رواية حب في مهمة رسمية
الفصل الحادي والعشرون21
بقلم ايه الموافي
شهقت ليان بصدمه وقالت:
- اعمل ايه دلوقتي لو انا اللي شربت اللي فيها المنوم
بصلها رامي باستغراب من كلامها مع نفسها وقال:
- انتى بتقولي ايه؟
ليان بتوتر: ها لا مبقولش
سمع ابراهيم الكلام اللي هي قالته لنفسها وقال بغيظ:
- طول عمرك غبيه يا ليان
قرب رامي من ليان وقال:
- مش يلا بقى
ليان بتوتر: يلا ايه؟
رامي بغمزه:
- نمضي على الورقتين
ليان بخوف وهي بتبلع ريقها:
- متجيبها يا اخويا وهو انا قلتلك لا
رامي بابتسامة: ماشي يا جميل هقوم اجيبها اهو
دخل رامي الاوضه عشان يجيب الورقتين وابراهيم قال بغيظ في السماعه اللي في ودن ليان:
- انتي غبيه يا ليان
ليان بغيظ :
- متشتمش
ابراهيم وهو بيجز على اسنانه :
- فتحي مخك شويه وتنيلي فكري وشوفي انت شربتي من الازازه اللي فيها المنوم ولا هو
هرشت ليان في شعرها بغباء وقالت :
- ما انا لو كنت اعرف كنت قلت
ابراهيم بغيظ:
- يا رب صبرني
ليان بخوف: اعمل ايه دلوقت يا ابراهيم؟
ابراهيم بحيره:
- مش عارف
ليان بغيظ:
- تصدق افدتني
اتنهد ابراهيم بقله حيله وقال:
- انا هتابع معاكي كل حاجه ولو طلعت انت اللي طفحت المنوم انا هتصرف
ليان بخوف:
- هتتصرف يا ابراهيم ها اوعى تتخلى عني
ابراهيم بغيظ:
- اتخلى عنك ايه يا هبله انتي
خرج رامي من الاوضه فقالت ليان بصوت واطي:
-متتكلمش عشان جاي
قفل ابراهيم السكه ورامي حط الورقه على الترابيزه الصغيره اللي قدامهم وقال ابتسامه:
- وقعي يا حبي
ليان باستنكار: حبي
رامي: اه حبي مش بدلعك
- كشرت ليان وقالت بصوت واطي وبرطمه:
- ايه ام الجو القديم ده
رامي: انتي بتقولي ايه كل شويه كده؟
ليان بتوتر: متقوم تطلب لينا اكل احسن، بصراحه الواحد قاعد على لحم بطنه
رامي: يا خبر بس كده، قوليلي تحبي تاكلي ايه
ليان بتفكير:
- اممم هاتلي كباب وكفته
رامي بابتسامه:
- حاضر هقوم اطلب الاكل عما توقعي
ليان بتوتر:
-حاضر
قام رامي عشان يطلب الاكل وليان قالت باستغراب:
- هو محدش فينا حس باعراض النوم ليه؟
سمعت ليان صوت خبط جامد على الارض فقامت تشوف في ايه بس اتصدمت لما لقت رامي واقع على الارض، قربت ليان منه وهزته وقالت:
- رامي فوق
لما مداش اي رده فعل ابتسمت بفرح وقالت:
- الحمد لله ان هو اللي شرب المنوم مش انا
اتكلم ابراهيم في السماعه وقال:
- يلا يا ليان بسرعه قبل ما حد يجي
ليان: حاضر
بصت ليان على اركان البيت وقالت بحيره:
- ابدا بايه الاول؟
• عند اروى
اجى فريد وفي ايده كاسين ويسكي وادى لاروى كاس وقال:
- في صحتك
اروى بتوتر: استنى
فريد باستغراب: في ايه؟
اروى: ممكن تجيب مكعبات تلج عشان مبحبش اشربه من غيره
فريد: ماشي
دخل فريد المطبخ علشان يجيب كيس التلج واروي حطت المنوم بسرعه في الكاس بتاعته ورجعت تاني مكانها وهي بترجع شعرها لورا، جاب فريد كيس الثلج واروى قالتله بدلع:
- احطلك تلج؟
فريد: اه
حطتله اروى مكعبين تلج في كوبايته وقالت:
- بالهنا على قلبك
