رواية شمس الفصل الرابع عشر14 بقلم هبة احمد

رواية شمس 

الفصل الرابع عشر14 

بقلم هبة احمد

بهيجة/ علقت الشال على الشماعة وجرت تسلم على جعفر اللى اخدها فى حضنه و باس أيدها

بهيجة / بدلع وحشتنى يا باشا

جعفر/ قلب الباشا امال عابد فين 

بهيجة / عابد مصدع شوية ففضل يفضل مع الولاد 

جعفر /الصراحة عمل خير انتى ست مفترية ملكيش حل عاوزك فى المكتب شوية

بهيجة / الليلة انا ملك انت و بس

جعفر / كده كتير عليه 

هناء / بتقدم الطلبات وهى متوترة من لمس ونظرات الموجودين

بهيجة / خبطتها على كتفها انتى جاية تتوبى هنا يا روح امك فكى ابت خلى ليلتك تمر بسلام ولا

هناء / حاضر

بهيجة / شوفى سماح يتعمل اية و اعملى زيها بالظبط

هناء / تمام حاضر

عدت الليلة مع الاسف الشديد فقد كانت ليلة مملوءة بالمعاصى و المنكرات التى حرمها الله

صباح جديد

،،،،،،،،،،،،،،،،،،،،،

شمس  / صباح الورد الفطار جاهز ماما انا نزلت جبت فول وفلافل من على اول الشارع وفى واحدة سألتنى و الحت فى السؤال عن انا مين وساكنه فين فقولت ليها انى بنت اختك المرحوم زوجك و قاعدة عندكم وسابتها و مشيت

رحمة / متعرفيش اسمها أية الست دى

شمس / واحدة نادت عليها بتقوليها يا ام عبدو

سوكة / دى طنطك نادية ام لسان طويل ربنا يوعدها بكلب مسعور ياكل قلبها

ام عباس / مين اللى هتفضل مع اختكم

رحمة / مش انا انا عوزة اروح اجيب بضاعة واخر اليوم هاطلع الشغل 

سوكة / انتى خليكى مع اختى في اكل من امبارح  لو عوزة تفضلى ياشمس خليكى

شمس / لا انا جاية معاكم عوزة  ابيع فى القطر أية رأيكم 

سوكة / انتى لو اتمسكتى الكمسرى هيطوقك( هتدفعى تمن التذكرة وغرامة )  هتخسرى تمن البضاعة كمان مش المكسب بس

شمس / احنا نقطع تذكرة زى اى حد راكب القطر و بعدين نبيع براحتنا 

سوكة / لو الكمسرى غضب عليكى هتطلعى من المحطة كلبوش 

شمس / نجرب ونشوف احنا لازم نطور من نفسنا 

رحمة / انتى كنتى بتشتغلى أية قبل ما تنحدفى علينا ابت 

شمس / امى الله يرحمها كان بتمسج سلالم و بتغسل سجاد و انا كنت باشتغل فى الإجازة اى حاجة فى مصنع ملابس ولا فى مطعم ولا فى محل ادوات صحيه وكوافير 

رحمة / وفين الموكوس  ابوكى

ام عباس / حسنى الفاظك يابنتى عيب كده

رحمة / اصل حرام القمر ده يتبهدل زينا 

شمس / كان نفسي امى كانت عايشة لحد دلوقت كنت ريحتها من الشقى و المرض وزود عليها منه لله اللى حرمها من شربه المياه لحد ما ماتت جعانة و عطشانه ومريضة وبكت لما افتكرت امها 

رحمة / اسفة مكنش قصدى والله

سوكة / روقى ابت و تعالى نروح نتنطط فى القطارات وربنا يرزقنا من كرمه و فضله 

رحمة / عاوزين نعرف حكايتك مع الايام ماشى هاروح معاكم وبكرة نجيب البضاعة 

شوق / بالليل نجيب تسالى وهى تحكى و احنا نلطم عليها 

سوكة / نلطم لية الحمد لله اننا بنقدر  نشتغل ونجيب اللى نفسنا فيه

ام عباس / الشيخ منصور عوز واحدة فيكم لابن اخوه بيقول هو راجل محترم ومسافر الامارات بيشتغل هناك ومش ناوى ينزل يعنى هو هيكتب الكتاب بالتوكيل اللى معاه و العروسة هتسافر له الامارات و العريس هيقابلها فى المطار

رحمة / و انتى رديتى عليه بايه

.

ام عباس/ قولتله هاخد رأى البنات 

رحمة / مستحيل أوفق أن حد فينا يتزوج بالطريقة دي كده تحيل على الشرع و الدين المفروض يجى يشوف العروسة ويحصل قبول أو رفض مش زواج بالمرسالة فكك منه د زمانه عريس معاق ذهنيا يلا يابنات انا هاروح مع شمس وانتى ياقمر على فرش غزالة وخلى بالك ترنى عليه انا مش معايا رصيد

شوق / خدى الشريحة بتاعتى عليها رصيد كتير 

رحمة / لا كمان يومين هاجدد الباقة غزالة ابقى كلمى خالتى هى عوزاكى ضرورى

ام عباس / حاضر هو فى حاجة 

رحمة / شكلها عوزة فلوس مرأت ثروت هتولد بعد يومين 

ام عباس / أما تاجى روحى اعطيها  5000 جنية 

رحمة / حاضر يا غزالة

شمس / انا معايا رصيد كتير خدى اتكلمى منه براحتك

نروح عند فهد فى المزرعة

فهد / دكتور محجوب هو انت فعلا دكتور ولا بتشتغل بالمحبه وعلى ما تفرج

دكتور محجوب / كنت دكتور وعندى عيادة هى مش واسعة بس كانت مش بتفضى من المرضى وكنت متزوج ست محترمة وكانت بتحبنى جدا لحد ما فى يوم اسود جت بهيجة عندى العيادة كشفت وجت الإعادة و كان عابد معاها هو اتعرف عليه وكلمه فى كلمه اتصاحبنا على بعض وجت بنت مريضة عندها الزائدة وكانت تعبانة  الزائد انفجرت فيه‍ا عملت ليها العملية وهى جالها حالة تسمم مات و اهلها بلغوا النيابة  عابد جه ا لاول طلب يقعد مع مرأتى انا كنت فى الحجز محبوس عطيته عنوان شقتى وهو بعت واحد كلب زية دخل بيتى و اغتصب مرأتى ادام الاولاد  و صورها و هربنى من الحبس و انا عايش خدام عنده افتح و اخرج المطلوب واقفل بقيت جزار حيوان بشرى قلبه مات و ضميره اتلغى وبكى كتير 

فهد / طب و مرأتك  و ولادك فين دلوقت

دكتور / مرأتى م.......

         الفصل الخامس عشر من هنا

لقراءة باقي الفصول اصغط هنا