رواية تحدي مع الشيطان الفصل العشرون والحادي والعشرون بقلم زهرة الربيع
العشرون
حاتم فتح الورقه وقراها وعنيه برقت بشده و بص لجميله وابتسم وقال... تمام انتي هتفضلي عندنا في القصر وباليل نتكلم وقرب على سليم وابتسم باستهزاء وقال...يتربى في عزك يا غالي ورمى الورقه في وشو وخرج بغضب لا يوصف
سليم طبعا مكانش مصدق وهيقع من طوله من الخوف ان يكون فعلا ابنو وطى على الارض يجيب الورقه وايده بترتعش بلع ريقه و فتحها برعب وبرق بزهول لما شاف ان النتيجه ايجابيه والولد ابنو فعلا كان واقف زي التايه مش قادر يستوعب بس حاول يتماسك وجري بسرعه يلحق حاتم
حاتم خرج من المكان زي الاعصار ركب عربيتو و لسه هيمشي بالعربيه وسليم بقى يجري عليه وهو بيزعق ..حاتم حاتم استنا يا حاتم لو سمحت
حاتم نزل من العربيه وقفل بابها بغضب شديد وسليم وقف قصادو وبيحاول ياخد نفسو قال ...حاتم اسمعني لو سمحت ارجوك ياحاتم مش معنى ان حاجه من كاامها صح يبقى ....
قاطعو حاتم وقال بغضب..انا مش هسمع حاجه خلاص جبت اخري معاك اديتك فرصه رغم ان كل شيئ كان واضح رغم اني شوفتك بعنيا صدقتك لاكن انا الغلطان الي امنت لواحد وسخ زيك بس ورحمت ابويا لادفعك انت والواطيه الي جوه تمن كل دقيقه ضيعتوها من عمري وانتو مقرطسيني وانت يا سليم هتتمنى الموت وهتحبو من الي هعمله فيك وانا عارف كويس ايه الي يوجعك
سليم خاف من كلامو وغضبو الشديد وقلق جدا على هنا لما قال كلمتو الاخيره وحاتم اتقدم هيركب عربيتو بس وقف لما سليم قال باندفاع..هنا ملهاش ذمب يا حاتم مش كل ما هنتخانق هتطلع غضبك عليها
حاتم الغضب عماه ضم ايده بغضب وغيره وفي ثانيه كان ضارب سليم بوكس شديد وقعو على الارض وبصلو بنظره مميته وقال..هنا دي مراتي.. مراتي انا ..تخصني انا.. مش هتخاف عليها اكتر مني واسمها ميجيش على لسانك ولا تقرب ناحيتها ده لو باقي على حياتك وحياتها وركب عربيته وساق بسرعه جنونيه
سليم قام وفضل باصص على اثره بدموع وبقو بي.نزف من ضربة حاتم القويه دخل المعمل بيأس حس ان كل شئ انتهى شاف جميله مستنياه واول ما شافتو قالتلو بسرعه..ايه حصل ايه حاتم كويس
سليم بصلها والدموع ماليه عنيه وقال باستهزاء..اه حاتم كويس ..كويس جدا زااي الفل حتى ساق عربيته ومش عارف على فين ولا هعرف اوصلو وخلاااص كل شئ راح والبركه فيكي انبسطي
جميله بصت في الارض بحزن وقالت...انا مقولتش غير الحقيقه يا سليم و
بس قاطعها سليم لما خبط على الحيطه الي وراها بقوه وقال بزعيق.وبغضب اعمي...اخرسبييييي احنا لوحدنا مفيش داعي للافلام بتاعتك ولا هتكدبي الكدبه وتصدقيها
سليم كان في قمة غضبو وجميله بقت تبكي بشده والطفل كمان صحي وبقى يبكي سليم بصلهم وحاول يتماسك وقال بجمود...يلا بينا لازم نمشي هوصلك واروح ادور عليه
جميله كانت مش قادره تتكلم هزت راسها وطلعو على القصر
وصلو القصر وكانت هنا وامال وندى مستنينهم واول ما دخلو امال جريت بسرعه عليه وقالت بلهفه..طمني يا ابني ايه مش ابنك مش كده البنت دي بتكدب صح
