رواية العشق الممنوع الفصل العشرون والحادي والعشرون بقلم مارلي ايهاب
في صباح يوم جديد تحديداً في الساعة السابعة صباحاً
دخلت شاهندا لتطمئن علي ايهم
و شافته نايم والارهاق علي وجهه حزنت عليه
شاهندا بحزن.... ايهم حبيبي ايهم
ايهم فاق وقال بتعب... الساعه كام
شاهندا بحزن.... الساعة سابعة
ايهم انتفض وقال بفزع.... مصحتنيش بدري ليه يا ماما
شاهندا بقلق... حبيبي انت جاي متاخر قولت اصحيك كمان ساعة
ايهم بدموع.... كدة هتعاقب زي امبارح و هتهزق من المدير
شاهندا بضيق.. اشتكي لا بابا وهو يتطرده فوراً
ايهم بسخرية والدموع في عينه... اذا كان هو اللي قال لي يعاملني المعاملة دي بجد يا امي انا تعبت
وقام وطلع هدوم من الدولاب بسرعة ودخل التواليت ولبس بسرعة رهيبة وحتي مسرحش شعره خرج بره البيت وكان هيركب عربية من اللي موجودين
الحارس... اكمل بيه قال ان حضرتك متركبش اي عربية بعتذر دي التعليمات
ايهم بحزن.... تمام
ايهم خرج من الفيلا وفضل يجري لغاية ما وصل للشارع العمومي وكانت الساعة السابعة ونص وخمسة وفضل عشر دقايق لغاية ما جه تاكسي ركب فيه
ايهم بخوف... لو سمحت بسرعة علي الشركة *****
السواق.. حاضر يا بيه
التاكسي وصل وايهم نزل بسرعة وكانت الساعة الثامنة قل عشرة لسه هيطلع علي الاسانسير
العامل... الاسانسير عطلان يا ايهم بيه
ايهم بتعب... طيب
وطلع علي السلم بيجري علشان يلحق وطلع لغاية الدور العاشر وكان هدومه كلها بقت ماية من الحر والتعب والارهاق
ايهم دخل علي مكتبة وكان معتز موجود
معتز بحده.... الساعة كام معاك
ايهم بتوتر.... حضرتك انا ماشي الساعة اتنين بليل واتاخرت ساعه بس
معتز بحده.... الساعة كام معاك
ايهم بدموع.... تمانية وربع
معتز بحدة.... اعتقد امبارح انا قولت مشيت بدري مشيت متاخر تجي في معادك حصل ولا لاء
ايهم بدموع... حصل
معتز بحده.... ومعني انك تجي. متاخر انهارده يبقي بترمي كلامي في عرض الحائط زي ما بيقولوا
ايهم بدموع.... اقسم بالله انا تعبان ومقدرتش اقوم بدري اوعدك اخر مرة
معتز بهدوء...مهو فعلا هيبقي اخر مرة وعقابك. انهاردة مش هيبقي علي مكتبك لا اسمعني كويس يا ايهم انا كل اللي بيدرب معايا هنا اذا كان ابن اكابر ابن ناس فقراء بيتعامل نفس المعاملة والعقاب علي حسب الغلط اللي عمله انت بقي انهاردة عقابك مش كمبيوتر ولا الكلام لالا انت انهاردة هتبقي مجرد عامل نظافة في الشركة وده عقاب ليك
ايهم بصدمة.... مستحيل انت اتجننت انا ابن صاحب الشركه اشتغل عامل نظافة انت اكيد مجنون
معتز ببرود... علي فكرة انا مجهز العقاب ده من الساعة سابعة لما ما جتش واكمل بيه عارف بيه وموافق عليه اما بنسبه لكلمه انت اتجننت ومجنون دي هيضعفوا العقاب وبدل ما يبقي ست ساعات وتروح يبقي تمانية علشان تحترم مديرك
ايهم خرج بسرعة من المكتب ودخل مكتب والده وشافه يجلس ويتابع ملف
ايهم بصدمة... انت موافق علي كلام المجنون اللي اسمه معتز عايزني اشتغل عامل نظافة
اكمل ببرود... ده عقابك علي تأخيرك يا بيه وانا اخترت معتز مخصوص علشان يعلمك الادب علي اصوله يا ايهم وتسمع الكلمة بدل ما العقاب يزيد اكتر و معتز مش بيرحم حد سامع مش بيرحم
ايهم بكي امام والده بقهر وقال وهو يجلس تحت قدميه ويمسك ايده... اختار عقاب تاني ابوس ايدك يا بابا حرام انا مقدرش اعمل كدة ابوس ايدك شوف حاجه تانية هوافق عليها طيب بص شغلني اليوم كله 12 ساعة 16 ساعة حتي لو 24 ساعة بس بلاش العقاب ده يا بابا ابوس ايدك
اكمل...،.....
