رواية حب في مهمة رسمية
الفصل الثاني2
بقلم ايه الموافي
قام حاتم من على الارض وبصلها وهي ودت وشها الناحية التانية بإحراج، حاتم بغيظ:
- عاجبك اللي عملتيه ده
ليان بتوتر: مكنش قصدي
حاتم بغيظ: اعمل فيكي ايه يا شيخة
ليان بإرتباك: هدي نفسك يا باشا احنا لسة في البدايات
حاتم بغيظ: مهو اللي غايظني اننا لسة في البداية
اجى العساكر المستجدين فقال الظابط غسان:
- انتباه
كلهم في نفس الوقت: تمام يا فندم
غسان: قبل اى حاجة احنا هنعرفكم بعض الاساليب البسيطة للدفاع عن النفس كتحفيز قبل التدريب عشان تعرفوا النظام ماشي ازاى
اسر: ركزوا عشان احنا هنطبق عملي دلوقتي، العسكري اروى تتقدم للامام
اروى بتوتر: انت تقصدني اني
اسر ببرود: وهو في واحدة تانية هنا اسمها اروى؟
اروى: لا
اسر بحدة: تقدمي للامام
طلعت اروى لقدام بسرعة وهي حاسة بالخوف، اسر:
- اديني بالبوكس
اروى بصدمة: ايه؟
اسر: بقولك اديني بالبوكس
اروى بتوتر: لا طبعا يا باشا ميصحش
اسر بحدة: نفذ الاوامر يا عسكري
كانت اروى هتديله بالبوكس بس هو مسك دراعها وشقلبها على الارض، اروى بصدمة:
- ايه دا ايه اللي حصل!!
ليان بصدمة: انتي عندك حق، شكلنا كده فعلا هنشوف ايام سودة
كيان بخوف: الحقي الظابط لؤي بيبص على بتول، هو ناوي يعمل فيها زي ما اتعمل في اروى ولا ايه؟
ليان بتوتر: ربنا يستر
اسر: زي ما انتوا شايفين كده لما عي حاولت تديني بالبوكس انا صديت اللكمة ومسكت دراعها ووقعتها على الارض
اروى بسخرية: وقعتني ايه ده انت شقلبتني
اسر ببرود: انتي هتفضلي على الارض كده كتير؟
اروى بضيق: لا قايمة اهو
قامت اروى من على الارض ولؤي قال وهو شايف بتول بتبص على ضوفرها:
- العسكري بتول تتقدم
بتول بشهقة: انا!! ليه
لؤي بسخرية: هيكون ليه يعني
بتول بتوتر: واشمعنا انا ما عندك كيان وليان اهم
ليان بغيظ: اه يا واطية
لؤي ببرود: وانا قولت بتول، اتقدمي يلا
اتقدمت بتول وقالت بخوف:
- وحياة ابوك يا باشا بالراحة عليا ومتشقلبنيش زي ما اروى اتشقلبت عشان انا ضعيفة بعيد عنك ومستحملش الحاجات دي
لؤي بخبث: بس كده، عيوني
بتول بتوتر: انا مش مطمنة لنظراتك دي يا باشا
لؤي بجمود: قربي
بتول بتوتر: ليه
لؤي وهو بيجز على سنانه: انتي مش هنا عشان تسألي انتي هنا عشان تفذي وبس
قربت بتول منه بخوف وهو قال بصوت عالي:
- في طريقة تانية يا شباب للدفاع عن النفس وهي اننا نمسك طرف الايد زي ما انا عملت كده ونلفها بسرعة ورا ضهرها بالطريقة دي عشان العدو يتلوى كده زي ما العسكري بتول بتتلوى
بتول بوجع: خف ايدك شوية يا باشا
سابها لؤي وهي مسكت دراعها وقالت بغيظ:
- ليه الغباء ده
لؤي بحدة: انتي قولتي ايه؟
بتول بتوتر: انا مقولتش حاجة
لؤي ببرود: ارجعي مكانك يا عسكري
رجعت بتول مكانها وكيان قالت: احسن تستاهلي
بتول بغيظ: انتي شمتانة فيا يا كيان
ليان: وانا كمان شمتانة فيكي
بتول بغيظ: شمتانين فيا ليه
كيان بغيظ: بقى يا نادلة بتقوليله عندك كيان وليان
بتول بتوتر: اعمل ايه يعني اسيبه ياخدني؟
ليان بغيظ: لا ياخدنا احنا صح
