رواية العشق الممنوع الفصل الثاني والعشرون والثالث والعشرون بقلم مارلي ايهاب
في صباح يوم جديد استيقظ ايهم في الساعة الخامسه ونصف صباحاً بهمه ونشاط وبدون ان يدخل احد يصحيه لبس هدومه وجهز نفسه ونزل و حتي والده لم يخرج من البيت ولم يرى ايهم وهو يخرج
خرج من الفيلا وفضل يمشي لغاية ما وصل لموقف التاكسي وركب علي طول وكان مبسوط انه هيوصل في معاده ومش هيتأخر
بعد مرور ربع ساعة وصل الشركة وكانت الساعة سابعة الا تلت دخل بثقة علي مكتبه هو و مجموعة من الزملاء اللي مكنش موجود منهم غير واحد فقط واللي اضايق ان ايهم جاي بدري
جلس ايهم بهدوء علي مكتبه وبدون حتي ان يلقي السلام
وبعد ما وصلت الساعة السابعة تجمع كل الموظفين اللي المكتب ايهم وكان معهم معتز اللي اتصدم ان ايهم موجود
معتز بهدوء... انت موجود من امتي
ايهم بثقة... انا موجود من سابعة الا تلت يا فندم
معتز بهدوء... واية النشاط اللي عندك ده جاي بدري عن معادك
ايهم ابتسم.... بصراحه حبيت الشغل هنا في الشركة وبعدين يا استاذ معتز الانتظام حلو وده اتعلمته قريب
معتز ابتسم... طيب يا ايهم كويس اوي التزام ده اتمني تفضل كدة علي طول
ايهم ابتسم... اكيد باذن الله مش هيكون في تاخير
معتز.... اتمني يلا الشغل هيتوزع عليكم دلوقتي
ايهم ابتسم بهدوء وهو يري شاب يحط له ملف المهام
معتز بصرامة... الملفات اللي معاكم دي تخلص في خلال تلات ساعات بس مفهوم
الكل.... مفهوم
خرج معتز وايهم فتح الملف بحماس شديد وهو يقول... هخلص قبل المعاد بساعة زي امبارح يارب قدرني
،..،.،.،.،.،..،.،،.،..،.،.،.،..،.،،..،.
في الادارة التعليمة كان يقف زياد بإبتسامة علي وجه وقال لموظف... يا استاذ انا كنت جاي عايز اخد التلات سنين في سنة واحدة زي ما حضرتك شايف انا عندي 26 سنه
الموظف... طيب بس ده صعبة ممكن متنجحش بسهولة
زياد ابتسم... باذن الله هنجح
الموظف... خلاص براحتك هقدم طلبك للوزارة وهما هيدوك الموافقة
زياد ابتسم.... شكرا
ابتداء الموظف الإجراءات وكان زياد يبتسم بفرح
.،.،.،.،..،.،.،.،،.،..،.،.،.،..،.،.،.،
في البيت عند اكمل كانت تجلس سهر في الجنينة مع اختها وهي تبكي بقهر واكمل يجلس معهم
سهر ببكاء.... بقي يطلقني وبالتلاتة انا هربيه الواطي ده ازاي يعمل كده معايا
شاهندا بتكبر... انا مش فاهمة جوزك ماله يا سهر بجد بقي غريب وصعب التعامل معه وبقي بيحب المشاكل جدا
اكمل بحده..... شاهندا سهر غلطانة واي راجل مكانة كان هيعمل كدة ملقتش غير يوسف ابو المجد الدنجوان الكبير وابو عين زايغة ومتحرش و مرتشي وكل الصفات الزبالة فيه وعدو وجيه من زمان ولما طلب منها تفض الشراكة دي رفضت هي اللي غلطانه متزعليش مني يا سهر اللي عملتيه كان غلط كبير اوي كمان
سهر ببكاء... ده ضربني يا اكمل قل بيا قدام ولادي وانا مليش علاقة بعدوته معه ده بيزنس مليش علاقه بالعدوه دي يا اكمل
اكمل بضيق... انا قولتلك وجه نظري مهما كان بيزنس ده جوزك لازم تسمعي كلامه في اي حاجه يقولها و ما تعرضهوش وعدو جوزك يبقي عدوك يا سهر
شاهندا بضيق... خلاص يا اكمل حرام عليك بقي
اكمل بضيق... انا ماشي يا هانم براحتك انتي وهي
وسابهم وخرج وشاهندا كانت بتواسي اختها وبتقول... انتي ما غلطتيش في حاجه هو اللي غلطان انه مد ايده عليكي وطلقك انتي المفروض تروحي تعملي في محضر انه ضربك و اهانك قصاد ولادك يا سهر وتعلميه الادب علي حق
سهر.......
