رواية بعد عقد قران
الفصل السادس6
بقلم ريم ابو قاسم
تعالي يا بت وجات عليها قريب مسكتا من شعرا الجابك هنا شنو انطقي اتكلمي ، امي انا و بقت تبكي ، انتي شنو وريني الجابك هنا شنو، البت فجأه انفعلت في امها الجابني الجابك مش جايه لي مصطفى من متين بتعرفي وريني بس وزاتو انا بت واعمل العايزه بس ناسيه نفسك انتي متزوجه و بتخوني ابوي ، ادتا كف يا عديمه التربيه ده اسلوب تتكلمي معاي بيو ، كفايه تمثيل انا اصلا كاشفاك من زمان واي ولد بحبو تشلبي مني بس مصطفى ده مستحيل اخلي ليك و مشت مسكت مصطفى من يدو ...
اجي !!! ومرتو الواقفه دي البت و الام بتشاكلو فيو بس تاني قلته مالي مشيت مبتسمه قعدته في الكنبه في عصير طلعتو بقيت اشرب و اتابع ..
مصطفى قال ليها يا امل انتي بت نارين و قبل عليها ، ايوا ياخ انا حبيتك و مستحيل اخليك ، يلا الام جرت البت و وقعت فيها خبيت من طرف كيف تقول ما بخليك و البت تصرخ و تبكي اما مصطفى شغال يهدي و يحجز انا صح كنته شمتانه في البدايه بس وقت شفته الضرب المبرح لي بت صغيره زي ده طوالي قمته قلته ليها اسمعني هنا هو انا معاك انتي رفعت راسا قالت لي ما ناقصاك افضل تكوني بعيد ، اكون بعيد شنو اسي لو جنيتي قامت انتي و بتك تطلعو بره بس انا لا انتو ولا هو ما بتهموني بس في حاجه واقفه لي في حلقى لازم اقولا بتك ما عملت شي غلط حسب البتشوفو منو قالو جنا الفار حفار شافتك بتلعبي بقت زيك تدقيها لي شنو عشان محتاجه تتادب يعني والله انتي المحتاجه قالت لي بلاي نصايحك احتفظي بيها ، شوفي بتك دي لسه صغيره و الليله اي شي يحصل ليها ح يكون من تحت راسك اتذكري الكلام ده البت في العمر ده محتاجه امها تكون جمبها و تديها كل الامان عشان ما تمشي تفشتو بره بس وقت الام تكون كده نتوقع اي شي من الأولاد 😊..
سكتت مسافه قالت لي انتي اطلعي منها ، اصلا من غير تقولي لي طالعه منها بس كلامي ده ختي حلقه اول غيري نفسك بعدين شوفي بتك و دخلته الغرفه اشتغلته فيها رفيع و جديع من الوسخ الكان حاصل فيها ...
عند مصطفى...
اتحيرته و انصدمته في نفس الوقت ما كنته فاكر امل بت نارين نهائي كنته فاكرا مقطوعه من شجره و ما عندها اهل بس تطلع بت نارين دي كانت صدمه لحدي ما هم بتشاكلو ما قادر اصدق لاني اتعلقته بي امل اكتر بزات الفتره الاخيره بس وقت عرفته انو بت نارين طلعت من نفسي و كرهتهم الاتنين و كرهو فيني البنات وقت حسيت انو لسه المشكله دي ما ح تقيف قلته ليهم خلاص ياخ الاتنين بره ...
نارين وقفت اي شي قالت لي بتقول في شنو انت ، السمعتي انا مستحيل اكون سبب في خراب اسرة اطلعو بره ، ح تندم علي كلامك ده قرارك النهائي ، ايوا اطلعو لو سمحتو مسكته نارين وامل و طلعتهم و قفلته الباب نزلته جمب الباب قعدته مسافه من وجع الراس المسكني فجأه ، مشيت المطبخ لقيت مسكن بلعتو بي مويه عاينته اتجاه الغرفه لقيتا قافله قلته افضل ارقد هنا رقدته في الكنبه والحمه زايدة اكتر عرفتها مبادئ اتهاب لانو وقت يجي ببدا لي بي حمه مزمنه لا بقدر اقوم لا انوم بقيت راقد و بهز في راسي و جسمي من الالم ...
بعد مسافه بقيت اعطس ، باب الغرفه فتح طلعت غنوان عاينت لي و مشت شالت التلفون شكلها عايزه تطلب لانو زمن الفطور جاء ، قعدت في المصطبه تعاين لي ساي بعد نص ساعه الجرس رنه مشت فتحت الباب جابو الاكل ، عاينت لي قالت لي قوم اكل عملته ليها بي راسي لا لا ...
قالت لي مشكلتك قعدت اكلت و دخلت الباقي التلاجه عملته عصير و شربت بعد شافتني المسافه دي كلها ما قمته و لسه في حالتي و باين حالتي بتسوء قالت لي مالك انت ما رديت جات هبشت راسي قالت لي معقوله درجة حرارتك مرتفعه شديد انت عندك حساسيه هزيت لي راسي مشت فتحت الباب و جات شايله علبه صغيره قالت لي قوم ابلع دي قمته قلته ليها ده سم ولا شنو ..
😂😂😂 لو عايزه اسممك يا قلبي بسممك عينك عينك و تكون نصيح مش اديك ليو وانت ضعيف ، قمته ادتني بلعتها و رقدته بعد مسافه الحمه خفت و شويه نعسته وتاني ما حسيت بي شي ....
#تعديل
في جانب تاني ...
ما بعرف مشت وين البت دي من طلعت معاي اصلا ما اشتغلته بيها لاني غضانه منها ..
بتك و تهمليها كده والله لو ما دخلت في حاله نفسيه البت دي تعالي كفتيني ...
خلاص ياخ نفسيه شنو انا خايفه تكون مشت لي ناساتا. ...
يغسي عليك يا نارين دي بتك شويه خلي يكون عندك حنيه ..
انتي اختي علي فكره يا ندى مفروض تكوني واقفه معاي مش معاها ...
دي بتك خلاص كيف بتتكلمي كده مبالغه لاكن و بعدين انا عمري كلو بقيف مع الحق اصلي ما بقيف مع الغلط ...
خلاص يا ندى خلاص 😊...
مشيت عملته اتصال اسمع هنا الزول ده ، ايوا الاسمو مصطفى يداب قايم عايز يسترجل لي عايزه ادي دقه نضيفه بس بي طريقتي اخلي يعضي اصابعو العشره لانو ما في زول بخلي نارين بي ارادتو دايما اي شي بي ارادتي انا بس هو اتجرأ و عملا يبقى يتحمل نتائج عملتو ...
نرجع ...💛
اليوم كلو مساهره مع مصطفى ما نمته لانو بقوم مخلوع مرات يصرخ بس الصباح وقت قام باين نشيط و ما فيو شي حتى طلع الشغل وقت صحيت لقيتو ما في كنته عايزه اتصل بس قلته مالي و مالو ان شاء الله يتحرق انا مالي اتصلت علي اسراء قالت لي الحقي البسي سريع وتعالي لينا في مستشفى...... ، في شنو يا بت مالك ، البسي و تعالي تعرفي بعد تصلي ، حتي ما تمت كلاما فصلت الخط قلته في شنو كمان يا رب اجعلو خير تكون امي ولا ابوي 💔 لبسته سريع ومشيت .....