رواية انوثة طاغية الفصل الحادي والعشرون والثاني والعشرون بقلم ام غفران ورحمه
بعد شوية يوسف روح البيت وجنا كانت صاحية بتذاكر وكانت الساعة 2 الفجر ودخل ورزع الباب وراه بعصبية و حصل
جنة بخضة:براحة خضتنى
يوسف و هو بيقرب منها:بصى بأة انتى هتفهمى اللى حصل بمزاجك او غصب عنك
جنا:منا قلتلك ابل كدة انى مش عايزة اعرف..وبعدين انت بتتكلم كدة كدة
يوسف:انا اتكلم براحتى و انتى تسمعى الكلام
جنا:لا يا يوسف انت شكلك سكران نبقى نتكلم بكرة
يوسف و شدها من ايدها و قومها من عالسرير:و انا قلت هنتكلم دلوئتى
جنا بخوف:هو بالعافية يعنى
يوسف و زقها عالحيطة:اة بالعافية
جنا:انت مصمم تعرفنى لية يعنى
يوسف:مصمم عشان بحبك يا جنا
جنا:والله!!....بتحبنى
يوسف:اة بحبك بس كنت بكدب نفسى
جنا:ومدام بتحبنى عملت كدة لية
يوسف:مانتى مش راضية تسمعينى عشان ابرر اللى عملتو و الله البنت دى تبقى بنت واحد احمد كان عايز يقبض عليه و مكنش عارف يوصل لمعلومات عنو خالص فجاب معلومات عن بنتو و عرف ان هى بتاعت ولاد فكلمنى عشان نروحلها ونبين لها اننا عايزنها وعملنا كدة فعلا لحد ما خدنا منها المعلومات اللى احنا عايزنها ووالله بعد كدة محصلش حاجة بينا و لما خدنا منها المعلومات اختفينا من حياتها.....بصى يا جنا انا منكرش انى كنت وحش لابعد درجة و صعب يتوثق فيا بس بردو الانسان اللى بيتغير بيبان عليه والمفروض انتى اول واحدة تحس بكدة بس انتى محولتيش حتى تثقى فيا و لا حاولتى حتى تعرفى انا بحبك و لا لا بس بجد انتى زوتيها اوى المرادى.....و ساب ايدها:تصبحى على خير يا جنا
يوسف سابها و راح نام على الكنبة واداها ضهرو من غير ولا كلمة
جنا لنفسها:يا ريتنى كنت سمعتو من الاول....اعمل اية دلوئتى بأة...انا اصلا كنت هموت واعرف يعنى كان لازم اعمل اللى عملتو دة مكنت اسمع و احكم...عادى انا هصالحو بكرة وهو اصلا مزعلش منى اكيد دة سوء تفاهم يعنى
جنا نامت بالعافية ز تانى يوم كان الجمعة ولما صحيت لقت يوسف نايم و كان الباب بيخبط و كانت الشغالة
جنا:مين
الشغالة:دة انا يا جنا هانم
جنا:فى اية
الشغالة:الهانم بتقول لحضرتك صحى يوسف بيه عشان الصلاه كمان ربع ساعة
جنا:خلاص روحى انتى
جنا لنفسها:اعمل اية انا دلوئتى.......بس لقيتها
جنا وهى بتصحى يوسف:يوسف.....جو اصحى عشان الصلاه
يوسف و صحى:مش لازم تتعبى نفسك بعد كدة عشان تصحينى انا بعرف اصحى كويس
يوسف سابها و دخل عشان يتوضا
جنا لنفسها:انا مكنتش متوقعة كدة خالص
جنا ولما خرج يوسف من الحمام:انا هروح لمنة انهاردة ماشى
يوسف:متروحى انا مالى............و سابها و خرج
جنا:اووووووووووف على برودك
يوسف بضحك من غير متشوفو:طب و الله عسل و هى متنرفزة كدة
يوسف راح يصلى وجنا نزلت اعدت مع حبيبة و مامت يوسف و بعد شوية جم من الصلاة
جنا:تقبل الله
والد يوسف:منا و منكم
يوسف:ماما هنتغدى اية انهاردة
والدة يوسف:انتو عايزين تاكلو اية
جنا:انا عايزة مكرونة بشاميل
يوسف:لا يا ماما انا مش بحبها اعمليلى ورق عنب
جنا:خلاص يا طنط ورق عنب انا بحبو
يوسف:خلاص يا ماما بلاش ورق عنب اعملى اى حاجة تانى
والدة يوسف:ولا انت و هى انا هعمل اللى على مزاجى و خلاص
جنا:انا طالعة اوضتى
حبيبة زلما جنا طلعت جنا:اية يا يوسف البرود اللى فيك دة
يوسف:ملكيش دعوة
والد يوسف:اطلع شوفها يا يوسف
يوسف:هو انا عملتلها حاجة
والد يوسف:بطل قلة ذوق
يوسف:خلاص طالع
والد يوسف وبعد شوية:متطلع يا واد
يوسف:يا حاج استنى الفيلم يخلص انا مستنية بقالى كتير
والد يوسف:اطلع اتفرج عليه فاوضتك
يوسف:طالع يا حج طــــالع
طلع يوسف الاوضة وكانت جنا بتسرح شعرها فنام على السرير و فتح التلفزيون
جنا لنفسها:يعنى هو مش هيصالحنى و لا اية
يوسف و هو مندمج مع الفيلم:يا ابن ال......
