رواية النار في بيت ابو صقر الفصل الاول1 بقلم هويدا زغلول
انا بدريه عندي 35سنه متجوزه من عيله
ابو صقر اكبر عيله في القليوبية وانهارده
دخله اخو جوزي الصغير يوسف وكنا وافقين في المطبخ
وبقول
بدريه
ما تشدي حالك يا بنت انتي وهي احنا هنقضي اليوم كله في المطبخ ولا ايه عايزين نخلص الاكل وردت صفاء سلفتي وقالت
صفاء
عشنا وشوفنا العريس هو اللي بيعمل الاكل للعروسه ما طول عمرها العروسه اللي بتيجي من دارها بالاكل
بدريه
حطي لساني جوه بوقك يا صفاء وبلاش تتكلمي قدام الناس اللي شغاله وبعدين هنتكلم تاني في الحوار ده ما انت عارفه ان صباح يتيمه
والحاجه نعمه متفرقش معاها الكلام الفارغ
ده
صفاء
هو انا كنت قولت حاجه يا سلفتي انا بس اللي نتعب في الدار ما كفايه علينا اكل الرجاله
بدريه
اشتغلي وانتي ساكته ومش عايزه
كلام كتير ودخلت الحاجه نعمه كبيره
الدار وقالت
نعمه
ما هو لو واحده بنشتغل زي ما بنتكلم كده كنا زمان بقينا في احسن حال وانتي مالك ومال مين اللي يعمل الاكل يا صفاء انتي ناسيه يا بت
انك امك جت وقالت مش قادره تدفع
اجره الترزي واحنا دفعنا من جبنا
صفاء
والله ما اقصد حاجه يا حاجه حقك عليا أنا هقعد
اعمل احلي فطير ل احلي عروسه وراحت
جنبها بدريه
بدريه
يخليكي لينا ياللي جبرا بخاطر الكل دايما وقامت
نوال مرات اصغر. واحد في اخوات جوزي وقالت
نوال
معلش يا حاجه كنت عايزه اتكلم معاكي كلمتين كده في الاوضه بتاعتي
نعمه
عارفه كلامك الماسخ زيك بس تعالي قدامي شوفي عايزه ايه وبعدها دخلوا وقفلت الباب
نوال
الا انت يا حاجه هتخلي الدخله النهارده بلدي ولا ناويه تعملي ايه بالظبط احنا كلنا كنا عارفين ان البنت صباح كانت عايشه بيتهم لوحدها وكانت مخطوبه لواحد داخل خارج عندها
نعمه
مش فاهمه كلامك فهميه اكتر يا نوال
نوال
والله يا حاجه وما ليكي عليا حلفان انا قلت لمحمد جوزي كذا مره ما ينفعش اخوك يتجوز البنت دي ما سمعتش كلامي ابدا وقالي
ملناش دعوه خلي كل واحد يعمل اللي هو
عايزو
نعمه
يعني انت جوزك سمع الكلام ده وقالك كده طب روحي ناديه ليا وتعالي
نوال
والنبي يا حاجه ما تكلميه ولا تنكدي عليه في ليله زي دي بعدين ابقي فهمي غلطه
نعمه
كلمتي واحده يا نوال تخرجي دلوقتي تنادي ليا جوزك محمد وتجيلي وخرجت ورجعت ب محمد
محمد
خير ياما عايزاني في ايه انا سايب الرجاله واقفه بره علشان خاطر بيرسوا الكراسي
نعمه
الا انت مراتك كانت عايزاك تخلي اخوك يسيب مراته علشان كانت يتيمه وعايشه لوحدها وانت مجيتش قولتلي الكلام ده
محمد
برده مسحوبه من لسانك يا نوال وبتدخلي في اللي ما لكيش فيه وانت مالك انت ما احنا قولنا خلينا في حالنا ياما البت مالها كلنا عارفين ان صباح كويسه
نوال
اسمع يا محمد انا يهمني مصلحه البيت ده ولازم كانت الحاجه نعمه تاخد بالها من الكلام ده هي مكانتش اصلا واخده بالها منوا
نعمه
اخرسي قطع لسانك مش عايزه اسمعلك صوت ثاني وليه خرفانه اسمع يا محمد تاخد البنت دي وتروح توديها على بيت ابوها ولما يبقى يربيها يبقى يجيبهلنا وترجع قبل فرح اخوك
نوال
طيب ليه يا حاجه انا عملت ايه والله انا كل اللي يهمني مصلحتكم مش اكتر
نعمه
انت موجوده في البيت ده بقالك سنه عارفه ان الحاجه نعمه ممكن تقبل كلمه على حد وعارفه الحاجه نعمه ممكن تجوز عيالها لاي واحده والسلام ولو انا مش عارفه ان البنت صباح دي كويسه وبنت ناس عمري
