رواية في عيونك وعد
الفصل السادس والاربعون46
بقلم هبة احمد
فاطمة/ انا خايفه عليكى طب كلم حاتم ولا امير
عبير / لا انا عارفه لواء شرطه ابو صاحبتى هاكلمة يكون معايا خطوة بخطوة
فاطمة / مش هينفع خايفة عليكى دول ناس بيكون قلبها ميت
عبير / انا خايفه على الشباب اللى زى الورد اللى شبة ضائع بسبب السم اللى معندهمش ضمير بتبيعة ليهم
فاطمة / ربنا معاكى ممكن تبقى تخلينى متابعة معاكى
عبير / هزت دماغها بحاضر وارتمت فى حضن فاطمة وبكت كتير انا كنت وحشة اوى يا طنط يارب اغفر وسامحنى
صباح جديد
٠٠٠٠٠٠٠٠٠٠٠٠٠٠٠
بسمة / صباح الورد يا قمر نمتى كويس
نرجس / الحمد لله نفسى افطر رنجة وبصل اخضر وجبن قريش وبيض وعيش مدور
بسمة / كل ده طب الجبنة والعيش والبيض موجودين عند عمتك انما الرنجة و البصل معتقدش أنهم يكونوا موجودين
نرجس / اتصرفى ياجزمة وبسرعة انا جعانة
بسمة / حاضر هتفطرى لوحدك ولا معانا
نرجس / لوحدى علشان هافترس الاكل
بسمة / وآية الجديد انتى طول عمرك مفجوعه وخرجت من اوضة نرجس لقت صابحة
صابحة / صباح الورد يا بسمة امى بتقول الفطار جاهز
بسمة / صباح العسل هو حاتم وامير مشوا
صابحة / لا امى حلفت عليهم يتغدوا معانا
بسمة / كويس هم فين
صابحة / فى المندرة بيفطروا
بسمة / صباح الخير حاتم عوزة رنجة وبصل اخضر
الحاجة منيرة / يابدرى تعالى ياولدى روح هات كيلو رنجة وبصل اخضر وتعالى
بدرى / حاضر حاجة تانى
الحاجة منيرة / لا تسلم يارب
بسمة / أمير هاجهز فطار نرجس وانت خد دخلهليها وخليك حنين عليها دى غلبانة ومنكسرة
أمير/ حاضر اسف انا لما باتعصب مش بعرف انا بقول أية
حاتم / ركز في كلامك نرجس عاملة زى الطفل محتاجة الاحساس بالامان
أمير / حاضر انا مقدرش استغنى عنها وانت عارف
حاتم / قول ليها كدة بهدوء حتى لو هى قالت لفظ غلط استحمل وعدى الأزمة دى على خير
بدرى / الحاجة اهى انا رايح الغيط
الحاج فاروق / خدنى معاك يابنى
حاتم / استنى خدنى معاك انا كمان
صابحة / الفطور جاهز
أمير / هاتى تشكرى واخدة ودخل الاوضة اللى فيها نرجس وقفل الباب وراه بالترباس
نرجس / كانت نايمة ووشها للحايطة هاتى ابت ريحة الاكل تجنن
أمير / ممكن افطر معاكى
نرجس / أخرج من هنا انا مش عوزة اشوفك
أمير / حضنها. من الخلف بس انا عوز اكل معاك يا نور عيني
نرجس / الاهتمام مش بيتشحت ارجوك طلقنى
أمير / طب فطرينى الاول وبعدين طلباتك مجانية
نرجس / انت بتتكلم بجد
أمير/ أيوة بتكلم بجد يلا نفطر ونحبس بشاى مغلى بزمتك فى حد عاقل يفطر رنجة وجبنة قريش وبيض وبصل اخضر وفول وفلافل
نرجس / أيوة انا ابنك نفسه فى الفطار دة عندك مانع
أمير / لا مهو انا لو كنت ربيت ابن الكلب دة كان طلب يفطر حاجة خفيفة يلا بسم الله الرحمن الرحيم وقعد يأكل نرجس فى بوقها لحد ما قالت الحمد لله رب العالمين شبعت
أمير / شال صنية الاكل و حطها على الكمودينوا وحط رأسه على ركبتها واغمض عينه ممكن انام شوية
نرجس / مينفعش أخرج من هنا
أمير / دعلى أساس انى شاقطك من على الصحراوى انتى مرأتى نام بعمق
صابحة / دول شكلهم ناموا ولا شكلهم موتوا بعض
بسمة / أمير بيعشق نرجس بس هو اسلوبة فى الكلام دبش
بدرى / يامة فى واحدة بتسأل على الجماعة برة
بسمة / مين اللى بيسأل علينا محدش يعرف اننا هنا
الحاجة منيرة / خليها تتفضل يابنى
بدرى / اتفضلي يا استاذه
بسمة / بزهول معقولة ان...........