جنا:يوسف الفاظك
يوسف:بصلها بلا مبالاه و دور وشو
جنا(اوووووف):انا نازلة
يوسف:يا حول الله يا رب...انا مالى متنزلى
جنا:انت جايب البرود دة منين
يوسف:من عند عم عبدو البقال اجيبلك....و لا اجيبلك لية مانتى عندك اللى مكفيكى و زيادة
جنا بعصبية:انا خارجة
يوسف و بعد مخرجت و هو بيضحك:واضح انى زوتها بس اعمل اية...خلاص هبقى اصالحها بس مش دلوئتى
جنا ولما نزلت
حبيبة:راحة فين
جنا:راحة البيت اعد مع ماما شوية
والدة يوسف:يوسف مش رايح معاكى و لا اية يا حبيبتى
جنا:لا يا طنط السواق هيودينى
حبيبة:خدينى معاكى انا زهقانة
جنا:طب يلا...بعد اذنك يا طنط و هنتغدا هناك
والدة يوسف:طب متأخريهاش يا جنا عشان المذاكرة
جنا:طب هاتى كتاب تذاكرى في هناك
حبيبة:اوك
جنا وحبيبة راحو بيت جنا
والدة جنا:اذيك يا حبيبتى
جنا:كويسة يا ماما الحمد لله
والدة جنا:اذيك يا حبيبة
حبيبة:الحمد لله
جنا:هو مفيش حد هنا
والدة جنا:بابا و احمد فالبحرية و انس كان عندو درس قبل الصلاه فصلى و جية نام
جنا:ماشى بعد اذنك ثوانى
والدة جنا:اتفضلى
جنا راحت عشان تكلم منة
منة:الو..اذيك يا جنا
جنا:تمام انتى عاملة اية
منة:ماشى حالى
جنا:بقولك متجيلى
منة:لا يا ستى انا ورايا مذاكرة و انتى مشوارك بعيد
جنا:يا بنتى انا عند ماما
منة:لا بردو عشان احمد
جنا:يا بنتى احمد ف البحرية و مش هيجى غير بليل تعالى عشان عايزاكى و امشى على طول
منة:خلاص هلبس وجاية دلوئتى
جنا:اوك باي
بعد كدة جنا كلمت احمد
احمد:الو
جنا:واحشنى يا حمادة
احمد:و الله!...دة على اساس انك بتردى عليا او حتى بتسألى
جنا:معلش يا احمد مانت عارف اللى حصل بأة
احمد:مانتى لو كنتى سمعتى منى و كلمتينى كنتى عرفتى وفهمتى و مكنش الموضوع كبر
جنا:يا سيدى ولا كبر و لا حاجة دة سوء تفاهم
احمد:لا يا جنا كبر منة ادتنى الدبلة ويعتبر سيبنا بعض
جنا:بجد
احمد:اة يا جنا هو دة اللى حصل...المهم انتى عملتى اية مع يوسف
جنا:بوظت الدنيا بردو و فهمت بعد فوات الاوان
احمد:احسن عشان انتو زوتوها اوى...و على فكرة انا مش هكلم منة تانى غير لما تيجى تكلمنى عشان اللى عملتو معايا اخر مرة مش قليل
جنا:طب و لا تزعل نفسك انا جيت اصالحك
احمد:جيتى فين
جنا:البيت...تعالى بأة
احمد:ماشى هخلص حجات على طول و هاجى
جنا:ماشى مستنياك
احمد:اوك باى
جنا قفلت و خرجت برة لقت انس صحى واعد مع حبيبة
جنا:يا صباح الخير
انس:صباح النور يا اوختى عاملة اية
جنا:احسن منك
انس:طب احسن
حبيبة:جنا انا هذاكر شوية بس اعد فين
جنا:وانت مش هتذاكر يا اخويا
انس:يا ستى هذاكر
جنا:طب قوم انت و حبيبة ذاكرو ف الانترية اللى جوة
انس:داحنا هنذاكر رغى
جنا:نعم يا ظريف
انس:اصدى هنرغى مذاكرة
جنا:والله!!
