رواية ويبقي الحب
الفصل التاسع9
بقلم اسماء ابرهيم
كان جاسر في غرفته يتحدث مع محمود في الهاتف
جاسر....يعني ايه يامحمود غيرت خطتها ولا انت بتلعب معايا لا فوق لنفسك انت متعرفش هو مين جاسر المنصوري.
محمود...اهدي ياجاسر هي كل اللي قالته ان مش وقته عشان بتجهز لسفرها بره مصر وانها عايزه تنتقم منك عشان اللي حصل مع ابوها وان لازم التنفيذ قبل سفرها بكام ساعه عشان انت ماتلحقش تعمل حاجه.
جاسر...ماشي يامحمود بس خليك فاكر كويس اوي ان لو لعبت بديلك معايا مش هاتشوف النور تاني بعنيك سلام.
يغلق جاسر الهاتف ويرميه علي الفراش ويخرج من غرفته ويذهب الي غرفه جاسمين وفريده يطرق الباب عده مرات ثم تفتح له جاسمين
جاسمين...جاسر بنفسه جاي لحد اوضتي
جاسر ...اه يا اختي ومش جاي عشانك فين فريده
جاسمين...فريده في الجنينه ياعم الحبيب قالت هاتنزل تقعد تذاكر شويه
جاسر...تمام انا هانزلها ياريت بقي لو كوبايه شاي من ايديكي الحلوين.
جاسمين....حاضر ياسيدي تأمر باي حاجه تانيه.
جاسر يقبل جبهتها ويقول تسلمي ياجيسي.
ينزل جاسر الي الجنينه ويذهب ناحيه فريده ويقول حبيبتي عامله ايه
فريده...الحمدلله ياحبيبي انت ايه اللي نزلك في البرد ده
جاسر...يعني معقول حبيبتي تبقي صاحيه وقاعده لوحدها وماانزلش اقعد معاها ثم يمسك يدها ويقربها اليه.
فريده بخجل جاسر ابعد حد يشوفنا يقول ايه
جاسر...ماحدش يقدر يقول حاجه وبعدين انتي حبيبتي وخطبتي وهاتبقي مراتي قريب اووي.
فريده...ياسلام قريب اوووي ليه بقي مش لما اخلص جامعه.
جاسر...ياااه وهو انا هقدر استني اربع سنين كمان مش كفايه صابر لحد دلوقتي يادكتوره
فريده...تضحك عليه وتضع راسها علي كتفه وتقول تعرف انك اول مره تقولي يادكتوره مع اني بقالي تلات سنين في الجامعه.
جاسر...ايه قولت حاجه غلط قلبي هاتكون اعظم واحن دكتوره اطفال.
فريده....بحبك اوووي ياجسر.
⚘⚘⚘⚘⚘⚘⚘⚘⚘⚘⚘
عند منه كانت محضره سهره في شقتها مع اصدقاءها
منه...ايه يااروي مش هاتقومي ترقصي معانا
اروي...مش قادره يامنه شكلي تقلت في الشرب النهارده
محمود...ايه يارورو ده لسه بدري واحنا بقالنا كتير ماسهرناش
اروي...اوك وهاقوم شويه كده اشرب سيجاره تظبط المود بس
منه....يالا يابيبي نكمل احنا
ذهب محمود ومنه لاستكمال رقصهم وكان من حين لاخر ينظر الي اروي فكانت هي تنظر له وهي شارده مما أكد له ظنونه ان اروي تحبه .
منه....مالك يابيبي مش معايا خالص النهارده ايه بقي اللي شاغل بالك.
محمود يبتسم لها. .مافيش حاجه ياروحي بس بفكر لما تسافري هيبقي الوضع ازاي
منه...يابيبي ده هو شهر واحد وانت هاتحصلني تكون جهزت ورقك عشان تحويل الجامعه ونكون مع بعض.
محمود في سره انتي ازاي كده انا كنت غبي لما فكرت احبك واتجوزك بس خلاص هانت وكل حاجه هاتبقي تمام.
اما في الشركه كان احمد موجود في مكتبه بوقت متأخر لانه كان يقوم بمراجعه بعض الملفات يدخل عليه واحد من رجال الامن
احمد بيه حضرتك لسه موجود والوقت اتأخر تحب اعمل لحضرتك قهوه او اجيبلك عشا
احمد ينظر في ساعته يااااه كل ده انا ماحستش بالوقت خالص لا ماتعملش حاجه وكمان انا مش هقدر اسوق دلوقتي انزل انت وانا هنام هنا في المكتب.