كانت لسة بتول هتتكلم بس الظابط حاتم قال:
- ممنوع الكلام الجانبي
سكتوا بسرعة وغسان قال:
- في البداية كده انتوا لازم تبقوا عارفين يعني ايه تضحية، احنا مهمتنا كشباب مصر نحميها ونحمي اراضيها لحد اخر ذرة فينا، انتوا لازم تفهموا ان في اى وقت لازم تكونوا مستعدين للتضحية عشان مصر حتى لو ده كلف حياتكم
اروى بهمس: ايه الكلام اللي يخوف ده
كيان: اسكتي ليشوفونا ونتهزق كلنا
سكتت اروى وحازم قال:
- يلا نبتدي التمارين الرياضية
فضلوا كلهم يعملوا تمارين البطن لحد ما ناموا على الارض من كتر التعب، غسان بصوت عالي:
- واصل التمرين منك ليها
العسكري محمد بتعب: هو التمرين ده هيخلص امتي؟
كيان بتعب: اه ياريت نعرف
غسان بحدة: امنع الكلام منك ليها خالص وواصلوا التمارين يلا يإما هتتعرضو للعقاب الشديد
اول ما سمعوا كلمة عقاب رجعوا تاني للتمرين وهما بيشتموا في سرهم، بص اسر في ساعته وقال:
- الوقت انتهى
قاموا كلهم من على الارض وهما بياخدوا نفَسهم بصعوبة، الظابط لؤي:
- ميعاد الفطار جه
ابتسموا كلهم وبتول قالت: اخيرا
اسر: مدة الفطار هتبقى عشر دقايق
اروى بصدمة: عشر دقايق ايه؟ اوعى تقولي ان الاستراحة عمتا عشر دقايق
اسر بحدة: فين الرسميات يا عسكري هو ايه اللى اوعى تقولي دي!
اروى بخوف: احم، لمؤاخذة يا باشا
راحوا كلهم عشان يفطروا ماعدا الظباط، لؤي:
- تقريبا احنا ارصنا على البنات شوية
حاتم بضحك: شوية ايه يا عم دول كانوا بيموتوا
غسان بشماتة: احسن يستاهلوا
اسر: هو احنا مش المفروض نعزلعم عن باقي العساكر؟
لؤي بإستغراب: نعزلهم ليه هو عندهم مرض معدي ولا ايه؟
اسر: مش ده قصدي، قصدي يعني ان هما اربع بنات بس والباقي كله شباب، مش خطر عليهم شوية؟
غسان: خطر ايه يا عم احنا في جيش ومعسكر والدنيا امان، محدش يستجر يعملهم حاجة
حاتم: بس تصدق يا اسر انت عندك حق
غسان: حتى انت
حاتم: هو انا عارف ان مينفعش نعزلهم وعارف ان الشباب مش هتستجر تعملهم حاجة بس احنا لازم نحطهم تحت عنينا تحسبا لاى حاجة
لؤي: حلو الحل ده، اصل بنات كتيرة اوي كانت قدمت بس لما دخلنا في الجد انسحبوا ومفضلش غيرهم ده غير ان كان في بنات غير مؤهلة للجيش ابدا وتدريباته
غسان: حيث كده بقى تعالوا نبص عليهم وهما متجمعين مع بعض وبيفطروا
حاتم: يلا
راحوا كلهم هناك واتصدم اسر جدا لما لقى اروى بتضحك مع عسكري زميلها، راح ناحيتها وحاتم قال بإستغراب:
- هو رايح فين؟
غسان بإستغراب: علمي علمك
وقف اسر قدامهم وقال وهو بيجز على سنانه:
- ما تضحكوني معاكم
وقف العسكري علي بتوتر وقال:
- حضرتك عايز حاجة يا فندم؟
اسر ببرود: اعد
علي: ايه
اعد اسر جنب اروى اللي حاسة بالتوتر وقال ببرود:
- لو عايز تمشي امشي
علي بتوتر: لا طبعا يا باشا امشي ايه ودي تيجي
اعد علي بتوتر وكيان قالت بهمس:
- ماله ده
بتول بإستغراب: مش فاهمة قصدك
كيان: هو اجى كده مرة واحدة وكإنه طب علينا
بتول: انا برضو مستغربة
لؤي بإستغراب:
- هو اعد معاهم ليه؟
حاتم: تعالا اما نروح نشوف
راحوا هناك واعدوا جنب اسر وكلهم بصوا لبعض بإستغراب، اسر ببرود:
- انت مش قاعد مع ترابيزة الرجالة ليه؟
علي بتوتر: كنت عايز اعد مع اروى شوية
رفع اسر حاجبه وقال: نعم
اروى بتوتر: اصل هو طلع قريبي من بعيد
اسر: انا ميهمنيش ده، ممنوع تخطلتوا ببعض فهمتوا
ليان: قصدك ايه بمنختلطش ببعض
حاتم ببرود: اظن قصده واضح، يعني ممنوع تتكلموا مع الشباب او تحتكوا بيهم ابدا ولا هما يحاولوا يكلموكي
بتول: وده ليه ان شاء الله؟
لؤي: لو انتي مش واخدة بالك المعسكر كله شباب ورجالة ما عدا انتوا فا من الافضل ان ميبقاش في اى اختلاط
كيان: ما كده كده هيبقى في اختلاط ساعة التدريب
غسان ببرود: عشان انتوا هتبقوا تحت عنينا، انما في اوقات الاستراحة والاكل ممنوع منعا باتا ده يحصل
بتول ببرود: انا عندي تعقيب صغير قد كده
غسان: تعقيب ايه؟
بتول: زي ما حضرتك شايف يا باشا الفطار لسة مجاش، فأكيد يعني العشر دقايق هيتخصموا اول ما نبدأ اكل صح؟
حاتم بغيظ: هو ده اللي هامك!
بتول بتوتر: هو مش كفايا ان الاكل مدته عشر دقايق بس
حاتم بغيظ: صبرني يارب
علي بتوتر: حيث كده بقى انا هستأذن انا
اسر ببرود: اعد بما اننا هنفطر معاكم انهاردة فملوش داعي انك تقوم، بس متتعودوش على كده احنا هنفطر معاكم انهاردة بس كنوع من الترحيب
اروى بهمس: على اساس اننا هنموت وتفطروا معانا
اسر: بتقولي حاحة يا اروى؟
اروى بتوتر: لا يا باشا مبقولش
غسان بهمس: هو اسر ماله
حاتم: مش عارف، دي اول مرة يعملها ويفطر مع العساكر
لؤي: انتوا مكبرين الموضوع ليه تلاقيه لما شاف شاب قاعد مع البنات دمه اتحرق
غسان: ودمه يتحرق ليه؟
لؤي: ما انت عارف ان اسر عنده اخوات بنات فمعتبر البنات دول اخواته ومسؤلين منه لحد ما مدة تدريبهم تخلص على خير، وبصراحه هو عنده حق اصل احنا كرجالة مش سالكين شوية فممكن تلاقي واحد بيتودد لهم عشان يقرب منهم ولا حاجة
غسان: بالرغم من اني مش مقتنع اوي بس ماشي
اجى الفطار فقالت بتول بفرح:
- اخيرا
تلاشت ضحكتها لما شافت الاكل وحاتم كتم ضحكته عليها بصعوبة، اروى:
- احم، هو نعمة ربنا وكل حاجة بس ايه ده
اسر وهو بيحاول ميضحكش:
- هو ايه اللي ايه ده؟ ده الفطار
اروى بصدمة: فطار ايه؟
اسر: هو ايه اللي فطار ايه
كيان: انا طول عمري باكل فول بس اول مرة الاقي لونه اسود، ده فول مستورد ده يا باشا ولا ايه؟
غسان بضحك: مستورد
كيان: صارفين ومكلفين انتوا ما شاء الله
ليان بسخرية: كويس انهم مجابوش مِش بدوده
حاتم ببرود: لو مش عاجبك ماتكليش
ليان: هاكل طبعا يا باشا ده انا هموت من الجوع
حاتم: وكمان ماله المش اللي بدوده انتي تعرفي فوايده ايه
ليان بقرف: مش عايزة اعرف يا باشا
بتول بقرف: انا مستحيل اكل من الاكل ده
لؤي ببرود: عنك ما اكلتي
كيان: كلي يا بتول عشان تقدري تصلبي طولك طول اليوم
لؤي ببرود: على فكرة بقوا تمن دقايق مش عشرة
بصتله بتول بصدمة واروى قالت:
- احنا كلنا هناكل من الاكل ده فا كلي يلا
اكلت بتول حتة وقالت بقرف:
- طعمه وحش اوي
لؤي ببرطمة: هي هتقرفنا احنا كمان ليه ده احنا ما صدقنا معدناش بناكل من الاكل ده وهناكل منه انهاردة بسبب سي اسر
