رواية غرام العاصي وعشق القاسي الفصل الثامن8والتاسع9بقلم نور محمد
وعلى الناحيه التانيه رجعت غرام البيت بتعب وهي بتسندها امها وبعدها استئزن محمد بعد ماطمن عليها
زينب بقلق: انتي كويسه دلوقتي ياحبيبتي
ابتسمت غرام:الحمد لله ياماما متقلقيش انا كويسه عل..
سكتت غرام فجأة على صوت خبط على الباب عالي فطلعت زينب تشوف مين
زينب بتوتر:اهلا ياعزيز نورت اتفضل
عزيز:يزيد فضلك ياام غرام عامله ايه انتي وغرام بنتك صحيح سمعت انها رجعت مش كده
زينب:الحمد لله ياعزيز وايوه رجعت ليا نحمد ربنا على كده
عزيز:طيب تمام بس انا اجيت اسئل على الايجار ياام غرام علشان اتأخر اوي وانتي عارفه الدنيا بقت صعبه اذاي
زينب بقلق:عارفه ياخويا والله بس زي مانت شايف انا مش معايا دلوقتي حاجه والله وا
عزيز بمقاطعه:انا اسف يا ام غرام بس مينفعش اصبر تاني والله علشان..
خرجت غرام بعد ماسمعت كلامهم سوى:عامل ايه ياعم عزيز
عزيز:الحمد لله يابنتي وانتي عامله ايه
غرام بتعب:الحمد لله ياعم عزيز بس انا سمعتك انت وماما بتتكلمو على الإيجار مش كده
عزيز:ايوه يابنتي بصراحه مامتك ليها ثلاث شهور مدفعتش حاجه وده الشهر الرابع وانا صبرت عليها كتير بس مش حقدر اصبر تاني بعد الشهر ده وحطر اطلعكم من الشقه لان كده كتير عليا
غرام بتفهم:تمام ياعم عزيز متقلقش ان شاء الله اخر الشهر ده فلوسك كلها حتكون عند كامله باذن الله
عزيز:تمام يابنتي انا واثق فيكي عن اذنك ياام غرام
خرج عزيز وقربت زينب من بنتها بقلق
وقالت:غرام انتي ايه الي قولتيه لعزيز ده منين حنجيب الفلوس دي كلها ده معاش بباكي يادوب بيكفي الاكل والشرب دلوقتي يابنتي
غرام بيقين:حتتحل ان شاء الله ياماما وانا من بكره حطلع ادور على شغل متقلقيش انتي بس
زينب بخوف عليها:نعم شغل ايه ياغرام انتي ليسا تعبانه والدكتوره منبهه علينا يابنتي لا مش حتطلعي بره البيت ده انا بقولك اهو
قربت غرام ومسكت ايد زينب بطمئنان:متخافيش ياست الكل انا بقيت كويسه الحمد لله وربنا معانا كمان وان شاء الله حكون بخير ياماما
ابتسمت زينب بفخر بنتها الصغيره:ربنا يحميكي دايما يابنتي ويوقف في طريقك ولاد الحلال
غرام وهي بترفع ايديها لفوق في الدعاء:اميين يارب
ـــــــــــــــــــــــــــــــــــــــــــــــــــــــــــــــ
وفي نفس الوقت عند عشق
فتحت عشق الباب نص فتحه تشوف مين بس انصدمت
عشق بصدمه:عمو سعيد
وفي الخارج كان قاسم واقف قدام سعيد بضيق منه وقال:خير مين حضرتك واذاي تدخل كده هي وكاله بدون بواب والا ايه
سعيد ببرود:انا ابقى زوج ام الهانم الي جوه دي الي مقضي'ها معاك يامحترم
قاسم بعصبيه:احترم نفسك ياحيوان انت وانت لولا في بيتي انا كونت فرجتك اذاي تقول عليها كده
سعيد :ماطبعا حتدافع عنها مش بقت عشيق'تك وهي عامله قدام الكل محترمه
قاسم اتعصب اوي منه فمسك فيه ضرب وعشق دموعها نزلت على كلام سعيد بس اتخضت لما لقت قاسم بيضربه بقوه فجرت عليه بخوف
