غسان ببرود: بطلوا رغي وكملوا التمارين يلا
كيان بغيظ: حاضر
اروى بغيظ: انت مبتعملش ليه؟
اسر بإستغراب: اعمل ايه؟
اروى: مش المفروض تعمل انت كمان التمرين؟
اسر ببرود: والله بمزاجي ملكيش انتي دعوة
اروى بغيظ: والله ده ظلم
اسر: معلش انا ظالم، كملي يلا وانتي ساكتة
لؤي لبتول: صحابك بيحسدوكي اوي
بتول: ما كل ده هيتراكم عليا في الاخر كاتهم نيلة
ضحك لؤي عليها وهي قالت:
- هو انتوا ازاى بجد بتاكلوا من الاكل ده؟
لؤي: احنا كنا بناكله اول ما كنا لسة في مرحلة التدريب ولما اتثبتنا وبقينا ظباط بقينا ناكل اكل حلو
بتول: مكنتوش بتقرفوا خالص من الاكل ده
لؤي: كنا بنقرف طبعا وكنا بنتعب منه بس مش للدرجة بتاعتك دي، يعني كان اخرنا شوية مغص وخلاص
بتول: هو انا عنت هحط الاكل ده في بوقي تاني
ضحك لؤي عليها وقال:
- انتي لو كلتيه تاني ممكن تروحي فيها
بتول: بعد الشر عليا
ضحك لؤي وهي سرحت في ضحكته من غير ما تاخد بالها، لؤي بإستغراب:
- في حاجة ولا ايه؟
بتول بتوهان: ها
لؤي بإستغراب: انتي سخنة ولا ايه
حط ايده على جبينها عشان يجس حرارتها بس لقاها طبيعية، بعدت بتول عنه بتوتر وإحراج وقالت:
- مفيش بس الشمس مأثرة فيا شوية
لؤي بإستغراب: شمس ايه احنا واقفين في الضل
بصتله بغيظ وقالت: خلاص بقى
رفع حاجبه وهو بيبصلها بإستغراب بس متكلمش، بصت بتول قدامها وهي بتقول بإرتباك وصوت واطي:
- ايه الهبل اللي انا بعمله ده
اروى بتعب: هو التمرين ده هيخلص امتى
اسر ببرود: لما انا اقرر
اروى بتذمر: طب وانت هتكرر امتى؟
اسر بإستفزاز: لما يجيلي مزاج
اروى بعصبية: والله!
رفع حاجبه وقال: انا حاسس ان نبرة صوتك علت شوية
اروى بخوف: مين انا؟ لا طبعا ده انا نسمة وصوتي مبيعلاش ابدا
اسر بسخرية: اه طبعا انتي هتقوليلي، ده انتي تتحطي على الجرح يطيب
حس اسر ان اروى معدتش قادرة فقال بصوت عالي:
- التمرين خلص كله يقف ثابت في مكانه
اروى بتعب: اخيرا
قاموا كلهم واسر قال:
- كويس يا شباب عجبتوني انهاردة
اروى بغيظ: وبالنسبة للشبات ايه نظامهم؟ ولا هو كل حاجة للشباب بس
اسر بغيظ: برضو انتي مبتحرميش يا بنتي، وبعدين يا غبية الشباب جمع الرجالة والستات ولا انتي مبتفهميش في اللغة العربية، بالمرة بقى قولي ان اللغة العربية ذكورية عشان نبقى خلصنا
اروى بإحراج: احم، ده كنت بدردش معاك يا حضرة الظابط
اسر بإستنكار وحدة: وتدردشي معايا بمناسبة ايه ان شاء الله انتي نسيتي نفسك ولا ايه يا عسكري، انتبااه
اروى بخوف: تمام يا فندم
غسان: ليكوا استراحة ربع ساعة اللي عايزة يروح الاوضة اللي قاعد فيها يروح واللي عايزة يجيب حاجة من الكانتين يجيب
لؤي لبتول: استني خليكي هنا
بصتله بإستغراب وشافته وهو رايح الكانتين، رجع لؤي ومعاه بسكوت كتير وادهولها وقال:
- انتي مفطرتيش من الصبح كلي دول عشان تعرفي تكملي يومك
بتول بكسوف: تعبت نفسك ليه يا حضرة الظابط
لؤي: مفيش تعب ولا حاجة
طلعت بتول فلوس من جيبها وقالت: اتفضل
لؤي بحدة: ايه دول
بتول بخوف من نظراته: حساب الحاجة
لؤي بحدة: العملة دي لو اتكررت تاني صدقيني هتزعلي اوي