اروى: انا عيني باردة اه بس بصراحة انا بحسدكم عشان انتوا اكيد بتاكلوا اكل حلو بما انكم ظباط
اسر بسخرية: لا واضح ان عينك باردة
بصتله ليان بضيق وكملت اكلها، كانت بتول بتاكل وهي حاسة انها هترجع بس تمالكت نفسها وقالت:
- الحمد لله
لؤي بصدمة: الحمد لله ايه انتي مكملتيش نص رغيف
بتول: انا شبعت خلاص
لؤي: براحتك بس نصيحة مني كلي عشان لسة اليوم طويل
بصت بتول للاكل بنفس مسدودة وقالت:
- لا انا كده كويسة
خلصوا الاكل بسرعة عشان المدة قصيرة وكيان قالت:
- هو احنا المفروض نعمل ايه دلوقتي؟
لؤي: المفروض ترجعوا الاوض بتاعتكم ترتاحم شوية لمدة ربع ساعة، اللي عايز يستحمى يستحمى واللي عايز يفرد ضهره شوية يفرده
ليان ببرطمة: لا كتر خيركم
راحوا الاوض واروى قالت:
- انا هدخل استحمى
كيان: بسرعة عشان هستحمى بعدك
دخلت اروى الحمام وليان قالت بإستغراب لبتول:
- مالك يا بتول
بتول: انا من ساعة ما اكلت الاكل ده وانا حاسة نفسي مش مظبوطة
كيان: مش مظبوطة ازاى
بتول: معرفش بس حاسة اني عايزة ارجع
ليان بقرف: الله يقرفك
كيان: انا معايا بنبوني اديهالك عشان تغيري طعم بوقك شوية؟
بتول: لا انا مش هقدر احط حاجة في بوقي تاني
سمعوا صوت صراخ اروى من جوه فقالوا بقلق:
- في ايه
اروى من جوه: الماية ساقعة اوي، لا ساقعة ايه دي تلج
كيان بغيظ: بقى بتصوتي عشان كده
اروى بغيظ: بقولك الماية تلج
كيان: طب انجزي يا اختي عشان ادخل بعدك
اروى بغيظ: حاضر
فردت ليان ضهرها على السرير وقالت بتعب:
- بجد الموضوع طلع مش سهل خالص
كيان: عندك حق
بتول: انا اول مرة اتمرمط كده
كيان بضحك: لا احنا متعودين على المرمطة بس مش للدرجة دي
خرجت كيان من الحمام وقالت:
- يعني اكل بايظ وكمان ماية تلج
ليان: اومال بليل هعمل ايه ده انا متعودة استحمى كل يوم بليل
اروى: ده انتي هتتكيفي
دخلت كيان الحمام واروى قالت:
- يارب يكون التدريب مخفف شوية عن بتاع الصبح
ليان: ياريت بجد، ده احنا اتبهدلنا وكل ده من اول يوم تدريب
فضلوا يتكلموا شوية لحد ما العسكري ابراهيم خبط على الباب وقال بصوت عالي:
- الوقت انتهى يلا على ساحة التدريب
خرجت كيان من الحمام وقالت بغيظ وهي سامعاه:
- بجد ده افترى
ليان: يلا نخرج بسرعة قبل ما يجوا يعاقبونا ده كفايا اللي حصل الصبح
اروى: وخصوصا انا ده الظابط اسر مستقصدني اوي
كيان بضحك: كله من لسانك الطويل
اروى: اعمل ايه يعني ما هو اللي استفزني
خرجوا بره وكيان قالت: اشربي بقى
راحوا ساحة التدريب ولؤي قال:
- احنا هنتدرب في الوقت ده على التنشين، زي ما انتوا شايفين كده قدامكم السهام اللي هنشن بيها على الهدف اللي محددينه واول حاجة لازم تتعلموا وهي الطريقة الصحيحة لمسك السهام، مين اول حد عايز يجرب؟
العسكري محمد: انا يا فندم
حست بتول ان بطنها بتوجعها فحطت ايدها على بطنها، لؤي بإستغراب:
- مالك يا عسكري بتول
بتول بتعب: مفيش يا فندم
اروى: مالك يا بتول
بتول: مفيش حاجة انا كويسة اهو
ليان بشك: متأكدة؟
كانت لسة بتول هتتكلم بس مرة واحدة وقعت واغمى عليها
كيان بخوف: بتول