عشق بدموع وخوف:قاسم سيبه خلاص حيموت في ايدك كده سيبه
بس قاسم كان بيضربه بغل وغضب ومش حاسس بحد تاني
فصرخت فيه عشق:قاسم والنبي سيبه خلاص وحياتي عندك حيموت كده في ايدك سيبه
وبعد ما سمع قاسم كلامها ده هدي شويه وبعد عنه وهو بيزفر بضيق
قاسم بغضب:قول الحمد لله انها نجدتك من ايدي او كنت حموتك على كلامك ده عليها
قام سعيد بألم ووشه كله بينزف وبص عليه بغضب وعلى عشق كمان بغيظ
سعيد بتعب وخوف:تمام بس والله لافرجك على الي عملته ده وبص على عشق وكمل وانتي كمان حعرف اربيكي من اول وجديد تاني ياست عشق
وسابهم وخرج فرمت عشق نفسها في حضن قاسم وهي بتعيط ومنهاره بخوف
قاسم بهدووء وهو بيمسح على شعرها:اهدي ياحبيبتي خلاص متخافيش منه وانا موجود معاكي انا حعرف ادفعه تمن الي قاله ده كويس
بعدت عشق بدموع:لا خلاص ياقاسم سيبه والنبي انا خايفه عليك ومش عاوزه اخسرك ابدا
قرب قاسم ومسح دموعها وقبلها في خدها بحب:متخافيش ياقلب قاسم انا مفيش حد يقدر يعمل معايا حاجه ابدا او يبعدني عنك
ابتسمت عشق بحب:انا بحبك اوي ياقاسم
قاسم بعشق:وانا بموت فيكي ياعشق القاسم طيب تعالي بقى علشان نفطر مع بعض وتكمل شغلنا سوى
غمز لها قاسم فإحمر وشه عشق وراحت معاه المطبخ يحضرو الفطار سوى
ــــــــــــــــــــــــــــــــــــــــــــــــــــــــــ
وتاني يوم وعند عاصي في شركته كان يجلس يراجع ملف الصفقه الاخيره له من هذا الشهر على دخول مصطفي له
مصطفي:عاصي في ملف مهم لازم تمضي عليه فورا
نظر له عاصي:ملف ايه ده يامصطفي
قدم مصطفي الملف له وقال:دي شركه كبيره ومشهوره اوي في مصر وانا قدمت ليهم المشروع الاخير بتاعنا ووافقو ينضمو كمان فلازم تمضي فورا علشان في منافسين كتير على الشركه دي
اخد عاصي منه الملف وفتحه لتتبدل ملامحه لضيق ثم راماه على الارض بغضب وقال:العرض ده مستحيل اقبل بيه يامصطفي مدام مع الشركه دي
مصطفي اخد الملف من الارض بصدمه لانه عارف عاصي اهم حاجه عنده ان يكسب صفقات مربحه زي دي دايما فقال:في ايه ياعاصي ومالها الشركه دي انت اول مره تعمل كده في الشغل مالك في ايه
نهض عاصي بعصبيه:انا حر في شغلي يامصطفي والشركه دي على جثتي اتفق معاها تمام وخلص النقاش هنا اتفضل شوف شغلك
بص عليه مصطفي بضيق وعدم فهم وتوجهه للباب بس وقف فجئه على صوت فونه برقم هو عارفه كويس ففتح بسرعه عليه
مصطفي بخوف:في ايه حصل حاجه هي كويسه
شخص الاخر على الفون:الحق ياباشا دي بتموت وانا اتصلت على الدكتور ياجي بسرعه بس مش عارف اعمل ايه دلوقتي في حالتها دي
مصطفي بصدمه:اييه طيب انا حاجي فورا خد بالك منها انا مسافه السكه بس
قفل مصطفي معاه وفتح الباب بخوف بس وقف على صوت عاصي
عاصي بعدم فهم:في ايه يامصطفي كونت بتتكلم على مين
مصطفي بتوتر وخوف:مفيش ياعاصي ده مشكله في الشغل حصلت بس عن ازنك دلوقتي سلام
خرج بسرعه البرق قبل ماعاصي يرد عليه حتي وعاصي قعد تاني بعدم فهم