الامن..تحت امرك احمد بيه ويتركه وينزل.
احمد يقوم من امام مكتبه ويذهب الي الاريكه وينام عليها يمسك هاتفه ويقوم بالاتصال بجاسمين
جاسمين بنوم...ايوه يا احمد
احمد...حبيبتي انتي نايمه معلش صحيتك بس حبيت اسمع صوتك قبل ما انام.
جاسمين تبتسم وتقول تصبح علي خير يا احمد.
احمد...وانتي من اهلي بحبك ويغلق الهاتف ويذهب في نوم عميق.
⚘⚘⚘⚘⚘⚘⚘⚘⚘⚘
في سوهاج وخاصه في غرفه التؤم آدم وادهم فكان كلا منهم يذاكر بعض دروسهم فترك ادهم الكتاب وقال انا تعبت اووي خلاص فصلت ومش قادر
آدم...ايه ياعم فصلت ايه مافيش نوم الا لما نخلص الجزء ده
ادهم...لا انت مع نفسك انا فاصل وعايز ارتاح
آدم...ادهم مالك انت بقالك فتره مش عايز تذاكر ولو ذكرت ما بتكملش حاجه وتقول تعبت وفصلت.
ادهم...مافيش حاجه بس يا آدم انا مش عايز ادخل كليه الهندسه انا نفسي في تجاره انجليش وطبعا انت عارف بابا مش هيوافق علي حاجه زي كده
آدم....طيب حاول تتكلم مع بابا واقنعه ده مستقبلك
ادهم....مش عارف مش لو كانت فريده هنا كانت هي اللي اقنعته
آدم....ماتقلقش وبعدين لسه بدري علي الكلام ده قوم صلي ركعتين وتعالي يالا نكمل مذاكره وانا هانزل اعملك احلي كوبايه شاي.
⚘⚘⚘⚘⚘⚘⚘⚘⚘⚘⚘⚘
اما في السجن كان فاروق نايم علي سريره وفي لحظه فاق من نومه علي الم في معدته وبدأ صوته يعلو أستيقظ كل من معه
احد المساجين كان يخبط علي الباب الحقونا ياخونا في واحد بيموت
يأتي السجان ويفتح الباب ويدخل عليهم ويجري ناحيه فاروق ثم يخرج مسرعا الي الظابط الحقنا ياباشا في واحد تعبان جدا
الظابط...ماشي هاطلب الاسعاف بسرعه
يقوم الظابط باجراء الاتصال علي الاسعاف وتاتي وتقوم بفحص فاروق ويقول الدكتور ده لازم يتنقل المستشفي فورا
الظابط تمام اعمل اللازم ويأمر الظابط اتنين من العساكر بمرافقه فاروق اثناء نقله
يصل فاروق المستشفي وبعد الكشف عليه والفحوصات يطلب الدكتور ان يدخل فاروق غرفه الرعايه المركزه
يذهب الطبيب الي مكتبه ويتصل علي المحامي المسئول عن فاروق ويقول له تفاصيل ما حدث
المحامي ...حاضر يادكتور هاتصل علي بنته وهانكون عندك حالا
يتصل المحامي علي منه ويخبرها بما حدث لوالدها
منه...انا رايحه حالا يااونكل
المحامي...منه انا جاي معاكي نص ساعه وهكون عندك
تجهز منه وتنزل من منزلها وياتي المحامي ويذهبوا الي المستشفي وعند وصولهم الي مكتب الطبيب تاتي احدي الممرضات الي الدكتور..
الحق يادكتور الحاله اللي جات من السجن قلبه وقف ومافيش نفس
يجري الدكتور وخلفه منه والمحامي يدخل الدكتور ويحاول ان ينعش القلب ولكن قد فات الوقت وتوفي فاروق البنهاوي
خرج الطبيب وينظر لهم بأسف وحزن ويقول البقاءلله وشدوا حليكوا
منه...تصرخ بابي وتقع في الارض.
#اســـــــــمــــــــااء
كانت منه في منزلها تستقبل عزاء والدها وكانت اروي لم تتركها ابدا
دخل محمود وقال اروي في واحده بره بتسأل عليكي وبتقول انها بنت عمك.
اروي...اه دي ندي قولها تدخل يامحمود
محمود...منه عامله ايه دلوقتي
منه بحزن شديد علي والدها...كويسه وهابقي كويسه اكتر لما اخد بطار ابويا واكسرهم واحد واحد.