انس:هنذاكر..هنذاكر...يلا يا حبيبة
حبيبة:يلا
دخل انس و حبيبة يذاكرو و بعد شوية منة جت و بعد السلامات جنا فهمت منة اللى حصل
منة بصدمة:يا رااااجل
جنا:اة يختى
منة:طب و يوسف عمل بعد كدة اية
جنا:بيعاملنى ببرود ملوش حدود لحد ما شكلى هضربو قريب
منة:معلش...طب انا اعمل اية مع احمد
جنا:دة مش طايقك من ساعة ما ادتيلو الدبلة
منة:يعنى كنت اعمل اية يا جنا منا كنت مضايقة وبصراحة البت صاروخ يعنى اى حد يبصلها....دة لولا الغيرة انا كان زمانى بوستها
جنا:هههههههه معلش مسيركو تتصالحو بس يا رب ميبقاش بارد زى يوسف
منة:لا احمد مش بارد كدة انا عارفة انو هيصالحنى على طول
جنا بسخرية:هاهاهاهاها انا قلت زيك كدة بردو
منة:طب ربنا يطمنك
جنا:بصى احمد جاى كمان شوية...شوفى هتعملى اية بأة
منة:اعمل اية طيب
جنا:انا اللى هقولك بردو دانا بتعلم منك
منة:يا ستى قولى احسن يجى فجأة
جنا:يعنى اذيك يا احمد وحشتنى..سورى كنت مضايقه كدة يعنى
منة:طب يا رب ينفع
وبعد شوية جبه احمد ولما دخل لقى منة و جنا اعدين
لحمد:مش كنتى تقولى ان عندنا ضيوف
منة:اذيك يا احمد وحشتنى اوى
احمد بسخرية:والله!!
منة:اة و الله
احمد:طب و الله كويس...انا داخل ارتاح
جنا:يعنى انا جايالك عشان تسيبنى و تنام
احمد:مانتى معاكى اللى يسليكى
وسابهم احمد و دخل اوضتو
منة بضيق:شوفتى عمل اية
جنا:معلش يا منة...كلها شوية ويرجع زى الاول
منة:طب انا هروحلو
جنا:ماشى و انا هروح اشوف حبيبة و انس عشان شكلهم اعدين يهظرو
راحت جنا لانس وحبيبة و لما دخلت لقيتهم اعدين يضحكو ويرشو بعض بالماية
جنا:الله ع المذاكرة
حبيبة بضحك:و الله هو اللى بدأ
انس:يا سلام يختى هو انا اللى تفيت الماية كلها لما كنت بضحك
حبيبة:منا مكنش اصدى
جنا:خـــلاص اهدو هو واضح ان مفيش مذاكرة انهاردة
انس:انا بقول كدة بردو
جنا وهى خارجة:كملو لعب كملو
ولما خرجت جنا انس جاب مقص و قص حتة من شعر حبيبة من غير متاخد بالها
انس:حبيبة شعرك دة
حبيبة:اة يا حيوان و الله لوريك
عند منة ولما خبطت ع الباب
احمد:مين
منة:انا منة
احمد:خشى
منة ولما دخلت:انا كنت عايزة الدبلة بتاعتى
احمد:رجعتها
منة:والله
احمد:هكدب عليكى يعنى
منة وخدت بالها من الدبلة على الكمودينو فراحت خدتها:امال اية دى
احمد:ها...لا اصدى كنت هرجعها يعنى
منة:لا انا هخدها
احمد:لا وتتعبى نفسك لية هى مش هنقاكى اوى...انا هاخدها و اريحك منها وهى مش مهمة عندك ولا اية....و شدها منها
منة:يعنى انت شايف كدة
احمد:اة
منة:اللى تشوفو يا احمد....سلام
وخرجت منة و هى مضايقة و سلمت على الكل و مشيت
احمد لنفسو:الله يحرقك يا يوسف كان لازم اسمع كلامك يعنى و ابقى بارد كدة...خلاص هى لما تيجى تكلمنى المرة اللى جاية هصالحها عادى
عدا الوقت ومشيت جنا و لما وصلو كان مفيش حد صاحى فطلعت حبيبة عشان تنام و دخلت جنا الاوضة لقت يوسف صاحى و بيتفرج عالتلفزيون
