رواية كنوز العسل
الفصل السابع عشر17
بقلم عادل عبدالله
: يبقي اكيد الرجل ده عمل سحر وعرف مكانا و راح ورانا .
: ايوه ، بس هنعمل ايه دلوقت؟
: لسه مش عارف .
: مادام عرف مكانا يبقي اكيد مش هيسيبنا في حالنا .
: متخافيش يا هدير .
: لازم اخاف ولو اي حد مكاني هيموت من الرعب كمان .
: لازم نهدي يا هدير علشان نقدر نفكر صح .
: اهدي ازاي !!! ماشي يا ربيع هحاول .
دخلت معها ننام وبمجرد ما قربنا من السرير افتكرت شكل القردة اللي كنت بشوفه تاني !!!!!! وخوفت كمان من تكرار الفشل اللي كان بيحصل معايا .
خوفت و رجعت لورا وقولتلها : انا هنام هنا ع الارض .
: ليه يا ربيع ؟
: معلش سبيني ع راحتي .
وقبل ما انام ع الارض شميت ريحة دخان !!!
حاولت اتأكد من ريحة الدخان ، ايوه فعلا ريحة دخان !!!
سألت هدير : انتي شامة حاجة ؟
: ايوه فيه ريحة دخان .
: طيب شوفي الريحة دي جاية منين ؟ لتكون في حاحة بتتحرق !!!
: مفيش اي حاجة في الاوضة يا ربيع .
: طيب تعالي نشوف يمكن حاجة بتولع في الدار و هما نايمين ومحدش حاسس !!!!!
خرجت انا وهي نبص في كل مكان في الدار مفيش اي حاجة بتتحرق !!
خرجت بره الدار كانت الدنيا هادية ومفيش اي دخان !!!
رجعت تاني دخلت انا وهدير بعدها ريحة الدخان اختفت !!!
بعدها نمت وشوفت في الحلم اني ماشي في طريق مع دسوقي وفجأة وقعت في بير !!!
بعدها اختفي دسوقي وكان معايا كوز عسل وبحاول اخرج من البير لكن خايف كوز العسل يقع مني !!!
واثناء محاولتي للخروج ظهر تعبان ضخم لف نفسه حول جسمي وبدأ يشل حركتي وانا بحاول اهرب منه او اصرخ لكن مش قادر !!!
قومت من النوم مفزوع وكان جسمي كله عرق من الخوف .
الصبح قعدت افطر انا ونعمة وهدير وكان حمدي بيستحم في الحمام ، وفجأة صرخ حمدي وخرج عريان تماما من الحمام !!!
جريت عليه احاول اداري جسمه العريان ، وكانت هدير في قمة الدهشة من اللي شايفاه !!!
اخدت حمدي ودخلته اوضته وسألته : مالك ياض يا حمدي خرجت كده ليه ؟؟ وكنت بتصرخ ليه ؟؟
: يابا وانا بستحم شوفت تعبان كبير خرج من الحمام كان شكله مرعب اوي !!
: فين التعبان ده ؟
: في الحمام يابا .
روحت الحمام اشوفه، مفيش اي حاجة !!!
نعمة اتعصبت و قالتلي : مش قولتلك يا ربيع انا خايفة علي العيال ؟!
: عندك حق يا نعمة ، احنا لازم نشوف حل للي بيحصل ده .
ونفس اللي حصل المرة الاولي لما شوفت هدير علي شكل قردة وكنت بدور علي حد يفك السحر ده ، بدأت ادور تاني علي حد يفك السحر ويبعد عنا ابو الخلا وسحره .
المشكلة اني عمري ما اهتميت بمواضيع الجن والعفاريت والاسحار دي علشان كده خبرتي فيها قليلة جدا ومش عارف اتصرف في مشكلتي .
ولما شوفت دسوقي سألني : عملت ايه مع الشيخ ابو الخلا يا ربيع ؟
: روح يا اخي منك لله .
: ليه بس حصل ايه ؟
: ده طلع راجل نجس وشغال في السحر والشعوذة واخد مني فلوس وكان عاوز يعتدي علي هدير وهربنا منه بالعافية ودلوقتي بيطاردنا لحد هنا !!! يعني بدل ما يحللنا مشكلتنا دخلنا في مشكلة جديدة .
