رواية احببت قلبآ ليس لي
الفصل السابع والعشرون والثامن والعشرون
بقلم سهيله مصطفي
قصي: لما احنا دفناكي في القبر مين اللي خرجك وطلعتي ازاي يعني مين الشخص اللي ساعدك
نسمة: هتصدق ولا لا
قصي: أكيد هصدق يا ماما أنا بثق فيكي أكتر من نفسي
نسمة:......
قصي: مستحيل
نسمة بضحك: والله زي م بقولك كدا.. أمير هو اللي ساعدني وكان معايا طول الفتره اللي فاتت دي
قصي: طب إزاي؟! ولي مقاليش على كل دا.. لي مقاليش انك لسة عايشة؟!
نسمة: أنا اللي طلبت منه ميقولش لحد وبالعافية أقنعته يخبي عنك... فاكر لما اتخانقت إنت وهو بسبب موضوع نسرين
قصي بتذكر: آه فاكر دا احنا كمان قعدنا فترة مش بنكلم بعض
نسمة: أمير كان عارف كل حاجة وعارف خطة نسرين كلها وإنها كذابة وشغالة لحساب باباها بس هو عمل كدا لأني كنت بعمل كذا عملية الفترة دي وعمل كدا علشان يبقى جنبي من غير إنت م تشك فيه
قصي: طيب لما أشوفك يا أمير الزفت
نسمة بضحك: والله يبني هو مالهوش ذنب هو كان بينفذ كلامي
قصي: خلاص هسامحه علشان خاطرك انتي بس
نسمة: طيب عايزة اتكلم معاك شويه يا قصي
قصي: حاضر يا أمي
_______________________________
في ڤيلا أحمد الهاشمي
كانت فرح تبكي بشدة وتنهر نفسها على ما فعلته لم يكن عليها أن توافق على طلب أمير نعم كان يجب أن ترفض فهذه ليست من طباعها أن تظلم أحد أو تتسبب في أذية أحدهم في قلبه ومشاعره دخلت عليها والدتها
مريم: مالك يبنتي من ساعة م جيتي من برة وانتي قافلة على نفسك الأوضة وبتعيطي احكيلي فيكي اي
فرح بدموع: مفيش حاجة يا ماما دا أنا مخنوقة شوية بس
مريم: لا انتي مبقتيش فرح بتاعت زمان اللي بتضحك وتهزر وتعمل للبيت روح احكيلي في اي يمكن اقدر اساعدك
فرح: مبقاش ينفع يا أمي أنا تعبت والله تعبت ثم ارتمت في حضن والدتها تبكي بشدة أنا مبقاش فيا طاقة أتحمل أكتر من كدا
مريم: الموضوع ليه علاقة بخطوبتك من أمير صح
فرح: لا رد
مريم: قوليلي يبنتي وريحي نفسك وريحيني معاكي
فرح: آه
مريم بتلقائية: مش عايزاه
فرح: لا يا ماما مفيش الكلام دا اي اللي انتي بتقوليه دا
مريم: لا كل حاجة بتقول كدا من يوم خطوبتك وانتي شاردة وزعلانة ودمعتك مش بتفارقك قولت أسيبها هتحكي لوحدها لكن انتي مجيتيش وحكتيلي ف كان لازم اسألك انا
فرح: يا ماما صدقيني مفيش حاجه
مريم:مش بتحبيه صح
فرح بعياط هيستيري:والله حاولت أدي قلبي فرصة حاولت أحبه بس للأسف مقدرتش
مريم:مين
فرح:أمير
مريم:لا أنا قصدي مين السبب اللي مانعك تحبي أمير مين اللي مالك قلبك
فرح: مفيش حد
مريم:فرح قولي وبلاش تتعبيني معاكي
فرح بدموع: ق قصي وقبل م تعاتبيني اني بحب خطيب صاحبتي أنا بحبه من قبلها والله من قبل م دموع تحبه او تفكر فيه أصلا مكنتش اعرف انه بيحبها او هيخطبها حاولت أشيله من قلبي بس والله م قدرت
مريم بهدوء:بصي يا فرح إنتي بنتي وعمري م أتمنى ليكي حاجة وحشة وعمري م هرضالك وجع القلب لو مش عايزة أمير ومش هتقدري تتحملي قولي بس برضو المشكلة هتبقى بعينها قصي خاطب ودا واقع لازم تعيشي فيه