.،.،.،.،،.،.،.،،..،،.،.،.،.،..،
في الكلية كانت تجلس حورية وعمار في المحاضرة ويتابعوا كل حرف يقوله الدكتور
وبعد مرور اربع ساعات انتهت المحاضرات
حورية بسرعة... يلا بسرعة يا عمار اتاخرنا علي الشغل
عمار بتعب... يا ستي ارحميني هو قال لو خلصتوا متأخر متجوش غاووية تعب في الحر ده يا بنتي انا خلاص قربت اتشوي
حورية بضيق... يعني عايزنا نشيل جمايل ليه يعني نروح نشوف شغلنا
عمار باستغراب.... جمايل اية يا حورية انتي مجنونه يا ماما الكلام ده اضاف للعقد حقنا
حورية بتفكير.... تصدق معاك حق
عمار بتكبر مصنع... انا طول عمري معايا حق يلا علشان اركبك تاكسي واروح.
حورية بهدوء... اوك
حورية.... الا انت ساكن بعدي بشارعين يا عمار
عمار بتوتر.... مين اللي قلك كده
حورية بهدوء.... استاذ بيجاد
عمار بيحاول يكون طبيعي... لا بس انا يوميها اتكسفت اخليه يروح مشوار بيتي كمان قولتله اني ساكن بعدك بشارعين علشان متعبوش يعني
حورية بهدوء... تمال انت بيتك فين
عمار بتوتر.... بيتي فين بيتي بعد حارتك بحاولي 10 متر تقريبا
حورية باستغراب... امال بتركب من المواقف بتاعنا ليه مش بتركب من الموقف بتاعك بدل المشوار بتاع كل يوم
عمار بتوتر... لا بس انا بحب اركب من الموقف بتاعك واتكلم بمشاكسة... امال هشوف القمر ازاي
حورية بخجل... عمار اتلم ولا نمشي
عمار اتنفس بهدوء... يلا
.،..،.،،..،.،،.،.،.،.،.،.،.،
في مكان ما كانت تجلس نور اخت عمار مع صديقة وصديق ليها
هادي بخبث... بس يا نونو انا شايف انك معدتيش بتخرجي معانا يعني ومقضيها في البيت
نور بهدوء.. بذاكر ما انت عارف ثانوي بقي
مي بخبث... طيب ما انا كمان في ثانوي وبخرج عادي وبذاكر بروده انتي اللي مقفله علي نفسك. هادي غمز لمي....