عاصي بتفكير :ياترى مخبي عليا ايه يامصطفي انت كمان
الفصل التاسع
البارت التاسع
وفي نفس الوقت عند غرام جهزت نفسها بعد ماصلت فرضها علشان تروح لشركه الي قدمت عليها امبارح على النت بسعاده
غرام ببسمه: ماما انا حخرج اشوف الشغل بقى عاوزه حاجه ياحبيبتي
اجت زينب على صوتها وقالت: ماشي ياحبيبتي بس انتي اخدتي العلاج مش كده ياغرام
غرام قربت وقبلت ايدها وقالت: ايوه ياست الكل متقلقيش انتي بس ادعيلي اتقبل بس في الوظيفه دي ياماما
قربت زينب وقبلت جبينها بحب: ربنا يوقف في طريقك ولاد الحلال يابنت بطني وتتوفقي ديما ياحبيبتي
غرام ببسمه: امين يارب ياماما عن ازنك بقى علشان حتأخر كده
زينب: تمام وخدي بالك من نفسك كويس ياغرام
خرجت غرام من المنزل وهي تقول: حاضر ياست الكل
وبعد ساعه وصلت غرام لشركه وعلى وشهها علام التفائل وقالت: استعنى على الشقى بالله يارب وفقني يارب
دخلت وتوجهه لمكان الاستقبال ثم قالت:اسلام عليكم حضرتك انا هنا علشان الشغل قدمت عليه امبارح في الشركه دي
بص عليها موظفه الاستقبال في الشركه:حضرتك المدام غرام حسن محمود
غرام:ايوه حضرتك انا
الموظفه:تمام مكتب المدير في الدور الخامس في انتظار حضرتك
غرام:تمام شكرا عن ازنك
رحلت غرام الي مكتب المدير في الطابق الخامس بتوتر حتي وصلت الي باب المكتب وخبطت عليه بهدووء
:اتفضلي
دخلت غرام وهي بتبص في الارض وقدمت الملف ليه بتوتر باين على ملامحها
غرام بتوتر:اتفضل يافندم الملف بتاعي اهو
:تمام تقدري تقعدي هنا يامدام والا اقولك انسه افضل
انهى جملته فرفعت غرام نظرها له وقالت:افندم حضرتك انت تعرفني
عصام بخبث:طبعا يامدام غرام اتفضلي انا قرأت ملفك كويس وانتي مناسبه اوي للوظيفه هنا الف مبروك
غرام بفرحه وعدم استعاب:بجد يافندم شكرا اوي اوي
عصام بمكر:شكرا على ايه انتي تستحقي الوظيفه دي ياانسه غرام كده افضل مش كده
غرام من فرحتها مش مركزه كويسه في كلامه فمد عصام ايده ليها بخبث:نقدر نقول دلوقتي انك كسبتي الوظيفه هنا الف مبروك تاني
مدت غرام ايدها وسلمت عليه وقالت:الله يبارك فيك يافندم شكرا اوي تاني لحضرتك
نظر لها عصام بخبث وتخطيط لما هو قادم في المستقبل وقال:اتفضلي شوفي شغلك دلوقتي بره ياانسه غرام
خرجت غرام وهي تشعر بسعاده عارمه الان وعصام ينظر لاثرها بتخطيط جهنمي لما قادم لاحقا لها
ـــــــــــــــــــــــــــــــــــــــــــــــــــــــــــــــ
وفي نفس الوقت عند عشق كانت في حضن قاسم وهي نايمه فجئه اتفزعت من صوت الباب
عشق بفزع:في ايه مين بيخبط كده بس
قاسم بضيق:متقلقيش ياعشقي انا حطلع اشوف مين تمام
هز عشق رأسها وقاسم لبس تشيرته وطلع يشوف مين على الباب وبمجرد ان فتح الباب اتبدلت ملامحه كلها
:انت قاسم الهلالي
قاسم بتعجب:ايوه يافندم خير
الظابط قدامه قال:اتفضل معانا لو سمحت على القسم
قاسم:قسم ليه يافندم انا عملت ايه
الظابط ببرود:في بلاغ متقدم في حضرتك بتعرض لضرب شخص بشكل همجي فتفضل معانا بهدووء لو سمحت