ضحك فريد وهي حطت التلج في كوبايتها واستنيته يشرب، فريد باستغراب وهو بيشرب:
- انتي مبتشربيش ليه؟
اروى بتوتر: هشرب اهو
شرب فريد الكوبايه بتاعته واروى وقعت الكوبايه عشان متشربش وقالت بصدمه مصطنعه:
- يا خبر ابيض، انا اسفه يا مستر فريد على البهدله اللي انا عملتها دي
فريد: لا عادي ولا يهمك كده كده هخلي حد يجي ينظف السويت بكره، استني اما ادخل اجيب ازازه الوسكي عشان تشربي منه
اروى بتوتر: ماشي
دخل فريد عشان يجيب ازازه الويسكي واروى اتنهدت باراحه وقالت:
- الحمد لله انه شرب الكوبايه ومشكش في حاجه
• عند ليان
فضلت تدور في كل حته لحد ما قالت تغيظ:
- هو الرزل ده مخبي الاوراق فين؟
فضلت ليان تدور تاني لحد ما قالت بتعب:
- لا انا تعبت ثم هو مفيش اي حاجه تتاكل هنا
ابراهيم بغيظ:
- اكل ايه وهو ده وقته؟
ليان بغيظ: ما هو اللي ايده في المايه مش زي اللي ايده في النار، انت يا اخويا قاعد ومأنتخ وانا اللي بلف في البيت زي الدبانه الدايخة
ابراهيم وهو بيحاول يتحكم في اعصابه:
- هتشل منك بجد يا ليان
راحت ليان المطبخ وفتحت التلاجه بس لقيت صرصار ماشي في الارض فقفلت الباب جامد بخوف بس اتصدمت لما لقت حاجه بتقع من فوق التلاجه على الارض، مسكت ليان الورق اللي وقع واتصدمت لما عرفت ان هو ده الورق المطلوب، ليان بصدمه:
- هو في حد يخبي ورق مهم زي ده فوق التلاجه؟ كريتيف هو انت كده يعني!
ابراهيم بفرح: لقيتي الورق؟
ليان: اه الحمد لله لقيته
ابراهيم: طب انا جايلك بسرعه اهو
ليان متتاخرش ابوس ايدك لاحسن خايفه انه يصحى ويعمل فيا حاجة
ابراهيم: لا ما تخافيش ده واخد منوم ينيمه يومين ورا بعض
• عند اروى
فضلت اروى تدور في كل حته لحد ما اخيرا لقت الورق تحت مرتبه السرير، خرجت بره الاوضه ورنت على اسر، اسر بلهفه:
- ايه الاخبار؟
اروى: انا الورق في ايدي اهو
اسر بفرح: تمام انا جايلك بسرعه اهو
اروى متتاخرش
اسر: متخافيش
بصت اروى على فريد النايم على الارض وقالت:
- سبحان الله البني ادم بيبقى بريء اوي وهو نايم حتى لو كان شيطان
• عند ليان
سمعت صوت خبطه على الباب فقالت بتوتر من ورا الباب:
- مين
ابراهيم:
- ده انا متخافيش اتنهدت ليان بالراحه وفتحت الباب وابراهيم قال بقلق:
- انت كويسه؟
ليان: متخافش انا كويسه الحمد لله
ابراهيم:
- انتي متعرفيش انا كنت قلقان عليكي قد ايه؟
ليان بقولك ايه يا شبح بدل ما تتمحنن علينا انجز وحياه ابوك عشان منروحش كلنا في داهيه
ابراهيم بقرف: عمرك ما هتتغيري ابدا، طول عمرك بيئه
ليان بدلع: اهي البيئه دي انت اللي وقعت في حبها يا عنيا
ابراهيم بغيظ: اعمل ايه بقى قلبي الغبي اللي حبك
ضحكت ليان وقالت:
- طب يلا نمشي بسرعه بدل ما حد يشوفنا
مسك ابراهيم ايدها وقال: يلا
بصت ليان على رامي الواقع على الارض وقالت:
- احنا هنسيبه كده؟
ابراهيم: اومال عايزانا نعمل ايه يعني؟
ليان: شيلوه وحطه على السرير
رفع ابراهيم حاجبه باستنكار وقال:
- ا ايه يا عنيا؟ اشيله!