سليم كان منزل راسو وعيونه بيتحاشاهم ودموعه على خده وبقو بين.زف واول ما امو قالت كده اترمى في حضنها وبقى يبكي بشده
بقلمي...زهرة الربيع
امال غمضت عينها بألم وضمتو بحزن شديد بعدما بقى واضح قدامهم من منظرو انو اكيد ابنو
وندى شهقت بصدمه وحطت ايدها على بقها وقعدت على الكرسي بانهيار ودموعها على خدها
هنا بقى كانت واقفه بثبات عكس الجميع وقالت بتماسك...حاتم راح فين يا سليم
سليم بصلها بدموع وقال...مش عارف...بس هدور عليه مش هرجع من غيره
هنا قالت بسرعه..يلا بينا انا جايه معاك
جمبله قالت بلهفه ...لو لقتو طمنوني احم اققصد طمنونا يعني
هنا بصت لها بغيظ وسليم وجهه كلامو لهنا وقال.خليكي انتي يا هنا و انا...بس قاطعتو هنا وقالت بحزم..مش بشاورك يا سليم وبصت لجميله وقالت بنبرة تحزير ..حاتم جوزي ولازم اعرف هو فين وطلعت بسرعه و سليم خرج وراها وهو باصص لندى بنظرة حرج وحزن عليها
هنا وسليم فضلو يدورو على حاتم في كل مكان ممكن يروحو واتصلو على صحابو وقلبو الدنيا عليه بس ملوش اثر فضلو يلفو كتير وساكتين من اول ما طلعو لحد ما سليم قال
سليم بحزن...احم هنا انتي فعلا مصدقاني
هنا اتنهدت وقالت..وهتفرق في ايه يا سليم مش انا الي المفروض اصدق وبصتلو باهتمام وقالت ...ازاي الولد طلع ابنك يا سليم وانت صحيح يوميها كنت هتنزل بعدها باسبوع زي ما قالت وغيرت رايك ولا ده كدب انا مصدقه انك متقصدش يحصل الي حصل بس فيه حاجه غريبه وكلامكم بعيد جدا عن بعض وايه حكاية المكالمه دي
سليم بحزن.. يا هنا المكالمه دي مكانتش معاها اصلا مش عارف جابتها منين وايوه صحيح كنت هاجي كمان اسبوع بس غيرت رأيي كنت فاكر هعملهالهم مفاجأه يا ريتني ما نزلت اصلا اما الولد فانا مش فاهم لحد دلوقتي ايه حكايتو انا خلاص حاسس ان كل شئ انتهى
هنا بحزن..بلاش اليأس ده يا سليم صحيح حاليا رجعنا زي الاول لاكن الحقيقه هتبان مهما طولت خلي املك في ربك كبير
سليم بدموع ...يا رب ...انا مخنوق يا هنا بعد ما افتكرت انها اتحلت وابتسم وقال..بس مستغربك يعني ليه مفكرتيش ان ممكن جميله يكون معاها حق
هنا بتنهيده....انا مبخليش عقلي يمشيني ولا بوزن الامور بالظاهر في حجات مبتبانش بالادله وكملت بمرح...وعلشان كده بقع في مصايب كتير واكبر مصيبه معرفتك انت واخوك
سليم ابتسم بحزن وقال...معاكي حق والله ..انا قلقان جدا على حاتم يا هنا خايف ميرجعش البيت
هنا بثقه...بس انا مش قلقانه ابدا متأكده هيرجع حاتم قلبو لو تفتحو تلاقيه بين.زف من كتر الوجع بس مستحيل يقول كده اويبين علشان كده هيرجع ولازم تخاف من رجعتو مش انو ميرجعش
سليم كان هيتكلم بس التلفون رن رد بحزن..... الو ايوه يا ماما
امال بهمس ايوه يا سليم اخوك هنا تعالو البيت حالا
سليم بقلق من صوتها..فيه ايه يا ماما حصلت حاجه حاتم كويس مش كده
امال بسرعه...مش وقتو لما ترجعو يا سليم