مي بمكر...... طيب انا هقوم اجيب حاجه من برة وهاجي بسرعه
نور... طيب هاجي معاكي
مي بمكر... مش مستهلة يا نور يا حبيبتي هما عشر دقايق وجاية باي
هادي بعدما خرجت مي قرب من نور وقال... مالك يا نونو متوترة ليه كدة داحنا حتي صحاب من زمان
نور بتوتر بعدت... لا ابدا مفيش حاجه
هادي حط ايده علي خصرها وقربها منه اكتر وقال.... لا في انا بحبك. يا نور و نفسي نرتبط انا وانتي ببعض
نور بصدمة حاولت تشيل ايده ولكن كان متبت فيها بشدة... ابعد عني انت اتجننت مي يا مي
هادي ابتسم بخبث..... مي مشيت انا مشيتها علشان يفضي لينا الجو يا حبي وبعدين انتي خايفة مني ولا اية انا حتي طيب
نور زقته وقع علي الارض علشان تطلع تجري بسرعة ولكن مسك رجليها وشدها عليه وهي وقعت علي الارض وصار فوقها وقال بخبث... انتي هتخرجي انهاردة ملكي يا نور
نور برعب وبكت... ابعد عني اوعي
هادي لم يستمع لها وقبل شفتيها بعنف وحاولت تضربه بايدها الصغيرة ولكن هو مسك ايديها الاثنان وثبتهم فوق راسها
وقبلها قبله عنيفة لدرجة شفتيها نزفت
...،.،.،..،،..،، ، ، ، ر.
في المانيا سافرت كاميليا مع ريهام الي المانيا
كاميليا تجلس في البلكونة... وتبكي.... سامحيني يا مهاب مش. بايدي يا مهاب يا حبيبي
،..،،.،،،.،.،.،،.،.،..،.،،.،.،.،..،.،..،.
اما في البيت مهاب روح من الشغل بدري
ودخل كانت والدته موجودة في المنزل وقلقانة علي ايهم
مهاب بهدوء.. مساء الخير
شاهندا... مساء النور
مهاب بهدوء... كنت عايز حضرتك في موضوع
شاهندا... اتفضل
مهاب بهدوء... عايز اتجوز
شاهندا بفرح... بجد يا مهاب
مهاب بهدوء... ايوه شوفي بنت تناسبني وتناسب طبعي
شاهندا بفرح... حبيبي هشوفلك. طبعا اقولك انت عارف روز بنت طنط شذا بنت جميلة وهادية جدا هتعجبك
مهاب بهدوء... خدي معاد بس نقول لبابا الاول لانه مايعرفش
شاهندا بفرح... وماله يا حبيبي نقوله هقوم اتصل بيه حالا
وقامت شاهندا اما مهاب عيونه قلبت لشر وقال... وللهي لا احرق دمك يا كاميليا
.،..،..،.،.،.،.،.،..،،.،.
في المحل بتاع سيد والد زياد
دخل زياد بابتسامة وقال... بابا انا قدمت في الثانوي من جديد علشان اتعلم
سيد.......
الفصل الحادي والعشرون
في الشركة اكمل شاف كسرة عين ابنه وصعب عليه وهو يبكي مثل الاطفال بقهر
اكمل حاول ما يبينش تعاطفه عليه وقال..... طيب يا ايهم هشوفلك عقاب تاني بس لو متنفذش هنرجع للعقاب ده
ايهم حضن والده وهو يبكي وقال بكسره... ها اعمله اقسم بالله ها اعمله
اكمل غصب عنه طبطب عليه و حضنه و قال... اهدي يا ايهم و استرجل مفيش راجل بيعيط يا ايهم
ايهم مسح دموعه بسرعة وقف بعيد عن اكمل مستني يعرف اية العقاب
اكمل اتصل بمعتز وطلب منه يروح ليه المكتب
بعد دقيقتين دخل معتز المكتب وقال... اومرك يا فندم
اكمل بهدوء... خد ايهم الارشيف وخليه يجهز الملفات ويرتبهم حساب الحروب الابجدية ويرتبهم علي الارفف
معتز بهدوء.. امرك يا فندم ده عقابه بدل
اكمل قاطعه وقال... ايوه هو
معتز بهدوء.... تمام يا فندم حاضر يلا يا ايهم
ايهم خرج وهو ينظر في الارض بكسره والده قدر يكسره و يكسر كبريائه و يخليه ينفذ كل شئ من غير ما يعارض اي كلمة هو يقولها
معتز اخده الارشيف وقال... ده الارشيف تنضف الملفات اللي عليها تراب و ترصهم و ترتبهم حسب الحروف الابجدية وكمان اربع ساعات هاجي اشوفك خلصت ولا لاء.