ليان: وفيها ايه يعني
ابراهيم بغيظ: انتي عايزه ضهري يتكسر عشان واحد زي ده؟ وبعدين انتي عايزاني اشيله ليه ما تسيبيه يولع ولا تكونيش قلقانه عليه
ليان بغيظ: قلقانه عليه ايه يا غبي ما يولع انا بس عايزه لما يقوم يلاقي نفسه على السرير عشان لما يقولي ايه اللي حصل امبارح اقوله انه سكر من البيره وفضل يهلوس لحد ما نام
اتنهد ابراهيم وقال: ماشي
شالوه ابراهيم بالعافيه وقال:
- يخرب بيت تقل امك
ضحكت ليان وقالت:
- احمد ربنا ان فريد اللي مش مكانه
ابراهيم بضحك: وانتي فكرك لو كان فريد اللي مكانه كنت هقدر اشيله اصلا
ضحكت ليان ولؤي اتكلم بغيظ في السماعه اللي لابسها ابراهيم وقال:
- ما تنجز يا عم عايزين نخلص قبل ما حد يحس بأي حاجه
ابراهيم: ماشي انا جاي اهو
خرج ابراهيم من الاوضه وفضل يبص حواليه ولما ملقاش حد بص لليان وقال:
- يلا
خرجوا بره وراحوا اوضة المراقبه اللي فيها لؤي وبتول ولقوا هناك رجاله لابسه اسود في اسود، ادى لهم ابراهيم الورق وهما دخلوه في آله صغيره عشان ينسخوه ويرجعوا الورق مكانه تاني، ليان بقلق:
- هي اروى لسه مجتش ليه
لؤي: متخافيش الخطه نجحت وزمانهم جايين
ليان براحه: الحمد لله
• عند اسر واروى
كانوا لسه هيخرجوا من الاوضه بس اروى لحظت ان فريد بيعرق بالطريقه مش طبيعيه اروى باستغراب:- هو بيعرق كده ليه؟
- اصلنا حطينله مع المنوم حبوب اعرضها زي اعراض البرد الشديد علشان فريد حويط وممكن يشك في
- حاجه اول ما يقوم من النوم اروى اه فهمت:
اسر: اه صح جرجريه معايا عشان انيمه على السرير
اروى باستنكار: متشيله انت
اسر بسخريه: ليه وانتي شيفاني جون سينا وانا ما اعرفش
اروى: وانا اللي مفكراك هتتباهى قدامي وهتعملي فيها سوبر مان
اسر بسخريه: يعني عشان اتباها قدامك ظهري يتكسر
اروى بزهق: يلا نجرجره عشان انا زهقت
جرجروه بصعوبه وحطوه على السرير هما الاثنين واروى قالت وهي بتنهج:
- تصدق عندك حق
اسر بغرور: انا طول عمري عندي حق اصلا
اروى ببرطمه: يا رب صبرني عليه عشان مجيبوش من شعره الحلو ده
جاب اسر قماشه صغيره وبلها بميه ساقعه وحطها على جبين فريد، اروى باستغراب:
- انت بتعمل ايه؟
اسر: عشان لما يقوم ويلاقي الكمادات عليه يعرف انك اهتميتي بيه
اروى: اه فهمت
خرجوا بره هم الاثنين وبصوا حواليهم عشان يشوفوا اذا كان في حد معدي ولا لا لما ما لقوش حد راحوا اوضه المراقبه ولقوا ابراهيم وليان هناك، ادي اسر الورق للرجاله اللي لابسه اسود وليان قالت:
- الحمد لله ادي اول مهمه تمت بنجاح
لؤي: ان شاء الله ربنا هيعديها على خير
كلهم: يا رب
اروى باستغراب: اومال غسان وكيان فين؟
لؤي: مكنش ينفع يخرجوا انهارده من اوضتهم عشان لو كان لا قدر الله حصل حاجه ميقعوش في الرجلين معانا
بتول: ركزوا كويس يا جماعه عشان بكره يا صابت يا خابت
ليان بغيظ: انت هتخوفينا اكتر ليه بتول:
- الحق عليا اني بنبهكم اروى بغيظ انا من رايي ما تتكلميش خالص بتول بغيظ:
- انا غلطانه اني عملتلكم ايه اصلا العيال بشرشحه:
نعم يا عينيا :كانت لسه اروى هتشرشح هي كمان بس اسر قال بسرعه بقولكم ايه:
- اتهدوا بقى عشان ده مش وقته
نسخوا الرجاله الاوراق وادى لكل واحد النسخه التقليد واحتفظوا هما بالنسخه الاصليه ابراهيم:
- انا هراقب كل حاجه من بره ولو لمحت اي حد من حراس رامي هقول لك على طول عشان ما تخرجيش في الوقت ده ليان حاضر:
اسر: وانا نفس الكلام لو حصل حاجه او لو لقيت حد من حراس اللي ما يتسمى فريد هرن عليك على طول
اروى: حاضر
لؤي: ربنا يكون في عونكم يا شباب وانا هبقى براب كل حاجه برده ولو لقيت حد هيقرب منكم هبلغكم على طول
كلهم: تمام
راحت ليان بسرعة الاوضه وجابت كرسي وطلعت عليه وحطت الورق فوق التلاجه ورجعت الكرسي زي ما كان وخرجت بسرعه واروى عملت نفس النظام وحطت الورقه تحت المرتبه وخرجت بسرعه وهي بتبص على فريد بصة اخيره، رجع كل واحد لاوضته وهو شايل هم بكرة حطت اروى المخدات في نص السرير وفردت ضهرها عليه واسر عمل نفس النظام، اروى:
- تفتكر يا اسر لو اتقفشنا او المهمه باظت ممكن يحصل فينا ايه
اسر : متفكريش في اي حاجه سلبيه ومتقلقيش كل حاجه هتعدي على خير ان شاء الله ومتنسيش ان راجح زرع رجالته في كل مكان حوالينا يعني لو حصل اي حاجه هنلاقي اللي يحمي ضهرنا
اروى: لو حصل لي اي حاجه يا اسر قول لبابا اني بحبه اوي واسفه على كل مره طولت لساني عليه بسبب غبائي لاني كنت صغيره ومكنتش فاهمه ان اللي بيعملوا فيا ده لمصلحتي
اسر بخوف: متقوليش كده انتي اللي لما ترجعي من هنا بسلام ان شاء الله هتعتذريله بنفسك
اروى: اتمنى
لعب اسر في شعرها وهي بصيتله بصدمه فقال:
- استرخي
غمضت اروى عيونها وهو بيدلك فروه شعرها بخفه وبيقول:
- شيلي كل التوتر اللي انتي حاسه بيه
اتنهدت اروى براحه من اللي بيعمله لحد ما نامت
• عند كيان وغسان
كانوا قاعدين الاتنين على السرير لحد ما قالت كيان:
- تعرف يا غسان؟
غسان:باستغراب ايه؟
كيان: انا لو جرى ليا حاجه محدش هيزعل عليا
غسان بصدمه: انتي بتقولي ايه؟
كيان بدموع: انا ولا ليا ام قلبها يوجعها عليا لو جرى ليا حاجه ولا ليا اب يقف جنبي ويطمني ويبقى ضهري دايما وحمايتي
غسان: متقوليش كده يا كيان
كيان بدموع: وماقولش كده ليه مش دي الحقيقه؟
غسان: لا يا كان مش دي الحقيقه، انتي مش لوحدك انا معاكي
كيان بسخريه: انت محسسني انك هتفضل دايم ليا، هو انت نسيت يا حضره الظابط ان جوازنا لفتره مؤقته لحد ما المهمه اللي هي بكره تنجح وكل واحد يروح لمكانه ولا كانه يعرف التاني
غسان: انا مش هروح في حته يا كيان انا هفضل معاكي
كيان باستغراب: قصدك ايه؟
غسان: قصدي ان انا مش عايز اطلقك يا كيان انا عايزك تفضلي على طول معايا
اتصدمت كيان من كلامه بس نزل دمعه من عيونها وقالت:
- للدرجه دي انا حالي يصعب على الكافر عشان تشفق عليا
غسان بصدمه: اشفق عليكي
كيان بدموع: اه انت مش عايز تطلقني عشان تشوف قناه عليا
غسان بعصبيه: انا مش عايزه اطلقك عشان انا بحبك يا غب