قاسم بعد مااستوعب الامر قال:تمام حضرتك بس حجيب جاكيت بتاعي من جوه وجاي فورا
هز الظابط رأسه فدخل قاسم عند عشق الي بان على شكلها التوتر والخوف
عشق بخوف:انت حتروح فين ياقاسم وتسيبني هنا لوحدي
قرب قاسم منها وحاوط وشها بايديه وقال:مشوار كده ياحبيبتي بس وحرجع علطول متخافيش ياقلبي
نزلت دموع عشق لانه بيكذب عليها وهي سمعت كل حاجه حصلت بره فقالت:لا انت بتكذب انت حتتسجن مش كده ياقاسم وتسيبني لوحدي كمان وده بسببي انا بس
حضنها قاسم بعشق علشان تهدى شويه وقال:انا مستحيل اسيبك ابدا ياعشقي صدقيني حروح ومش حتأخر عليكي وعد ماشي بس بطلي عياط انتي دموعك غاليه اوي عندي
بعد عنها وقبلها في خدها فهديت شويه وفجئه سمع صوت الظابط من بره
الظابط بضيق:ياقاسم بيه كده كتير ياله حضرتك اتأخرنا اوي
بعد قاسم فحضنته عشق تاني وقالت:وحياتي عندك متتأخر عليا انا معندييش حد في الدنيا بعد ربنا غيرك انت بس
ضمها كمان قاسم وقال:انا مستحيل اقدر اعيش منغير عشقي اصلا وانتي ياعشق قلبي وروحي وحياتي وعمري ودنيتي كلها
بعد عندها بسرعه قبل مايضعف وعنيه تدمع قدامها وخرج وبعد ماسمعت عشق صوت الباب اتقفل من بره انهارت في الارض بدموع
عشق بدموع:ليه بس كده انا كل ماالاقي حد بيحبني ويقف جنبي ويحميني من الدنيا كلها تحصل معاه مشكله ويبعد عني تاني ليه بس قاسم لا انا مستحيل اسمح لشئ يضره ابدا انا بحبه اوي ومش حستحمل يحصله حاجه ابدا
مسحت دموعها وقامت مسكت فونها بسرعه علشان تطلب رقم الي حيساعدها دلوقتي حتي لو هي بتكره اوي بس حبها لقاسم اكبر من اي كره في الدنيا وو
ـــــــــــــــــــــــــــــــــــــــــــــــــــــــــــــــ
وفي نفس الوقت عند عاصي كان في اجتماع بين موظفين الشركه عن الصفقه الجديده بس فجأه رن فون عاصي برقم غريب فتجاهله عاصي بس رجع رن تاني فاخده يرد عليه بضيق
عاصي بضيق:الوو مين معايا
:ايه ياعاصي بيه كده متردش عليا من اول مره لا والله ازعل منك
عاصي بصدمه بعد ماسمع صوته:مين عصام انت وبترن عليا ليه يازباله اصلا
عصام بخبث:رنيت اطمن عليك واطمنك كمان على زوجتك اه قصدي طليقتك الانسه غرام
عاضي بغضب:انت بتقول ايه ياحيوان انت غرام ايه جابها عندك اصلا
عصام ببرود:مفيش ياعاصي بس هي محتاجه وظيفه وانا قدمت ليها وظيفه حلوه اوي عندي عاوز تعرف هيا ايه
عاصي بعصبيه:عصااام لو قربت خطوه بس من غرام انا حنسفك من على وش الارض انت فاهم
عصام ببرود وخبث:لا اهدي كده ياعاصي بيه تتعب وبعدين مش انا الي اقرب منها هي الي حتقرب مني وابقى افرجك بعينك سعتها باي ياصوصو
قفل عصام مع عاصي الي حيفرقع حرفيا من كلام عصام ده فضرب المكتب قدامه بغضب انتقض كل الموظفين منه وبعدها قال:الاجتماع خلص فورا كل واحد يرجع على شغله ياله
وفي لمح البصر كان كل الموظفين خرجو وكمان عاصي اخد الجاكيت بتاعه ومفاتيح عربيته وخرج وعنينه بتطق شرار ووو