ايهم وهو ينظر في الارض.. حاضر
معتز خرج وايهم جلس علي المكتب ونزلت من عيونه دمعه كسره ومسح دموعه وقال.... بطل تعيط زي العيال يا ايهم اللي انت بتعمله ده ملهوش فايدة قوم خلص اللي وراك حتي قبل ما المعاد يخلص لازم تكون انت مخلص وانت قادر انك تخلصهم قبل الاربع ساعات
كان يشجع نفسه بايجابية واخدها تحدي مع نفسه وقالم بسرعة يشيل التراب اللي علي الملفات وكان يكح بقوة من التراب ولكنه لم يستسلم ابدا
طلب من العامل اي حاجه يمسح بيها
والعامل جبله قماشه مخصصة للملفات وابتداء يمسح بيها بسرعة وخلص تنظيف الملفات في ساعة الا ربع وابتداء في الترتيب حسب الحروف الابجدية
.،.،.،.،.،.،..،.،.،.،.،..،.،.
في المحل والد سيد اتصدم ولكن تمهل شوية قبل ما يرد
سيد ابتسم.. حاجه حلوة يا زياد بس طبعا علشان حورية مش علشان انت عايز تتعلم مش كده
زياد اتكلم بهدوء وقال... بصراحه يا ابا في الاول فكرت اتعلم علشان خاطر حورية وعلشان تعجب بيا ولكن بعد كدة قبلت صديق ليا زمان كنا في الاعدادي سوا ولقيته بيقولي انا بقيت دكتور تصدق يابا اتكسفت جدا اقوله اني مكملتش تعليم بس في النهاية قولتله اني مكملتش زعلت اني مكملتش تعليم كلمني علي صحابنا وهو بيقولي كل واحد بقي اية اللي دكتور واللي مهندس واللي بقي مدرس وانا ولا حاجه خالص حتي الدبلوم مخدتوش حسيت اني لازم اكمل تعليم علشان نفسي اولا وعلشان مستقبلي ثانياً وعلشان حورية ثالثاً
سيد ابتسم.... زي ما انت عايز يا زياد انا يا بني ما يهمنيش غير مصلحتك وبس اللي انت عايزه اعمله قولت لامك ولا لسه.
زياد ابتسم... لسه ومش هقولها لانها مش هتقولي غير مش هتفلح انت فاشل مش مكسوف علي دمك شحط ولسه هيدرس انت خلاص عمرك في التعليم انتهي وانا مش عايز اي كلام سلبي ممكن يعجزني و يحبطني
سيد قام من علي كرسيه وقال... انا معاك يا زياد وقت ما تحب تذاكر عندك مفتاح الشقة التانية روح اقعد فيه وذاكر في هدوء وانا واثق انك هترفع راسي يا زياد
زياد حضن والده وقال..... ان شاء الله هرفع راسك
سيد ابتسم.... ان شاء الله يا حبيبي انت رايح فين دلوقتي
زياد ابتسم... هروح اتفق مع مدرسين تدرسلي هو هيبقي غالي شويتين بس انا هشتغل واحاول اغطي علي المصاريف متقلقش
سيد ابتسم... ملكش دعوة بالمصاريف يا زياد انا عايزك تركز بس في دراستك بما انك نويت علي ده
زياد ابتسم.... ربنا يخليك ليا يارب وميحرمنيش منك ابدا
سيد ابتسم.. ولا يحرمني منك يا حبيبي يلا روح احجز بقي بس انت هتروح المدرسة ولا هتمتحن في البيت ولا اية النظام
زياد ابتسم... لا يا ابا انا هروح علي الامتحانات علي طول
سيد ابتسم.... علي خيرة الله
زياد ابتسم.... بعد اذنك يا ابا
سيد ابتسم... اذنك معاك يا حبيبي
خرج زياد لحجز مدرسين مخصوصين له
،..،.،..،.،.،.،..،.،.،.،.،.،....،..،.