جنا:انت لسة اعد كل دة
يوسف:اية الغباء دة اكيد لا
جنا:طيب
دخلت جنا خدت دوش و هى فالحمام النور قطع فجأة و كان يوسف ف المطبخ
جنا:يوسف...يوسف انت فين
يوسف مردش عليها فلبست جنا البرنس و خرجت من الحمام
جنا:انا مش شايفة حاجة فين موبايلى
جنا سمعت الباب بيفتح و كان الهوا
جنا:يوسف دة انت...يوسف رد و بطل هبل انا بخاف
جنا اعدت تحسس لحد موصلت للباب ففتحتو و خرجت وجنا كانت واقفة ادام السلم ومكنتش شايفة حاجة
جنا:هو مفيش هنا كشاف و لا مولد و لا اية
جنا كانت بتمشى و نزلت عالسلم فخبطت ف حد فجأة وكانت هتقع و صوتت و .......................جنا كانت بتمشى و نزلت هالسلم فخبطت ف حد فجأة وكانت هتقع وصوتت
جنا:ااااااااااة...انت مين
يوسف:مالك يبنتى انا يوسف
جنا و مسكت فيه جامد:يوسف و النبى متسبنى الا لما النور يجى
يوسف:خلاص حاضر
جنا:طب هو فين موبايلك نور بية او لو في كشاف شغلو
يوسف:هو فى مولد بس الشغالين نامو ف محدش شغلو
جنا:طب تعالى نخش الاوضة عشان انا خايفة
يوسف:طب يلا
يوسف خد جنا ودخلو الاوضة و......
جنا وهى اعدة تنط و بصويت:يا مامــــاااا...اية دة
يوسف:فى اية
جنا:فى حاجة خبطت ف رجلى زمشيت
يوسف:اكيد فار
جنا بعياط:فار...لا يا يوسف اتصرف و النبى انا بخاف
يوسف:لالا اكيد مش فار...ممكن عفريت جيه لما صوتى ف الحمام
جنا بعياط:عفريت!!...لا اكيد مش عفريت و الله مكان اصدى اصوت
يوسف و هو بيضحك جامد:هههههههه يا هبله فار اية و عفريت اية بس دى رجلى جت عليكي من غير ما اقصد
جنا:يعنى مفيش حاجة صح
يوسف:بالظبط
جنا:ما اصلك رخم
يوسف:طب تعالى نعد عالسرير
وراحو اعدو ع السرير وباب الاوضة اتقفل من الهوا
جنا:يوسف انت روحت فين
يوسف:هروح فين منا جنبك اهو
جنا:امال مين قفل الباب
يوسف:اكيد الهوا
جنا:لا دة عفريت صح
يوسف:يبت بطلى هبل
جنا بخوف:يا يوسف اصل الهوا هيجى منين و احنا فالدور التانى
يوسف و خدها ف حضنو:طب خلاص اهدى دلوئتى النور يجي
جنا فضلت ف حضن يوسف لحد ما نامت وبعد شوية النور جيه
يوسف:جنا....جنا انتى نمتى
جنا:مممممممم
يوسف:جنا حبيبتى قومى نامى على السرير
جنا بنوم:مش قادرة بأة
يوسف شال جنا و نيمها على السرير و غطاها وراح نام على الكنبة و بعد شوية جنا صحيت و يوسف كان لسة منامش والنور قطع تانى
جنا:يا رب ارحمنى...يوسف انت هنا صح
يوسف:اة...انتى مش كنتى نمتى
جنا:اة بس صحيت و مش هعرف انام تانى
يوسف:يا بنتى منتى نمتى من شوية
جنا:لا منا كنت مطمنة و انت جنبى
يوسف:طب يا جنا معلش حاولى تنامى
جنا وبعد شوية:يوسف
يوسف:يا نعم
جنا:تعالى نام جنبى على ما النور يجي والنبى
يوسف:لا مش مصدق جنا نفسها بتقولى كدة
جنا:معلش و الله خايفة
يوسف:خلاص جاى
راح يوسف نام جنبها و جنا راحت فالنوم ونامت على كتفو و يوسف كمان راح ف النوم