فرح: أنا مش ليا دعوة ب قصي بس أنا مش هظلم أمير معايا وهعتذرله وهقوله إني مش هقدر أكمل لأني فعلا مش قادرة أتحمل أكتر
مريم: وأنا معاكي في أي قرار هتاخديه... أسيبك دلوقتي علشان أتكلم مع باباكي في الموضوع إغسلي وشك وتعالي ورايا
فرح: حاضر
_____________________________
في مكان آخر
آدم: بجد فرحان أوي إن طنط رجعت بالسلامة
حنين بهزار: يبني إنت فاكرها أصلا
آدم: أنا فرحان لفرحتك إنتي... سعادتك بتخلي قلبي من جوا فرحان ودموعك بتحرقني
حنين: بجد والله؟
آدم: يمكن تكوني مش مصدقة بس والله لما بتحصلك حاجة حلوة بكون فرحان أكتر منك انتي شخصيا ولما بتحصلك حاجة تزعل قلبي بيحزن وبكره الدنيا... ضحكتك بتخطف قلبي ودموعك غالية عليا أوي دا إنتي كبرتي قدام عيني حافظك صم لدرجة ممكن أفكرك بحاجات إنتي نفسك مش فاكراها
حنين بفرحة: قول عايزة أسمع منك
آدم: إسم زين اللي كان أول إسم تنطقيه حتى قبل ماما وبابا.... فستانك البنفسجي اللي كنتي بتعشقيه وقاعد عندك لحد دلوقتي.. آيس كريم الفراولة اللي مكنتيش بتروحي الحضانة غير وهو معاكي.. اليوم اللي جيت عندكم ومجتش ليكي حاجة حلوة زي كل مرة بقيتي أسبوع تسيبي كل حاجة أجيبها ليكي ترفضي تاخديها وتسيبيها في مكانك... اليوم اللي وافقتي فيه أكون صديقك لما كنتي متخانقة مع زين وأول م إتصالحتوا نسيتيني خالص وبطلتي تكلميني.. خناقة الولد بتاع الحضانة اللي ضربك وأنا ضربته وبابا حبسني ومنع عني المصروف
حنين بدموع: إنت إزاي فاكر كل التفاصيل دي
آدم بحب: لأني بحبك لا أنا تخطيت مرحلة الحب أنا بقيت بعشقك
حنين بزعل طفولي: بس إنت نسيت إني بعشق الأندومي
آدم بمشاغبة: أنهي أندومي بالظبط
حنين بخجل: والله إنت بارد
آدم: في واحدة في العالم كاتبة خطيبها ع الموبايل أندومي
حنين بضحك: م أنا بحبه
آدم بزعل مزيف: طب وأنا؟!
حنين: م أنا بحبكم إنتو الإتنين
آدم: لا مين الأكتر
حنين: يبني بتعاند في الأندومي
آدم: م من اللي انتي عاملاه فيا يا بنت عمو إبراهيم أسكت أحسن دا بييجي من أي ناحية زي القدر المستعجل
حنين بضحك: طيب هقوله بقا وهخليه يأجل الفرح
آدم: بيتزا وكريب وبيبسي دايت وملاهي لحد بالليل
حنين: آدم تقبل تتجوزني بكرة
آدم: يلا يا أوزعة يا طفسة
________________________________
في ڤيلا الراوي خصوصا في غرفة جنى
جنى: طيب يا ياسين أنا مالي دي ظروف بقا
ياسين: يبنتي عادي والله
جنى: لا مش عادي إزاي عايز تيجي تتقدم وخالتو لسة جاية النهاردة اصبر يومين تلاتة كدا الدنيا مش هتطير
ياسين: لا النهاردة ونخلي الفرحة فرحتين
جنى: وانا مش هوافق عليك
ياسين: جنى إنتي مش عايزاني صح وبتأجلي علشان متقدمش طب م انتي كنتي هتوافقي على العريس اللي جايبهولك قصي قبل م تعرفي إنه أنا إنتي كدا أثبتي إنك رفضاني عموما أنا آسف ومن النهاردة كل واحد في حاله.... ثم أغلق الهاتف
جنى: ياسين استنى.....