............
اكمل خرج برة البيت وقال للحارس.... لو ايهم خرج متدهوش عربية سامع
الحارس... استاذ ايهم خرج من بدري يا فندم وماخدش عربية
اكمل بصدمة وعدم تصديق... خرج امتي
الحارس بهدوء.. كانت حاولي سته ونص يا فندم
اكمل بصدمة... انت متاكد
الحارس... طبعا يا فندم
اكمل هز راسه بعدم تصديق وركب عربيته واتصل علي معتز يساله عن ايهم
اكمل بعدم تصديق.. ايهم عندك يا معتز
معتز.. ايوه يا فندم موجود من بدري
اكمل بصدمة... بجد يا معتز
معتز بهدوء... انا اتصدمت زي حضرتك كده في الاول بس هو فعلا موجود وبيشتغل كمان
اكمل ابتسم بفرح.. طيب يا معتز مع السلامه انا جاي اهو
معتز بهدوء... تجي بالسلامه يا فندم
اكمل قفل وكان فرحان بتغير ابنه ودعي انه يفضل كدة علي طول وما يرجعش زي ما كان
،.،.،،.،،.،.،.،.،.،..،.،.،.،.،.،.،..،.،.
في الساعة السابعة وصل عمار و كان مضايق ان حورية اتاخرت اتصل بيها وكانت لسه صاحية وقالت بنعاس... الو
عمار بصدمة.... هو انتي لسه نايمة ولا اية يا حورية انتي مش واخده بالك انتي اتأخرتي
حورية بهدوء.... انا الشفت بتاعي بيبدا من 8 مش من سابعة يا عمار
عمار بصدمة... يعني اية مش هتيجي وتمشي معايا
حورية بهدوء... لا هاجي تمانية وامشي خمسة
عمار بغضب حاول يخفيه.... ماشي يا حورية اسف لو ازعجتك
حورية ابتسمت.... مفيش ازعاج ولا حاجه باي
عمار... باي
عمار قفل بضيق شديد و شاف بيجاد داخل الشركة وقال... صباح الخير
الكل رد ما عدا عمار
بيجاد بهدوء... شوفوا يا شباب الشغل انهاردة هيبقي مكثف وممكن تمشوا متأخر عن معادكم لان في شغل كتير تمام
الكل... تمام
بيجاد بهدوء... اتفضلوا علي مكاتبكم ورافت هيوزع الشغل
الكل... تمام يا فندم
وطلع الكل ماعدا عمار اللي قال بحده وغضب..... انت مفكر انك لما تخلينا منتقبلش مع بعض في الشركة انت كدة بتفرقنا بتحلم يا بيجاد بيه حورية ملكي انا انا وبس ومتفكرش انك تقدر تاخدها مني لا انا عملت كتير علشان اتقرب منها متفكرش انك بالساهل تبعدنا عن بعض
بيجاد بحده.... وعملت اية بقي يا عمار بيه
عمار بغضب... ميخصكش المهم ان حورية بتاعتي ملكي ومش هسمح لاي مخلوق ياخدها مني يا قاتل يا مقتول في القصة دي
بيجاد بحده... اسمع يلا انا افرمك تحت جزمتي وحورية ليا وهبعدكم عن بعض اكتر من كدة بكتير وحتي الكلية مش هخليها تشوفك فيها انسي حاجه اسمها حورية نهائي وهبقي اعزمك علي فرحنا روح شوفلك وحدة تانية غيرها
عمار مسك بيجاد من لياقه قميصه وقال بغضب وجنون .... انا اموتك سامع محدش هياخد مني حورية لا انت ولا غيرك حورية ليا انا وبس سامع