تانى يوم جنا صحيت لقت نفسها نايمة ف حضن يوسف فابتسمت و يوسف صحى ف نفس الوقت
جنا:صباح الخير
يوسف:صباح النور...معلش روحت فالنوم امبارح
جنا:عادى و لا يهمك
يوسف قام من على السرير و كان رايح الحمام فجنا مسكت ايدو و يوسف بصلها
جنا:يوسف انت لسة زعلان منى
يوسف:لا عادى....انا داخل اخد دوش
دخل يوسف الحمام
جنا لنفسها:شكلو بردو لسة زعلان...بس انا عارفة انا هعمل ايه
جنا و بصت على نفسها فالمرايا:ينهار اسود...هو انا كل دة بالبرنس...ينهار كسوف...اكيد خد بالو
يوسف خرج من الحمام لقى جنا نايمة تحت اللحاف
يوسف:انتى نمتى تانى
جنا:ها...لا انا هقوم دلوئتى
يوسف:طب متقومى انا مش هدخل الحمام تانى
جنا قامت من تحت اللحاف و يوسف اعد يبصلها من تحت لتحت من غير متاخد بالها واعد يضحك و جنا دخلت عالحمام على طول
يوسف و بعد ما دخلت:و الله عسل و بموت فيها
يوسف سرح شعرو ونزل و جنا نزلت وراه و لما كانو ع السفرة ساعة الفطار
جنا:اونكل انا بقول بأة ان انا ويوسف نرجع بيتنا تانى و لا اية يا يوسف
والد يوسف:لية يا حبيبتى هو حد ضايقك
جنا:لا طبعا بالعكس انا مبسوطة هنا طبعا
والد يوسف:امال اية بأة
جنا:يا اونكل احنا اكيد هنيجى كتير
والد يوسف:خلاص يا حبيبتى لو راحتكو ف كدة روحو بس خليها بكرة على ما اكون بعت حد ينضف الفيلة
جنا بفرحة:ميرسى يا اونكل
يوسف:انا طالع
والد يوسف:مش رايح الشغل بردو يا يوسف
يوسف:هروح من الاسبوع الجاى يا بابا معلش
والد يوسف:اما نشوف
طلع يوسف الاوضة وطلعت جنا وراه
..........................................
ف مكان تانى
العسكرى:فى واحد عايزة تقابل حضرتك برة
احمد:مين
العسكرى:مش راضية تقول
احمد:طب دخلها
دخلت البنت و كانت منة
احمد:اتفضلى اعدى
منة:اذيك يا احمد
احمد:كويس انتى عاملة اية
منة:كويسة
احمد:طب دايما
منة:احمد و النبى متعاملنيش كدة
احمد:و الله انتى اللى اخترتى
منة:يا احمد غصب عنى و الله انا بغير عليك و بعدين يعنى انت مش هتصالحنى خالص و كل اللى بينا هيخلص فثانية داحنا عشرة طويلة و لا انت شايف اية!!
احمد:مش هقول ان كلامك غلط انا بحبك يا منة و اكيد عمرى ما هبعد عنك بس انتى مش بتثقى فيا
منة بعياط:و الله بثق فيك بس انا معرفتش انا بعمل اية ساعتها
احمد و قرب منها و حط ايدو على خدها:خلاص يا حبيبتى متعيطيش انا كمان غلط عشان محكتلكيش من الاول
منة:يعنى بجد مش زعلان
احمد:و انا اقدر ازعل من قلبى بردو
احمد اعد يبص ف عين منة و منة كمان و قرب احمد منها براحه و كان هيبوسها بس منة بعدت ودورت وشها
احمد:انا اسف بس بصراحة مقدرتش امسك نفسى
منة:ها.....لا عادى انا هروح بأة عشان اتأخرت
احمد و راح وقف ادامها:منة انتى زعلتى...انا اسف و الله
منة:خلاص يا احمد بس مش تعمل كدة تانى بعد اذنك
احمد:حاضر...تعالى نروح سنيما
منة:ماشى يلا
..............................................