________________________________
في ڤيلا الراوي أيضا ولكن هذه المرة في غرفة قصي
قصي: خير يا ماما عايزاني في إي
نسمة: مالك
قصي: مش هكذب وأقولك مفيش لأني فعلا تعبان
نسمة بحنان: مالك يحبيبي
قصي بدموع ووجع: مش قادر أتحمل يا أمي إن البنت اللي حبيتها دلوقتي خطيبة صاحب عمري مش متخيل إنها يوم م هتلبس الفستان الأبيض هيكون هو اللي جنبها دبلته في إيديها والمفروض تكون دبلتي أنا بتخرج معاه هو وتكلمه هو في الموبايل والمفروض أكون أنا مكانه أنا اللي بحبها أنا اللي مستعد أضحي بعمري وروحي علشانها أنا اللي مستعد أحرق الدنيا علشان مشوفش دمعة واحدة منها بس للأسف كل دا مبقيش من حقي أنا بتعذب من غيرها المفروض إني خاطب بس أنا مش مبسوط حاسس إن حزن الدنيا كلها في قلبي أنا من غيرها أموت والله تعبت يا أمي تعبت مش قادر.... أنهى كلامه وارتمى في حضن والدته يبكي بشدة كالطفل الصغير
نسمة: إهدى بس وفهمني كل حاجة لأن فيه كام حاجة مش واضحة بالنسبالي
__حكى لها قصي ما حدث دون أن يخفي حرف واحد
نسمة: بس إزاي دا أنت من صغرك بتحبها إزاي حقدك عليها يوصلك تعمل كل دا إنت كسرتها وصعب أوي إنها تسامحك
قصي: مستعد أعمل أي حاجة علشان تسامحني أي حاجة
نسمة: أولا كدا لازم تفسخ خطوبتك من دموع ومش بقول كدا علشان أنا أم مش كويسة أو كدا لا أنا مش عايزاك تظلمها معاك لأنك مش بتحبها ف هتفسخ خطوبتك بس كدا هتبقى نفس المشكلة لأن فرح مخطوبة
قصي: بس فرح مش بتحب أمير أنا متأكد هي عمرها م حبت حد غيري
نسمة: بس إسمها مخطوبة وأنا عمري م هقدر اروح أقولها افسخي خطوبتك علشان إبني بيحبك فإنت خد الخطوة الأولى وافسخ الخطوبة علشان متظلمش نفسك ودموع أكتر من كدا
قصي: أنا هحارب مرة وعشرة ومليون وفرح مش هتبقى غير ليا ل قصي وبس
_____________________________
في ڤيلا مالك الصياد
كانت جالسة تفكر في حالها مه خطيبها الذي بات لا يطاق أصبحت المكالمات بينهم لا تتخطى الدقائق ، لم يعد يذهب لبيتهم كالمعتاد ترى ماذا حدث؟! فقررت أن تحادثه ليجيبها عن كل تلك الأسئلة إلتقطت هاتفها وطلبت رقمه
قصي: إحم السلام عليكم
دموع: وعليكم السلام ورحمة الله وبركاته
قصي: عاملة إي
دموع: الحمد لله بس عايزة أسألك سؤال
قصي: اتفضلي سامعك
دموع: في إي مبقيتش بتيجي ولو حصل واتكلمنا بيبقى كام دقيقة وبتتهرب مني كل م نتقابل في مكان أنا دماغي هتشت من التفكير
قصي: عايزة إجابة لكل أسئلتك دي
دموع: ياريت
قصي: هستناكي في.........
