الفصل العاشر10
بقلم حسن الشرقاوي
رواية انحراف فتاة... ( الفصل العاشر )
وبقلة حيله وافقت لكن كنت مستغربه ليه عمي مره واحده كدا جالى وكمان ليه مبسوووط اوي كدا إني وافقت أروح معاه
بعد اذنكم هارد على التليفون....حسن الشرقاوي
عزام.. أيوه يا حج غالي كله تمام خلاص أنا عندها ووافقت تيجي معايا اهووو
............
لا واحده واحده ياحج غالى هي تيجي معايا بس وبعد كدا هاخلصلك الموضوع ماتقلقش
لميت كل حاجتي أنا وأخواتي ورحنا عند عمي عزام وأنا متردده والشكوك ماليه قلبي ياتري ياعمي إيه الحنيه دي لكن لولا عمي حسين إلى نصحني أروح معاه ماكنتش رحت
وأول ما وصلنا بيته كانت المعامله حلوه من الجميع في أول ليله لينا لاحظت إن الكل بيعاملنا كويس كنت مرهقه وتعبانه واستأذنت إني أدخل أنام كانوا جهزوا اوضة ليا أنا وأخواتي
دخلت قعدت على السرير وقعدت أبكي على حالي على موت أختي وأمي وكمان إلى عمله أحمد ونصبه عليا مواضيع كتير جت في دماغي وكمان السلفه الى جبتها هاسدها ازاي
وأخيراً إهتمام وحب عمي المفاجئ لحد ماغلبني النعاس من كتر التفكير ونمت
في الغرفه المجاوره..
زوجة عزام... أنا عارفه إيه إلى عاجبه فيها ما إحنا عندنا البنات كتييير اهوو ماكان اتجوز واحده فيهم
عزام..خلاص بقا يا وليه أدينا جبناها وهانجوزهاله واهو هايدينا مبلغ كبير
قالت..مش لما توافق يا خويا دي بت وش فقر
ضحك عزام..ترفض اوومال أنا جبتها هنا ليه دا بالزوق بالعافيه هتوافق
يرن هاتف عزام. يرد
عزام.. أيوه ياحج غالى
غالى..هااا عملت اييه يا عزام
عزام... خلاص أنا جيبتها عندي اهوو وإن شاء الله هانكتب الكتاب يوم الخميس الجاي ياحج غالى
غالى...بتتكلم بجد يا عزام
عزام.. أيوه طبعاً بجد بس ماتنساش ال
غالى..مش ناسي أول مانكتب الكتاب هاديك المبلغ إلى اتفقنا عليه بس تصدق
عزام... أصدق ؟!! أنا ولي أمرها دولقتي وماتقدرش تخالفني جهز بس إنت الفلوس
ليضحك هو وزوجته...الراجل مش صابر هايموت عليها
صدمه جديده من صدمات الحياه ليا عمي عزام اخدني كنت فاكره علشان الدم وصلة الرحم لكن للأسف لا علشان يبيعني لراجل عنده ٧٠سنه شافني في البلد في دفن أختي وعجبته مافرقش معاه المصيبه إلى أنا فيها وكان غني من إلى بيشتروا الأعراض من الأهالى معدومي الضمير هايدفع فيا مبلغ حلو
أما عمي الطماع ماستناش حتى يعدي اسبوع ولا حاجه
تاني يوم عالطول أول ماصحيت من النوم
واحنا بناكل قال...بقلك إيه يابت ياكرما إيه رأيك تتجوزي
قلت..بتقول اييه ياعمي جواز اييه دلوقتي
قال..ليه ياختي اوومال هاتفضلي قاعده كداا
قلت...هو أنا لحقت أقعد ياعمي لا مش عاوزه اتجوز دلوقتي
قال...يعني اييه مش عاوزه تتجوزي عا العموم فيه عريس جايلك النهارده وأنا موافق عليه
قلت...موافق إزاي يعني !!!اااه إنتي جايبني علشان كدا بقا أنا قلت بردوو اكيد فيه حاجه
قال...قصدك ايه يابت أنا غلطان إني بشوف مصلحتك واشوفلك واحد يصرف عليكي وعلى أخواتك ويعيشك عيشه حلوه
قلت..يعيشني أنا ولا يعيشك دفعلك كام ياعمي
اتحول وشه للغضب وقام نزل فيا ضرب وبقيت عنده محبوسه ومهانه.. يا إما أوافق على الجوازه يا أفضل محبوسه. شوفت الذل والعذاب ألوان عند عمي علشان أوافق على الجوازه وكل ماعمي حسين يجي يسأل عليا يطلعوا أي حجه ليه علشان مايشفش العذاب إلي أنا فيه