محمود ...مش وقت الكلام ده والناس موجوده
اروي....اهدي يامنه وكل حاجه هاتبقي تمام
يخرج محمود ويقول لندي ان اروي في انتظارها جوه
تدخل ندي وتقدم واجب العزاء لمنه وتطلب من اروي ان تتحدث معها.
اروي...فيه ايه ياندي شكلك مش طبيعي
ندي...مصيبه يااروي احمد صاحب جاسر عرف ان انا اللي كنت بنقل اخبار الشركه واكيد قال لجاسر وانا خايفه اوي من سكوته ده
اروي...يالهوي هي كل المصايب بتيجي مره واحده ومنه لو عرفت مش عارفه هتعمل ايه بصي انتي ماتجبيش سيره قدام منه وانا هاكلم محمود ونتصرف.
ندي...ماشي يااروي بس عشان تبقي فاهمه حاجه واحده لو ماحلتيش المشكله دي انا بنفسي هاروح لجاسر واحكيله علي كل حاجه.
اروي...خلاص ياندي قولت هاتصرف.
⚘⚘⚘⚘⚘⚘⚘⚘⚘⚘⚘⚘⚘
عند ابراهيم في الشركه
كان في مكتبه وهو يتابع الاخبار شاهد في احد المجالات خبر وفاه فاروق البنهاوي
ابراهيم...لا حول ولا قوه الا بالله ربنا يرحمك ويغفرلك يافاروق.
يدخل عليه جاسر بابا انت عرفت خبر وفاه فاروق
ابراهيم...ايوه ياجاسر لسه شايف النعي دلوقتي
جاسر...طيب يابابا هاتعمل ايه هاتروح لمنه ولا جاسمين هي اللي تروحلها
ابراهيم...كلنا هانروحلها نقوم بالواجب قبل ما تسافر
جاسر....حضرتك عارف انها هتسافر.
ابراهيم...ايوه عارف من يوم ما اتقبض علي فاروق الله يرحمه لانه حول مبلغ كبير باسمها والمحامي جهزلها كل حاجه.
جاسر...اللي تشوفه يابابا وانا هاروح اقول لجاسمين وتجهز.
في الجامعه
فريده اخيرا خلصنا امتحانات وهاسافر اشوف ماما وبابا
جاسمين ...اخص عليكي يافيري احنا مش اتفقنا اننا هانسافر مع بعض
فريده...والله ياجيسي غصب عني انتي عارفه ماما مش هاتسكت وكمان عشان احضر معاها تجهيزات فرح هنيه
جاسمين...يافيري ما احنا هنسافر قبل الفرح بيومين خليكي جدعه بقي واستني معانا.
فريده...سبيها علي ربنا.
في ذلك الوقت يتصل جاسر علي جاسمين
جاسمين...الو ياجاسر حصل امتي ده
جاسر...من يومين النهارده بس كان العزا عشان اجراءات السجن والمستشفي وبابا عايزنا نروح نعمل الواجب مش اكتر
جاسمين...طيب ياجاسر احنا هانروح نجهز واتصل عليك سلام.
فريده بقلق فيه ايه ياجيسي جاسر ماله.
جاسمين...جاسر بخير ياحبيبتي دي منه باباها مات في السجن وبابا عايزنا كلنا نروحلها.
فريده...لاحول ولاقوه الا بالله اكيد طبعا نروحلها مهما كان منه كانت في يوم من الايام صحبتك.
⚘⚘⚘⚘⚘⚘⚘⚘⚘⚘⚘⚘
احمد في مكتبه اتصل عليه جاسر ليذهب معهم الي منه
احمد...تمام ياجاسر انا في مكتبي من امبارح
جاسر...من امبارح ازاي يابني حصل ايه
احمد...ماحصلش حاجه كنت بخلص مراجعه الملفات والوقت اخدني روحت نايم في مكتبي.
جاسر بضحك طيب ماتتعودش علي كده عشان جيسي بعده كده هاتعلقك هههههه
احمد...بس تخلصني انت وابوك وتجوزوني ومش هتشوف وشي لمده شهر.
جاسر...طيب اخلص وجهز نفسك عشان هانروح نعزي منه في والدها.
احمد...ايه ده هو فاروق البنهاوي مات الله يرحمه ويسامحه
جاسر...الله يرحمه..