هنا وسليم طلعو على القصر باقصى سرعه واول ما دخلو واتقدم عليهم حاتم وكأنو قمبله موقوته وهو بيقول..شرفتو والله ومسك سليم من قميصو بغضب وقال..انا مش لسه محذرك انك تقرب منها مبتسمعش الكلام ليه انت مش هترتاح الى لما احفرلك قبرك بايدي
حاتم كان مع كل كلمه بيضربو بع.نف وشراسه وامال وهنا بيحاوله يبعدوه عنه لحد ما هنا وقفت قدام سليم وفي وش حاتم وقالت بحده...كفايه كده كفايه ايه كل ما هتحصل حاجه هتيجي تضربو يا اخي كفايه انو محترم انك اخوه الكبير ومبيحاولش يمد ايدو او يضربك
حاتم ضحك بقوه وقال..يضربني.. يضرب مين ...انا هههه والله دمك خفيف هو مبيضربنيش علشان اخوه الكبير اممم كلام حلو بس بتعديل لمعلوماتك هو مبيضربنيش لانو ميقدرش ولانو جبان مش احترام اما بالنسبه للاحترام وشاور باديه علي طفل جميله وقال..فالاحترام كله اهوه قدامك اهو فيه اكتر من كده احترام
هنا اتنهدت بياس وقالت..اسمع يا حاتم مش معنى ان التحليل فيه غلط او حتى الطفل ابن سليم فده يخليك تصدق كل كلامها مش شرط ممكن تكون تألف ميت كدبه على حقيقه واحده علشان تلخبط افكارك
حاتم قال بغضب ...يا سلام وانتي بقى الي هترتبي افكاري تقدري تقوليلي يا هانم كنتي فين لنص اليل مع واحد غريب وطمعان فيكي كمان
هنا بهدوء الراجل الغريب ده اخو جوزي واحد مش هفكر فيه لو انعدمت الرجاله من على الكوكب خصوصي وانا جوزي موجود ومالي عيني
حاتم اتفاجا بردها وعجبو جد والسعاده بانت على وشو حاول يداري بس ابتسامتو خانتو لاكن اختفت بسمتو لما قالت بغيظ
اما بالنسبه لسؤال كنتي فين ...كنت بدور عليك وبقول عيل تايه يا ولاد الحلال علشان حضرتك تمشي كده ولا كأنك متجوز ولا كان ليك حد يقلق عليك ارتحت ولا عايز توضيح اكتر
حاتم برق بزهول وقال ...عيل ..انا عيل كان لسه هيكلمها بس قاطعتو امال وقاات مبس يا هنا يا بنتي انا رنتلك تيجي بسرعه علشان تشوفي اختك
هنا اخيرا بصت يمين وشمال وافتكرت انها مشافتش ندى من اول ما دخلت وسليم كان نفس الحاله والتنين حسو بقلق وخوف
سليم قال بسرعه... مالها ندى حصلها ايه
امال بتووتر اصل اصل...بس قاطعها حاتم وقال ببرود شديد وبسمه مستفزه.... اغمى عليها
سليم بلع ريقه بخوف خاف حتى يسأل وهنا قالت بسرعه ليه ايه الي حصل اختي مالها وجريت على امال وقالت بلهفه...حصل ايه يا ماما بعد ما مشينا امال كانت واقفه لتوتر ومبتردش
بس حاتم قال ببرود... متخافيش كده جبنالها الدكتوره وقالت ضغطها علي من الزعل شويه وتتعود
هنا ببكا يا حببتي يا ندى وبصت لسليم بحزن وقالت... اكيد لما عرفت انو ابنك
حاتم باستفزاز هي من ناحية زعلت فهي زعلت بس مش ده الموضوع الي زعلها
سليم اتنرفز جدا ووقف قدام حاتم متفصلهمش خطوه وقال بغضب شديد...اممم شامم ريحتك في الموضوع ايه بقى الي زعلها
حاتم بمنتهى البرود والاستفزاز ..ولا حاجه انا كنت جايب مهندس الافراح يشوف شغله هيه اول ما عرفت ان الفرح كمان اسبوع طبت مش عارف ليه
هنا بقلق...فرح مين بعد اسبوع
