رواية مراتي طفله مجنونه
الفصل السادس6
بقلم ايه الموافي
خرج كريم من الاوضة بعد ما استحمى افتكر لما فاق امبارح في القسم واخد مراته وروحوا، اتصدم لما لقى ليلى لابسة لبس شعبي وبتمضغ في اللبانة، قامت من مكانها وقالت وهي بتغمز:
- بقى العسل ده كله نايم في بيتي وانا معرفش
كريم بصدمة: نعم!!
قربت منه وقالت: الا الجميل اسمه ايه
كريم وهو بيبعد:
- ليلى في ايه متوترنيش
ليلى: ليلى مين يا قمر انت سلامة النظر، انا فيفي
كريم بتوتر: طب انتي مقربة كده ليه ابعدي شوية
ضحكت بمياعة وقالت:
- انت بتتكسف ولا ايه يا واد
كريم بعصبية: فيفي ابعدي
ليلى: اسمى طالع منك زي العسل
كريم: بقولك ايه يا واية انتي اتهدي
ليلى: شكلك كده قفوش وهتقرفني، انا هنزل ادور على راجل تاني عشان يفرفشني
مسكها من قفاها بسرعة وقال بصدمة:
- هتعملي ايه يا روح امك، سمعيني كده
ليلى برقة: انت بتغير ولا ايه يا سكر انت
كريم بعصبية: اقسم بالله يا فيفي لو رجلك عتبت باب الشقة لاكون مزعلك اوي
بصت ليلى عليه من فوق لتحت وقالت بإعجاب:
- لا حمش ياض
كريم: لا ميغركيش ده انا رجل شرقي غيور واعجبك اوي
فيفي: خدت بالي، طب ايه
كريم: ايه
فيفي: شكلك كده مقفل وهتتعبنا
كريم: ما تقولي عايزة ايه بدل اللف والدوران ده
قربت فيفي منه وهمست في ودنه فقال بصدمة وعصبية:
- انا لايمكن اعمل كده ابدا
• بعد خمس دقايق
خرجت ليلى من الاوضة وهي لابسة فستان بترتر وكريم خرج وراها وهو لابس شعبي، فيفي:
- جاهز يا واد
كريم: جاهز يا ابلتشي
نزل كريم على ركبته وفضل يطبل على الطلبة وهي ترقص، كريم:
- ايوه بقاا، هزي يا وزااة
طلع كريم فلوس من جيبه وفضل يرميها عليها وهي بتغني وبترقص، كريم:
- كاان فينك من زمان بدل ما انا متمرمط كده
وقفت فيفي رقص وقالت: عجبتك يا واد
كريم: عجبتيني ايه ده انا عيني بتطلع قلوب
فيفي: مين احلى بقى انا ولا ست ليلى بتاعتك دي
كريم: ييه، متجبيش سيرة البومة دي بس لتنطلنا
ضحكت ليلى وقالت:
- بما اني بسطك فابسطني انا كمان
كريم: ابسطك ازاى
ابتسمت ليلى بخبث وقالت:
- انا هقولك
• بعد شوية
كان كريم بيعصر الهدوم في الطشت وهو بيقول ببرطمة:
- حتى وهي متحمرشة مفترية برضو
فيفي: ومين قالك اني متحمرشة
كريم: اومال انتي ليه
فيفي: اللي قدامك دي يا حبيبي رقاصة، اه رقاصة
كريم: صلاة النبي احسن، انا حاسة انك بتتدني في الشخصيات، ايه يا بت في ايه ما تتظبكي كده
فيفي: خلصني بقى
كريم بسخرية: مستعجلة على ايه يا اختي كتك نيلة
خرجت فيفي بره وهو مسك الغسيل وعسره وقال:
- حبيبي قرب بص وبص بص
سكت كريم بصدمة لما لقى راجل بيبص عليه بنفس الصدمة، كريم بهمس:
- يا فضحتك يا كريم
بصله الراجل بريبه فقال كريم:
- انت مين
الراجل وهو لسة مصدوم:
- انا جاى اخد فلوس الكهربا اللي متأخرة عليكم يا عالم يا حرامية
كريم بصدمة: نعم
الراجل: لا متاخدش في بالك
قام كريم عشان يجيب الفلوس والراجل بيبص عليه بسخرية، مشى كريم والراجل قال:
- عرتنا كتك نيلة
جاب كريم الفلوس وادهاله والراجل مشي، كريم بعصبية:
- فيفيييي
جات فيفي وقالت: في ايه يا ولا بتزعق كده ليه
كريم بغيظ: مقولتليش ليه ان في حد اجى
فيفي: ما انا بعته ليك عشان تتكلم انت معاه