دموع: تمام مش هتأخر
'_____ في أحد الكافيهات المشهورة
أمير: مالك يبنتي جبتيني على ملى وشي كدا في إي
فرح: معلشبس الموضوع ضروري والله
أمير: ولا يهمك قولي
فرح:.............
أمير: إي!!!!!!!!!!!!
بقلم/سهيلة مصطفى
********************************
"أحببتُ قلباً ليس لي"
# البارت ٢٨
في أحد الكافيهات المشهورة
أمير: مالك يبنتي جبتيني على ملى وشي كدا في إي
فرح: معلش بس الموضوع ضروري والله
أمير: ولا يهمك قولي
فرح:.............
أمير: إي!!!!!!!!!!!!
فرح: أنا آسفة والله بس زي م قولتلك أنا مش هقدر أكمل معاك ياريت بجد تسامحني
أمير: مش حلو ع فكرة
فرح: مين اللي مش حلو
أمير: هزارك مش حلو خالص وبايخ جدا سامحيني في اللفظ
فرح: أمير والله أنا مش بهزر أنا جاية النهاردة علشان أنهي كل حاجة بينا وآسفة ليك جدا مع إن أسفي مش هيعمل حاجة بس غصب عني والله
أمير بوجع: لي؟!
فرح: مش هقدر أقولك السبب بس والله لازم ننفصل علشانك قبل م يكون علشاني
أمير: حرام عليكي والله دا أنا سألتك قبل م أتقدم علشان لو فيه أي رفض من ناحيتك متعبش نفسي واجيلكم البيت سألتك كذا مرة علشان متجيش بعد الخطوبة وتطلبي الطلب دا.. دا احنا لسة خطوبتنا مكملتش أسبوع ملحقتش أفرح زي أي شاب مش عارف عملت إي أنا وحش علشان الدنيا تعمل معايا كدا
فرح: والله العظيم آسفة وأي كلام هتقوله حقك بس دا علشان مش أظلمك معايا وأقول ياريتني أخدت الخطوة من بدري
أمير: علشان بتحبيه هو مش أنا صح
فرح: أمير بليز مش لازم نحكي في الموضوع دا وبعدين مين هو أصلا اللي بتتكلم عنه
أمير: قصي يا فرح ولا مفكرة إني مش واخد بالي كنت بشوف نظرتك ليه اللي كلها شغف وحب وأقول يمكن بيتهيألي.. كنت شايف لهفتك عليه وخوفك لما اتأخر يوم الخطوبة بتاعتنا.. عيونك مكنتش بتتشال من عليه وكنت بكذب نفسي وأقول أكيد مش هتحب خطيب صاحبة عمرها بس طلعتي بتحبيه عادي أهو وهتبعدي عني علشانه
فرح بعصبية: أيوة فعلا بحب قصي و هبعد عنك بس مش علشانه هو علشانك انت علشان مرضاش عليك اني اكون مراتك وبفكر في واحد تاني اللي هو صاحبك علشان مخليش حياتك كلها حزن لأني مش عايزاك علشان مش أخليك تتعلق بيا ع الفاضي ومصيري هاجي في يوم واقولك طلقني أنا مش قادرة أكمل معاك.. أنا عارفة إن كلامي قاسي وصعب عليك بس دي الحقيقة ولأني بعزك ك أخ ليا كان لازم أعمل كدا أنا من يوم م اتخطبت ليك ومن قبلها كمان عمري م شوفت منك غير كل خير ف علشان كدا عايزة أنهي كل حاجة بمودة برضو مش بالكره عايزة بعد فسخ خطوبتنا تفضل أخويا وصديقي صدقني أنا بحترمك جدا وبقدرك والله بس قلبي ومشاعري مش بإيدي إتفضل دي شبكتك تستاهلها واحدة غيري واحدة تستاهل قلبك وحبك وتبادلك نفس المشاعر... بعد إذنك ثم إلتفت لتغادر فأتاها صوته
أمير: لتاني مرة يبدو أنني "أحببتُ قلباً ليس لي"
(كانت هذه نهاية علاقة لم تبدأ بعد)
__________________________________
في مكان آخر
قصي: السلام عليكم ورحمة الله وبركاته
دموع بقلق: وعليكم السلام ورحمة الله وبركاته
قصي: معلش اتأخرت عليكي بس والله غصب عني كان الطريق زحمة ع الآخر