بيجاد مسك ايده بحده ونزلها وقال.. تعرف انا مش هتطردك لا هخليك هنا علشان يتحرق دمك وانت شايفها قريبه مني وفي مكتبي طول الوقت اصل مكتبها في قلب مكتبي وانت مستحيل تشغل قلبها مش هتبص لعيل زيها يا عمار يوم ما تبص هتبص لراجل مش عيل
وساب ايده وقال... علي شغلك
وسابه ومشي وعمار عيونه دمعت من الغضب و حاسس ان ممكن في اي لحظة حورية تروح منه بس وعد نفسه ان لازم يشوف طريقة يحل بيها الموضوع ويبعد بيجاد عن حورية
.،..،.،.،.،.،،.،.،.،،.،.،.،..،.،.،.،
في البيت عند حورية كانت تجهز وسلمت علي والدتها وقالت... هترجعي امتي يا ماما
انجي بهدوء... مش عارفة لما ام احمد تخلص وتجيب اللي هي عايزه هنرجع
حورية وهي تقبل راسها... ماما متجهديش نفسك علشان انتي ضهرك بيوجعك
انجي بهدوء... متقلقيش يا حبيبتي انا تمام وكويسة ومش هتعب نفسي متقلقيش
حورية ابتسمت.... ماشي يا ماما انا همشي دلوقتي علشان متاخرش
انجي بابتسامة... ماشي يا حبيبتي مع الف سلامه
حورية.. الله يسلمك يا ماما باي
انجي... باي
،.،.،.،..،،.،،،.،،..،..،.،.،
في الشركة عند وجية شركة الام كان يجلس بهدوء
وكان معه صديقة احمد
احمد بهدوء... بس انت اتسرعت يا وجيه معاك حق تزعل لكن انت اتسرعت وطلقتها
وجية بضيق..... انا مغلطتش مراتي بتعصيني وبتعارضني وراحت لواحد زبا*لة وعدوي وانا قولتلها تفض الشراكة دي ورفضت تبقي تستاهل انا امبارح ما اقعدتش في البيت امبارح مش قادر اوجه ولادي حالياً
احمد بحزن... طيب مفيش امل ترجعها يمكن هي ترجع عن اللي في دماغها
وجية بضيق... انا مش هرجعها الست اللي متحترمش جوزها متلزمنيش ولو اترجعت انا مش هرجعها
احمد بحزن... خلاص يا وجية اللي انت شايفه صح اعمله
وجيه حاول يغير الموضوع.... هتروح الغداء العمل
احمد بهدوء..... مش هينفع اهل مراتي جايين عندي روح انت يا وجية معلش
وجية... ولا يهمك هروح انا ابعتلي العنوان في اللوكيشين وانا هروح
احمد.. تمام هبعتهلك يلا اسيبك انا واروح اكمل الشغل
وجية... تمام
احمد خرج بره المكتب اما وجية سند ضهره علي الكرسي وهو يتذكر افعال زوجته سهر ويتذكر كيف كانت في فترة الخطوبة لم يبان عليها اي شئ من شخصيتها كانت وادوده وكويسة ولكن بعدما تزوجها اكتشف شخصيتها الحقيقة عن غرورها وتكبرها وتعامل الخدم والشغالين في المنزل بطريقة احتقارية كيف كل موقف تثبت له انها انسانة جشعه ولا يهمه شئ غير المظاهر العامة
ومنظرها في المجتمع فقط
،.،.،.،،،.،..،.،.،،،..،.،..،.،.،.،.،.