حاتم بفرحه وابتسامه مسطنعه ومستفزه جدا قال .....فرح سليم وجميله مبروك يا سولي وووووووو
الفصلالواحد والعشرون
حاتم بصلها بابتسامة مستفزه جدا وقال....فرح سليم وجميله هوانا مقولتلكوش ولا ايه
سليم وهنا برقو بزهول وسليم مسكو من قميصو بشده وقال..انت قلت الكلام ده قدمها قلتلها اني هتجوز
حاتم نزل ايديه بعنف وقال باستفزاز..لا انا مش بقول انا بنفذ وفرحك الاسبوع الي جاي والطفل ده هيتكتب باسمك وانا مبقولش كلامي مرتين وبصلو نظره ترعب وقال بغضب انا هعرف ازاي اربيك لان تربيته ابوك مكانتش كفايه يا سليم وسابو وطلع على الاوضه بغضب رهيب
هنا وسليم بصو لبعض بحزن ودخلو يشوفو ندى لقوها نايمه ووشها مرهق ودموعها لسه على خدها
هنا وقفت جمبها بحزن ومشيت ايدها على شعرها وقالت..الف سلامه يا قلبي وبصت لامال وقالت الدكتوره مقالتش هتفوق امتى
امال بحزن...قالت شويه وهتفوق ان شاء الله هتكون بخير انتي اطلعي اوضتك يا هنا الوقت اتاخر يا بنتي والصبح تطمني عليها
سليم بحزن شديد...ماما معاها حق انا جمبها يا هنا ولو احتجناكي هناديلك
هنا هزت راسها بحزن حاسه انها مش قادره تتكلم وحاسه بصداع اليوم كان صعب عليها طلعت من غير ما ترد باي كلمه
طلعت لقت حاتم بيلف في الاوضه بغضب واول ما شافها قال..ما لسه بدري كنتي افضلي عنده شويه كمان ليه مكلفه نفسك وطالعه دلوقت
هنا بصتلو بيأس ومردتش عليه خدت هدوم ودخلت الحمام
حاتم اتنرفز انها حتى مردتش فضل قاعد مستنيها بغضب واول ما طلعت قال..هو انا مش كنت بكلمك
هنا بغيظ بتحاول تداريه..وانا مش عايزه اتكلم معاك تمام
حاتم بضيق..اااه وعايزه تتكلمي مع مين بقى سليم مش كده
هنا جابت اخرها قالت بضيق..ايوه كده عايزه اتكلم مع سليم وبحب اتكلم مع سليم ايه ارتحت كده
حاتم مسكا من دراعها ولفو ورا ضهرها بغضب وقال...عيدي كده سمعيني تاني
هنا بالم.. سيب دراعي با حاتم يا حاتم سيبو هتكسرو
حاتم ساب دراعها بعنف وهنا فضلت ماسكه مكان قبضتو بالم وقالت بغضب..يعني بتستفيد ايه من الي بتعملو بتبقى مبسوط وانت بتأذي الناس لمجرد انك انأذيت وخدت نفس وقالت بهدوء..يا حاتم مش كل حاجه نشوفها او حد يقولهالنا نصدقها سعات في حجات لازم نشوفها بقلوبنا يا حاتم انت تعرف جميله من قد ايه سنه اتنين خمسه حتى لاكن سليم اخوك متربي معاك لازم تحاول تثق فيه و
قاطعها حاتم وقال بغضب وهو بيقرب عليها ...وانتي بقى تعرفي سليم قد ايه.. ها حبتيه قد ايه.. ايه الي بنكم علشان تقفي بكل ثقه وتقولي قدام الكل انك مصدقاه من غير ما يتكلم وبعد كل الي سمعتيه
بقلمي...زهرة الربيع
هنا كانت بترجع لورا بخوف ولزقت في الحيط قالت بخوف من نظراتو المرعبه... ماشي معرفوش ومفيش بنا حاجه كان فيه شويه اعجاب فسرناهم على انهم حب وانتهو بس انا متأكده انو ميعملش كده علشان الحب الكبير الي في عيونو ليك ودموعو الي بتنزل بندم لمجرد ان كل الي انت فيه بسببو ده اخوك يا حاتم متضحكش على نفسك انت كمان ما تقدرش تاذيه وبعدين انا عندي نظره في الناس و