عند يوسف و جنا لما طلعت وراه
جنا:انت اضايقت من اللى انا عملتو
يوسف:انا عادى بالنسبالى...بس اللى مضايقنى انك مش سألتينى حتى
جنا:خلاص لو اننا هنروح دة هيضايقك خلاص يبقى بلاش
يوسف:لا يا ستى مش هضايق نروح مش مشكلة
جنا:شكرا
عدا اليوم واحمد و منة خرجو خروجة حلوة و منة طول الخروجة كانت مكسوفة و جية اليوم التانى و يوسف و جنا راحو الفيلة بتاعتهم
يوسف:انا هروح اعد مع صحابى شوية
جنا:احنا لحقنا نيجى يا يوسف
يوسف:معلش مش هتأخر
جنا:طيب براحتك...بس هو انت لسة مضايق
يوسف:يا جنا قلتلك عادى بأة
جنا:طب هتتغدى معايا ولا برة
يوسف:لا هاجى قبل الغدا
جنا:اوك
يوسف خرج و جنا طلعت الشنط الاوضة و حطت هدومها هو و يوسف ف دولاب اوضة واحدة و روقتها و نزلت المطبخ و بدأت تعمل اكل
..............................................
عند يوسف فى شقة مازن
مازن:اية اخبارك يا جو
يوسف:احسن منك
مازن:طب دايما...اية اللى حصل بينك و بين جنا
يوسف:حكالو اللى حصل
مازن:طب يابنى مترخمش كدة
يوسف:انا بتعامل عادى و الله بس انا مستنى منها حاجة معينة بعد كدة تبقى الدنيا زى الفل
مازن:ماشى ربنا يديك اللى ف بالك
يوسف:يا رب يا ظريف....بقولك اية انت مش ناوى تتعدل زيي و لا اية
مازن:و الله شكلى هحصلك قريب
يوسف:لية حصل اية!!
flash back
مازن ماشى فالجامعة و خبط ف بنت وكتبها وقعت
مازن:انا اسف مخدش بالى
البنت:ولا يهمك...اية دة مازن
مازن:رهف اذيك
رهف:انت اية اللى جايبك هنا...انت عدت سنة رابعة تانى
مازن:اة و للاسف
رهف:يخربيتك و ناوى تتخرج امتى
مازن:قريب ان شاء الله
رهف:ربنا معاك ياابنى و الله
مازن:يا رب يختى...بقولك اية
رهف:نعم
مازن:متجيبي رقمك عشان ضاع منى
رهف:انا مكنتش مدياهولك اصلا
مازن:مش فاكر...بس عادى هاتيه
back
مازن:بس يا سيدى وكلمتها مرة و التانية كأصحاب وبقينا نتكلم كتير و بصراحة بقيت اذاكر كمان ومش بعرف اعد من غير ما اكلمها
يوسف:اشوفك متجوز يا مازن يا رب
مازن:لا يا عم انا لسة موصلتش للمرحلة دى
يوسف:عادى يخويا مسيرك توصل
عدا الوقت و يوسف رجع البيت و لما فتح الباب لقى جنا بتتفرج على التلفزيون و لابسة بضى لبنى كت قصير و هوت شورت جينز ازرق واول ما جنا شافتو راحت باستو من خدو
جنا:اخيرا جيت...بص غير هدومك وانا هحضر الاكل...و سابتو و راحت المطبخ
يوسف:هى البت دى اتهبلت و لا اية...لا انا مش مصدق ان دى جنا
جنا جهزت السفرة و لما كانو ع الاكل
يوسف:الاكل طعمو حلو طلباه منين
جنا:انا اللى عاملاه
يوسف:لا مش مصدق
جنا:والله انا
يوسف:اصل مكنش باين عليكي انك بتعرفى تعملى اكل...بس شطورة طعمو حلو
جنا:ميرسى كتير
بعد الاكل جنا دخلت المطبخ عشان تشيل الاكل و يوسف اعد يتفرج على التلفزيون فى الريسبشن و بعد شوية جنا جت اعدت جنبو و يوسف كان اعد يقلب ف التى فى
جنا:يوسف ارجع تانى
يوسف:اهو...اية دة بأة
جنا:الله...سيب الفيلم دة
يوسف:دة فيلم اية!!