في الشركة دخلت حورية الشركة وطلعت علي الاسانسر وطلعت علي مكتب بيجاد
خبطت
بيجاد... ادخل
دخلت حورية وقالت... صباح الخير
بيجاد بهدوء... صباح النور تعالي اقعدي
حورية جلست بهدوء.
بيجاد ابتسم وقال... انتي الايام اللي بتروحي فيها الكلية امتي
حورية ابتسمت.... سبت و اتنين واربع
بيجاد ابتسم...طيب دول حسب الجدول عندك ولا انتي اللي مختارة الايام
حورية بهدوء... لا انا الكلية عندي كل يوم انا اللي اخترت الايام
بيجاد بهدوء..... طيب يا حورية انا عايزك تبقي حد وتلات وخميس لان اليوم دي الشغل هنا بيكون قليل
حورية ابتسمت... حاضر بس عمار هيبقي معايا
بيجاد كتم غيظه وقال... لا عمار هيفضل في الايام العادية اللي بيروح فيها
حورية اتضايقت شوية ولكن قالت..... تمام
بيجاد ابتسم.... طيب روحي مكتبك وسجلي الملف ده علي الكمبيوتر
حورية ابتسمت.... تمام
وراحت علي المكتب وفتحت الملف وابتدات تشوف الشغل
.،.،.،.،.،.،.،.،..،.،.،..،.،
في الشركة عند سهر كانت تجلس مع يوسف ابو المجد
يوسف بخبث.... طيب انتي هتعملي اية دلوقتي بعد اللي عمله معاكي بقي حد يضرب القمر ده واحد معندوش نظر
سهر ابتسمت بثقة.... انا هعرف ازاي اربيه كويس اوي
يوسف ابتسم... وانا واثق يا سهر هانم انك قد ده فعلاً ومستني اشوف انتقامك هيبقي ازاي
سهر كانت تنظر بتحدي في نفسها انها سوف تاخذ حقها من وجية
.،.،.،.،..،.،..،..،.،..،.،.،،.
في البيت عند وجية كانت تجلس نور في الجنينة سرحانة
قرب منها عمر وقال بهدوء... في واحده عايزة حضرتك برة
نور بهدوء.... مين
عمر بهدوء... مرضتش تقول اسمها وانا مرضتش ادخلها
نور هزت راسها وقالت..... تمام انا جاية اشوفها
عمر بهدوء... سابها ومشي ورجع مكانها اما نور خرجت بهدوء وشافت بنت واقفة وكانت زميلتها في المدرسة
نور بهدوء... سحر مش كدة
سحر بهدوء... ايوة
نور بهدوء... اتفضلي
سحر بابتسامة... لا معلش مرة تانية انا كنت جاية اخد منك الكشكول اللي اخدتيه ونستيه معاكي
نور ضربت جنبينها.... اهه سوري بس نسيت طيب ادخلي واقفة برة ليه
سحر بإبتسامة..... معلش انا ورايا درس مهم ولازم اخد الكشكول علشان متأخرش عليه
نور ابتسمت... طيب هجبلك الكشكول وجاية
سحر بإبتسامة..... في انتظارك
سحر نظرت لعمر باعجاب ولكن نظرت في الارض بخجل بعدما لاحظ نظرتها
نور نزلت بسرعة وادتلها الكشكول قالت.... كان نفسي تدخلي تقعدي معايا شوية
سحر بإبتسامة.. تتعوض باذن الله
نور بإبتسامة..... هستناكي تجي هنا تاني
سحر.... ان شاء الله بعد اذنك
ومشيت سحر وهي ذهبت تجلس في الجنينة
نور كانت تجلس وهي تتذكر انها حاولت ان تتوصل مع مي وان تذهب اليها لتعلم لما كانت تريد ان تفعل بها ذلك
ولكن لم تجدها وهي لم ترد علي اتصالاتها
،.،.،...،.،.،.،.،.،.،،..،.،.، ، ،
في الشركة بعد ثلاث ساعات من العمل
كان ايهم خلص الشغل وذهب لمكتب معتز وخبط
معتز بهدوء... ادخل
ايهم ابتسم... انا خلصت شغل
معتز بهدوء... بجد
ايهم.... ايوة بجد خلصت
معتز..... طيب يا سيد روح بدل خلصت
ايهم ابتسم..... تمام
خرج ايهم وابتسامة ثقة علي وجهه
،.،..،.،.،.،..،.،.،..،.،،..،.،.،.،،.،،.
