رواية حب في مهمة رسمية
الفصل الرابع4
بقلم ايه الموافي
لؤي: اخبارك ايه دلوقتي
بتول بتعب: انا الحمد لله كويسة بس ايه اللي حصل؟
لؤي: انتي اغمى عليكي بسبب انك جالك تلبك معوي من الاكل
بتول بصدمة: تلبك معوي؟
لؤي: اه
بتول بتعب: يارتني ما اكلت
اروى: بقولك يا باشا
لؤي: متقوليش
اروى: بما ان بتول فاقت اهي وبقت كويسة الحمد لله بلاش الحبس الانفرادي عشان خاطري
لؤي ببرود: خدهم يا غسان على الحبس يلا
بتول بصدمة: حبس انفرادي
ليان بصياح: ليه يحصل فينا كده ده احنا كنا هنتخمد خلاص
غسان بغيظ: تتخمدي ايه وانتوا صوت خناقكم وصل لحد عندنا
بتول: هو انتوا برضو اتخانقتوا؟
كيان: هي حاجة شبه خناقة بس هما مصرين على انها خناقة
لؤي بغيظ: لا والله، اومال وصلة الشرحشة اللي سمعناها دي كانت ايه
اروى: كنا بنهزر يا باشا
غسان: قدامي يلا
كيان: يرضيك بنات قمامير زينا كده يترموا في الحبس الانفرادي؟
طلع غسان الكلبش من جيبه فقالت ليان بصدمة:
- انت طلعت البتاع ده ليه؟
غسان ببرود: بما انكم مبتسمعوش الكلام فهضطر اننا نحط الكلبش في ايدكم زي المجرمين
كيان بخوف: لا طبعا يا باشا مين اللي قالك كده، ده احنا من كتر ما احنا مطيعين بناخد على قفانا اصلا
غسان بسخرية: لا مهو واضح
اروى: اتفضل قدامنا يا باشا واحنا جاين وراك، مهو يوم باين من اوله
غسان ببرود: مهو عشان نيتكم مش سالكة هنعمل ايه بقى
مشى غسان قدامهم وهما مشوا وراه وهما بيبصوا على بعض بغيظ، اول ما مشوا قال لؤي:
- انتي مصاحبة القرشانات دول ازاى!
ضحكت بتول وقالت:
- هما فعلا قرشانات بس مفيش اطيب من قلبهم
لؤي: حمد لله على السلامة
بتول بكسوف: الله يسلمك
لؤي: انا رايح اعمل حاجة وراجع تاني، استنيني
مشى لؤي وهي بصت عليه بإستغراب، دخل لؤي مطبخ المعسكر وجاب الخضار اللي كان مقطعها قبل كده وطبخهم عشان يعمل شوربة الخضار، فضل لؤي واقف لحد ما قال لنفسه بإستغراب:
- هو انا بعمل كده ليه؟
• عند غسان
دخل كل واحدة في اوضة جنب التانية وقال ببرود:
- على الله لسانكم يقصر شوية
كيان من ورا الباب: استنى يا حضرة الظابط
غسان ببرود: خير
كيان: مفيش لب او حاجة تسلينا في القاعدة دي
بصلها غسان بغيظ وحدة فقالت بخوف:
- هو انا قولت حاجة غلط ولا ايه؟
غسان ببرود: اتسلوا مع الفران اللي في اوضتكم
ليان بصدمة: فيران
غسان بشماتة: بتمنالكم ليلة سعيدة
مشى غسان فقالت اروى بخوف:
- استنى يا حضرة الظابط ومتسيبناش وتمشي
مردش غسان عليها ومشي، اروى بغيظ:
- عاجبك كده يا بومة انتي وهي
كيان بغيظ: مين فينا البومة ده انتي اللي بومة
اروى بغيظ: ادي اخرة اللي يعمل خير فيكم، انتوا اللي زيكم مبيتمرش فيه حاجة
ليان بغيظ: لمي نفسك يا اروى بدل ما اجي اجيبك من شعرك
اروى: يما خوفت، طب تعالي كده وريني هتشديه ازاى
حطت كيان ايدها على دماغها وقال بغيظ:
- ما تخرسي بقى انتي وهي دماغي وجعتني
ليان: ما توجعك ولا تتفلقي احنا مالنا
اروى: بقولك ايه يا كيان شغل السهوكة ده مياكولش معايا
كيان بغيظ: لو مكنش البتاع ده حايشني عنكم انا عرفتكم مقامكم
كانوا لسة هيتكلموا بس غسان قال بعصبية من بره:
- اقسم بالله لو ما اتلميتي انتي وهي وبطلتوا شغل الحربئة ده لاكون حالقلكم زيرو
