رواية مراتي طفله مجنونه
الفصل الثاني2
بقلم ايه الموافي
جود مورنينج على احلى فولورز في الدنيا، اذيكم يا بنات، انا كنت هعمل لايف ماذا يوجد في شنطة لهفة بس لقيت حاجة صدمتني اوي، الراجل اللي انتوا شوفتوه نايم جنبي ده انا معرفوش، اقترحوا عليا اعمل ايه
صحى كريم وقال بإستغراب:
- انتي بتعملي ايه؟
لهفة: انا بوريك للفولورز بتوعي عشان يقترحوا عليا اعمل فيك ايه
بصلها بصدمة وهي قالت:
- ام مريم بتقترح عليا اني اسلمك للبوليس، ومنونة بتقولي اني حرام احبسك عشان خسارة فيك الحبس، والله يا منونة هو الواد فعلا حلو وكل حاجة بس انا معرفش لحد دلوقتي هو مجرم ولا حرامي ولا ايه
كشرت لهفة وقالت: جالي كومنت دلوقتي من ام چنا وبتقولي واحنا ايه اللي عرفنا انك مش متفقة معاه عشان تزودي الريتش، والله يا ام چنا الحركات القرعة دي مش انا اللي بعملها، بطلي صفار وغيره مني بقى، بلووك
شد كريم الموبايل منها بسرعة وقال: انتي مجنونة انتي بتعملي ايه وازاى تصوريني وانا نايم كده
لهفة: وفيها ايه يعني لما اصورك وانت نايم مش فاهمة، انت محسسني انك بنت، وكمان ده يكفي اني هعمل شهرة ليك، وبعدين اوعى تفتكر اني بقتحم خصوصيتك وكده
رفع حاجبه وقال: لا والله، اومال اللي انتي بتعمليه ده ايه
لهفة: راجع نفسك يا استاذ وشوف مين فينا اللي بيقتحكم خصوصية مين، انت بتعمل ايه في بيتي اصلا
كريم: بقولك ايه سيبيني انام ولما اقوم هبقى اشوف الموضوع ده حاضر
لهفة: على فكرة يا بتاع انت، انا عارفة انت اقتحمت شقتي ليه
كريم: ليه يا ام المفهومية؟
لهفة بغرور: عشان انا لهفة الحلواني وليا معجبين كتيرة في كل حتة
كريم بغيظ: لا ما انتي مش كل شوية هتمسكي في شخصية وتطلعي عين اللي جابوبني انا، الله يسامحك يا جدي انت اللي عملت فيا كده ويفشفش الطوبة اللي تحت راسك امين يارب
لهفة: انا لازم وانا بسلمك للبوليس افتح لايف، انت متعرفش الفولورز بتوعي هيزيدوا قد ايه
كريم بسخرية: وهتقولي ايه بقى للبوليس، لقيت جوزي نايم في الشقة بتاعته
لهفة بعصبية: جوز مين يا بابا، وشقة ايه اللي بتاعتك دي شقتي انا
برقت بإعجاب وقالت: تصدق فكرة، انت عبقري
كريم بغرور: انا طول عمري عبقري ايه الجديد
فتحت لهفة الموبايل بتاعتها على اللايف وقالت:
- سوري اتأخرت عليكم، انا عملالكم حتت مفاجأة انما ايه، ما تبتسم يا استاذ مش كده
ابتسم كريم بإرتباك ولهفة قالت:
- طبعا زي ما انتوا عارفين انا ممثلة موهوبة جدا، مش بس موهوبة انا فنانة شاملة
كريم بملل: ما تنجزي، ايه الرغي ده كله انتي محسساني ان في حد بيتابعك اصلا
لهفة: بس يا اعداء النجاح، سلمومة بتقول ايه هي الفكرة، انا هقولك يا سلومة، علشان خاطركم انتوا انا هعمل اسكيتشات تمثيل بسيطة انا والاستاذ ده
كريم بصدمة: انتي والاستاذ مين
لهفة: انت
كريم: انا لايمكن اعمل كده ابدا حتى لو على جثتي
لهفة بتهديد وصوت واطي:
- لو موافقتش انا هقول انك حرامي وهخليهم يبلغوا البوليس، انت تحمد ربنا اصلا اني مصرختش ولميت عليك الناس
جز كريم على سنانه وقال بصوت واطي:
- نحل بس المشكلة اللي انتي هببتيها دي وصدقيني لما الدكتور يلاقي علاج هطلعه عليكي حي ني
لهفة: انت بتقول حاجة
كريم بغيظ: موافق
بصت لهفة للموبايل وقالت بإبتسامة:
- باى باى يا احلى فولورز في الدنيا
قفلت لهفة اللايف وقالت:
- انت اسمك ايه يا اخ انت
كريم بغيظ: اسمي زفت كريم
لهفة: طب يلا يا زفت البس هدومك عشان عندنا مشوار مهم
كريم بغيظ: اطلعي بره عما اتنيل البس
خرجت لهفة بره وكريم قال بغيظ:
- مينفعش ارميها في الماية واقولهم اني معرفش هي راحت فين، بس دي بومة هترجعلي تاني انا عارف
لبس هدومه وهو بيشتمها وخرج بره، كريم بغيظ:
- اديني اتنيلت ولبست اهو هنتيل نروح فين
لهفة: هدي اعصابك يا استاذ زفت على الصبح مش كده
كريم وهو بيجز على سنانه:
- انا اسمي كريم مسميش زفت
لهفة: مش انت اللي قولت ان اسمك زفت
كريم بغيظ: يلا نخرج من هنا عشان انا مجنون ومش عايز اعمل حاجة اندم عليها
لهفة: انت اللي معطلني على فكرة
خرجت بره بغرور وهو قال: يارب صبرني عليها عشان مفعصهاش في ايدي
افتكر امبارح فقال وهو بيحط ايده على راسه:
- على الاقل احسن من حشمت الدكر ده
خرج بره وركبوا العربية بتاعته، كريم:
- انا لحد دلوقتي مش عارف احنا هنروح فين
ادتله لهفة الموبايل وقالت:
- روح على اللوكيشن اللي موجود هنا
شاف كريم العنوان وساق العربية وراحوا هناك
نزلوا من العربية ولقى واحد قاعد على كرسي في الشارع، جرت لهفة عليه وقالت:
- ازيك يا استاذ عصعص
كريم بضحك: عصعص!
عصعص: في حاجة يا فنان ولا ايه؟
كريم: احم، لا مفيش
ميل كريم على لهفة وقال في ودنها:
- وده مين الاخ ده كمان؟
لهفة: ده الاستاذ عصعص اشطر مخرج جابته مصر
كريم بذهول: عصعص، انتي متأكدة
عصعص: انت مش عارفني ولا ايه
كريم: لا والله يا استاذ عصعص، اللي ميعرفك يجهلك
عصعص: يلا بقى يا لهفة عشان نبدأ
لهفة: انا جاهزة يا استاذ عصعص
نده عصعص على رجالته فاجوا، كريم بإستغراب وهو شايف تلاته قدامه:
- في ايه؟
لهفة: احنا هنمثل اني ماشية في الشارع وانت هتحاول تسرق الشنطة مني وهما هينقذوني
كريم: ينقذوكي ازاى اوعى يكون في ضرب
عصعص: عيب عليك يا فنان احنا مش بتوع الكلام ده برضو، هما هيمثلوا ان هما بيضربوك
كريم: اذا كان كده ماشي، خلينا نشوف اخرتها
وجه عصص الكاميرا ليهم وقال: يلا هنبدأ، تري تو وان اند اكشن
مشت لهفة في الشارع وهي ماسكة شنطتها، وقف كريم قدامها مرة واحدة وقال:
- بصي كده وراكي
بصت لهفة وراها وكريم شد منها الشنطة، لهفة بصريخ:
- الحقوني يا جماعة حرامي
كريم: ههه، صرخي براحتك مفيش حد في الشارع
حط واحد ايده على كتفه فقال كريم:
- في حاجة يا اخ
مكملش كريم كلامه لانه اخد بوكس جامد وقعه على الارض، كريم بصدمة ووجع:
- انت بتعمل ايه انت اتجننت
اجى الرجلين التانين وقالوا: في حاجة يا كبير ولا ايه؟
سيد: الراجل ده حاول يسرق الانسة دي
راجل منهم: على الصبح كده، لا حول ولا قوة الا بالله، ولاد الحرام مسابوش لولاد الحرام حاجة
الراجل التاني: احنا هنسيبه كده من غير ما نروقوه
الراجل الاول: لا طبعا ودي تيجي، احنا لازم نعرفه غلطه
كريم بخوف وهو لسة على الارض:
- تروقوني ازاى يعني، لا حاكم بقولكم ايه ميغركومش اني واد معصعص انا عندي عضلات بس عضلاتي بتنمو لجوه فخلي بالكم ها
مسكوه والراجل الاول ضربه بالبوكس في بطنه، كريم بوجع:
- ااه، بالراحة يا جحش انت
لهفة: ايوه كده روقوه
كريم بوجع وغيظ: اه ما انتي مش خسرانة حاجة