بس قاطعها حاتم وقال باستهزاء...نظره قولتيلي وضحك وقال فعلا انتي نظرك سته على سته انا بكلم مين اصلا انتي الميه بتمشي من تحتك وانتي ولا في الكوكب لو بتفهمي كنتي نفعتي نفسك
هنا بعدم فهم.. انفع نفس في ايه وضح كلامك علشان شغل وسوسة الشياطين ده مبينفعش معايا قول تقصد ايه
حاتم ببرود مستفز ..اققصد ليه مفكرتيش ليه اختك حببتك الي بتموتي فيها وافقت على الجواز من سليم مع انو اتجوزها علشان مشاكلي معاه تفتكري ليه الانهيار ده كلو يوم الفرح لما شافت الصور تفتكري ليه اغمى عليها لما عرفت ان سليم هيتجوز كل الاهتمام ده ليه مع ان مفيش بنهم علاقة زوج وزوجه والدليل انها يوم ما سكر نادتلي اغيرلو ها تقدري يا عبقريه يا صاحبة النظره تقوليلي ليه
هنا بهدوء وابتسامه ...علشان ندى بتحب سليم مش بس بتحبو دي بتعشقو كمان
حاتم برق بزهول وبصلها باستغراب ...وقال وانتي عارفه وعادي كده عادي ان اختك تحط عينها على حاجه ملكك كده من غير ما تفكر فيكي
هنا بهدوء وابتسامه..سليم مش حاجه ملكي يا حاتم سليم انسان زي ماندى انسانه وهي محطتش عنها عليه هي حبتو قلبها غصب عنها جبرها عليه وهي علشان اختي وبتحبني محاولتش تبين قدامي ابدا علشان مزعلش وانا علشان اختها الي مربيها مش محتاجه انها تقول فهمتها من اول يوم جيه فيه عندنا من نظراتها وفرحتها لما يكون موجود مع انها عارفه ان انا هتجوزه لاكن كانت بتبقى مبسوطه بوجودو وانا لو كنت حست من سليم اي مشاعر تجاها كنت انسحبت بهدوء انا لما شوفت عشقها ليه اتمنت لو حبها هيه كمان هي كان عمرها يدوب ١٨ سنه قولت يمكن لانها صغيره شويه هتكبر وتنساه وعلشان كل الي حكتهولك وافقت على جوازهم مع اني كنت اقدر اوقف الجوازه لاكن حسيت ان الي حصل منحه من ربنا علشان يجمعها بحبها ها فيه حاجه تاني حابب تسمعها
حاتم كان مستغرب من تقبلها لاي شئ كده ببساطه فضل باصص لها باستغراب وقال...انت اغرب انسانه شوفتها في حياتي
بصتلو هنا بنظرات جريئه وقالت بتوهان في ملامحو..وانت اجمل انسان شوفتو في حياتي تجنن ياحاتم بجد تسحر بس للاسف ربنا مبيديش كل شيئ اداك جمال بس من غير عقل
حاتم برق بزهول من كلامها وقال بزهول..بقى انا من غير عقل
هنا اتوجهت ناحية السرير وهي بتقول ....شوفت علشان تعرف انك من غير عقل سبت كووول الكلام الحلو ومسكت في من غير عقل طب قول بجد انا جميل ياهنا يعني انا عاجبك ياهنا انت الاجمل يا هنا اي حاجه من الكلام ده يلا نصيبي اه و على فكره بكره هروح ازور بابا وماما ومتقولش لا لاني رايحه يعني رايحه تصبح على خير
حاتم ضحك ضحكه خفيفه عليها وقال في نفسه..انتي اجمل حاجه حصلت في حياتي ياهنا اتنهدو اصتنع الجمود وقال ماش روحي بس هتروحي مع السواق وترجعي معاه .وراح نام علي الكنبه
هنا ابتسمت لانو وافق وقالت في نفسها...ربنا يهديك يا حاتم ونامت هيه كمان
.............