بتول بتوتر: انا مقصديش حاجة بس حضرتك مش من باقي عيلتي عشان تحيبلي حاجات على حسابك
لؤي ببرود: انا قولتلك قبل كده اني معتبرك اختي
مشى لؤي من قدامها وبتول قالت بغيظ:
- برضو بيقولي انا مش اخت حد
كملت بإستغراب وقالت:
- وبعدين هو اتضايق اوي كده ليه لما كنت هديله الفلوس؟ يعني كان هيبقى مبسوط يعني لما استغفله واكل على قفاه؟
كيان بإستغراب: انتي بتكلمي نفسك ولا ايه؟
بتول: لا متاخديش في بالك
ليان: ايوه يا عم ياللي مستريح ومحدش قدك
بتول بغيظ: انتي تخرسي خالص بتحسديني على ايه يا موكوسة ما كل ده هيبقى فوق دماغي في الاخر
ليان: هدي اعصابك يا وحش
اروى بخبث: انتوا مش ملاحظين حاجة يا بنات
بتول بإستغراب: ملاحظين ايه
اروى: يا بت، ما بلاش انتي
بتول بإستغراب: انا مش فاهمة حاجة انتي قصدك ايه؟
اروى: قصدي ان الظابط لؤي واضح اوي انه مهتم بيكي اوي
كيان بخبث: ده غير ان انتي لما اغمى عليكي هو كان خايف اوي وشالك وجابلك الدكتور
ليان بخبث: ولا وكمان ايه يا بنات، جبلها حاجات من الكانتين
بتول بسخرية: ريخي نفسك ده بيعتبرني اخته
اروى بصدمة: نعم يا عنيا! اخته!
بتول بسخرية: اه ده قالهالي مرتين وكإنه بيرموهوملي في وشي
ليان بغيظ: بعد كل ده ويقولك اخته
كيان بخبث: بس انتي متضايقة ليه؟
بتول بصدمة: لا طبعا مش متضايقة
كيان: امم عليا يا بتول
بتول بتوتر: بقولك ايه يا بت انتي الاوهام اللي في دماغك دي شيليها
اروى بخبث: وانتي مالك احمريتي واتوتري كده ليه؟
بتول بغيظ: انتوا عليا انتوا التلاتة ولا ايه، انا ماشية من وشكم احسن
مشت بتول بغيظ وهما ضحكوا عليها، ليان:
- اقطع دراعي من هنا اذا كان البت بتول معجبة بيه
اروى بضحك: شكلها مسخرة اوي بصراحة وهي بتهرب مننا
كيان: بس انا مش عايزاها تحبه
اروى بإستغراب: ليه؟
كيان: هو ايه اللي ليه احنا جاين هنا فترة معينة وهنمشي تاني، وكمان هو قالها مرتين انه معتبرها اخته يعني بالبلدي كده بيلمحلها ان اللي بيعمله معاها بيعمله بدافع الاخوه مش الاعجاب
ليان: عندك حق
كيان بغرور: انا طول عمري عندي حق اصلا
اروى بغيظ: بقولك ايه انا مش ناقصة ما كفايا الظابط الرخم ده عليا
كيان بضحك: دا انتي كنتي هتفرقعي من الغيظ انهاردة
اروى بغيظ: انا كان نفسي اديله بالقلم على وشه بسبب رخامته دي
بصت ليان وكيان بصدمة وراها واروى كملت وقالت:
- عامل نفسه بتاع وهو اصلا راجل رخم
كيان بتمثيل الوجع:
- اه بطني مش قادرة
اروى بإستغراب: في ايه
كيان بخوف: انا راحة اريح شوية
ليان بخوف: وانا كمان رجلي وجعتني مرة واحدة خديني معاكي انا كمان
طلعوا الاتنين يجروا وليان قالت بإستغراب:
- مالهم دول
لفت عشان تمشي بس اتخبطت في حد، اروى بخوف:
- لا ان شاء الله اكيد اللي مش في بالي
رفعت راسها وبصتله ولقته بيبصلها بعصبية، بلعت ريقها بخوف وقالت:
- استأذن انا بقى
كانت هتجري بس هو مسكها من الزعبوط وقال بحدة:
- رخم ها
اروى بخوف: يعني ايه رخم انا معرفش معناها يا باشا
اسر بعصبية: وحياة امك
اروى بخوف: اهدى يا باشا هفهمك
اسر بعصبية: تفهميني ايه ما كل حاجة واضحة اهي
اروى بخوف: انا مكنتش بتكلم عليك