اما عند نور كان يحاول هادي التهجم عليها
وكان يقبلها بعنف
وهي كانت تحاول التملص منه والهروب ولكن لا تقدر عليه
الباب كان يخبط بعنف شديد ولكن هادي لم يهتم
لكن نور كانت تبكي وتصرخ وهي تقول... الحقني الحقني
الشاب مكنش قادر يكسر الباب لان جامد ومن حديد ولكن كسر البلاستك وادخل ايده وفتح اكره الباب وهادي شافه قام بسرعة وطلع مسدسه واما الشاب قرب بغل من هادي اللي خاف منه وضربه بغل وفضل يضرب فيه بروسيات لغاية ما وجهه اتملي بالدماء
اما نور قامت وعدلت ملابسها وكانت تبكي
اما الشاب وكان عمر السواق والحارس بتاع والدها الذي وصلها وقلق لما شاف مي خرجت وهي لا ودخل يشوف اية اللي بيحصل سمع صريخ نور
عمر مسك ايديها بقوة واخدها وخرج وركبها ورا وركب العربيه وهي كانت تبكي
نور ببكي... انت مش هتقول لبابا وماما صح
عمر لم يرد عليها
نور ببكاء... عمر رد انت ساكت ليه لو قولت لبابا هيقتلني
عمر بحده... انتي تستحقي
نور بصدمة ودموع ومقدرتش تتكلم كانت تعلم انه محق
عمر بحده... تقدري تقوليلي لو انا ملحقتكيش اي كان ممكن يحصلك انتي عارفة اية اللي ممكن يحصلك كويس اوي وانتي عارفة البنت اللي تدخل بيت شاب بيسموها اية واحدة مشفتش تربية ولا عدت علي باب بيتها انا عارف ان الاغنياء اللي زيكم متحررين زيادة عن اللزوم وانا واحد صعيدي وميهمنيش انك غنية واني شغال عند ابوكي انا اللي في قلبي قولته وده اللي عندي يا بنت الناس لو فضلتي علي التسيب ده هتخسري نفسك وهتحطي راس اهلك في الطين وهتندمي
نور بدموع... اوعدك مش هعمل كدة تاني بس متقولش لبابا ولا ماما حاجه وانا مش هعمل كدة تاني لو سمحت يا عمر
عمر بحده... هنشوف ولو شوفت حاجه غلط منك انا مش هشيل ذنبك هقول لاهلك علي كل حاجه
نور بدموع.. مش هعمل حاجة اقسم بالله
عمر بحده؟... تمام والبت دي معدتيش تكلميها هي رميتك الرامية دي بنت مشفتش تربية
نور بدموع... طيب
عمر طلع بالعربية وقبل ما يوصل البيت قال.... امسحي وشك واعدلي نفسك علشان اهلك ما يخدوش بالهم
عمر مد ايده بالمنديل
نور اخدته ومسحت دموعها بدموع وقالت... شكرا
نزلت نور من العربية ودخلت البيت وكانت سهر تجلس وتعمل بديكير ومنكير
نور حاولت تظبط صوتها.... مس. اء الخير
سهر بلامبالاة.. مساء النور
نور شافت والدتها غير مهتمية قالت... انا هطلع اوضتي ارتاح شوية.