في المول في الساعة الثالثة كانت تمشي انجي مع ام احمد وهم يحملون بعض الاغراض الثقيلة جلست انجي علي تربيزه في المول بتعب شديد ومعها ام احمد
ام احمد بتعب.... معلش تعبتك
انجي بابتسامة... لا تعب ولا حاجه انا هقوم اجيب كوبايتين عصير قصب لينا الجو حر اوي
ام احمد... خليكي وانا هجيب
انجي ابتسمت... انا اللي هجيب خليكي مكانك يلا
وذهبت انجي لتجلب العصير
وهي تفتح شنطتها وتنظر فيها خبطت في حائط بشري وهو كان يمسك الملفات وقعت من يده قال بغضب بدون ان ينظر لها ليها لان الورق طار
.... مش تحاسبي
انجي بخجل... بعتذر يا استاذ انا هلمهم ليك مش قصدي
نظر للصوت وشاف سيدة جميلة جداً والخجل من الموقف باين علي وجهها
حمحم وقال..... لا انا هلمهم مفيش مشكلة تقدري تتفضلي
انجي بخجل.... بعتذر مرة تانية مكنتش اقصد
..... ولا يهمك اتفضل ي
انجي بخجل... بعد اذنك
مشيت وكان بتابعها بنظره وقال لشاب معه... لم الورق ده وهاته
،..،.،.،.،..،.،.،.، ، ، ، ،.،..،.،
حورية كانت تجلس في الشغل وصلت لها رسالة من العاشق المجهول
حبي لكي يزيد كل يوم عن قبله لا تعلمي نظري لك كل يوم ماذا يفعل بي حينما تذهبي لتركبي من الموقف حتي الذهب للشركة قلبي ينفجر من الغيرة من وجودك في وسط الرجال والتعامل معهم ارحمي غيرتي يا حورية قلبي وارفقي بيي يا حبيبتي حسي بي ولو لبعض الوقت لا اريد ان اعيش بعيد عنك ابدا سوف انزع حياتي مني لو تركتني وذهبتي لراجل اخر يا حبي الاول والاخير
العاشق المجهول.،.
حورية بدموع.... طيب مين هو مش عايز يقول ليه كل ما اسأله ما يردش عليا ليه
..،.،.،.،..،.،.،..،.،.،.،،.
في البيت عند شاهندا دخل مهاب البيت
شاهندا بسرعة.... انا اخدتلك معاد من شذا علشان تتقدم لروز وقولت لبابا
مهاب بعدم اهتمام.... تمام انا هطلع اريح شوية.،
شاهندا بهدوء.... تمام يا حبيبي
الفصل الثالث والعشرون
في البيت كانت تجلس حورية في غرفتها وهي تقراء رسائل العاشق المجهول الماضية وهي تبتسم بشرود و وحب للرسائل وتقول بهيام
لو بس اعرف مين هو
وفضلت تفكر وتقول... ممكن زياد مثلا
بس زياد ملهوش في الكلام ده وانا متاكدة هو كدة كدة كان بيقولها في وشي مش محتاج للحركات دي
طيب ممكن مين تاني اعرفه معني بيقولي شركة وموقف.