اسر بسخرية: لا والله؟ والمفروض اصدق بقى مش كده
اروى بخوف وتوتر: اه طبعا لازم تصدق عشان انا انا
اسر: انتي ايه؟
اروى بصدمة وهي بتبص وراه:
- انت ازاى يا بني ادم انت تحط البتاع ده هنا
بص اسر وراه بإستغراب بس ملقاش حاجة، لف وشه تاني بس لقاها بتجري بخوف، اسر بسخرية:
- هتهربي مني فين يعني ما كده كده هتقابليني كمان ربع ساعة
دخلت اروى الاوضة واول ما دخلت استخبت كيان وليان ورا بتول، اروى بعصبية:
- بتبعيني يا واطية منك ليها
كيان بخوف: لا انا مبعتكيش انا بطني فعلا كانت بتوجعني بس من كتر الخوف
اروى بعصبية: وحياة امك
كيان: على فكرة هذا غير لائق
اروى بعصبية: طب تعالي بقى اما اوريكي الغير لائق بيبقى عامل ازاى
بتول: بقولكم ايه انتوا التلاتة اسكتوا بقى انتوا مبتتهدوش، يعني حتى بعد ما اتعاقبتم مفيش فايدة فيكم
اروى بعصبية: ما انتي لو عرفتي هما عملوا ايه فيا هتعذروني
بتول بإستغراب: اه صح انتوا عملتوا ايه؟
محدش رد فقالت اروى:
- ما تردوا ايه القط اكل لسانكم، انا هقولك انا هما عملوا ايه، الهوانم الاتنين محذرونيش ان الظابط اللي بشتم فيه واقف ورايا
بتول بصدمة: هو سمعك وانتي بتشتميه
اروى: اه، انا مش عارفة انا بختي كده ليه هو انا ناقصة انه يستقصدني اكتر
بتول: طب انتوا محذرتوهاش ليه؟
ليان: ملحقناش احنا مرة واحدة لقيناه واقف وراها
كيان: اه والله ده اللي حصل ومن كتر الصدمة معرفناش نسكتها
بتول بضحك: وطبعا من غير ما اقول الظابط اللي انتي كنتي بتشتمي فيه ده هو الظابط اسر، مش كده؟
اروى بغيظ: ده عشان بختي المنيل
كيان بغيظ: ما قولنالك كذا مرة قصري لسانك ده
اروى بغيظ: يعني انا كنت عارفة يعني انه ورايا
ليان: هو ايه اللي حصل بعد ما مشينا
كيان: انتي خلعتي منه ازاى اصلا
اروى: هربت منه
يتول بضحك: طلعتي تجري زي الهبلة صح
اروى بغيظ: مهو مكنش في حل غير كده اعمل ايه يعني
ضحكوا عليها وهي قالت بغيظ:
- دا انتوا عيال رخمة
بصت كيان في الساعة بتاعتها بالصدفة وقالت بصدمة:
- هارسوح
ليان بإستغراب: في ايه؟
كيان: معدش غير نص دقيقة والوقت ينتهي
شهقوا بصدمة وطلعوا يجروا على بره، وصلوا في الميعاد المظبوط وهما بينهجوا من الجري، اروى بخوف:
- ادعوا معايا ان الظابط الرخم ده ميجيش دلوقتي خالص
بتول بغيظ: برضو بتشتميه، انتي يا بت مبتحرميش ابدا
اجى اسر فقالت اروى بتذمر:
- تقريبا كده انا بدعي بالشقلوب
ضحكوا عليها واسر حط الدايرة اللي بينشنوا عليها السهام وقال:
- انا عارف ان كلكم اتدربتوا على السهام واغلبكم دلوقتي بقى متقنها بس انا نسيت اقولكم ان اهم جزء في اللعبة دي بشكل خاص وفي اى حاجة في الدنيا بشكل عام وهي الثقة، انا محترف في اللعبة دي وبرضو امتلك من الثقة ما يكفي انها تخليني محترف وعشان كده انا هاخد حد منكم واحط فوقه تفاحة وانشن عليها، مين المتطوع؟
محدش رد عليه فقال اسر بخبث:
- انا كنت عارف ان محدش هيرد عليا عشان كده انا هختار عشوائي
وقف قدام اروى وقال بخبث:
- انا اختارت العسكري اروى
اروى بصدمة وخوف: اروى مين اروى انا!
اسر بخبث: وهو في حد غيرك هنا اسمه اروى برضو