جنا:لا مش معقول متعرفش شاروخان
يوسف:لا محصليش الشرف
جنا:دة احلى ممثل هندى وفتى احلامى كان نفسى اتجوزو اوى
يوسف:نعم يختى امال اتجوزتينى لية
جنا:لا عادى بس شاروخان فارس احلام كل بنت دة عسل اوى انا نفسى ابوسو
يوسف:نعم يا ر... ...
جنا:اية يا يوسف اله الادب دى
يوسف:لا و لا حاجة بس مشوفكيش بتتفرجى على بتنجان دة تانى
جنا:لا طبعا مقدرش
يوسف:لا هتقدرى مفيش شاروخان تانى.......و حول يوسف التلفزيون
جنا:ابو رخامتك
يوسف:بتقولى حاجة
جنا:لا و لا حاجة
يوسف:طب تعرفى تلعبى بلاى ستيشن
جنا:اة بعرف
يوسف:طب تعالى نلعب
جنا:يلا
يوسف و جنا اعدو يلعبو بلاي ستيشن و جنا كانت كسباة 2\1
جنا:ايوة بأة و ادى الجون التالت
يوسف:على فكرة انا اللى سايبك تكسبى عشان مترجعيش تعيطى
جنا:لا انت مكسوف تقول انك خسران
يوسف:انا خسران ها
جنا:اها
يوسف و قفل الماتش:طب اهو
جنا:اية الرخامة اللى فيك دى
يوسف:اهو اذا كان عجبك بأة
جنا:ماشى يا خسران
يوسف:طب اتقى شرى احسن
جنا بتناكة:خليك ف حالك بعد اذنك عشان انا مش بكلم ناس مش بتعرف تلعب
يوسف و زقها من على الكنبة:طب يلا من هنا
جنا وقامت شدت الريموت منو:طب هات الريموت بأة
جنا جريت بالريموت ويوسف جرى ورها
يوسف:جنا هاتى الريموت اخلصى فى ماتش هيبدأ
جنا:لا
اعدو يجرو ورا بعض لحد ما جنا كانت هتتكعبل ف السجادة راح يوسف مسكها من وسطها ووقع عليها
يوسف:شوفتى دايما جايبة لنفسك الكسوف
جنا بكسوف:على فكرة مكنش قصدى و قوم بأة مش وراك ماتش
يوسف:لا مليش مزاج دلوئتى
جنا وزقتو:اوعى بأة دانت رخم
جنا قامت و طلعت الاوضة و هى مكسوفة
يوسف لنفسو:امتى يحصل اللى فبالى يا قمر
عدا الوقت ويوسف طلع عشان ينام لقى الاوضة اللى بينام فيها مفيهاش هدومو فراح اوضة جنا
يوسف:جنا هى فين هدومى
جنا:فى الدولاب
يوسف:لا مش موجودة منا شوفتها
جنا:فى الدولاب دة
يوسف:و انتى حطاها لية فاوضتك
جنا:ها....اصل الاوض التانية مش متروقة
يوسف:هو مش المفروض بابا بعت شغالين يروقو الاوضة
جنا:لا بردو مش نضاف
يوسف:ااااااه...قلتيلى....والمفروض انا بأة انام على الكنبة وضهرى يتقطم
جنا بارتباك:لا مانت هتنام على السرير
يوسف:جنا انتى سخنة صح
جنا:لية يا ظريف
يوسف:اصلى مش مصدق ان انتى اللى بتقولى كدة
جنا وهى بتحدفو بالمخدة:انا غلطانة غور نام ع الكنبة
يوسف بضحك:لالا خلاص هنام هنا
جنا و هى بتنام:طب تصبح على خير
يوسف و نام جنبها:و انتى من اهلو
عدا اسيوعين وجنا كانت بتذاكر عشان عليها امتحانات وخلصت جنا و منة و حبيبة و رهف و مازن وعدا الترم الاول
فى يوم كان يوسف راجع من برة وكانت الساعة 9 فطلع الاوضة لقاها مضلمة وولعت جنا شمعة ويوسف شافها و كانت لابسة فستان سوارية بكت كتف واحد و فوق الركبة