اروى بصدمة: هارسوح
كيان بخوف: لا يا باشا احنا اتخرسنا خلاص اهو
اعدوا على الارض وسكتوا وكل واحدة خايفة تتكلم لينفذ وعده
خلص لؤي شوربة الخضار ودخل الاوضة، اتعدلت بتول في مكانها وقالت بإستغراب:
- ايه ده
لؤي: شوربة خضار
بتول: لا شكرا مش عايزة انا مش قادرة اكل حاجة
لؤي: لازم تاكلي الدكتور قال انك ضعيفة
بتول بتعب: بس انا بجد مش قادرة اكل
لؤي: مفيش حاجة عندي اسمها مش قادرة
قرب لؤي المعلقة من بوقها وقال:
- قدري تعبي حتى يا ستي واني عملتهولك بإيدي
بتول بصدمة: انت اللي عملته؟
لؤي: اه انا
بتول بإستغراب: هو انت بتعمل كده ليه يا باشا
لؤي بإستغراب: بعمل ايه؟
بتول بتوتر: لا مفيش
لؤي: خدي من ايدي يلا
شربت بتول معلقة الشوربة ولؤي قال:
- ايه رأيك؟
بتول: طعمه حلو اوي اسلم ايد حضرتك
لؤي: هتاكلي ولا اكلك انا؟
بتول: لا كفايا عليا المعلقة دي
لؤي: خلاص هأكلك انا
بتول بتوتر: لا خلاص هاكل انا
شربت بتول الشوربة ولؤي قال:
- بالهنا
بتول: شكرا لاهتمامك بيا
لؤي: متشكرنيش ولا حاجة انا من زمان كان نفسي في اخت بنت فهعتبرك اختي
بتول بصدمة: اختك
لؤي: اه، هو انتي اتضايقتي ولا ايه؟
بتول: لا طبعا متضايقتش ده شرف ليا
لؤي: تمام، انا همشي انا ولو احتاجتي اى حاجة عرفيني
بتول: ماشي
خرج لؤي وبتول قالت:
- بس انا ماليش اخوات
• تاني يوم
فتح اسر الحبس الانفرادي ليهم وقال بصوت عالي:
- اصحي منك ليها
صحوا بخضة واروى اول ما شافته قالت بصوت واطي:
- كتك نيلة في شكلك، اى نعم ان مز بس رخم، يلا ربنا مبيديش كل حاجة
اسر ببرود: هتفضلي تبرطمي كده كتير؟
قامت اروى من على الارض وهي بتقول:
- لا خلصت ا
مكملتش كلامها لانها صرخت بوجع، اسر بإستغراب:
- في ايه
اروى بوجع: نومة الارض صعبة اوي
اسر بشماتة: احسن عشان تبقوا تتعلموا الادب وتعرفوا انكم في معكسر جيش مش في رحلة
بص على كيان وليان وقال:
- والهوانم التانية مش عايزة تقوم ولا ايه؟
قاموا بوجع وليان قال: بقولك يا باشا
اسر بزهق: انجزي
ليان: انت عندك اخوات بنات صح؟
اسر بإستغراب: اه عندي، ليه السؤال ده؟
ليان: ما بلاش نتمرن انهاردة عشان خاطري، اعتبرنا اخواتك البنات احنا اتمرمطنا اوي بجد
اسر بشماتة: انا اخواتي البنات قاعظين في البيت مععزين مكرمين وكل طلباتهم موجابة، مش زي ناس كده بتحب تحشر نفسها في حاجة الرجالة
اروى: اه قول كده بقى، انا عارفة انت مستقصدني ليه عشان انت ذكوري من الدرجة الاولى وانا القادرة على التحدي والمواجهة فالموضوع غايظك
اسر بسخرية: قادرة على التحدي والمواجهة، طب بس بس عشان انتي شكلك اصلا بقى عرة من ساعة السهام
اروى بإحراج: مجتش على مرة يعني الله، وبعدين يا باشا ما انتوا بتضحوا عشان احنا نتعلم
اسر بصدمة: بنضحي! يعني انتي قصدك ان لو السهم كان رشق فيا عادي؟
اروى بتوتر: هو مش في دكتور في المعسكر برضو ولا ايه؟
احمر وش اسر من الغضب فقالت كيان بهمس:
- انا بقول تتكتمي خالص بدل ما نروح كلنا في داهية بسببك
اروى بخوف من نظراته: انا بقول كده برضو
اسر بعصبية مكتومة: قدامي انتي وهي
مشوا قدامه وكيان قالت:
- كويس انه مبلعناش
ليان بغيظ: ابقي امسكي لسانك ده شوية
اروى بغيظ: ما هو اللي مستفز
كيان بغيظ: هو برضو!