كريم بغيظ: بعتيه ليا وانا بالمنظر ده
فيفي: وفيها ايه يعني
كريم بسخرية: لا مافيش حاجة خالص
فيفي بغيظ: ولما هو مفيش حاجة بتزعق ليه
كريم بغيظ: ادخلي جوه يا فيفي احسن
فيفي برقه: انت زعلت يا راجلي
كريم ببلاهة: ها
قربت فيفي منه وقالت: انت زعلان مني ولا ايه
كريم ببلاهة: وانا اقدر ازعل منك يا جميل
ضحكت فيفي بمياعة ودخلت وكريم قال:
- براحة على الارض عشان مش بتاعتنا يا جمل
ضرب كريم نفسه بالقلم وقال:
- في ايه يلا فوق كده الله يخربيتك
دخل كريم اوضته واعد يلعب بموبايله شوية ولما حس بالزهق نده على فيفي بس مردتش، كريم:
- هي مبتردش ليه دي
خرج بره واستغرب لما لقى ورقة على الترابيزة، قرأها بصوت عالي وقال:
- انا روحت الشغل وهحاول متأخرش عليك عشان انت بتوحشني اوي، خلي بالك من نفسك يا حبيبي
كريم بإستغراب: شغل ايه ده
اتصدم لما قالتله انها رقاصة فقال بصريخ هو بيجري على تحت:
- شرفاااااي
جرى على الكباريه القريب من بيتهم بسرعة وهو بيقول:
- وربنا يا ليلى لو ملحقتكيش هطلقك وطظ في ام الورث اللي مرمطني ده
دخل الكبارية واتنهد براحة لما ملقهاش بترقص، سمع صوت زعيق فراح لمصدر الصوت ولقى فيفي بتقول بشرشحة:
- لا بقولك ايه يا حبيبي مش انا اللي بخاف من الصوت العالي
شريف: اعمل ايه يا فيفي ما انتي مش راضية تحني خالص
فيفي: ولا عمري هحن ابدا يا واد، انا في راجل واحد بس هو اللي في قلبي ولا يمكن اخونه ابدا فاهم
شريف: طب فكري يا فيفي مش يمكن تلاقيني احسن منه، انا من ساعة ما شوفتك وانا هتهبل عليكي يا بت
ضربه كريم بالبوكس وقال بغيرة:
- هي مش قالتلك في قلبها واحد يا روح امك
شريف بعصبية: انت مين يا عم انت وازاى تتجرأ وتمد ايدك عليا
شد كريم فيفي ناحيته وقال بتملك:
- انا الراجل اللي في قلبها يا ننوس عين امك، واخفى من قدامي بدل ما العب البخت في وشك وتزعل مني، فيفي دي بتاعتي انا بس انت فاهم
فيفي بإبتسامة: راجلي اقسم بالله
كريم بإبتسامة: تسلمي يا وحش الكون
شريف بعصبية: بقى انت الراجل اللي في قلبها
كريم: ايه الغباء ده ما انا لسة قايل
شريف بعصبية: انا بقى هعرفك ازاى تاخد قلبها
كريم بسخرية: اعلى ما في خيلك اركبه
بلع كريم ريقه لما لقى رجالة بتلف حواليه فقال بخوف:
- مش قوي يعني
شريف بسخرية: ايه حبت ورا ولا ايه
كريم بشجاعة مصطنعة:
- مين ده اللي يخاف يا حيلتها
فيفي: ايوه كده اديلوا
قرب واحد من الرجالة واداله بوكس بس كريم تفاداها بسرعة، فيفي:
- الله عليك يا بطلي
كريم: انتي لسة شوفتي حاجة، ده انا هبهرك
مكلملش كلامه لان واحد اداله بالبوكس وقعه على الارض، كريم وهو على الارض:
- شكلك بقى عرة اوى ياض يا كريم
شريف بسخرية: ما تقوم يا سبع البرومبة
قام كريم وقال: هو انت مفكر اني اتضربت! لا يا حبيبي انا سمحتله يضربني عشان ادخل في الاجواء واعرفكم كريم هيعمل ايه
فيفي: منك نتعلم يا حبيبي والله
كريم: حياتي
شريف بعصبية: انت كمان بتستفزني
رفع شريف كريم لفوق فقال كريم بخوف:
- هدي نفسك يا وحش
رماله شريف على الارض فقال كريم بوجع:
- اه يا غضروفي ياني
فيفي بعصبية: انت قد اللي انت عملته ده
شريف: اه قده، هتعملي ايه يعني يا فيفي
فيفي: هعمل كده