وقفت عند كلمة موقف واتصدمت وقالت.... معقول عمار مستحيل مش معقول هو عمره ما اتكلم ولا قال ولا حتي لمح لحاجة طب اساله طيب طب هقوله اية انت اللي بتبعت الرسايل ولا لأ مش حلوة ابدا انا لازم اعرف مين اللي بيبعت الرسايل دي لازم يعرف اني بقيت مقدرش انام من غير ما اشوف رسالته ليا
يارب خليني نصيبه وعرفني هو مين
و قفلت الفون لتنعم بنوم هادئ مع شرودها في الرسائل وصاحب الرسائل
،..،..،..،..،.،..،..،.،.،،
في بيت عمار كان يجلس هو و نور وينتظرون والدهم
بعد مرور نصف ساعة في صمت شديد دخل وجية البيت بهدوء و نظر لهم وفهم هما في ماذا سوف يحكوا معه
وجية بهدوء.... مساء الخير
نور وعمار... مساء النور
وجية بهدوء... اية اللي مسهركم لغاية دلوقتي
عمار بهدوء.... عايزين نتكلم يابابا اللي حضرتك عملته في ماما ده ميصحش انك تضربها وقدمنا وكمان طلقتها كل ده ما يصحش ابدا
نور بحزن... انا يا بابا عايزة ماما ترجع البيت روح صالحها ورجعها ليك وهي بالهدوء هتعمل اللي حضرتك عايزة
عمار.... فعلا بس اتكلم معها بهدوء وهي هترجع ليك تاني وهتعمل اللي حضرتك عايزه
نور.... وبعدين يا بابا ماما عمرها ما زعلتك قبل كدة غلطه واحدة المفروض حضرتك تسامحها فيها
وجية ابتسم بسخرية علي جملتها (عمرها ما زعلتك)
عمار ونور فضلوا يلحوا عليه لغاية ما قال
وجية بضيق.. طيب طيب هروح بكرة اصالحها
نور بحماس... خلاص واحنا مش هنقول لها اي حاجه علشان تتفاجئ
عمار ابتسم علي فكرة اخته وقال... معاكي حق
وجية بضيق... طيب يلا انا طالع انام
و سابهم بدون كلام عمار الوحيد اللي اخد باله ان والده مش مبسوط بالقرار ده
في غرفة وجية
جلس علي الكنبة وقال بغضب... هترجع تاني وتخنقني انا مش قادر اقول لولادي لا واكسر فرحتهم انا بجد تعبت تعبت منها و من كبريائها ومن غرورها زهفت منها بقي
،،..،.،.،.،..،.،..،.،.،..،.،،.،.،..،.،.،.،
في البيت والد زياد كان يجلس ويذاكر دروسه بهدوء وحينما يستصعب عليه شئ يتحدث مع مدرسه الخاص او يفتح الشرح علي اليوتيوب
زياد قفل الكتاب بتعب وقال..... اه يارب وافقني علي قد تعبي و مجهودي يارب ونجحني
.،.،...،.،.،..،،،..،.،،..،.،.،.،.