اروى بغيظ: اومال انا
ليان: انا بقول ان طول ما احنا مع بعض نسكت خالص بدل ما نلبس كلنا
كيان: وجهة نظر تحترم بصراحة
راحوا ساحة التدريب واتفاجأوا لما لقوا بتول هناك، ليان:
- انتي بتعملي ايه هنا مش اناي لسة تعبانة
لؤي: هي مش هتدرب بس هتتفرج عليكم عشان لما تخف هتتمرن كل التمارين اللي انتوا اتمرنتوها
غسان: يلا كلكم، انتباه
كلهم: تمام يا فندم
غسان: نطوا كلكم مية نطة، يلا واحد اتنين تلاثة
فضلوا ينطوا كلهم بس حاتم قال:
- وقفوا القرف اللي انتوا بتعملوه ده
كلهم وقفوا وبصوله بإستغراب وهو قال بحدة:
- فين النظام، انتوا لازم كلكم تنطوا مع بعض ورجلكم تنزل على الارض في نفس الوقت، فاهمين
كلهم: مفهوم يا فندم
غسان: ابدؤا تاني يلا
بدؤا كلهم وكانوا بنفس النظام
راح اسر وجاب عصاية ورجع تاني وقال:
- انتباه
وقفوا كلهم وهو قال:
- هنعيد للمرة التالتة، صدقوني لو لقيت حد متخلف عن المجموعة ومش منتظم معاهم انا هلسوعه بالعصاية دي، مفهوم
كلهم بخوف: تمام يا فندم
اسر بحدة: ابدؤا يلا
بدؤا التمرين ومن كتر خوفهم عملوه مظبوط، اسر ببرطمة:
- ناس مبتجيش غير بالعين الحمرا
فضلوا ينطوا كتير لحد ما تعبوا بس من كتر خوفهم ماقولوش. فضلوا يكملوا التمرين، حاتم:
- وقفوا كلكم
وقفوا تمارين وليان كانت هتعد على الارض بس حاتم قال:
- بتعملي ايه؟
ليان بتعب: هريح رجلي شوية
حاتم: ومين قالك انك هترتاحي دلوقتي
ليان بصدمة: هي التمارين هتبقى متواصلة!!
حاتم ببرود: بالظبط كده، اسمعوني كلكم كويس، كل اتنين هيشيلوا بعض وهيجروا بيهم ربع ساعة ولما المدة تنتهي اللي كان فوق يشيل اللي كان شايله ويجري بيه نص ساعة
علي بصدمة: بس يا حضرة الظابط احنا رجلنا شبه اتخدرت بس النط
حاتم ببرود: والله دي مشكلتكم مش مشكلتي
كيان بهمس: حسبي الله ونعم الوكيل في الظالم والمفتري
حاتم: يلا جهزوا نفسكم
اروى: بس انا عندي سؤال
حاتم: سؤال ايه؟
اروى: احنا دلوقتي تلت بنات بس عشان بتول تعبانة زي ما حضرتك شايف كده، فا
قاطعها حاتم وقال:
- وايه المشكلة في كده؟ ما اتنين منكم يلعبوا التمرين مع بعض وواحدة تشيل العسكري بتول بس بتول مش هتشيلها، يعني هتجري بيها ربع ساعة وبس على كده
اروى بغيظ: في ايه يعني لو كان سمع كلامي للاخر
غسان: يلا كل واحد يشيل التاني على ضهره
شالت ليان اروى بس اول ما شالتها وقعت بيها وقالت بغيظ:
- يخربيت تقل وزنك يا تخينة
اروى بصدمة: انا تخينة!