دموع: ولا يهمك ممكن بقا تفسرلي كل حاجة بتحصل
قصي: تسيبيني أحكي للآخر وبعد كدا اتكلمي
دموع: تمام
قصي: من غير م انتي تكلميني أنا كنت هرن عليكي ونتقابل نفس المقابلة دي بس انتي سبقتيني.. أنا آسف في اللي هعمله وأقوله بس دا قرار أخدته بعد تفكير عميق وفكرت في كذا طرف مش أنا وإنتي بس لو معملتش كدا كان هيكون فيه مشاكل كبيرة في المستقبل
دموع: قصي إنت قلقتني قولي فيه إي
قصي: إحنا لازم نسيب بعض وقبل م تقوليلي نكتة بايخة ومش عارف إي لا والله مش هزار ولا نكتة أنا بتكلم بجد إحنا لازم ننفصل علشانك قبل م يكون علشاني أنا ظلمت حد قبل كدا وبتعاقب على ظلمي ليه لحد دلوقتي ف مش هكرر نفس الغلط وأظلمك إنتي.. أنا مش هنكر إني كنت معجب بيكي أول م خطبتك لكن قلوبنا مش بإيدينا معرفش إزاي وإمتا كل حاجة إتغيرت بس والله العظيم إنتي غالية عليا جدا وزيك زي حنين وعلشان كدا مش هرضى تتجوزي واحد قلبه وعقله مع واحدة تاني ياريت تسامحيني
دموع: فرح صح
قصي: هي مالهاش ذنب في حاجة والله العظيم م عرفت إني بحبها غير يوم خطوبتها بأمير وعلشان مكونش كذاب طلبت منها تلغي خطوبتها بأمير وأنا هروح وأتكلم مع الكل بس هي رفضت علشانك انتي وأمير قالتلي انها مش هتوجع قلب صاحبتها ووافقت إنها تتخطب لواحد مش بتحبه علشان متوجعش قلب حد وقبل م تتهميها إنها كانت بتحبني مع إني خطيب صاحبتها والله هي بتحبني من زمان وأنا كنت عارف بس هي متعرفش اني عارف وفضلت ساكتة ساكتة ومرضيتش تتكلم ولا تقولي على مشاعرها أنا في الوقت دا مش عارف كان مالي بدأت أحقد عليها وأغير منها كل الناس بتحبها لما بتكون في مكان بيبقى ليه روح وبهجة كدا وأول م تغيب كله يزعل عليها كنت بعاملها كويس قدام الناس أما بيني وبينها مكنتش بتشوف مني غير الحقد والكره مع اني كنت عارف انها بتحبني.. اتحملت مني كتير وفضلت ساكتة على أمل إني أتغير وأكون كويس لحد م جت في بالي فكرة إني أخطبك منها أنا كنت معجب بشخصيتك يعني هادية وكدا ومنها أكسر قلب فرح بس مش عارف إمتا وإزاي حبيتها وكل حاجة اتبدلت في لمح البصر عارف إن كلامي قاسي ويوجع بس كان لازم احكيلك كل حاجة علشان مندمش بعدين ولا انتي تندمي أنا آسف وحقك عليا بس كان لازم أعمل كدا علشانك وعلشاني وعلشانها
دموع: مش عارفة بجد أصرخ ولا أعيط ولا أفرح زعلانة إن الشخص اللي حبيته طلع مش بيحبني وبيطلب مني ننفصل ومقهورة إنه طلع بيحب صاحبة عمري اللي مستعدة أفديها بروحي ولا أفرح لإن ربنا أنقذني من عذاب الحب من طرف واحد كل شئ قسمة ونصيب وهبقى كدابة لو قولتلك اني تمام والموضوع هيعدي كدا لا أنا هتعب كتير وهتعذب علشان أنساك هعيط وهصرخ علشان أطلعك من قلبي بس هيبقى أخف من عذاب انك تكون جوزي ومش طايقني إتفضل دي دبلتك وإنت هتفضل أخويا عارف إي اللي واجعني إني"أحببتُ قلباً ليس لي"
ثم تركت المكان وغادرت وبداخلها تود لو أنها تصرخ صرخة تهتز لها الجبال وتتقطع لها القلوب البشرية صرخة عنيفة تأكل الأخضر واليابس
_____________________&&____________
وصلت فرح إلى منزلها وهي تشعر وكأن جبل أزيح من على صدرها وجعلها تتنفس مجددا...