مسكت الازازة ونزلت بيها على راسه فوقع على الارض بوجع، قام كريم من على الارض وقال:
- تعيش وتاخد غيرها
قربت رجالة شريف منهم فمسك كريم ايد فيفي وقال:
- اجري بسرعة
جرت فيفي معاه وقالت بإستغراب:
- احنا بنجري ليه مش المفروض تضربهم
كريم: هو حد قالك اني چون سينا عشان اضرب كل دول
بص كريم وراه واتصدم لما لقاهم بيجروا وراه، ركب عربية من العربيات اللي موجودين قدامه قال بضحك:
- ده المفاتيح موجودة، الله اول مرة حظي يبقى حلو كده
فيفي: ما تسوق يا اخويا بدل ما يجوا ويفرمونا
ساق كريم العربية بسرعة وهو بيقول بضحك:
- انا عاجبتي اوي جو الاكشن ده
فيفي بسخرية: اكشن ايه كتك خيبة
كريم: انتي بتغلطي ايه دلوقتي
فيفي بسخرية: من ثقتك في نفسك جوه انا افتكرتك هتهد الكبارية على دماغهم، طالما انت ضبع كده بتمثل انك اسد ليه
كريم بعصبية: احترمي نفسك، وبعدين هو انتي فكرتي ان انا جريت عشان خايف منهم لاسمح الله
فيفي بسخرية: اومال جريت ليه يا اخويا اشجيني
كريم: عشان خايف عليكي يا بت
فيفي بإستغراب: خايف عليا من ايه
كريم: من المشاهد المضرة لعينك اللي هاتشوفيها
فيفي بسخرية: مم، ماشي
كريم: انتي مش مصدقاني ولا ايه
مردتش عليه فقال: تحبي الف بالعربية وارجعلهم واثبتلك اني مبخفش
فيفي بسخرية: يا عم اعد على جنب كده انا عارفة انك بوق وخلاص ومش هتعمل حاجة
كريم: احم، انا بقول نروح البيت احسن
فيفي: روح يا اخويا روح
كريم بغيظ: بت انتي اتعدلي بدل اعدلك
فيفي: هو انت متقدرش على الحمار فبتتشطر على البردعة
كريم بغيظ: قصدك حمير، حمير ايه تيران انتي مش شايفاهم عاملين ازاى
فيفي: فدي فا انت بصراحة عندك حق
كريم: شوفتي، وبعدين استني هنا
وقف كريم العربية وقال بعصبية:
- انتي ايه اللي موديكي الكباريه يا هانم
فيفي: هيكون ايه يعني اللي موديني هناك مش شغلي
كريم بعصبية: وانتي تروحي الشغل ليه
فيفي: هكون بروح ليه مش عشان اخد فلوس
كريم بعصبية: وانا قصرت معاكي في حاجة عشان تشتغلي
فيفي: لا يا اخويا مقصرتش
كريم بعصبية: طالما ما اتنيلتش مقصرتش بتشتغلي ليه، وكمان رقاصة بتشتغلي رقاصة
فيفي: ومالها بقى الرقاصة يا عنيا
كريم: ملهاش بس انا بغير عليكي يا بت
فيفي: يوه، انت هتطبطل تثبتني كده لحد امتى
كريم: طول ما انتي في قلبي يا وحش الكون
فيفي: بجد يا ولا انا في قلبك
كريم: حطي ايدك عليه كده وهتلاقيه بيدق بسرعة
فيفي بكسوف: بس بقى بتكسف يا واد
كريم: لا انتي تخليكي على الشخصية دي انا حبيتها اوي
فيفي: بتقول ايه
كريم: لا متاخديش في بالك
اجى كريم يسوق العربية بس لقاها مبتتحركش، كريم بغيظ:
- هو مينفعش اليوم يعدي من غير ما حاجة تحرق دمي
فيفي: حاول تاني
كريم: حاضر
حاول كريم وبرضو مشتغلتش، كريم:
- انزل اما نروح بتاكسي
فيفي: طب ما تخليني اجرب وزق انت العربية
كريم: وليه الفرهدة دي ما كده كده هسيب العربية عشان مش بتاعتنا
فيفي: طب ما ناخدها ونستنفع بيها احنا
كريم: مش هينفع عشان هيعرفوا يوصلولها بسهولة
فيفي: عندك حق
نزلوا من الكربية ووقف كريم تاكسي، قاله كريم على العنوان وساق الراجل العربية، السواق:
- هنا؟
كريم: ايوه هنا يا اسطا
دفع كريم الفلوس للسواق وطلعوا فوق، دخل كريم البيت وقال بإستغراب:
- انتي واقفة عندك ليه
دخلت ليلى وقالت بدموع: انت من حقك تقرف مني
كريم بصدمة: ايه
فيفي: انا عارفة انك متضايق اوي وزعلان اني رقاصة لان مهما كان انت راجل وبتغير بس انا مخترتش اكون رقاصة بإيدي
كريم: مش فاهم حاجة
فيفي: تعرف انا رقاصة ليه
كريم: لا
فيفي بدموع: عشان ابويا طردني من البيت ومن وانا عيلة صغيرة
كريم بصدمة: ابوكي
فيفي: اه ابويا
كريم: كملي يا غالية واحكيلي هما ظلموكي ازاى
فيفي بحزن: ابويا اتجوز على امي
كريم: ابوكي
فيفي: اه وممكن بقى متقاطعنيش عشان بزهق بسرعة
حط كريم ايده على بوقه وهي قالت:
- فا امي لما عرفت ماتت بحسرتها
كريم بصوت واكي: قال ماتت بحسرتها قال ده لو ابوكي كان استجرى وعملها كان فاته دلوقتي في اكياس سودة يا حبت عيني
فيفي: بتقول حاجة
كريم: لا مبقولش
فيفي: وبعد ما امي ماتت جاب مراته تعيش معانا
كريم: وبعدين
فيفي: انا لو قولتك اني معاها شوفت كل انواع التعذيب مش هتصدقني، دي كانت بتنيمني من غير عشا
كريم: لحظة تراني تأثرت معاكي مناديل
فيفي بعصبية: انت بتتريق عليا
كريم: لا مبتريقش كملي
فيفي: وفي مرة قصتلها شعرها الطويل عشان هي عملت على الفطار بيض بالبسطرمة وانا مبحبهوش
كريم بسخرية: هي اللي مرات ابوكي اه، كملي
فيفي بدموع: وعشان بابا كان بيحب شعر مراته الطويل طردني، طرد بنته
كريم بسخرية: اما قصة عبرة بصحيح
فيفي: شوفت انا عانيت قد ايه
كريم: شوفت واتنقطت
فيفي: وطبعا انت عارف يعني ايه بنت تبقى لوحدها في الدنيا دي
كريم: انتي هتقوليلي، ده كلاب السكك مبترحمش يا اختي والله
فيفي: الدنيا قاسية اوي
كريم: اه وايه كمان
فيفي: وطبعا انا مش محتاجة اقولك اني كنت كل ما اروح اشتغل في حتة مدير الحتة بتحمرش بيا
كريم: عارف من غير ما تقولي يا اختي والله، دي اتهرست في كل الافلام العربية
فيفي: ولما الدنيا قفلت في وشي اشتغلت رقاصة وبقيت زي ما انت شايف كده، الرقاصة فيفي اللي ياما رجالة بشنبات وقفوا صفوف قدامي عشان اسلم عليهم بس
كريم: بقولك ايه يا قطتي
فيفي: قول يا اخويا
كريم: ما تتوبي يا بت وتبطلي الشغلانة دي
فيفي: يوه، ومين يصرف عليا
كريم بغيظ: تقصدي ايه؟ مش مالي عينك انا ولا ايه
فيفي: يقطعني ان كنت اقصد كده يا اخويا
كريم: يا بت انا عايز استتك واقعدك في البيت معززة مكرمة
فيفي: وماله يا اخويا وانا اطول
كريم: ادخلي يلا غيري هدومك وتعالي عشان ناكل لقمة
فيفي: فوريرة وهتلاقيني عندك
اول ما دخلت فيفي ضحك كريم عليها وقال:
- وربنا الشخصية دي عسل
بلع ريقه وقال: ربنا يستر من بكرة يارب، الحمد لله انهاردة جات سليمة ومدخلناش القسم
دخل كريم اوضته وغير هدومه وخرج لقاها بتبرط شعرها، ابتسم وهو بيبصلها فقالت:
- بتبصلي كده ليه
فاق من سرحانه وقال بتوتر:
- مفيش
فيفي: تحب تاكل ايه؟
كريم: تحبي انتي تاكلي ايه انا هطلب اكل ديلفري
فيفي: تطلب اكل وانا موجودة، ودي تيجي
افتكر كريم لما حرقت المطبخ قبل كده فقال بخوف:
- اه تيجي
فيفي: نعم
كريم: بقولك ايه انا مش حمل مصاريف تانية، فاتهدي بقى
كانت لسة فيفي هتتكلم بس حست بصداع جامد، قرب كريم منها بسرعة ولحقها قبل ما يغمى عليها، اشتالها وحطها على السرير وقال:
- وبعدين يا ليلى هترجعيلي امتي