ضربه الراجل التاني بوكس في عينه فقال كريم:
- لاااا كده كتير، انتوا ايه معندكوش اخوات ولاد
سيد: عشان تبقى تعرف ان اللي بيسرق بيروح النار
كريم بسخرية: تصدق اول مرة اعرف
سيد: انت بتتريق، طب خد
ضربه سيد بالبوكس في بوقه فاترمى كريم على الارض بتعب، عصعص:
- كاات، هايل يا فنان
لهفة: ادائك رائع يا استاذ كريم، يلا قوم بقى
مردش كريم عليهم فقالت لهفة بخوف:
- هو مات ولا ايه؟
عصعص: استني كده
حط ايده تحت مناخيره فقال:
- لا بيتنفس الحمد لله
لهفة: الحمد لله
كملت بحماس: هتديني مقطع الفيديو امتى؟
عصعص: انهاردة يا فنانة هبعتهولك على الواتس
لهفة بإبتسامة: تسلم يا استاذ عصعص ربنا يبارلك يارب
وطت لهفة لكريم وقالت وهي بتهزه:
- قوم بقى وبطل افورة عايزة اروح
مردش عليها فقال سيد:
- افوقهولك انا
قام كريم بصدمة وقال: لااا
عصعص: حمدلله على السلامة
كريم بعصبية: انتوا مث قولتوا انه تمثيل يا ثفت انت
لهفة: ايه ده هو انت بتتكلم كده ليه؟
كريم بغيظ: اثل بعد عنك واخد بوكث في ثناني
عصعص: الانسة لهفة قالت ان الضرب يبقى بجد عشان التمثيل يبقى واقعي
كريم بعصبية: ليه يا غدارة يا مفترية
لهفة: اهدى يا استاذ كريم
كريم بعصبية: اهدى ايه، اثتفادتي انتي ايه دلوقتي
لهفة: مهو يعني يا استاذ كريم اعذرني برضو، انا معرفش ادائك التمثيلي عامل ازاى فخوفت ليكون تمثيلك وحش وانا فنانة ولازم كل حاجة تبقى مظبوطة
كريم: اتنيلي هو انتي في حد يعرفك
لهفة: هنعمل ايه بقى ما انت جاهل
كريم بغيظ: قدامي على العربية عشان مرتكبث فيكي جناية
لهفة: انا كنت راحة على فكرة
ركبت لهفة العربية وكريم قال بوجع:
- ااه ياني يا اما، انتي فين يا حبيبتي عشان تلحقيني من اللي انا فيه
لهفة: ممكن تسكت بقى عشان انا هعمل لايف
ساق كريم العربية وقال ببرطمة:
- اللهي يارب الاقيها لابثة في عامود نور في وثها ومنعرفث مكان عيونها من مناخيرها
لهفة: بتقول حاجة يا استاذ كريم
كريم: مبتنيلش مبقولش
طلعوا على فوق وكريم قال بوجع: عيني بتوجعني اوي
لهفة: استنى
جابت كيس تلج وحطته على عينه فقال بسخرية:
- ودي هتعمل ايه ديه؟
لهفة: اهو اى حاجة مش احسن من مفيش
رمى كريم التلج وقال: انا داخل انام، مش عايز اسمع اى صوت مفهوم
لهفة: وتنام ولا تتنيل انا مالي
مردش عليها كريم لانه مش قادر حتى يفتح عينه واترمى على السرير ونام وكإنه منامش بقاله فترة كبيرة اوي
• بعد اربع ساعات
قام كريم من النوم ومسك موبايله عشان يلعب فيه شوية بس اتصدم لما لقى الفيديو بتاعه منشور وناس كتير شافته، انتفض من على السرير وقال بزعيق وعصبية:
- ليلى قصدي لهفااااه
جت لهفة على صوت زعيقه وقالت بخوف:
- في ايه يا استاذ كريم مالك
كريم بعصبية: انتي نشرتي الفيديو
لهفة بإبتسامة: اه، ايه رأيك يا استاذ كريم، طبعا انا عارفة انك عايز تشكرني عشان شهرتك بس احنا دلوقتي زملا مفيش بينا الكلام ده
كريم بعصبية: اشكرك ايه، ده انا هخرب بيتك
لهفة: طب ليه الغلط ده يا استاذ كريم
كريم: غلط! هو انتي لسة شوفتي غلط
جرى كريم وراها وقال:
- بقى انا على اخر الزمن يحصل فيا كل ده
لهفة وهي بتجري: انت ايه اللي مزعلك بس يا استاذ كريم، اهدى مش كده عشان صحتك
كريم: ههي ما خلاص صحة ايه بقى وانا متشفلط قدامك كده
لهفة: على فكرة يا استاذ كريم ده مش اسلوب راقي ابدا