في غرفة ايهم كان يقراء كتاب عن اسرار النجاح في العمل ويقراء بعمق وفهم شديد
وبعد ما قراء اكتر من عشر صفحات قفل الكتاب وفتح الفون علي الفيس بوك ليذهب الممل عنه
وفضل يقلب في الفيديوهات لحد ما وقف علي فيديو لشاب بيبكي بقهر علي صديق عمره ويقول
انا وهو كنا مع بعض في نفس المكان وكنا مع بعض في نفس العربية وكان المفروض انا اللي اموت مش هو بس مش عارف ازاي هو اللي يموت وانا افضل عايش وخرجت بخدوش خفيفة استغفر الله العظيم واتوب اليه
المذيع.... طيب انت مش فرحان انك لسه عايش و مموتش
بكي بحرقة وقال... طب ياريت انا كان ياريت انا وهو لا
المذيع باستغراب...طيب ايه بتقول كدة
بكي الشاب بوجع وقهر... انا كنت جاهز للموت لكن هو مات علي معصية لربنا عارف ان كلنا بنغلط و مفيش حد مش بيغلط لكن انا كنت دايما بواظب حتي لو عامل اية كنت بواظب علي عبادتي لربنا سبحان و تعالي وعمري ما سبت فرض كنت افضل اقوله يا بني صلي الدنيا صغيرة محدش عارف يومه امتي يفضل يقولي فكك ياعم انا لسه صغير اكبر شوية وهتوب وهرجع لربنا لكن انا عايز استمتع بحياتي انا مش بقول الكلام ده علشان افضحه انا بقول الكلام ده ليكوا انتم كل اللي شايف نفسه لسه صغير وان ممكن يفضل عايش لغاية الستين والسبعين موتنا مش بايدينا محدش عارف هيموت امتي لو كل ذنوب ارجع وربنا هيغفرلك لو فيك كل العبر ربنا هيقبلك بس متموتش وانت حتي ما حولتش تقرب قرب من ربنا صلي فروضك صيامك
اقراء في القران الكريم بلاش تستسلموا بلاش ابوس رجليكم فكروا في اخرتكم احسن من الهبل اللي بتشوفه والفيديوهات والنت والصحاب والبنات كل ده مش هيفيدك يوم القيامة مش هيفيدك انا نصحتك وانت حر في قرارك
ايهم عيونه كانت مدمعة بشدة من تاثير هذا الشاب عليه تذكر كل ما حدث تذكر علاقاته بالبنات تذكر شربه وسكره والصحاب السؤء الذي كان يجرونه لعمل الفحشاء والذنوب والمعاصي
ايهم ابتسم بامل وقال... لسه عندي فرصة اقرب مش هخسر حاجه
وقام علشان يصلي ولكن تذكر ان هو لا يوجد عنده سجادة صلاة اتكسف يروح يسأل ولاده لان عمره ما شاف والده او ولدته بتصلي ولا حتي بتصوم
خرج برة الفيلا وراح علي الجنينة وذهب لملحق في الجنينة وخبط بخجل انهم في الساعه الواحدة مساء
فتحت ست في عمر الخمسين وقالت... ايهم بيه في حاجه عايزيني اعملك حاجه
ايهم بخجل... لا بس كنت بسالك عندك سجادة صلاة
الست بصدمة ولكن قالت بسرعه... عندي
ايهم بخجل... طب ممكن واحدة
الست دي اسمها امل... حاضر يا بيه
دخلت جابت السجادة وقالت... خليها معاك لو محتاجها تاني انا معايا واحده تانية
ايهم ابتسم... شكرا
وسابها وطلع بسرعه علي الفيلا ودخل وقفل الباب بهدوء والحرس كانوا مستغربين من افعله الغير مفهومة ولكن لا يقدروا علي السؤال
طلع اوضته وفرش السجادة و قال بهدوء انا اسمع ان المفروض اتوضي الاول بس انا مش عارف ازاي واصلي اصلا دلوقتي ازاي مش قادر اعرف حاجه يارب اعمل اية اه اطلع علي النت واشوف ازاي
وفعلا عمل بحث عن كيفية الوضوء وعرف ودخل الحمام واتوضي وخرج بهدوء ولكن مقدرش يصلي لانه مش عارف حاجه تقريبا فما يخص الصلاة والعبادة جلس علي السجادة يبكي بقهر ويقول مش عارف محدش علمني ولا كان بيكلمني عن الصلاة اصلا انا مسلم بالاسم فقط مش عارف
وجلس يبكي بقهر شديد.