ندى صحيت من النوم بعد مافضلت من التعب نايمه اليل كله لقت سليم واخدها في حضنو ونايم ابتسمت بحب بس اتحولت الابتسامه لدموع لما افتكرت كلام حاتم حاولت تقوم من حضنو وسليم صحي على حركتها
سليم بلهفه..ايه يا ندي انتي كويسه
ندى بحزن بتحاول تداريه..انت صحيح عايز تتجوزها يا سليم
سليم بحزن ...انا مش عايز ياندى انا مجبر ححاول تاني مع حاتم بس حتى لو اصر هكتب عليه وهطلقها على طول
ندي مقدرتش تمنع دموعها وبقت تبكي وتشهق حضنتو بشده وقالت..مش هستحمل ..مش هقدر يا سليم ارجوك متتجوزهاش متعملش فيه كده انا بحبك والله بحبك اوي مش هقدر ابعد عنك يا سليم
سليم دموعو نزلت بألم حاسس بوجع في قلبو شدد على حضنهاوقال لا اراديا..انا كمان مقدرش على بعدك ياندي بقت عايش علشانك ارحمي قلبي وبلاش اشوفك كده مش بستحمل حاسس اني بموت
هنا بعدت عنو ومسحت دموعها وقالت...بعيد الشر عنك متقلش كده خلاص مش هعيط تاني وحضنت وشو باديها وقالت كل حاجه هتتحل صدقني انا جمبك وهفضل جمك مش انت كمان هتفضل معايا يا سليم
سليم ابتسم على العشق الي في عيونها وقال..عمري ما هقدر ابعد خلاص بقيتي حياتي كلها ياندى
ندى لسه هتتكل الباب خبط وكانت هنا الي جريت على اختها وحضنتها بلهفه وقالت..انتي كويسه يا ندى بقيتي احسن مش كده
ندى بحب... انا تمام يا هنا متقلقيش
سليم قال بهدوء..حاتم نزل يا هنا
هنا بقلق من سؤاله..ايوه نزل ليه بتسأل
سليم اتنهد وكان هينزل بس ندى مسكتو وقالت بتوسل...علشان خاطري بلاش متنزلش لحد ما يمشي
سليم باس راسها بحب وابتسم وقال ...متقلقيش انا اصلا نازل معاه الشغل وبعدين احنا مش هنتخانق تاني ماشي
ندى هزت راسها بقلة حيله وقالت خد بالك من نفسك وفضلو باصين لبعض شويه بس قااطعتهم هنا وقالت بخبث..احم طب انا نازله بقى يا ندوش شكلك بقيتي كويسه
ندى بكسوف ..ااا.استني ننزل سوا
هنا بابتسامه ..لا انا انهارده هنزل ازور بابا وماما مشوفتهمش من ساعت جوازك وحاتم اخير اتكرم ووافق
ندى بلهفه..طب اجي معاكي
سليم بابتسامه..تؤتؤ مش هينفع الدكتوره قالت ارتاحي كام يوم والله اول ماتبقي تمام انا هخدك اوصلك تمام
ندى..تمام
حاتم كان بيفطر ومستني سليم علشان يروحو الشركه شافو نازل مع هنا اتنرفز وقام وهو بيقول
انا خارج يا ماما عايزه حاجه
امال بحب تسلملي يا حبيبي
حاتم خرج واتقدم ناحيه عربيتو بغضب بس هنا جريت وراه وندهتلو وقالت ..حاتم
حاتم ببرود..نعم
هنا..هروح اشوف بابا زي ما قولتلك
حاتم تروحي وتيجي مع السواق مفهوم
هنا بابتسامه حاضر
حاتم شاف سليم خارج طالع لبس النضاره وطلع العربيه وقال بصوت عالي ابقى حصلني معنا شغل كتير انهارده
سليم ركب عربيتو وطلع ورا حاتم
وهنا استأذنت من امال ومشيت مع السواق
بعد ساعه ندى كانت هي وامال قاعدين سوا بس ندى تعبت شويه وطلعت ترتاح وهي متجه لاوضتها سمعت صوت جميله بتكلم حد في التلفون قربت من الباب وقالت..سامحني يا رب بس مره وقفت تسمعها بتقول ايه
جميله ...بغضب انت اتجننت يا سليم وهي ذمبها ايه اعقل يا سليم دي مرات اخوك اهدى شويه انت فين
جميله سكتت شويه تسمعو وقالت ...انا عارفه انك حذرتني وقولتلي متقوليش لحاتم بس انت مسبتليش حاجه تانبه اعملها مرضتش تتجوزني بعد كل الحب الي بنا ولا رضيت تعترف بابنك بس مش معنى ان اخوك مرضيش يسامحك تروح تخطف مراتو لو عرف هيموتك انت في شقت المعادي مش كده اهدى وانا جيالك ونتفاهم
ندى حست ان الارض بتدور بيها كانت هتقع من طولها بس الصدمه الاكبر كانت لما جميله قالت بصراخ...تنام معاها ....تنام مع مين ..مع مرات اخوك ووووووو