كريم بغيظ: مش اسلوب راقي ها، طب تعالي بقى
فضل يجري وراها لحد ما دخلت الاوضة وقفلت الباب جامد، كريم بعصبية:
- تعالي هنا
لهفة: لا طبعا مش خارجة هو انا مجنونة
كريم بعصبية: بقولك تعالي
لهفة: ريح نفسك يا استاذ قولتلك مش خارجة
فضل كريم رايح جاى في الصالة وهو بيقول:
- بقى دي اخرتها يا كريم، كل الناس تشوفك كده وانت بتضرِب، لااه لو الموضوع ده استمر كتير انا هيجرالي حاجة، الله يخربيتك يا ليلى ويخربيت طفاستك اللي ودتنا في داهية، ده حتى البرشام معتقتهوش وبلبعتيه من غير ما تبصي عليه الله يحرقك يا ليلى ويسامحك يا جدي على البلوة اللي بلتهالي دي
دخل كريم الاوضة وطلع موبايله ورن على الدكتور، رد عليه فقال كريم:
- ها عرفت تعمل حاجة
الدكتور: لا طبعا هو انا لحقت
كريم: مش انا اديتلك الدوا امبارح بليل
الدكتور: مستحيل انا وفريقي نوصل لاى حاجة دلوقتي، بقولك العقار ده جديد ولسة منعرفش تأثيره عامل ازاى على الانسان العادي مش على المنفصم
كريم بلطم: حسبي الله ونعم الوكيل، اشوف فيكي يوم يا ليلى، طب انجز عشان خاطري يا دكتور انت متعرفش انا متبهدل ازاى
الدكتور: حاضر متقلقش، انا هكثف كل مجهوداتي عشان ارجع ليلى زي ما كانت
قفل كريم معاه وقال وهو بيتنهد: طب وبعدين هعمل ايه في المصيبة دي
شم كريم ريحة غريبة فقال:
- ده ايه الريحة دي؟
وسع عيونه بصدمة لما استوعب ان ده ريحة حريقة فجرى بسرعة على بره وهو بيقول:
- اقسم بالله يا ليلى لو اللي في بالي صح لكون مخلص عليكي
شهق بصدمة لما لقى دخان كتير بيطلع من المطبخ فقال:
- نهار اسود
خرجت لهفة من المطبخ وهي بتكح وشعرها متبهدل خالص فقال كريم بصدمة:
- ايه اللي حصل ده
لهفة: الحمد لله يا استاذ كريم قدر ولطف انا سليمة
كريم: ما تولعي انتي ايه اللي حصل في المطبخ
لهفة بقرف: اخص، مش اخلاق فنانين دي يا استاذ كريم
دخل كريم المطبخ بسرعة واتصدم لما لقى كل حاجة محروقة، خرج بره وقال بصدمة وهو بيحاول ميجبهاش من رقبتها:
- ابوس ايدك قوليلي ان ده حلم، لا حلم ايه قوليلي ان ده كابوس
لهفة: هو للاسف يا استاذ كريم ده مش حلم ولا كابوس ده واقع
حط كريم ايده على قلبه وقال: ااه قلبي
لهفة: ايه الدراما دي كلها، مكنش مطبخ اتحرق يعني وبعدين ايه اللي مزعلك مش فاهمة ده المطبخ ده بتاعي والشقة شقتي واعمل اللي انا عايزاه، وكمان انت محسسني اني حرقته بمزاجي ده انا كنت بحاول اعمل طبخة للفولورز بتوعي بس المطبخ اتحرق
كريم: اتشهدي على روحك يا ليلى
لهفة بخوف: اتشاهد على روحي ليه وكمان مين ليلى دي
كريم: انت لسة هتسألي، ده انا هريح الاتنين تلاتة اللي بيتابعوكي دول منك
جرت لهفة وقالت بخوف: استهدى بالله يا استاذ كريم ومتتهورش
كريم وهو بيجري وراها: ده انا بحب التهور، بموت فييه، تعالي هنا، انتي عارفة المطبخ ده انا عملته بكام، انا خلاص معدتش يهمنى حاجة غير اني اخلص عليكي واخلص البشرية كلها منك
لهفة بخوف: انا مش ههون عليك انا عارفة
كريم: لا هتهوني يا حلوة
حطت لهفة ايدها على دماغها بوجع واغمى عليها، كريم بعصبية:
-لا فوقي انا عايز افش غلي فيكي
شد في شعره وقال بصياح: المطبخ ااه، ده انا دافع عليه كل اللي حيلتي
بصلها بغيظ وشالها من على الارض ورماها على السري