مريم: ها يبنتي عملتي إي دا أنا قلقانة عليكي من ساعة م مشيتي
فرح: حكيت لأمير كل حاجة وإعتذرت ليه وهو أخد حاجته وكل واحد راح لحاله
أحمد: طيب وإنتي هتعملي إي دلوقتي
فرح: هسافر إن شاء الله
ياسين: هتسافري فين وإمتحاناتك خلاص
فرح: هسافر أمريكا أنزل كام شهر تدريب في شركتنا اللي هناك والإمتحانات بابا يتكلم مع عميد الكلية يوافق أمتحن أونلاين
أحمد: فرح إنتي متأكدة من اللي بتعمليه دا
فرح: بابا أنا طول عمري طموحة ونفسي أفتح شركتي الخاصة وأنجح وإسمي يكون معروف بعيدا عن أي حاجة واجهتني هتغلب على الصعب وهسافر وهنجح ومش هرجع مصر غير وأنا ناجحة ورافعة راسكم
مريم: إنتي مفكرة إني هوافق يعني
فرح: ماما بليز إلا المرة دي سبيني أعالج نفسي بنفسي وأعمل لنفسي كياني الخاص أنا إن فضلت هنا مش هقدم خطوة لازم أبعد لازم
مريم: اللي يريحك يا فرح إعمليه
فرح محاولة تلطيف الجو: طيب يلا بقا اعمليلي أكل دا أنا هموت من الجوع
_______________________&&___________
كانت تسير ببطئ فقدميها لم تعد تتحملها دموعها تهبط بشدة وكأنها مطر محبوس في السماء منذ زمن وجدت مقعدا على شاطئ البحر فجلست تبكي بشدة أتاها صوت من الخلف: إتفضلي يا آنسة
مدت يدها وإلتقطت المنديل الورقي من هذا الشخص الذي لا تعرفه أو هكذا إعتقدت
جلس هو على مقربة منها ولف وجهه ناحيتها
# إي دا آنسة دموع
دموع: أستاذ أمير
أمير: مالك بتعيطي لي كدا في حاجة حصلت
دموع: ع فكرة باين على عيونك انك معيط برضو
أمير بسخرية: لا دي دموع الوداع أصل خطيبتي النهاردة ادتني الشبكة واعتذرتلي انها مش هتقدر تكمل معايا
دموع بسخرية هي الأخرى: يا محاسن الصدف لسة خطيبي دلوقتي اعتذرلي إنه مش هيقدر يكمل معايا وأخد شبكته وكل حاجته
أمير: إحنا الاتنين تنطبق علينا مقولة"أحببتُ قلباً ليس لي"
دموع: وجع قلب صح
أمير بوجع: أوووي أوووووي طيب بمناسبة وجع القلب دا تعالي اعزمك على الغدا
دموع: تمام يلا