: وحياتك عندي يا ربيع مكنتش اعرف كده ابدا ، انت عارفني بحب لك الخير وعمري ما احب لك الشر .
: انا عارف يا دسوقي .
: طيب تروح معايا لشيخ تاني يخلصك من الموضوع ده ؟؟
: لا يا دسوقي انا حرمت امشي وراك في المواضيع دي بالذات .
استمريت في البحث عن حد يخرجنا من مشكلة ابو الخلا دي كام يوم وكنت كل يوم تحصل معانا حاجات جديدة تخوفنا اكتر وتعيشنا في رعب اكتر واكتر !!!
كان لما يبجي الليل تبدأ الحاجات الغريبة ...
وفي مرة كنت قاعد قدام الدار وهدير ونعمه نايمين جوه واتفاحئ بنعمة واقفة وسط غيط الزرع قدامي من بعيد بتشاور لي وتنادي عليا !!!!!
افتكرت انها خرجت من غير ما احس بيها ، ولما قومت اروح اشوفها عايزة ايه اختفت تماما ، لكن الاغرب اني وانا راجع شوفت نعمة قاعدة قدام الدار مكاني !!!!!
سألتها : انتي صحيتي امتي من النوم يا نعومه ؟
: انت هتجنني يا راجل ؟!! مش انت لسه كنت بتنادي عليا دلوقتي ؟؟
: انا ؟!!!
: ايوه .
عرفت سعتها ان ابو الخلا هو اللي بيعمل معانا كده .
وفي يوم تاني وانا نايم قبل الفجر صحيت علي صوت واحدة بتصرخ بصوت عال اوي !!!
قومت اشوف فيه ايه ، اتفاجئت بواحدة ست واقفة قدام الدار بتترجاني اوصلها لأن كان في اتنين رجاله عاوزين يخطفوها و ألحت اوي اني اوصلها علشان محدش يتعرضلها .
مشيت جنبها جنب الترعه وفجأة لقيتها بتقولي : هات ايدك يا جدع .
: عاوزة ايدي ليه ؟
ضحكت اوي بدلع وقالتلي : هات ايدك وانت تعرف .
: ولسه همد ايدي وشوفت ايدها زي رجل الماعز !!!!!!!!
بعدت عنها وجريت مسكت عصا طويلة اضربها بها لكنها فجأة نطت في الترعة واختفت !!!!!
كنا احيانا اثناء قعادنا في الدار نسمع اصوات غريبة طلعة من الحيطة !!!! اصوات ناس بتتكلم ستات ورجالة واطفال !!!!
وفضلنا علي الحال ده عدة ايام لحد ما في يوم شوفت دسوقي قاعد علي القهوة ، واول ما قعدت قالي : عرفت لك موضوع الشيخ ابو الخلا ده كله .
: عرفت ايه يا دسوقي ؟
: الرجل ده بيقولوا انه اتولد وعاش في الخلا علشان كده سموه ابو الخلا .
: يا راجل !!! واستفدت انا ايه دلوقتي ؟
: بيقولوا كمان ان مفيش حد يعرف اهله مين ولا منين ، لكن في ناس بيقولوا انه مش من بني ادم وانه جن من الابالسه والشياطين .
: بردو انا استفدت ايه من الكلام ده ؟؟
: اسمعني يا ربيع للاخر .
: اتفضل كمل .
: بيقولوا انه بيظهر في الخلا للي عاوز يظهر لهم بس .
: يعني ايه ؟؟
: يعني هو ممكن يكون بيظهر لكم فعلا مش تهيؤات !!!
: روح با دسوقي منك لله خوفتني اكتر ما كنت خايف .
: حاول انت وعيالك مفيش حد منكم يقعد في مكان لوحده .
: يا دسوقي انا تعبت من الموضوع ده وعاوز شيخ يكون بيتقي الله ويساعدني انه يبعد عني ابو الخلا واسحاره .
في اليوم ده رجعت البيت وكانت نعمة فوق سطح البيت .
واول ما دخلت سمعت صوت صراخ مكتوم من اوضة هدير !!!!
وكأنها بتتألم من شئ ما ، او انها عاوزة تصرخ وحد كاتم صوتها !!!!
جريت بسرعة فتحت باب الاوضة وببص لقيت..........