سهر بلا مبالاة... اوك
نور طلعت الاوضة وارتمت علي السرير تبكي
،،..،.،.،.،..،.،.،.،.،..،.،.،..،.،.،..،
في الشركة وجية
حورية كانت تجلس علي جهاز الكمبيوتر
وعمار كان يتابع الملفات التي امامه
دخل بيجاد ونظر لحورية وقال... حورية خلصتي شغل
حورية بتوتر.... استاذ بيجاد انا بس فضلي نص ساعه واخلص
بيجاد بهدوء... طيب تعالي علي مكتبي
حورية بتوتر... حاضر
خرج بيجاد ودخل مكتبه وجلس علي كرسيه وهي دخلت وراه بعدما استأذنت
بيجاد بهدوء... من بكرة يا حورية شغلك هيتنقل للمكتب بتاعي كاسكرتيرة بمرتب 3500 ونص وكل ما بتتقدمي في الشغل كل ما المرتب بيزيد
حورية بفرح... بجد طيب بس اية السبب
بيجاد بهدوء... ولا حاجه السكرتيرة بتاعة المكتب هتتجوز و مش هتتجوز وانا محتاج سكرتيرة وشوفت مناسبة وجهه لشركة و بمرتب كويس بس لو مش موافقة مش مهم خليكي في المكان بتاعك واشوف حد تاني
حورية بفرح... لا طبعا موافقة يا فندم
بيجاد ابتسم... مكتبك هيبقي هنا في المكتب بتاعي علي فكرة يا حورية لان برة السكرتيرة العامة ودي اللي بتجي معايا عشاء عمل والمقابلات الخارجية انتي وظفتك تسجلي مواعيد الاجتماعات وترتبيلي الملفات وحاجات تانية هتعرفيها في الايام الجايه
حورية بفرح... تمام شكرا يا فندم
بيجاد ابتسم.... سيبي باقي الشغل وروحي وتعالي بكرة الساعة 8
حورية ابتسمت.... حاضر
بيجاد ابتسم... ومعاد خروجك هيبقي الساعة خمسة
حورية ابتسمت... تمام شكرا
بيجاد ابتسم... العفو يلا روحي
حورية ابتسمت... حاضر وخرجت وهي فرحانة ونزلت اتصلت بعمار وقالت علي الاخبار دي اللي ضايقت عمار
عمار حاول ما يبينش..... الف مبروك يا حورية انتي تستاهلي كل خير
حورية ابتسمت بفرح... شكرا متعرفش سعادتي قد اية دلوقتي
عمار ابتسم... يارب علي طول سعيدة
حورية ابتسمت بخجل... شكرا انا هقفل علشان معطلكش
عمار ابتسم... تمام مع السلامه
حورية ابتسمت... مع السلامه
عند بيجاد في المكتب ابتسم بخبث...... كدة تيجي بعد ما يدخل ويتخرج قبل ما يخرج ومش هيكون في اي لقاء بينهم ولا احتكاك
و ابتسم ابتسامة خبيثه.... ولسه لما اتقرب منها انا
،..،.،.،.،،.،.،،.،..،.،.،..،،،
في بيت انجي كانت تجلس مع جارتها ام احمد
ام احمد بهدوء... ها هتيجي معايا يا انجي
انجي ابتسمت... طبعا هو انا عندي زي هبة دي زي بنتي انا لولا ان حورية مشغولة بالشغل كنت خليتها تجي تساعدك وتساعد هبة في حاجات كتب الكتاب
ام احمد ابتسمت... عقبالها يا حبيبتي لما تفرحي بيها و تشوفيها بالابيض.
انجي ابتسمت وقالت بدعاء... يارب يا حبيبتي يارب
ام احمد... خلاص هستنكي بكرة ونروح المول سوا
انجي ابتسمت.. خلاص يا حبيبتي وانا الساعة اتنين بظبط هكون جاهزة
ام احمد.. تسلميلي يارب يلا انا همشي دلوقتي علشان ورايا حاجات كتير
انجي. بهدوء.. اجاي اساعدك في اي حاجه
ام احمد.. تسلميلي يارب لو احتاجتك هشيعلك حد من العيال
انجي ابتسمت... وانا في الخدمة يا حبيبتي
ام احمد.... تسلميلي مع السلامه
انجي ابتسمت.... مع السلامه