وفعلاً مشي عمي عزام كلامه وجهز كل حاجه بدون إرادتي وضبط دا طبعاً مع الراجل إلي بيشتري الأعراض بفلوسه
ويوم كتب الكتاب جابولي فستان وقالوا دا فستان الفرح يابت ولو اتكلمتي ورفضتي هانموتك وقبل مانموتك هانموت أخواتك اياكي تبيني للناس أنك رافضه الجوازه
جهزوا كل حاجه ولبسوني الفستان غصب عني وطلعوا برا يعملوا حاجه
حسيت إني خلاص لازم أنفذ الأفكار الى كانت بتراوضني
قلت إن ماكانش دا وقتها يبقا امتا
الان*تحار قلت لازم انت*حر وبين التردد والتنفيذ قمت جبت موس وق*طعت شراي*ين ايدي
فقدت الوعي ومادرتش بنفسي إلا وأنا في المستشفي فتحت عيني لقيت ظابط واقف
والدكتور بيقله تقدر تستجوبها
قعد معايا وسألني شوية اسأله عن الأسباب إلى دفعتني للانت*حار حكيتله إلى حصل كله
وإلي أنكره عمي جملة وتفصيلا وقال عني إني مجنونه وآثار الضرب والتعذيب إلى في جسمي بسبب الجنان والكل شهد بكدا إني مجنونه
جالي عمي حسين وقالي..
ماقلتيش ليا ليه يابنتي ليه تعملي كدا في نفسك
قلت.. أعمل اييه ياعم حسين كانوا قافلين عليا وحابسيني
حاولت اكتر من مره اهرب أو أكلمك ماقدرتش
آخر مازهقت وخلاص كانوا هايكتبوا الكتاب فكرت في كدا
وأنا بتكلم مع عمي حسين لقيت تليفوني بيرن إلى اخدته منهم بعد التحقيقات
واحده بتقولي...كارما أنا عارفه مين السبب في إلي حصل لاأختك ساميه
قلت..مين بيتكلم معايا
قالت...مش مهم تعرفي أنا مين المهم إلى ورا موت أختك سهام إلى كانت بتشتغل عندها دوري وراها هاتعرفي
انا سمعت كدا حسيت بصدمه والتليفون وقع من ايدي
لاحظ عمي حسين حالتي
وقال...مالك يابنتي
قلت وأنا في دنيا تانيه...واحده بتقولي إن سهام السبب في إلى حصل لساميه
قال..سهام مين يابنتي
قلت... إلى كانت بتشتغل عندها يا عم حسين
قال...يابنتي بلاش نظلم حد إن بعض الظن اثم يمكن واحده مش كويسه عاوزه تعمل شوشره
قلت..طيب ليه واشمعنا سهام لااا لازم أعرف
قال...خليكي بس بلي انتي فيه الأول وبعد كدا اعرفي
لما نشوف موضوع الانتحار دا هايعدي إزاي وكمان السلفه يابنتي الي جبتيها وإلى معادها بعد كام يوم
وبعد كام يوم بعد ماتعفيت وقمت سيبت اخواتي عند عمي حسين
إلي قالي..ماتخافيش على أخواتك يابنتي دول في عنينا بس خدي بالك من نفسك
ونزلت مصر فضلت أراقب سهام وأسأل واطقس لحد ماقابلت بالصدفه البنت إلى كلمتني في التليفون
في البدايه أنكرت لكن من كتر ترددي عليها وتهديدي ليها حكيتلي إن هشام دا كان عاوز أختي زي مابيعمل مع بنات كتير وسهام بتسهله الأمر دا مع البنات إلى بترفض وازاي خلت أختي مدمنه الأمر إلى كنا بنلاحظه أنا وأمي على ساميه
اتاكدت فعلاً أنهم هما إلى عمله كدا ونويت إني هاعرف البوليس والبنت دي هاتشهد معايا
لكن كل حاجه اتبدلت ضدي أنا
سهام عرفت إن البنت حكيتلي على كل حاجه عرفت هشام إلي بدوره جاب البنت وهددها وكمان أداها فلوس مقابل سكوتها
ولما روحت اواجهم بهدلوني وضربوني واستغل هشام معارفه الكبار وكل حاجه انقلبت ضدي بقيت أنا المتهمه المجرمه
البنت شهدت ضدي وتقرير إثبات أن اخدي كانت مدمنه مخدرات اتبدل مابقاش ليه وجود
ودخلت السجن وبتهم متلفقه كتيير اتحكم عليا بعشرين سنه سجن
وأول يوم ليا في السجن