ما كنت جوزتها ابني
نوال
والنبي يا حاجه خليني في داري وانا اوعدك والله ما هفتح بوقي ولا اجيب سيره تزعلك من هنا ورايا
نعمه
كلامي خلص يا نوال وتكلي على الله امشي دلوقتي روح وديها لابوها وقوله ما يجيش الفرح النهارده
محمد
اللي تشوفي ياما وتامري بيه حاضر يتنفذ
امشي قدامي احسن علشان تبطلي تدخلي
في اللي ملكيش فيه وبعدها مشيوا
وبعدها دخلت صفاء عندي
صفاء
الحقي يا ابله بدريه ما شفتيش اللي حصل مش نوال خدت هدومها ومشيت تفتكري ايه اللي حصل
بدريه
اتدخلت في اللي ملهاش ايه يا صفاء ما هو اللي هيدخل في البيت ده من هنا ورايح كده ما لوش فيه هياخد هدومه ويمشي خليكي في حالك ورانا شغل كثير
صفاء
انا نفسي افهم بس هو انتي ليه على طول بتعامليني وحش كده ده انا حتي بحبك والله
بدريه
مبحبش حد يدخل في اللي ملوش عين اشتغلي وانت ساكته وعدي يومك على خير
وبعدها جت صباح العروسه ودخلت اوضتها مع عريسها وكنت قاعده جمب الحاجه نعمه
بدريه
والله يا حاجه هيجازيكي خير على اللي انت عملتيه مع البنت الصباح دي وكفايه ان انتي اللي جهزتيها وجبتلها كل حاجه
نعمه
ما بس يا بنت اسكتي انتي عايزه حد يسمعك ولا ايه ويعرف ولا اي
بدريه
خلاص والله مش هتكلم تصحبي علي خير
وبعدها دخلت وجه محمد
محمد
انا داخل انام يا حجه عايزه حاجه مني
نعمه
بكره تروح تجيب مراتك وهي كده اتادبت بالليله دي انها باتت بره بيتها وانا عارفه ان هي اصلا مبتحبش تروح بيت ابوها خالص
محمد
ما تخليها يومين ثلاثه هناك يا حجه خليني اريح اعصابي شويه انا مصدقت ارتحت منها اصلا
نعمه
قولت لا بكره يعني بكره وقوم بقي خليني
انام امال
محمد
تمام يا اما اللي تشوفي وبعدها دخل وفي اوضه
بدريه وحسين
حسين
مش عايزك تخلي صباح تقعد كثير مع نوال
وصفاء البنت دي شكلها غلبانه جدا
بدريه
والله والاتنين التانيين غلبانين كمان بس هم لسانهم متبري منهم شويه يلا ربنا يسعدهم
يارب ويوفقهم ونامو وتاني يوم جت
نوال وراحت جمب الحاجه نعمه
نوال
حقك عليا يا حاجه والله ما هفتح بوقي ولا هتكلم في اي حاجه متخصنيش
من هنا ورايح
نعمه
ادخلي يلا حضري الفطور مع الناس في المطبخ
وانا واثقه انك مش هتفتحي بوقك تاني
ودخلت
صفاء
الا انت كنت فين يا بت انا مشفتكيش في الدار كلها امبارح
نوال
اقعدي ساكته بقى اخره اللي دخل نفسه في اللي ملوش فيه المهم هنعمل ايه دلوقتي
انا شايفه الدار نظيفه اهي
صفاء
اسكتي يابت الا ليكي عندي حته خبر اي
حلو اوي
نوال
ما تقولي يا بنت على طول في ايه
صفاء
مش انا عرفت ان الحاجه نعمه هي اللي جابت لصباح كل حاجه في اوضتها وبتقول هي اللي جهزت نفسها من فلوس كان ابوها سايبهلها ما كلنا عارفين كان ابوها سايبها على الحديده
نوال
يا خبر ابيض وانتي عرفتي الموضوع ده منين يا بت
صفاء
مش مهم عرفت منين المهم هنعمل ايه دلوقتي لازم الحاجه نعمه تعرف ان احنا عارفين
نوال
انا مش فاهمه منك حاجه
صفاء
بعدين تفهمي يلا بينا بس علشان زمان العريس خرج من اوضته واحنا نخش نبارك للعروسه
ودخلوا اوضه صباح
صباح
اهلا بكم يا حبايب قلبي والله كنت خارجه لسه اقعد معاكوا بره دلوقتي
صفاء
انا عايزاكي تبقي على طول معانا وتكوني حبيبتنا تعرفي انا اول لما عرفت ان الحاجه نعمه هي اللي جابت ليا الجهاز الاوضه دي كلها قولت اللي بتتكلم اسكتي انتي ملكش
دعوه بالحوار ده ما ينفعش كده
تتكلمي قدامنا
صباح