خرجت ام احمد وجلست انجي تتابع التلفزيون وبعد ربع ساعة دخلت حورية وقالت بفرح... ماما حبيبتي مش هتصدقي اللي حصل يا ماما
انجي بابتسامة... في اية يا حورية
حورية ابتسمت وحكت ليها كل اللي قاله بيجاد وانجي ابتسمت لفرحة بنتها وقالت.... مش عايزكي تجهدي نفسك يا حبيبتي متنسيش انتي وراكي كلية وحاجات كتير لازم تاخدي بالك منها
حورية ابتسمت.. متقلقيش هرفع راسك زي كل سنه باذن الله
انجي ابتسمت.. باذن الله انا بكرة خارجة مع ام احمد علشان نجيب شوية حاجات من المول للبت هبة فرحها قرب
حورية ابتسمت.. خلاص تمام يا ماما
انجي ابتسمت.. يلا روحي غيري هدومك وانا هجهزلك الغداء
حورية.... حاضر
،.،،.،.،.،،..،.،.،.،.،.،.،
في البيت زياد كان يجلس معه مدرس مادة الكمياء
ويشرح لزياد كل معلومة بتفصيل
وبعد مرور ساعتين
المدرس.. ها في حاجه مش فاهمها يا زياد
زياد ابتسم... لا ابدا انا فاهم كل شئ تقريبا بس سؤال هو انا هدرس التلات سنين الثانوي وبعدين ادخل الكليه
المدرس.. شوف انت حالة خاصة يعني ممكن تقدم علي طلب في الوزارة انك تمتحن الثلاث سنين في سنه واحدة ودي طبعا لازم يكون عندك قدرة عليها لانها صعبة جداً لو موافق ابدا في الإجراءات الازمة وكمان الدروس هابقي مكثفة في جميع المواد
زياد ابتسم... طيب انا هشوف ولو كدة هبلغ حضرتك
المدرس ابتسم.. انا في انتظارك مع السلامه
زياد ابتسم... اتفضل مع السلامه
،.،.،.،.،.،.،.،.،.،،..،.،
في البيت عند وجية روح والغضب ماليه
وصرخ في البيت وقال... سهر
سهر نزلت بضيق.. في اية يا وجية بتصرخ كدة ليه
وجية مسك ايديها بغضب وعمار ونور خرجوا من الغرف وقال بغضب... انتي شركتي يوسف ابو المجد
سهر بضيق.. ايوة شركته في مشكله
وجية ولاول مره يصفعها علي وجهها... بقي تسيبي كل الناس وما تشركيش غير يوسف الوقح الواطي عدوي بجد مصدوم
سهر بصدمة... انت بتضربني
وجية بغضب.. وهكسر رقبتك لو ملغتيش الشراكة دي يا سهر
سهر بغضب.. مش هلغيها شركتي والشراكه اللي ما بنا ملهاش اي علاقة بعدوتكم مع بعض
وجية بغضب؟ بقولك تفكي الشراكة دي سامعة
سهر بغضب.. وانا قولت لا
وجية بغضب؟ ماشي يا سهر روحي وانتي طالق بالتلاته خليه سي يوسف ينفعك
عمار ونور كانوا يقفون بصدمة مما يحدث
سهر بصدمة... بتطلقني انت اتجننت
وجية بغضب.. لا يا هانم اللي تكسر كلمه جوزها متستحقش تبقي علي زمته يلا غوري من بيتي فوراً
سهر بدموع وغضب... صدقني هندمك يا وجية وبكرة اخليك تركع ليا علشان ارجع ليك
وجية بسخرية... تبقي بتحلمي
سهر طلعت اوضتها اما وجية مقدرش يواجه ولاده في الوقت الحالي خرج بره البيت بسرعة
..،.،.،.،،،.،،.،،.،.،.،.،.،..،.،
في الشركة اكمل
دخل معتز بهدوء... وقال... خلصت الشغل
ايهم بثقة... خلصته يا فندم باقي ساعة وكملت باقي الملفات علي الكمبيوتر كمان
معتز بصدمة.. كمان عملت الملفات علي الكمبيوتر
ايهم بثقة... ايوة
معتز بصدمة... وريني
ايهم بعد ليه وهو شاف وفعلا كل شئ مترتب و مظبوط
معتز بهدوء... برافو عليك. تقدر تروح دلوقتي
ايهم ابتسم.. شكرا
وخرج وهو مبتسم للانجاز العظيم بنسبه ليه اللي عمله