ليان: انتي شايفة ايه
اروى: انا شايفة انك تبصي على نفسك الاول يا بغلة وبعدين تبقي تتكلمي
ليان بصدمة: انا بغلة
اروى: اه بغلة وستين بغلة كمان
لؤي بعصبية: اسكتي انتي وهي هي حصلت تتخانقوا هنا كمان
غسان بغيظ: هو مفيش حاجة تقدر عليكم يا ولية انتي وهي ولا ايه يعني الحبس الانفرادي مأدبكوش شوية
اروى: هي اللي ابتدت يا حضرة الظابط
غسان بغيظ: قومي الاول من على الارض انتي وهي وبعدين ابقوا اتكلموا
قاموا من على الارض وغسان قال:
- عقابا ليكي انتي وهي هتجروا حوالين المعسكر ده مية مرة
الاتنين بصدمة: نعم
غسان: زي ما قولتلكم كده
اروى: بس ده كتير اوي
غسان: مش مشكلتي
اسر بخبث: وانا اللي هشرف عليهم
اروى بصدمة: لا طبعا انا عايزة ظابط تاني اللي يشرف علينا
رفع اسر حاجبه وقال: وهو بمزاجك، انتباه يا عسكري
الاتنين بغيظ: تمام يا فندم
اسر: قدامي يلا
مشوا قدامه وهما بيبرطموا وغسان ببرود لكيان:
- انتي مستنية ايه؟
كيان: ها، هشيلها اهو يا فندم
كان لؤي خايف لكيان توقع بتول بس مبينش ده، كيان بهمس لبتول:
- خليكي جدعة وقولي تقولي لحد انك كنتي بتلعبي بالية من صغرك وحياة ابوكي
بتول بخبث: والمقابل ايه؟
كيان بغيظ: اه يا مصلحجية
بتول ببرود: انجزي
كيان بغيظ: عايزة ايه؟
بتول ببرود: تشتريلي حاجات كتير من الكانتين
كيان بغيظ: حاضر
شالتها كيان على ضهرها وجرت بيها وهي بتقول:
- كويس ان البومة والحداية مش هنا لان كان فاتهم فتنوا عليا
ضحكت بتول وقالت: انا مصاحبة بومة وحداية وعقربة
كيان بغيظ: قصدك ايه
بتول: مقصديش
فضلت كيان تجري بيها لان بتول خفيفة جدا لحد ما الربع ساعة عدت، نزلت الارض واعدت تاخد نفَسها بصعوبة، كل اللي في المعسكر خلص تدريب فقال غسان:
- استعدوا للي جاي
كيان بغيظ: هو الراجل ده هيحصله حاجة لو مدح حد فينا شوية
بتول بضحك: يمدح ايه يا بنتي اسكتي كتك خيبة ده ظابط في الجيش يعني الحكومة معيناه عشان يمرمطنا
كيان بتذمر: مش كفاية الفطار اللي يسد النفس ده
بتول: متجبيش سيرته انا مصدقت وجع بطني هدى شوية
• عند اسر
اسر ببرود: اقفوا
وقفوا عن الجري وهو قال ببرود:
- ايه الجري البطئ ده سرعوا شوية
ليان بصدمة: اكتر من كده
اروى ببرود: والله يا باشا دي قدراتنا وحاجة منقدرش نتحكم فيها
اسر: قدراتكم اه، لا انا هنعرف دلوقتي اذا كنتوا هتقدروا تتحكموا فيها ولا لا
بصوله بإستغراب وهو جاب الكرباج وقال:
- انا هجري وراكم على سرعتي المتوسطة لو الكرباج طال واحدة فيكم متزعلوش مني
ليان بصدمة: انت بتتكلم بجد
اروى بعصبية: ايه شغل الاستعباد ده
اسر ببرود: هعد من واحد لتلاتة وبعدين هجري ولو طولتكم متلوموش الا نفسكم
اروى بصدمة: انت مكنتش بتهزر
اسر ببرود: واحد
اول ما لقوه بيعد طلعوا يجروا بأقصى سرعة عندهم، خلص اسر العد وطلع يجري وراهم بسرعته المتوسطة وكل شوية يخبط الكرباج في الارض عشان يخوفهم، اروى بصياح:
- ده احنا لو كنا جواري مكنش هيتعمل فينا كده
ليان بغيظ: كله بسبب لسانا مننا لله
لما لقوا ان اسر قرب منهم شوية صوتوا وكملوا جرى وهما بينهجوا من كتر الجري
• عند كيان وبتول
فضلوا يزحفوا على الرمل السخن وهما بيشتموا في سرهم، حاتم:
- وطوا ضهركم شوية متخلوهاش مرفوعة كده
كيان بغيظ: حاضر
كان غسان بيتابعهم بعنيه لحد ما اجى العسكري ابراهيم وهمس في ودنه حاجة ومشي، لؤي بإستغراب:
- في ايه؟
غسان: الحملة هتيجي بكرة
حاتم: تفتكر الحملة دي جاية ليه وهتختار هي بنفسها العساكر ليه
غسان: معرفش بس شكل كده في حاجة كبيرة اوي احنا داخلين عليها