،..،.،.،.،.،.،.،.،.،..،.،.،.،،،،
في صباح يوم جديد ذهب ايهم لشركة بدون نوم لانه كان يبحث ويدور عن كيفية الصلاة بعدما هدء نفسه انه سوف يتعلم كل شئ
دخل المكتب وقال.... صباح الخير
.... صباح النور
معتز ابتسم... في معادك بظبط كويس جدا يلا يا ايهم ملفك هيجي علي مكتبك تشوف الشغل اللي وراك وبعد ما تشوف الملف. في حاجه هتعملها هتجي معايا نعين موقع علشان هيتبني عليه ساعتين وتكون خلصت الملف اللي معاك علشان نمشي
ايهم ابتسم... حاضر.
معتز بهدوء.. بالتوفيق
ايهم ابتسم.... شكرا
وجلس علي المكتب وبعد خمس دقايق جه الشاب ومعه الملفات ووزع الملف بتاع ايهم وايهم قال... بسم الله وابتداء يشتغل بهدوء
.،..،.،،..،.،.،..،.،.،..،،..
في الشركة تجلس حورية وبيجاد يتبعها وينظر لسرحانها
بيجاد بهدوء.. حورية
ولكن لا رد
بيجاد... حورية
حورية فاقت من سرحانها وقالت..... نعم
بيجاد بهدوء.. سرحانة في اية كدة
حورية بهدوء... لا ابدا مفيش حاجه
بيجاد سكت وهز راسه وهي بعدها بخمس دقايق قالت بتوتر.... هو عمار مجاش انهاردة
بيجاد بضيق.. بتسالي ليه
حورية بتوتر... لا عادي مجرد سؤال مش اكتر
بيجاد قال بضيق.. جه
اضايق اكتر حينما راي وجهها يشع فرحاً وهو لا يعلم السبب
بيجاد قال بضيق.. انا رايح اشوف المشروع المتأجل
حورية.. تمام
بيجاد خرج والغضب ملئ قلبه من ناحية عمار
اما حورية كانت تنتظر حتي تعلم هل عمار من يرسل الرسائل اما لا
.،.،.،.،.،.،.،..،.،.،.،..،.،.،..،.،.،.،.،.،
في الشركة عند وجية كان يجلس علي مكتبة وهو يقول... اخلص الشغل وبعدين ابقي اروح اصالحها علشان اخلص من الموضوع ده
الباب فتح فجاة ودخل مجموعة عساكر الي الشركة
بعنف
وجية بضيق وصوت عالي .. اية الداخلة دي مفيش باب تخبطوا عليه في اية
الظابط بحدة.... حضرتك مطلوب القبض عليك
وجية بصدمة.... نعم ليه يعني
الظابط بحدة.... السيدة سهر يوسف السيوفي عملت فيك محضر بالتعرض لها والضرب
وجية بعدم تصديق.. مستحيل يوصل بيها الدرجة انها تقول كدة
الظابط... اتفضل معانا لو سمحت علشان ما نضطرش ناخدك باسلوب تاني
وجية قام وقال بغضب... تمام يلا بس انا هاجي في عربيتي متحسسنيش اني عامل مصيبة دي سمعتي في شغلي انت سامع
الظابط علي مضض... طيب
وجية...خرج بضيق مع العساكر وقدام جميع المواظفين اللي كانوا مصدومين ان مديرهم مقبوض عليه
خرجوا بره الشركة وركب عربيته وطلع علي قسم الشرطة والبوليس وراه
ياتري اية اللي هيحصل
.....،.،.،..،.،،..،.،
في معاد البريك كانت تقف حورية امام عمار وتبتسم وتقول.... عمار اسألك سؤال
عمار بهدوء... اتفضلي
حورية بخجل.... انت بتعمل حاجه من ورايا
عمار بستغراب.. حاجه اية يعني
حورية بخجل... هقولك بصراحة انت اللي بتبعت الرسايل صح
عمار بمنتهي الاستغراب.... رسايل اية يا حورية
حورية اتصدمت لما ماشفتش اي توتر او قلق يدل انه هو فعلا وبيكذب عليها شافت عدم فهم فقط واستغراب