وانتي عرفتي منين يا حبيبتي الكلام ده المفروض الحاجه نعمه مقالتش لحد يعني
صفاء
هو انت فاكره ان لما الحاجه نعمه تقول لبدريه على حاجه بدريه مش هتقولنا
صباح
صح بدريه اللي كانت عارفه وهي اللي كانت جيبالي الحاجه كمان الله يسمحها
صفاء
خدي بالك منها يا حبيبتي لانها تاخد منك كل الكلام وهيبقى عندنا بلاش تحكيلها على اي حاجه تخصك
صباح
عندك حق ماشي وبعدها خرجوا كلهم
واقعدو جمب نعمه
نعمه
صباحيه مباركه يا عروسه كنت لسه هصلي دور واجي اباركلك على طول تعالي اقعدي جنبي يا حبيبتي
صباح
صباح الخير عليكي يا اما ربنا يخليكي ليا
ياقلبي وانا خرجت وقولت
بدريه
الف الف مبروك يا عروسه والله زي القمر حبيبتي كنت خليتك في اوضتك واحنا دخلنا باركنا ليكي
صباح
بعد اذنك يا حاجه نعمه انا داخله اوضتي
نعمه
اه في عندك يا بنت ما تتحركيش خطوه واحده انت ازاي سلفتك الكبيره تكلمك وانتي بتتكلمي معاه بالطريقه اللي انتي بتتكلمي بيها دي
صباح
جرى اي حاجه هو انتي هتزعقيلي ولا ايه هو انا عملت حاجه انا مش عايزه اتكلم معاها اصلا
نعمه
اعملي حسابك يا صباح ان بدريه دي ست الدار ده من بعدي واياك حد يكلمها ب اسلوب
وحش وفي الوقت ده صباح عيطت
صباح
يعني يرضيكي يا حاجه اللي عملته في ايه لو راحت قالت ان انت اللي جايبه ليا الجهاز كله
بدريه
يا خبر ابيض انا والله يا بنتي ما عملت كده وهم عرفوا منين اصلا بالكلام ده
صباح
اسالي نفسك بقى ما حدش كان يعرف عن الموضوع ده حاجه اللي انا وانتي والحاجه واكيد يعني انا مش انا اللي هروح اقول كده ولا الحاجه كمان
نعمه
بس انتي وهي وكل واحده يلا تدخل على اوضتها مش عايزه اسمع صوت وكنا كلنا
داخلين والحاجه قالت
يا صفاء استني ووقفت وكانت بتحاول تبلع
ريقاها
صفاء
اؤمريني امر يا حاجه تحت امرك
نعمه
مش مرتاحه ليكي والله ولو عرفت اي حاجه من اللي انا شاكه فيها ما تعرفيش انا هعمل فيكي ايه
صفاء
اعملي اللي انتي عايزاه. وبعدها كلهم دخلوا
وكانت صفاء في اوضتها مع جوزها ياسر
ياسر
بقولك ايه يا صفاء انا مش عايز اي مشاكل مع امي الفتره دي الله يخليكي ملكيش دعوه باي حاجه
صفاء
هو انا كنت عملت حاجه يعني عشان خاطر امك تكلمني بالطريقه اللي هي بتتكلم بيها دي امك حاطاني فوق دماغها بسبب بدريه
ياسر
والله يا بت يا صفاء عندك حق انا مش عارف بحس ان حسين بينفذ كل كلمه بدريه بتقوله
عليها
صفاء
طبعا مش جوزها مش زيك يا حبيبي انا بخاف على مصلحتك اكثر منك والله وبصراحه كده بقى مش عاجبني ان اخوك معاه الاراضي كلها وانت يعتبر شغال عنده
ياسر
ماهي امي بتتكلم ان احنا ناويين نشتري الارض اللي جنب الترعه القبليه ونوى خلي الارض يجيب اسم انا واما اشوف امي هتقول ايه بقى
صفاء
ويا ريت بقى وتاخد ليا بيت لوحدي اعيش فيه احسن من البنت الزحمه ده
ياسر
هانت والله وفضلوا عايشين في البيت وفي
يوم كانت الحاجه نعمه قاعده مع عيالها
وقالت
نعمه
طيب قوم هات الفلوس يا حسين يلا علشان خاطر نروح نشوف موضوع الارض
ياسر
هو انتي ناويه برده يا امي تكتبي الارض دي باسم حسين على فكره كده مينفعش بقى
نعمه
ثاني كلام في الموضوع ده ياسر احنا قفلنا الحوار ده من بدري قوم يا حسين وبعدها دخل
وكنت وقفه
حسين
ايه يا بدريه مالك واقفه كده ليه قولتلك هاتي الفلوس يلا اللي في الدولاب علشان نمشي
بدريه
مش عارفه اقولك الكلام ده ازاي يا حسين بس الفلوس مش موجوده في الدولاب
انا قلبت الدولاب كله